炯記餐室 (美麗閣)

Open Now

Now Closed

高質燒味推薦🙌🏻性價比好高❗️🌟燒鵝叉燒配太子鵝油撈面秘制煙燻燒鵝係必須要嗌鵝皮色澤靚 皮香肉嫩 帶煙燻香氣配酸梅子醬食亦較解膩👍🏻而鵝油撈麵無鹼水味 鵝油香而不膩再配上爽彈既粗麵 💯🌟叉燒雞飯秘制醬皇腩叉 肥瘦均勻 好軟腍蜜汁甜度適中 仲有啲燶邊 好正👍🏻切雞轉左雞髀 雞肉好嫩滑 配埋薑蓉最正🌟鹽焗手撕雞手撕雞色澤金黃 肉質又嫩滑兼香味濃郁充分吸收左鹽焗粉既味道又不失雞肉既鮮味帶鹹香同雞油香 送飯一流💯🌟醬皇豬手招牌菜之一 以秘製秘方細燉慢熬三至四小時火喉掌握得剛剛好 非常入味而且入口即化 仲有滿滿膠質感 真係好好味

而家多左好多餐室，冰室，炯記餐室都有好多分店。今日係北角食個晚餐，地點好方便，落左地鐵沿住英皇道行一陣就見到。主打係燒味，同埋佢個鵝油撈面真係好吸引，所以叫左個燒鵝撈面轉鵝胸，果然係啖啖肉，好滿足，最緊要係有甜酸醬自己點，岩哂中意多醬既我。叫左個油菜，鵝油生菜，食落好香，菜又好新鮮，食到好甜既菜。另外有得追加小食，佢個醬皇豬手咁吸引當然要試下，果然係好入味，大隻得黎又多肉，小食黎講幾抵食。最後叫多個脆皮燒腩仔例牌，例牌都勁大份，皮超級脆，仲要五花腩，雖然好邪惡，一層肥一層肉，但就係要咁先夠juicy😋主打燒味但其實仲有好多野食，而且選擇又多，可以有好多唔同既配搭，下次一定要再試下其他。脆皮燒腩仔 例牌 $68炯記煙燻燒鵝撈麵(轉鵝胸) $62 + $10凍奶茶 +$5醬皇豬手(2只) $24鵝油生菜 $18

之前來過食下午茶（燒鵝，鵝油撈粗，义燒煎蛋飯，加個生菜冬菇，好味又扺食，今次晚飯一行三人，一坐低已經送三碗例湯，然叫咗兩人餐，麻辣手撕雞，醬豬手，涼拌雲耳，灼菜芯，鹽焗雞腎，再加碟义燒燒鵝飯，麻辣手撕雞幾惹味，鹽焗雞腎我覺得淡味咗啲，醬豬手都可以（可能我食嘢比較重口味）反而我係最欣賞個涼拌雲耳，帶點酸味好醒胃，义燒同燒鵝依然好好味，燒鵝皮係好脆，仲有點煙燻香味，最主要醃鵝的調味和香科好足（唔知點解現在主打燒鵝的餐廳係醃唔夠味，皮亦唔脆）呢間我食一次已經愛上了（似返细個時吃的味道呀)

無論係邊度嘅燒味都唔及得香港燒味咁地道！！返到嚟香港，第一時間去食港式燒味～ 炯記餐室。.叫咗🐷炯記叉燒米粉、🦆煙熏燒鵝瀨粉同一款🐔鹽焗手撕雞小食。🐷炯記叉燒米粉叉燒分碟另上，份量好足，燶邊肉嫩+ 半肥瘦，有蜜汁係上面鮮澤光鮮，入口甘香，食到舔舔脷😋。🦆煙熏燒鵝瀨粉燒鵝棗紅色澤❤️，皮脆肉嫩，咬落仲有肉汁，證明火喉掌握得好好👍，煙熏味適中，而且超級幸運，送上嘅竟然係燒鵝脾((((oﾟ▽ﾟ︎)o)))🐔鹽焗手撕雞將嫩滑雞肉撕成一塊塊，食落啖啖肉，味道香濃鮮嫩，鹹香撲鼻。.食物質素Good Good 👍，價錢又合理，份量又足，值得一試😋。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 炯記餐室 📍北角英皇道376-380號美麗閣地舖

二人套餐好抵食 份量足夠3-4個女仔食🔸麻辣手撕雞 半隻炯記嘅麻辣手撕雞係招牌菜夠哂麻辣 好入味 好刺激🔹太子鵝油撈麵 兩碗同麻辣手撕雞係絕配鵝油好香滑 粗麵好彈牙🔸麻辣雞腎 及 酸辣雲耳套餐有兩款小食 （同平時叫嘅size一樣)雞腎好爽口 夠香辣雲耳酸辣汁好開胃🔹冬菇醬皇豬手豬手經長時間慢火炆煮過充滿膠質 豬皮好腍滑 入口即溶配秘製嘅醬皇 冬菇同豬手都好入味🔸油菜🔹例湯🔸飲品炯記二人套餐份量十足 味道又有保證未食過一定要試下 😉

早前吃過近日紅透半邊天的炯記燒味，念念不忘，今日工作路經北角，發現原來有間炯記在， 馬上走進去點一些燒味醫肚裝潢跟一般茶餐廳沒兩樣， 不過就比較乾淨企理，地面沒有油漬服務意想不到地好，兩名侍應服務夠細心，亦有禮貌值得一讚出品煙燻燒鵝飯$60份量不小，燒鵝毫不吝嗇有十分多塊，肉質彈牙，皮與皮之間脂香濃郁，入口油香甘醇，配超大份量的飯，令人吃得很滿足醬皇叉燒 例牌$68五層腩，外脆內稔，鬆化無筋，這質素直迫西班牙黑豚肉，又不會太肥又油，是層肥層瘦，非常高質桂香白切雞半隻$70非常滑嫩！是連雞胸肉都不鞋的口感，別以為是春雞的份量，是多到根本吃不了完！$70這質素份量非常不錯結論：除了二人餐，堂食燒味也值得一試

今日lunch想食叉燒飯，lunch只有1個鐘時間，Google map話行10分鐘到，點知行左20分鐘，如果唔好食就慘啦，坐底未叫野食，侍應好快比左個例湯我，紅蘿蔔合掌瓜粟米湯，粟米算甜，跟住叫左個半肥瘦叉燒飯，黎到賣相好靚，50蚊份量算正常，附上蔥油，叉燒肥瘦好均勻，完全唔會過肥，雖然叉燒同飯微暖，但叉燒依然齒頰留香，咬落柔軟，肥位岩岩好，邊位燒到香脆，甜甜地，少少痴牙，如果熱多少少就更加正，飯係少少乾身有咬口既，少少叉燒豉油甜味，不枉行左廿分鐘，不過要忍忍落單阿姐比較直，同用平板電腦落單時間

北角英皇道炯記，就是街坊大眾都會愛的燒味飯店，價錢不貴性價比高，燒味每天新鮮出爐，無論愛賣或堂食都皆宜。堂食仲未叫野食都送例湯~-炯記煙燻燒鵝飯上桌時真的有淡淡煙燻香味呢，鵝肉肉質靚，實肉而不霉。-炯記叉燒飯叉燒飯更是不可不叫，腩叉肉肥相間，豬油香滲滿飯裡，蜜汁甜蜜，撈飯一流。-鹽焗手撕雞撈麵炯記的鵝油撈麵要大推呢～撈麵吃得出有啖啖鵝油香，仲有秘製醬油，平淡撈粗都變得層次豐富。手撕雞咸香夠爽口，停唔到口啊～-鵝油菜心 及 蒜香雲耳另外仲叫左鵝油菜心同蒜香雲耳雲耳夠爽夠凍好好食。

開關之後, 朋友二人由英返港, 問佢哋想食乜.佢話: 我有三年無食過燒味啦!! 英國唔係無,不過貴都未必好食囉. 最後, 近近哋帶咗佢哋落炯記.<<煙燻燒鵝飯>>皮脆有光澤, 份量OK. 入口肉嫩入味, 食得到名符其實嘅煙燻味!<<脆皮燒腩仔撈麵>>燒腩仔同撈麵分開上枱.撈麵賣相靚仔, 油光滿麵, 有鵝油香味, 麵質彈牙.燒腩仔份量足有一個例.皮脆口, 入口卜卜聲. <<冬菇豬手撈麵>>豬手夠腍味濃, 滿滿膠質口感! 佢哋唔夠喉, 要叫多兩隻食. <鹽焗手撕雞腸粉>>香港街頭FUSION菜, 原來都幾夾.份量都幾大碟, 腸粉淋上甜醬及麻醬, 伴以芝麻.手撕雞有鹹香, 雞絲帶皮伴芝麻.

抵食之《炯記餐室》lunch係北角開完會食咩好？見到呢間茶記幾人幫襯，咁唔打唔撞就入左呢間《炯記餐室》，我同同事叫左個二人套餐 $198：鹽焗手撕雞：份量非常誇張，雞肉非常滑，味道唔算太鹹，雞肉面好多花生同芝麻，真係足足半隻雞，冬茹醬皇豬手：豬手超大件，豬皮處理得幾好唔會有毛，成隻都好淋，咬入口好膠質，，冬茹仔好爽好香，鹽焗雞腎：份量多，超級爽同有口感酸辣雲耳：呢個雲耳唔算辣，十分good，酸酸尾尾好開胃，油菜(一碟)：菜心都好翠綠，唔老，不錯，太子鵝油撈麵：呢個面真心正，鵝油好香，但入口一d都唔油膩，個麵好爽口，獎汁一d都鹹，同個麵好夾，呢個二人套餐超量真係超級多同抵，3個女仔都夠哂食。

之前要特登去九龍先食到的烔記餐室😋原來北角開咗一間分店，終於都唔使過海就食到啦😊今日中午一入到嚟餐室，即刻送兩碗例湯俾我哋先，例湯唔係濃味，飲完都唔口渴，應該冇乜加味精👍抵食燒味，性價比超高🙌🏻煙燻燒鵝撈粗抵食燒鵝撈粗，保持一貫水準，燒鵝皮燒到脆口，仲有一陣煙燻味，肥瘦啱啱好，加埋啲酸梅醬，冇得頂😋鵝油撈麵，超級彈牙。麻辣手撕雞飯麻辣手撕雞，少少辣加埋啲麻油香味，好嘢味，餸飯一流。冬菇扒生菜冬茹扒冬菇$20 有呢個配搭真係好抵食，冬菇有幾好味喎，絕對係心機之作😋

北角炯記色香味俱全🤗主要賣燒味，鐘意食燒味既你地千祈唔好錯過喇💕我哋晚飯時間去嘅，已經係滿座，加上佢都好多外賣單👏🏻好多人喺門口等緊，睇嚟呢間舖頭真係好唔錯😀我聽人講叉燒好好食，所以我哋都分別嗌咗煎蛋叉燒飯，叉燒瀨煎蛋叉燒飯，可以話係香港人點都會食過嘅碟頭飯😙 少少蛋汁撈落去啲飯到等啲飯滑啲，叉燒又好食，半肥瘦賣相已經好吸引冬菇生菜標價真係好平$20，生菜夠林夠爽，冬菇入味啲汁仲可以用嚟撈飯🤤酸辣無骨鳳爪有啲泰式嘅味道酸酸地😘好開胃

必叫：叉燒+燒腩仔我覺得夜晚食飯太heavy😂。所以我就轉左瀨粉！而且覺得好夾添！佢嘅瀨粉煮特好彈牙😜😜 口感好好！再加埋佢嗰隻辣醬就已經好好味，叉燒半肥瘦唔會太乾😙 燒腩仔，雙拼飯💕燒腩仔有少少肥咁先好食😃層皮燒得好脆口😝例湯仲要好好飲😍直程想再添多碗！好有屋企阿媽煲湯嘅味道🫣💓生菜又煮得好林，鵝油喺面頭，好香o(≧v≦)o麻辣手撕雞腸粉👏🏻腸粉好滑，手撕雞好入味。份量仲要好多🤗🤗加埋杯特飲！鹹檸七🤭正到爆！

唔係第一次食烔記，不過平時多數叫外賣，今日有時間可以堂食，叫咗個下午茶餐，燒鵝撈麵，再追加麻辣手撕雞雖然係下午茶，份量都唔細👍🏻燒鵝啲肉唔韌，鵝皮有肥肉，但會覺得好油膩🤤鵝油撈麵好香，好彈牙，加埋佢哋自家製嘅辣椒油，好正😋手撕雞夠嫩滑，少少辣，味道啱啱好👍🏻

炯記餐室 (美麗閣) 地址 北角英皇道376-380號美麗閣地舖今日去開港島，到左午餐時間又係要睇下食咩，一支公最岩就係食燒味，行開見佢都幾多客人一於去試下煙熏燒鵝飯 上台聞到煙燻香，燒鵝皮脆肉香食落油香十足，燒鵝肉夠嫩，加埋個飯落左自家製醬汁好食。醬皇叉燒(例)叉燒有驚喜自家即燒叉燒肥瘦適中，油脂很夠而且肉質嫩滑。食落口無得頂鴛鴦手撕雞小食可以有齊辣同唔辣，鹽焗味好香 整個口感係非常豐富，手撕雞口感非常嫩滑，好岩送飯。雞腎小食 雞腎一定要讚，香脆鮮美仲有嚼口份量都唔細，呢個一定要試最後叫返杯檸檬茶少冰走甜清清口味味小食都好有質素！真心平靚