麥上日光 (Closed)

麥上日光已開了一段日子,相信現在不須排隊了,係時候去潮聖吓喇^0^近期更新鮮滾熱辣推出新口味{五層流心芒果芝士軟包}$28/件,$100/4件限量每日300件,好鬼吸引呢,好彩這下午還能買到啫yeah~店內還有不少包類都十分有睇頭,尤其那紫薯包顏色很美,不過今次主要想試五層流心軟包,唯有下次有緣再試啦!!除了芒果味當然亦買了原味芝士啦!當晚先吃{五層流心芒果芝士軟包},連車車也好奇又想吃呢!!我哋選擇凍食,包身好鬆軟,芒果芝士餡味道平衡得剛剛好,先會品嚐到香甜芒果味,再來便是芝士鹹香味好過癮,連奄尖的車爸爸也極之喜歡吃喔^0^事隔一天從雪櫃取出{五層流心芝士軟包}$25/件,$92/4件,這次我將芝士軟包切半,一半凍吃另一半拎去叮熱來吃~左面叮熱後明顯帶流心狀態,包身依舊軟熟,而芝士味挺濃多吃會比芒果包漏,但凍食反而好有驚喜喎,麵包沒有因為冷藏過而變硬,芝士餡更沒那麼膩呢!連小心肝也十分有興趣呢!好啦請您吃DD包啦Haha~

五層流心芒果芝士軟包....繼上次食過五層流心芝士軟包後！今次出左五層流心芒果芝士軟包呀！今日買左2個呀！當然又係同朋友分享😌我一撕開佢！其實已經知道係十級邪惡既食物🙄忌廉芝士杰杰咁流出來...佢係將新鮮芒果蓉加入忌廉芝士中，食落好香既芒果味！有少少酸酸甜甜既味道...雖然咁樣流心但一啲都唔覺得漏...最好同朋友開心share一個！因為都幾大個架！我覺得哩款好味過原本既五層流心芝士軟包呀！試左出爐即食既味道 試下凍食！入面既流心雪凍左都幾好味！好似食緊雪硬左既芒果芝士蛋糕咁但面包就會比軟硬同埋乾身！個人覺得相比下係出爐即日享用好味啲！-店舖建議食法：最佳食法： 就係出爐當日於室溫下享用另類食法： 就係放係雪櫃內冷藏，口感就好似芝士蛋糕雪糕咁另類熱食法： 以焗爐或微波爐加熱 流心芝士會好似溶岩咁爆出黎

岩岩經過見到有七八個人係度排對，應該差不多時間出爐，於是又排埋一份！ 好好彩，唔晒五分鐘就有。雖然係新鮮即整，但拎上手係室溫，咁大個買一個同屋企人分享。食落其實無咩特別，完全無流心，又食唔到咩層次，似食cream bun 一樣，好軟好creamy ! 值唔值得排隊，就真係見仁見智 !

25元一個芝士包是我鄭重推介系列小店麥上日光天天有條人龍!!!!而且而家仲買4個收少10元非常合理法則本來天天排隊熱潮一過可以趁低吸納！最新芒果味芝士包28元一個100元4個繁忙金馬倫道上麥上一片陽光滿了奧大利氣息的招牌 裝潢统一風格格調沈靜優雅大部分面包十分之好吃長期排隊威水指引26元的小小紅蘿蔔包芝味極濃郁

見網路上瘋傳芝士軟包既宣傳同試食，我終於都忍唔住去排隊試下要買軟包就一定要係店外路邊排隊，搞到我想睇其他麵包款式都唔得！排左大概15分鐘左右啦～終於入倒去買包佢有指引話1. 室溫8個鐘之內食 2. 放入雪櫃變芝士蛋糕咁食（2日內）3. 焗溶佢再食最後我地都係揀左溫室食依個大熱芝士軟包第一啖！哇！煉奶甜味既芝士幾好味！但個包好厚實同乾身但結論係我地都覺得25$算係咁，無話好震撼既味道！只係煉奶芝士味讓港人受落味試過係值得試一次既！但兩個人分個包會好d無咁膩！除非你餓到不得了啦

昨天還收到好友的日上麥光 五層芝士流心軟包，順理成章變成今天早餐：芝士間麵包再間芝士，層次豐富令人想起五花腩！成品鬆軟可口，雖然未見流心效果，但也的確幾美味。沒錯甜魔媽媽很愛吃芝士，貪其美味之餘又有豐富鈣質；不過其實忌廉芝士的脂肪遠比鈣質豐富，間中一吃好了；長氣的媽媽順便提提各位姊妹，記得每天都要好好補鈣啊！最後，見到這包更開心興奮是為食兩兄妹。想看他們的為食樣子，可到甜魔媽媽的網誌啊～

其實本身對呢個包冇咩認識（好outdate呀）但就成日見人排哂長龍咁...今日經過冇人排隊，終於可以買個黎試下！$25 有1/4個芝士包，聽落好似有d貴，不過其實都幾大個！袋入面有教大家不同食法，第一次食當然就咁食試下先啦！芝士味超級香濃！芝士有成個包既2/3咁多！真係啖啖芝士最重要係香濃得黎又唔會好'漏' 因為芝士味香濃但唔係重味，流心既感覺你會好想一口一口食哂佢$25 一個包唔算平，但咁多芝士我就覺得worth ! 感覺會再買黎食

麥上日光由開張到宜家都係長期人氣一到星期6, 日放假日子就會有一條長長人龍排五層芝士流心軟包今日平日3點左右, 黎緊見到無人排就問下店員店員話宜家唔洗排, 佢話岩岩出爐即刻有, 咁唔洗排又即刻有緊係買咁就買左一個試, 買完店員就俾左個號碼牌我去鋪頭最入度拎包基本上佢都包好, 打開入面有一張宣傳紙教你點食佢地建議最佳食法係趁新鮮食咁我唔輸蝕當然都係趁新鮮食但佢可能新鮮所以d芝士重係溶既, 但包身已經唔熱但芝士好多都流哂係個透明袋度, 有d浪費左, 如果用張紙袋好似puff咁裝住更好又環保然後食落其實佢唔會話好流, 但食落我自己覺得就無太大芝士味, 我諗佢地既噱頭只係大量流心既芝士包我個人唔覺得最佳食法係趁新鮮食, 可能雪凍似cheese cake既口感會較適合我.如果唔洗排隊都可以食下, 但佢未值得我浪費時間排隊食.

早排吹捧到上天既五層芝士流心包，每次見到人龍都知永遠賣比頭幾個人之後，就已經sold out某一個落完大雨的早上路過，完全不用排隊的情況下有貨，拿拿聲付上$25先講個包既設計，真係非常「呢hea」，外面兩側既橫切面都會塗上cream cheese, 再印上bread crumbs。一拎出黎cream cheese 已經high到周圍都係，一邊麵包會完全冇filling, 一邊多醬到爆。有冇五層就唔知，因為一拎上手食已經變形。包本身唔得別好食，cream cheese味道普通，係偏甜口味。其實只係一個普通軟包加cream cheese, 感覺自己落超市買一盒cheese塗十個湯種軟包自製都可以。除左呢個主打，有其他款好似紫薯、香蒜，d 口味完全台式，真係奧地利品牌？如果要廿幾三十買個包，可以有更多更好選擇

哈哈, 之前佢岩岩開店時, 真係日日被洗版, 其實我係第一時間去左食了, 因為我公司就係佢附近!!今次就SHARE返個食評先!麥上日光是用天然酵母來做麵包, 會比較健康架!當然本身都真係幾好味~~ XP最火熱的奥地利五層流心芝士包係用左澳洲及紐西蘭的cream cheese~新鮮出鑪時真係超級香芝士味! 仲好軟熟! 咬落去超滿足!放雪櫃隔左一晚再食都仲有芝味, 會無咁膩, 好似軟CHEESE CAKE咁!但我會叮返熱少少食, 都係流心感正D!!!!‬瑞士朱古力流心包其實我覺得呢個係最好食!!!!!好似食緊心太軟咁~~ 好濃郁既朱古力味!!!唔會太苦同太甜, 岩岩好既味道, 好中意呀!!!!紫控的朋友一定要買呢個冲繩紫薯公主‬, 超正紫薯味, 用了日本的紫薯架!中間仲見到紫薯蓉添~枸姑娘 - 有枸杞, 提子乾, 黑白芝麻, 五穀等唔會有好大陣既枸杞味, 反而幾甜, 仲好好口感! 因為有好多NUTS!呢款堅健康!!洛神花星星‬ - 好靚! 同埋好少見用洛神花來入饌做麵包!洛神花好養生架! 佢有豐富維他命! 餡料仲有綠豆蓉同红棗, 好養生呀~~洛神花味道有少少酸, 但加左甜甜地既綠豆蓉又幾M

歐洲麵包店的格局 令我好有走進另一個國度既感覺聽聞佢有個芝士控必試的麵包 所以走過都要望一下就係呢一個喇 「奧地利五層流心芝士軟包」個名真係邪惡到一個點...舖內其他包都好吸引 但份量係偏大個 唔會好似平時食開個啲咁細個最終...屈服了 媽呀!!! 五層流心真係毒到不行 忍唔住手就要左一個 仲要流住口水仲有一張隨包付送既食用教學 好細心!!!凍食軟而綿似芝士蛋糕熱食流心爆芝 怪不得要咁大SIZE 如果唔係點樣食幾種口味兩隻手掌咁大既size 哈哈 真係食完即係要跑返十萬八千里先得喇未拎出膠袋已經聞到一股好強既芝士味當係雪櫃拎出黎 一手掂到個包時已經知道佢係勁軟綿綿佢中間佈滿左芝士 香而青淡既芝士 唔係用上極度重口味既反而可以令我食多幾舊唔會有食滯既感覺 一咬落去 兩邊芝士會咇晒出黎 好軟好軟 好滑.......哈哈!!!真係好似赤手拎住個芝士蛋糕咁係咁食食食下 唔記得要熱食.....唯有下次再試啦

來自奧地利的五層流心芝士包，一直都是社交網站的熱話。開業半年以來人氣不減，聽說要排隊才能購得，真是一包難求。下班後來到店前碰碰運氣，對這種排隊熱店一向敬而遠之，只是麵包結合澎湃芝士確是令人難以抗拒的。傍晚六時到店，麵包架上只餘下數款麵包，而五層流心芝士包則餘下最後十二件，不是新鮮出爐的關係包身只帶微暖，難得的是不用排隊，真走運。買下三件五層流心芝士包($25)與同事分享，麵包以紙袋盛着，拿上手沉甸甸的甚具分量。當晚先與老公品嚐一個，放在焗爐微微翻熱後，包身稍稍鬆軟一點，流心效果卻不算突出。五層流心芝士包外表平平無奇，外層是薄薄的甜味軟包，鬆軟度不高，口感較為實在。說是五層芝士，內餡的層次並不明顯，但可以肯定的是那忌廉芝士十分澎湃，第一口味道意外地酸甜不膩，芝士尼忌廉軟滑之餘芝香極濃，帶檸檬乳酪的味道，加上包身的香甜，感覺像在吃乳酪甜點一樣。不過要獨食這種甜包還是會膩，看來二人分享會較佳。與同事分享此五層流心芝士包，反應兩極。喜歡芝士的享受它的濃厚芝士內餡，雪凍享用更像乳酪甜點。也有人嫌棄它太甜太膩，外表平凡。個人認為這五層流心芝士包確是風味獨特，是芝士美食當中較為有特色的，只是定價偏高

《 麥上日光 》食左奧地利五層流心芝士包，$25個，味道算不錯喎😬芝士味偏向香甜，幾creamy，少少過膩，麵包質感唔錯，個包既甜芝士都幾多份量，食一個夠晒數😄都幾鍾意食，但我嚟講始終有啲過甜🙄唔洗排隊買，好開心，原來個包係唔會熱騰騰只會係凍既，整體未去到令人驚喜既地步但不錯吃應該會想偶然再買嚟食滿足一下心癮，但如果要排隊就打死唔會食😬完

邪惡的東西總會有令人着迷的地方號稱全香港最邪惡的五層芝士包我呢個芝士控又點可以吾去會下佢呀！奧地利五層芝士包我開頭以為是熱食的但到手發現原來是常溫的流心餡是用兩種不同的芝士製造甜得來帶少少酸味令人冇甘易膩！麵包鬆化加埋外層的芝士粉！我終於明白佢邪惡的地方了！就係好味到食完一個吾夠喉！會想再食（但個麵包吾細個架）買邪惡芝士包先要排下隊買其他包可以直接入去不過今次有試其他包下次要試下先得

今日Tea Time 終於食到麥上日光的招牌麵包-奧地利五層流心芝士軟包！今次我係食前先放入雪櫃雪凍左，個麵包凍凍地幾好食，而且麵包嫩滑軟熟。但重點係中間個層芝士真係超厚，好邪惡，食完真係有啲罪惡感！但味道真的好食，芝士味極濃，啖啖都係芝味，就好似食緊一舊芝士咁，但唔係好甜，所以唔膩，好正！因為我係雪櫃雪過，所以個芝士有啲凝固，而且凍凍地，似食緊雪糕蛋糕，口感好幼滑！夏天咁食好正！