炯記餐室 (美麗閣)

Open Now

Now Closed

鍾意食呢度因為座位闊落，服務好，好impressive係一坐低，未點菜，職員已送上兩碗例湯，我係超級鍾意飲湯，佢未知我嗌乜已免費送湯，實在太好了。我叫义燒飯永遠要加隻煎蛋，呢度已設定好有煎蛋，唔洗另外加，真好～ 幾片叉燒加隻荷包蛋，已令人好滿足，誰想到平民美食有如此魔力？個蛋精粹仲要係半熟，流心d金黃蛋汁流出黎，包圍著每粒米飯，再加啖啖肉半肥瘦叉燒，超正～「平民的浪漫，點少得黯然銷魂飯」！！另外一讃鍾意呢度叫乜燒味都大大份多肉，齊集叉燒、燒鵝、燒腩等多款燒味，且件件厚切啖啖肉，出手可是相當大方。雙拼燒鵝燒肉飯，燒鵝皮脆肉嫩，燒肉好味，燒肉皮都係鹹香酥脆。打手撕雞腸粉，加上秘製辣醬汁，雞肉非常入味；雞腸粉即叫即做，腸粉淋有芝麻醬和芝麻，腸粉薄身惹味。真係抵食，有質素，大大份食到飽。

春天一定要吃一碗燒味飯喔新鮮餐廳炯記除了燒味為素食海鮮控的客人準備了冬菇蝦籽特別版拌面- 冬菇並非大大顆咬不斷的陳年冬菇 是迷你的小冬菇碎蓋滿整碗麵 加上濃濃蝦子的味道 超級香濃這碗麵本身沒有辛辣味 餐檯上有一罐店舖獨家辣椒醬有別於一般茶餐廳只有油味沒有靈魂的辣椒醬這一罐好辣 還有xo醬的香味超級吊味雖然沒有肉食也是一碗營養足夠的主菜了- 開胃小菜也有冬青瓜海蜇 辣度很輕微 不吃辣都可以試試- 麻辣私房調味雲耳作為一間在地的燒味店 飲料單有傳統 奶茶 檸茶 咖啡 有朱古力味阿華田x胚芽可供選擇而且飲料溫度可以自選喔（不喜歡冰飲料要提前跟店家講好- 收拾餐桌的姊姊講話很大聲 但好熱情會再來喔餐廳的

這家店的燒鵝飯我已經吃過好多次了很好吃 餓很嫩而且皮的油脂很香 桌上有辣油和梅子醬可以自己加很好吃。叉燒也是外皮有一點焦焦脆脆的很嫩很好吃。搭配他的蔥油一起吃很下飯！

炯記餐室 (美麗閣) (北角).▪️炯記燒鵝瀨粉▪️.燒味瀨個人認為係其一非常港式食品，瀨粉係出面茶記可能都未必成日有。呢到嘅燒鵝個皮微脆💜.▪️脆皮燒腩仔撈粗▪️.呢到嘅燒腩仔勁好食，切得啱啱好size易入口，皮勁脆咬落卜卜聲，鵝油撈粗充滿醬油味.▪️麻辣手撕雞腸粉▪️.手撕雞貪心叫咗麻辣，真係辣左啲🤣但係配埋腸粉嗰啲一齊食，如果嗰日唔想食飯或者面食腸粉第一個好正嘅選擇！.▪️鵝油生菜🥬▪️$18跟個菜食下！.📌 炯記餐室 (美麗閣) (北角)北角英皇道376-380號美麗閣地舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

位於北角嘅炯記燒味，望落比一般燒味餐廳新式啲，餐牌亦比起傳統燒味餐廳有更多選擇除左傳統嘅燒味飯，炯記比較特別有 "太子鵝油撈麵"粗麵撈左豉油，就咁食都唔會覺得味道好dry~ 鵝油十分掛麵，令到麵質變滑，令人一口接一口！我今次就同友人各自配左煙燻燒鵝同埋麻辣手撕雞~先講煙燻燒鵝，鵝味充足，肥瘦得宜，有少少肥膏但又有肉咬下~唔知有冇人同我一樣中意食燒鵝嘅皮多過肉，炯記嘅燒鵝皮仲保留左少少脆嘅口感，配埋酸甜汁十分惹味另外麻辣手撕雞一睇就知唔惹少，辣味比起坊間嘅麻辣手撕雞更加勁，但咸咸辣辣反而令人慾罷不能雞絲普遍都幾大片同嫩口，撈落鵝油撈麵別有一番風味~去得燒味店就當然要食埋叉燒啦炯記嘅醬王叉燒（例牌）大大嚿，仲係可遇不可求嘅半肥瘦叉燒！ 肉質爽口，有燶邊得黎亦有醬油同蜜汁嘅甜味，係高質嘅叉燒食左咁多肉，我地就叫埋鵝油菜心消下濟比起一般白烚菜心，加左鵝油嘅菜心多左一陣鮮甜味，味道冇咁寡~ 雖然加左鵝油，但唔會好油膩自己係屋企比較難整到鵝油菜心，係度食下都唔錯！頭先講到麻辣手撕雞都幾辣，所以我地都叫左杯阿華田雪山飲~其實係阿華田特飲加咗麥芽係面，唔係好多地方可以飲到，配埋中式燒味都幾有趣！中意食

收工去咗北角炯記簡單食個晚餐，返工做到個腦都實晒，唔想諗嘢，叫咗個二人餐。$198食物上枱的時候有點驚喜，因為沒有想過二人餐份這麼多，應該每樣食物跟散叫是一樣份量。沒有因為套餐把份量減少。麻辣手撕雞，不會太難，味道剛剛好。冬菇醬皇豬手：豬手炆得夠淋，又入味，係冬菇細粒些，豬手好多，大概有5隻。酸辣雲耳：很爽口，酸酸地好開胃盬焗雞腎：這個鹽焗味道略嫌不足，下次再試會食麻辣。太子撈麵：這個超級好吃，一定要試！另外仲送咗兩碗例湯，估計例湯沒有味精，因為吃完沒有口渴的感覺，同屋企煲的湯差不多。二人套餐可以選凍飲或特飲不需要加錢，我試咗個鹹檸七，鹹+甜，好正！上菜速度快，店員爽手有笑容，很多街坊幫襯，豬手我叫完之後就已經賣晒，而且很多人買燒味外賣，質素應該都不錯。總結：做街坊生意，抵食又大件，味道唔錯，值得支持。

大件夾抵食嘅燒味呀😚店員態度好好，價錢好親民，仲有靚湯飲添。 醬皇叉燒 $78食燒味一定要試叉燒。呢碟份量超足呀😚叉燒肉香濃入味，燶邊勁好食，肥瘦啱啱好，醬汁有咸甜嘅味道，真係好好食。 絕味沙薑雞瀨粉 $60啲雞肉好嫩滑，加埋啲瀨粉口感好好好入味，湯底又勁香濃郁，沙薑配埋少量芫荽嘅香味，同雞嘅脂香好夾，好開胃。 脆皮燒腩仔米粉 $55啲燒腩仔好香脆，唔會太鹹。米粉同燒味係絕配，好滿足呀。 凍檸蜜 +$5加杯凍檸蜜竟然都只係5蚊，冷熱同價超抵呀，清爽解渴，好飲。

呢度附近上完堂，想食燒味，見未食過炯記，所以試吓。入面座位闊落，職員服務好好同好人，唔嫌我地麻煩一時加單又改單。貪心嘅我，乜都想試，最愛食燒鵝，燒豬，但又想試埋腩叉，所以叫哂三様同同學share食。叫咗個秘制煙燻燒鵝飯，個皮好香口，又多肉，配埋個酸梅汁帶出香味，而且又有豐富濃郁的口感，令個燒鵝嘅味道得以昇華。另外叫個雙拼，燒肉同點少得皇牌腩叉，腩叉配佢自家嘅秘制醬皇好好味，半肥瘦好平均，肉質外脆內軟，火喉啱啱好，同埋佢都俾好多肉你又切得厚，絕對唔會唔夠食唔夠送飯。燒肉如期望卜卜脆，肉質並唔會乾巴巴，又係大大件多件，所以兩個人食好夠飽。另外我地仲叫咗個菜，竟然係冬菇配生菜，少有可以咁樣有冬菇。食咁多嘢咁飽，但價錢都好親民，值得encore！！

因為時間緊迫，唯有揀一間附近名物燒臘店光速食，然後趕去工作。餐廳細小、職員都人如其名地炯樣、餐具唔乾淨，環境又熱又焗。本來第一感覺已經不太好，之後出錯食物又錯做成外賣盒。店員年輕小姐仲要調轉兇我，鬧落單呀姨。跟住自己睇返張單，發現自己惡錯人係若無其事，搞到我哋都好無辜。食物方面 - 雙拼叉燒配切雞米粉︰公平地說，估唔到好好食喎！半肥瘦叉燒加上自家蜜醬汁超入味，咸甜適中。叉燒肉味香濃質地又鬆軟，未咬已經一絲絲肉散開。掛汁超下飯，後悔點咗無味水煮米粉。切雞特登叫雞胸肉，黃油雞皮同脂肪勁香，連胸肉都可以做到肉質滑溜，認真不簡單。同叉燒一樣惹味，名符其實燒臘老手。附送無味精雞腳紅蘿蔔花生湯︰花生紅蘿蔔用料足，淡淡（真係好淡）雞腳雞皮香，但其實鹽都無落就似雞腳水一樣。總結︰食物質素拉返性價比，如果唔飲碗例湯、唔介意家有惡人大小姐，絕對物超所值。

呢間專食燒味嘅茶餐廳性價比好高✨各種燒味都好新鮮，而且可以配麵或飯.▪️炯記煙燻燒鵝飯(轉瀨粉)送粉葛湯($60)燒鵝皮脆肉嫩，外表有光澤，咬落有肉汁真係燒得好好食😋瀨粉唔會煮到好淋，而且冇斷開 好容易夾✨湯底有鮮味，所以唔使額外落調味都好好食另外餐廳提供嘅辣椒油都幾辣 越食越惹味粉葛湯音樂應該冇落味精，因為飲完都冇口渴真正老火湯💯▪️炯記四寶飯(手撕雞、豬手、叉燒、紅腸)(轉米粉)送粉葛湯($60)手撕雞嘅鹽焗味好香，食到停唔到口🤣大大舊豬手煮得好淋 滿滿嘅骨膠原~叉燒好厚身，燒到令立立✨但相對較為鞋身4塊紅腸就正常味道米粉亦冇煮到好淋身 唔似其他餐廳會煮到斷晒所以每一啖都可以連續咁食🤤▪️凍檸茶(+$5)唔會好澀又唔會太甜呢杯凍檸茶味道真係啱啱好🤩▪️凍奶茶(+$5)奶味較重茶味相對唔會太多，但都飲到有茶味.✍🏻整體:平時好少去餐廳食燒味飯嘅我都覺得呢間可以再去食🤩💯煙燻燒鵝套餐真係超值，因為除左燒得好靚好大塊仲好新鮮✨每碗飯面上面搭埋菜心真係好有誠意✨.📍炯記餐室北角英皇道376-380號美麗閣地舖

炯記餐室北角英皇道376-380號美麗閣地舖G/F, Mary Court, 376-380 King's Road, North Point廣東最偉大的飲食, 而我又最愛吃的表表者, 一定屬廣東燒味了, 因我是食肉獸, 而燒味款多口味又眾多, 是不少香港家庭加餸與日常生活的菜式, 只要落街就買到食到。$40 海蜑燻蹄，麻油同鹽香，燻蹄皮彈牙，仲好抵食。$28 鹽焗雞腎，仲有麻辣，要了鹽焗雞腎爽中帶腍，好食，洗得乾淨。$60 煙燻燒鵝飯，啖啖肉，燒得通透皮很香,咬下再加皮下的鵝脂肪香。白米飯淋了豉油，男人的浪漫。$40 鹽焗手撕雞腸粉，多醬是食腸粉必需的,雞肉很多，簡單好味融合了香港街頭小食腸粉。Cp值超高燒味店

想食燒味，都係去番炯記，價錢公道，食物有質素，性價比甚高的港式燒味餐廳。其中燒鵝、叉燒和豬手都有水準，下午茶時段同樣有供應，抵食。（例）醬皇豬手（$68）六件豬手大大隻，肉厚入味，未至入口即化，但夠腍滑。（下）燒鵝瀨粉+餐飲（$43）煙燻燒鵝皮脆肉香，脂肪不多而甘香，必食之選。（下）叉燒煎蛋飯+餐飲（$43）叉燒肥瘦均勻，燶邊肉嫩，高質素。白飯粒粒分明，不會太軟，配叉燒汁一流。冬菇扒生菜（$20）冬菇細細粒好入味。

適逢今日在北角工作，剛好想食燒味，今日試下炯記啲燒味入到黎 ，睇到餐牌，你就唔會想食傳統燒味，因為呢度有鵝油撈麵，係我最愛既鵝油撈麵四寶太子撈麵呢度既鵝油撈麵麵底係一樣，麵底麵係生面粗面，爽口彈牙，濃濃鵝油香蠔油味，慾罷不能豬手炆到皮軟肉爛相當入味叉燒望落好肥，其實係半肥瘦，入口出奇地冧滑 高質之作同行友人叫左手撕雞撈試左佢幾舊手撕雞，肉質有咬口，有雞味，即刻唔諗咁多，叫多左個手撕雞小食，再加個菜兩個人埋單都係百零蚊 價錢亦都唔算太貴，下次可以再戰

到咗糧尾, 又想食得好D,我就會去炯記先黎個冬菇蝦籽撈麫,少了點鵝油撈粗嘅油膩,卻有冬菇嘅香味同蝦籽嘅鮮味,配搭極好👍🏻加了幾款小吃, 醬皇豬手一碟兩件剛好, 醬皇味濃, 豬手頗大件, 勁多骨膠原~😍炯記三皇拼盤最抵食, 雲耳爽脆, 微酸少辣, 我最喜歡, 鳳爪同雞腎沒有多餘醬汁, 仍好有鹽焗嘅原始味道😋炯記出名嘅手撕雞又豈能錯過, 今次拼咗美味嘅海蜇最正, 手撕雞好多係雞肶肉, 比雞胸更滑溜, 海蜇係貴價食材, 但係份量亦唔少, 爽口彈牙最後更追加一碟冬菇生菜, 因為佢D冬菇燘得確係入味, 好似食極都唔夠喉😂😂

今次呢間餐廳係朋友介紹，佢話佢lunch time 成日黎食😋價錢親民又抵食！佢主要係食港式美食，燒鵝更加係招牌菜✨✨主食已經附送是日例湯，當日係青紅蘿蔔湯，幾清甜～🍚炯記四寶飯 四寶包括手斯雞、豬手、叉燒和紅腸，一次過可以試曬四款港式燒味！豬手夠淋👍🏼叉燒肥瘦平均，所以肉質會較嫩，唔會干～手斯雞冇骨啖啖肉～紅腸好啱餸飯😋✨炯記煙燻燒鵝撈麵本身想叫原隻煙燻燒鵝脾撈麵，實在太受歡迎，咁啱賣晒🥲唯有下次再試！燒鵝油脂豐富，經過高溫燒制，油香十足，佢仲用咗啲鵝油黎撈麵，十分邪惡又滿足😈😈🍼奶茶必點之選，茶香奶滑推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes