麥上日光 (Closed)

Signature Austrian cheese bun 奧地利五層流心芝士軟包 $25台灣過江龍，好多人寫同講……自問要排長龍就吾想去啦，難得擒日去到因為臨收工冇人之餘仲有得買，當然買返個黎試下 用澳洲同紐西蘭cream cheese 加自家烘培而整成，肥指數係爆燈…一切十分軟身而淡淡芝士香。食落去好軟熟又香同滑…沒想到味道真的不錯，但唯一係包身偏濕，佢其實仲有其他包選擇，期待下次再去試下佢其他包款

下晝係尖沙嘴做運動，之前食個包都好。聞名已久，見唔太多人，一於一試。呢個五層芝士流心軟包真係不得了，拎上手已經感受到佢既份量，打開佢一睇，五層就見吾倒啦，但層芝士成兩寸咁厚，上面仲鋪左d芝士粉，未食齋睇已驚呆了!  咬落去成口都係cream.. 芝士層好軟滑，與其說是芝士其實更似(應該係)cream cheese, 有一點甜甜的味道。麵包薄而鬆軟，雖然底面加埋都薄過層芝士，但烘焙的香味仍無被掩蓋，與芝士餡互相輝映。 食左一大半，芝士層仍有成1cm ge厚度，可見佢份量十足，絕非內肥外瘦，雖然都真係幾濟下...$25一個，一點也不過份，買多幾個仲會平d tim。 淨係食呢個包做午餐已經飽曬，保守估計佢應該至少有一個成年人半日所需既卡路里。減肥？食完再講啦~

剛好路過人氣面包鋪 排隊的人不算多 只買了一種最有人氣的芝心包 的確不錯 性價比不錯 25元一個 個頭不心 用料十足 真心邪惡 兩人分享比較好 也試吃了幾種其他麵包 味道尚可 價格偏貴

<🌾麥上日光⛅️>蔓越莓乳酪包($2x)▫️麥上除左芝士包要排隊，其他包有特別通行🙈本身想食番🍓草莓豆豆，但個心又想試下新嘢，就揀左依個又有蔓越莓又有乳酪餡嘅包。感覺上乳酪餡無忌廉芝士咁肥🐷-麥上嘅包我覺得即食個外皮係好似法包咁偏韌，但如果番去搵個焗爐烤番熱，個皮就會變左脆👍好食好多。-依個包我分左3份切，一次食一舊。🌸焗完熱辣辣即食，外脆內軟，🌸蔓越莓酸酸甜甜，新鮮有水份，🌸內裡嘅乳酸餡呈紫粉色，應該混左少許莓嘅成份。🌸但味道食到甜甜地之外，無乜特別嘅味道。🌸質感比較稠身，似奶黃餡咁。整體上普普通通。

<🌾麥上日光⛅️>🌰五層流心芝士「栗子」軟包($25)▫️事隔幾個月又去回味下個🐷豬士包。12:00去到同樣都仲排長龍，熱潮不滅。排排下隊發現有隻新出嘅栗子味😂就轉左肽買新品試試👶🏿-外型同原味芝士包大致相似，表面係搽左栗子茸再撒糖粉嘅邊，起初以為係入面又有芝士餡又有栗子茸。原來得栗子茸，果然我諗多左。而只係栗子蓉入面混左芝士粒？見到有一粒粒白色嘅嘢。味道說真的好普通😞-栗子茸又無多到唧出泥。無芝士咁澎湃😫栗子味淡，幸好不太甜。食落有少少酸酸地。茸餡質感都軟滑綿密。但好味指數同芝士味差得遠。覺得美孚間多多賣嘅栗子包仲好食，價錢仲平一大折。。

早前已聽過芝士控朋友說這兒的麵包十分可口, 但要排上半小時卻令我遲遲未有心去試。今次難得有亞妹有興趣去排, 當然要搭單買一個試試。我便選了這兒的皇牌五層芝士軟包 ($25)初時覺得二十多元一個麵包都幾貴, 雖然內裏塗滿CREAM CHESSE。咬下去發現麵包質感鬆軟, 可吃到小麥香。是真正有"存在感"的, 不是連鎖店那些"空氣包", 吃完都不覺有吃過東西。這個CREAM CHESSE 的味道亦很像CHESSE CAKE, 帶有少少檸檬酸, 少少甜。初時以為吃起來會很膩, 但不知不覺真的可以一口氣吃掉大半個。雖然我是買了後第二天才吃這麵包, 還要是沒有再烘熱過, 但味道仍然幾好, 相信即買即吃熱熱地又會有另一種滋味。坦白說, 麵包味道真是很不錯, 值得一試。 但價格亦定得十分"進取", 如果加上要排這麼久(其實長時間排隊的問題在於收銀的程序), 會否繼續有這麼多熟客支持, 那就值得商榷了。

奧地利麵包品牌於亞洲區第一間分店, 傳統方法烘焙及用天然酵母發酵，每日限量800個。新開店要排長龍，我就等放工時間去，等左20分鐘就買到。奧地利五層流心芝士軟包 一個個包好，攞上手仲好軟～～～$25一個 其層只係兩層cream cheese +麵包變五層 一打開有好香芝士+淡淡檸檬味，芝士味唔太濃幾啱當早餐👍🏻👍🏻雖然$25有啲貴，但愛cream cheese嘅人點都要嘗試一次～～～

冇諗過買個蛋糕要15分鐘!! 仲要係舖頭入面唔多人, 又唔駛排隊order & 比錢 揀蛋糕同比錢都只係用左1分鐘, 其餘14分鐘就係等4位妹妹員工PACK我嗰1個蛋糕.唔知係咪開業到宜家得我一個買過原個裝蛋糕, 所以4個人推黎推去, 唔情唔願, 大家都唔想幫我PACK個蛋糕, 彷如個蛋糕係炸彈黎咁, 仲爭D推跌個蛋糕落地.由於比預期時間等耐左所以一到手就即時9秒9閃左, 出到門口再望到個蛋糕先發現, 蛋糕周邊&面都花左+盒內3邊都HI到 (見圖), 如果唔係趕時間一定返轉頭比番個經理睇.  之後唯有自己動手遮遮掩掩粉飾下, 唔想比壽星睇到~講番蛋糕質素, 宇治抹茶紅豆慕絲蛋糕, 係幽幽既抹茶味, 即唔係抹茶控杯茶; 紅豆慕絲冇紅豆粒亦食唔出紅豆味但竟然有黑芝麻味; 整體唔太甜但CREAM略多, 唔知係本身舖頭雪櫃唔夠凍OR經歷14分鐘PACKING OR 本身設計係咁, CREAM唔廷身少溶.

之前要排一個鐘隊才可買到, 來自奧地利的流心芝士包, 原來於平日的午飯時間就垂手可得。 亦基於之前一日限售500件, 現在加碼到一日800件, 要食變得更容易。 今次家姐給我買來芝士粉絲必吃的流心芝士軟包。 一個售價$25, 買4個$90, 慳回$10之餘(其實是計婆仔數, 哈哈!), 更可以分甘同味。五層流心芝士軟包以為一個來自歐洲的芝士包定價$25個偏向昂貴, 實體原來比想像中還要大, 用透明膠袋包裝。Cream cheese多到佈滿麵包兩旁, 芝士香味不算太濃, 不過麵包非常鬆軟帶麥香。用微波爐翻叮熱大概30秒後芝士變得更香濃, 麵包質感更軟熟。 叮熱後的cream cheese像溶岩般湧出來, 符合流心的效果。 但亦因為太澎湃, 使層次不太分明, 看不出有5層的分別。叮熱前:叮熱後:Cream cheese帶有微微的檸檬清酸味, 更能提升芝士酥香之餘, 令芝士膩口感減低。 變成流心的芝士更輕盈細滑, 雖然份量多, 亦不覺膩, 加上鬆軟麵包帶濕潤感 好好味, 很邪惡但亦很滿足!香港店就是這奧地利麵包品牌於亞洲區第一間分店, 標榜以傳統方法烘焙及用天然酵母發酵, 而麵糰發酵所需的時

After seeing an abundant amount of pictures on social media, I finally tried this Signature Austrian Cheese Bun which tasted like layers of Japanese cheese cake stuffed into bread. It was faintly sweet and not bad at all but totally not worth it if I had to line up for it which seems to be created by this rule that they have by only selling 15 pieces per every 15 mins...

幾個月前麥上日光新開，當時完全唔需要排隊，而且五層流心芝士軟包切好哂一粒粒任試。前幾日再度前訪，買芝士包嘅人龍已經排到街尾，睇嚟短時間內都唔會有機會再食到。食唔到芝士包，唯有買其他產品試下先，紅豆抹茶千層慕絲($36) 大概有15層，中間有忌廉、抹茶蛋糕、同紅豆。呢個千層蛋糕整體感覺比較厚實，無咗一種入口即溶嘅輕盈感，抹茶味比較淡，蛋糕上面鋪咗一層抹茶粉，整體食落紅豆忌廉味會蓋過抹茶味。《季節限定》嘅 沖繩紫薯公主($32) 雖然紫色係好靚，但係一個麵包$32真係幾貴，唔算好大個。紫薯餡都比想像少。話雖如此，但味道其實不錯的。麵包鬆軟帶甜味，選用日本沖繩紫薯，食落甜甜的，而且仲食到少少奶味/奶皇味，紫薯控可以一試。 

周六在尖沙咀吃過美味的午餐後下樓，捧著滿滿的肚子走在那繁忙的街道上，突然想起早前曾到訪但無緣一試的芝士包，今天見那人龍不算長便排隊試試；因麵包出爐的數量有限，明明前面只有大約十數人，但也花了接近二十分鐘才能買到，比想像中需時。五層芝士軟包 $25麵包外表粗獷，厚厚的芝士醬就這樣不規則的塗在切面上，將它切開一半見到內裡還有兩層夾心芝士，滿懷期待的放進嘴裡，咦！？甜的！？起初還以為會是像Brie/ Camembert那種鹹鹹軟滑的質感和味道，和期望實在有點落差，整體就像自己瘋狂地搽超市也能賣到的芝士醬而已。多口的問店員怎樣才是最好吃，她說不論冷熱或室溫皆有支持者，我們就姑且試試把它放進雪櫃/常溫這兩種吃法，個人認為雪凍像吃忌廉芝士，感覺沒那膩，還是試一次便夠。

在一直看到不少人大讚麥上日光的奧地利五層芝士包，看照片就已經覺得很好吃，但一直提不起勁跑去買。最近去了他的店，因為除了芝士包外也有其他想吃的款式。 他們的麵包標明以天然的成分來做的，最近做麵包的食安問題嚴重，看到這樣的保證就覺得安心。除了麵包這裡也有生日蛋糕跟件裝蛋糕。 芝士千層蛋糕濃而不膩的芝士，千層皮不乾，如果放室溫吃會比較好吃。 草莓豆豆 / 瑞士朱古力 / 摩卡咖啡這三款麵包都是香氣十足的麵包。他們不像日式麵包這樣鬆軟，但吃起來麵包香濃郁，每個麵包都有本身口味的味道。我跟我家人分吃的，我吃最多的是巧克力口味的，裡面是流心，有很澎湃的巧克力漿，不太甜，愛巧克力的朋友一定喜歡。 奧地利五層芝士包吃過後就知道這麵包為什麼這麼受歡迎。看到白白的芝士其實是忌廉芝士，就像吃芝士蛋糕的那種，但質感較輕身，吃完不會覺得膩。加上外面的奶粉，整個麵包就是奶香十足的好味道。 沖繩紫薯公主這時期間限定的麵包，漂亮的紫色是以紫薯染成的。中間有很大塊的紫薯，取代了麵包的一部份，更高纖維，吃起來更健康。

突然間有芝士嘅食物及菜式向香港hit到無朋友，但總有人唔係幾好！不過人總係好衰，雖然唔好，有時見到啲人咁擁躍去排果條隊，又想試下，我心就會問：唔駛咁誇呀⋯⋯唔買呢款包得唔得呀！原來係得嘅！我就揀左南瓜BB，一個好重嘅包，唔似某西餅嘅麵包咁輕飄飄！內裡饀係南瓜蓉加芝士嘅合體，味道恰到好處，雙方都無奪對方嘅味道，後一半仲叮熱，暖暖地仲好味！

自從轉了工作地點後，便很少遊走九龍和港島地區。還在舊公司時，一有空便遊進不同的咖啡室放空，讓腦袋嘆一個下午。現在較難捉到這些機會，但新公司新環境令我成長了，有失別有得。魚與熊掌……因此，我時時提醒自己要知足，不可輕易抱怨，要常感恩。難得早放，便到尖沙咀修一修剪煩惱絲。碰巧salon與麥上日光正正在同一條街，途徑時約下午2：45，有約8人在排隊。本想等一等，但可能過了預約時間，便放棄了。剪髮後，發現只有3人左右在等候，而且每隔15分鐘便出爐，應該很快輪到我吧。約5分鐘便可入內購買芝士流心包了。沒有開初的優惠價了。定價的確有點高。＄25／件，＄90／4件。我買了4件與家人分享。室溫：一買了便忍不住吃了一口。的確有很濃很濃的忌廉芝士味但不會過重，亦不會太膩而且有點點清幽的檸檬香在後。回家之後，把其中一件放入雪櫃留作第二天早餐。把雪了的分開一半，1／3凍吃，2／3當然放進焗爐！雪：雪了後，芝士味大大減弱，而且包的質感也相當較差。始終是麵包而非蛋糕，雪後包的鬆軟質感完全失去，只剩淡淡的芝士味道。吃罷沒有太大翻吃的衝動。焗：這個絕對是最最最最最美味的吃法！！其實翻焗麵包有一個重要的要訣，就是把牛油