炯記餐室 (美麗閣)

Open Now

Now Closed

咁啱經過北角又有啲肚餓，見到呢個門面醒目嘅炯記招牌就走咗入去試佢😋入到去見到佢主要賣燒味🍗自己又幾鍾意食價錢又親民，門口見佢啲叉燒又幾靚。仲有中式老火湯飲，店員話日日唔同，今日係赤小豆煲雞腳湯😍作為叉燒愛好者，我特別叫左肥叉，野食到左果然冇失望🥰 賣相十分討好👍🏻👍🏻👍🏻 色澤均勻，口感一流🤤🤤主打醬皇豬手！叫例牌有6隻，除返開都係$12一隻，大大隻又多肉，皮滑😁最緊要冇毛👍🏻鵝油撈麵一啲都唔油膩，陣陣油香味，加埋店家自製既辣椒油食100分😉

「炯」字 意思係老細們一團火用心合力做好每個出品源自1976 年土瓜灣落山道新光燒味雖然佢開個陣 我仲未出世😂😂所以宜家嚟睇睇水準如何🫰No. 1019煙熏燒鵝飯轉瀨粉 已經冇哂機會接觸瀨粉見到呢到有 就叫個燒鵝瀨食吓湯底好清澈 瀨粉係呈半透明狀態就好似粗身嘅米線咁 都幾彈牙燒鵝肉幾嫩滑 冇渣 有埋隻鵝髀鵝皮油脂甘香 但冇肥膩感 ❣️另跟一枝酸梅醬 自行調味 幾細心🫰跟餐加熱菜蜜 冷熱同價 +$5 送例湯 冇咩味精 飲得過No. 2003醬皇豬手撈粗豬手好夠味 豬皮好厚身咬落係充滿骨膠原嘅感覺食豬手 就係因為呢個原因女仔食完會覺得皮膚當堂好咗😂😂粗麵用咗鵝油去撈 但食唔到羶味而且粗麵經過特別處理 冇任何鹼水味口感爽口索味 必叫❣️❣️配熱鴛鴦 No. 3006海蜇手撕雞小食兩樣都係我最愛 可以揀辣或者唔辣 海蜇就算唔辣都係微辣 但可以接受充滿麻油香 有咬口手撕雞唔係用哂雞胸位所以唔會好柴身 咸香十足 份量都多No. 3013 鵝油生菜No. 3014 鵝油菜心用咗甜豉油 呢個反而幾清 唔係油浸菜咁以上幾樣嘢都係餐廳主打建議可以試吓 仲有腩叉未食下次再食先🫰🫰

香港人最喜歡食燒味，以前最出名的燒鵝在深井，現在周街都是燒鵝大王。今日在北角試了一間餐室，它雖然無自稱什麼燒鵝第二代真傳，但是卻非常有水準，比那些名店老字號更好食。💥秘傳煙燻燒鵝（例牌$138）上枱賣相甚佳，燒鵝皮有均勻的棗紅光澤，證明火喉拿捏得好，煙燻味適中，也令燒鵝多了一種不同香味。夾起燒鵝髀部份，發現鵝皮超薄。咬一口，鵝皮香脆無渣，至於帶少許肥膏的鵝胸部份，鵝皮同樣香脆，多了一份脂肪的甘香。鵝肉嫩滑富肉汁，連骨也是軟的，可見這隻鵝多麼幼嫩。除了燒鵝，我們還叫了下午茶餐，包例湯、餐飲，好抵食。💥醬皇叉燒撈麵（$40）叉燒肥瘦適中，肉質嫩滑。撈麵和白飯之間一定選撈麵，因為它是用鵝油撈麵，而且麵質爽口，一點都不覺油膩，非常好食。💥鴛鴦手撕雞腸粉（$40）鴛鴦是鹽焗和麻辣，兩者都夠味，雞肉也嫩滑。與腸粉一齊食是第一次，口感和味道都好夾，又有新意，唔錯。

朋友推介佢哋啲叉燒，所以第一樣嘢就叫咗叉燒諗都唔使諗，佢啲叉燒半肥瘦，又有少少燶燶哋脆邊好好食😋另外再叫咗個冬菇扒生菜冇咁漏。生菜新鮮脆爽口🥬冬菇又幾香，咁嘅價錢生菜又有埋冬菇👍🏽瀨粉配埋叉燒，最重要有埋叉燒汁真係一碗都唔夠，越食越想食。我哋仲叫咗碗叉燒撈粗，Honey話撈麵夠乾身又夠鹼水味，夾埋叉燒一流，兩碟嘅叉燒水準都一樣，賣相仲好吸引，同樣半肥瘦小燶脆邊冇令人失望👍🏽。最後叫咗個醬皇豬手，豬手入味又夠骨膠原😋啲豬毛蚊得好乾淨，又大碟真係抵食。下次經過開都會Encore佢

〰️ 下午茶時間落起毛毛雨，行開附近又想食下燒味就再來這間燒味店，即時點了幾款燒味慢慢味嚐🥰〰️ 門面同一般港式茶餐廳無太大分別，但因為價錢經濟實惠，平時附近的街坊朋友都會前來食或外賣，我特意選擇下午茶都是為了避免多人呢😛😛😛🍽 🔹 蓮藕瘦肉蘿蔔湯一飲就覺得好正，最重要係沒有味精，蓮藕很足料，好有份量 😏🔹 燒鵝瀨粉/叉燒瀨粉燒鵝嫩滑，皮脆多肉，份量亦很多，配點酸梅醬，很香口 😚叉燒瀨粉，很多蜜汁很入味，肥瘦剛好一半，份量正常🤭🔹 小食海哲手撕雞腸粉手撕雞很淋好滑身，腸粉醬料十足，配上芝麻醬，甜醬和芝麻，熱辣辣咁食，很有懷舊味道 😂😂😂🔹 豬手例牌豬手例牌一份就已經足夠兩至三人食，豬手很彈牙，很多膠質，啖啖骨膠原食落肚🥰每一啖都入口即溶而很入味 😝🔍 題外話總括這間真的可以經常吃，價錢相宜，份量十足抵，店員服務好，又有家常湯，十分舒服😝 📌 炯記餐室 (美麗閣) (北角)📍 北角英皇道376-380號美麗閣地舖

呢度叉燒同燒腩仔係最好食嘅，平時都會斬返啲返屋企做餸今晚唔想煮直頭同媽咪落去鋪頭食～都好抵食！🔸例湯估唔到個例湯係有驚喜，超足料，仲會有好多湯渣你食例如有雞腳😋一定要飲個例湯，好濃味唔會好似水咁🔸脆皮燒腩仔飯 $50呢個推介必食，因為個燒腩仔外皮真係好脆，裏面脂肪同埋肉比例啱啱好，唔會話太肥亦唔會太瘦太乾！而且份量都好多，燒味碟頭飯來講算係超值！🔸冬菇蝦籽撈麵 $45呢個撈麵係用鵝油嚟撈，好香鵝油嘅香味，麵質好彈牙爽口，入邊仲有好多個冬菇仔，份量多！🔸鴛鴦手撕雞小食 $34呢個鴛鴦係由鹽焗同埋麻辣組合，正常發揮，麻辣嘅味道就好似平時食三哥麻辣咁樣，鹽焗都ok. 小食嚟講份量都算多，當一款餸又得！🔸醬皇叉燒（例牌）$68叉燒例牌來講份量都好多，多到兩個人食唔晒要打包。叉燒望落去好靚，肥瘦恰當，每一舊切落去個比例都啱啱好，醬油亦唔會話太鹹太濃！

今日lunch去試下，估唔到有驚喜叉燒油雞飯，叉燒岩岩好半肥瘦，油雞好入味，肉質好嫩滑，價錢合理，$59有飯有湯有野飲，樓面姐姐服務都好好，最重要個燒味師傅叫阿7，人又靚仔又健談，下次都會再黎

下午茶時間去，人不算多，樓面乾淨。阿姐有禮貌！兩個人叫左一份燒鵝瀨粉，肥瘦剛好，好好味！四寶飯除左紅腸一般，鹹蛋正常發揮，肥叉燒好正，好淋。外賣左半隻燒鵝夜晚食。最緊要係！師父好靚仔呀！

唔知你地有無發現一樣野就，係斬燒味既師傅佢地係有一種氣埸，呢種氣埸唔係因為佢地拎住把刀，而係佢地一對炯炯有神既雙眼，聽住佢斬燒肉果種索索聲，佢地所付出既汗水，我就知道，我要好好咁尊重呢份燒味。👇📌人 氣 招 牌 -▪️ 海 蜇 手 撕 雞 飯 - $58▫️ 先黎一個「海蜇手撕雞飯」，可以揀辣同唔辣，我朋友就麻麻地辣，就揀左唔辣啦，但佢唔辣得黎，海蜇爽口有咬感，整個口感係非常豐富，手撕雞個口感非常嫩滑，送飯認真一流。▪️ 煙 燻 燒 鵝 飯 - $60 ▫️ 另一道必試「煙燻燒鵝飯」份量非常多，一黎到已經聞到煙燻香，坦白講我覺得同其他燒味店係有d唔同，食落油香十足，肉亦夠嫩，完全唔老，加埋個飯落左自家製醬汁，係超級好食。▪️ 炯 記 三 皇 盤 - $58 ▫️ 再試埋呢個「炯記三皇盤」，一次過食勻無骨雞爪、雲耳、雞腎，雞爪去哂骨，口感非常爽彈；雲耳醃得岩岩好，酸酸甜甜，好食；雞腎一定要讚，香脆鮮美，呢個一定要試！

醬皇豬手飯（轉米粉）$50是日例湯，凍檸茶+$5落單之後，好快就送上例湯，例湯好鮮甜落足料去煲，好有家嘅味道。豬手炆得好腍，好入味，每一啖都滿滿骨膠原，一碟有3大舊，豬手乾淨冇毛髮，口感Q彈軟糯，米粉好大碗，湯底唔係味精湯，食完唔口渴。醬皇冬菇扒生菜$20生菜淋上鵝油，冬菇一口一粒，每粒都炆到入晒味，好惹味。海哲燻蹄小食$40海哲爽口彈牙，配上蒜蓉醋汁超好味，酸酸辣辣，好過癮。燻蹄肥瘦均勻，豬皮爽脆，肉有咬口。

喺北角做嘢，收工的時候很肚餓，於是周圍行下睇下有咩食。路過見到有煙燻燒鵝，於是入去試一下。煙燻燒鵝撈麵應該係佢地既招牌，見到很多人叫。但由於我不想食太油膩，所以選擇了煙燻燒鵝湯米。估唔到看似簡單平凡的煙燻燒鵝湯米，一啲都唔簡單。未食就已經聞到超香嘅煙熏味，一咬落去外皮好香脆，唔會覺得好油，肉質亦唔會好韌👍🏻下次可以試下撈麵先😆

今日過左北角開會，同事話想食燒味飯，咁就過左黎烔記食lunch🧡煙熏燒鵝飯黎到炯記一定要叫佢地嘅燒鵝！燒鵝皮燒到脆口，中間有層鵝油膩，裏面鵝肉呈粉紅色，夠哂嫩！點埋同燒鵝絕配嘅酸梅醬，可以食多兩碗飯呀😆雙拼燒味飯油雞+燒鵝呢度嘅油雞好香醬油味雞皮徧爽脆！雞肉浸煮到岩岩好，唔會過老過嚡！冬菇豬手豬手同冬菇都炆到好腍又入哂味！豬手食落每一啖都充滿骨膠原😍值得一讚嘅係去毛去得好乾淨！海蜇手撕雞手撕雞辣辣地好惹味！仲超香花生芝麻嘅味道！海蜇好爽口好香麻油味，唔會過分腍，真心唔錯🥰炯記餐室 (美麗閣) (北角)北角英皇道376-380號美麗閣地舖

忙左成個星期終於等到星期六放假啦，上次去過炯記餐室試過鵝油撈麵，見到佢地仲有其他燒味都好吸引，今晚一於再encore啦，揀好左食咩之後店員送上兩碗老火湯，好足料又清甜🌟鹽焗手撕雞飯 ($50)上次食過佢地既手撕雞腸粉好正今次要再encore，手撕雞可以揀原味或者麻辣，我就揀左原味唔辣既，麻油味好香，手撕雞啖啖肉💯💯🌟原隻煙燻燒鵝髀飯($108)見到佢個燒鵝皮咁有光澤已經流哂口水，皮脆肉嫩又多汁，而且肥瘦適中，呢個價錢有咁靚既燒鵝髀CP值超高😍😍😍🌟秘製醬皇豬手飯 ($50)推介大家試下佢地既醬皇豬手，豬手炆到好腍好入味，醬汁用來送飯就最正🌟醬皇冬菇生菜 ($20)呢個生菜性價比勁高，平時茶餐廳加一碟油菜都係差唔多價錢，佢地仲有要勁多冬菇，超值

炯記出晒名食燒味，而且價錢合理，成日都係我嘅午餐同晚餐之選🤗 今次推介埋幾個朋友一齊吃，順便可以試多幾味餸，結果大家都好鐘意食，好快清晒幾碟嘢🤤黎到即刻嗌個例牌💥秘制煙燻燒鵝，一上枱份量同色澤已經深深被佢吸引住，果然係炯記嘅重點推介食物之一😝 最鐘意佢個皮超脆，薄薄地再夾埋中間一層油脂，連埋粉嫰嘅鵝肉，點埋酸梅醬，絕對係渾然一體嘅美味，每咬一啖都好爽🤤之後有💥冬菇蝦籽撈麵，本身諗住隨便叫個撈麵頂下肚，點知呢款招牌鵝油撈粗贏得朋友嘅歡心，再encore多一碗同樣食得好滋味🤤 個麵偏挺身，好乾爽，唔好太濕潤，配埋蝦籽撈埋一齊都勁夠味！後尾再點嘅💥叉燒煎蛋飯同樣咁出色，個叉燒肉身唔會太燶，但可以燒到個皮好脆，真係唔錯，太陽蛋就更加無得輸，加埋少少汁拌飯一流😝因為朋友都想試下個手撕雞，所以嗌埋個💥手撕雞腸粉，不過手撕雞嘅肉普通，似係雞胸位置啲肉，所以偏乾，而且唔夠入味，但個腸粉就正常水準，混醬後都係好食既😊最後叫個💥醬皇冬菇扒生菜balance返多肉少菜嘅一餐。如果覺得頸渴，跟餐加$5就有嘢飲，店員都好有禮貌會遞水比你😉

運動前想係附近食個quick dinner，又唔想食咁多碳水，又唔想食貴格西餐，其實去中餐燒味舖都好多選擇。呢間位於北角嘅炯記啲燒味好岀名，價錢合理。有例湯送，入面仲有紅蘿蔔。酸辣蒜香雲耳($20) - 雲耳爽口，配埋酸酸辣辣啲蒜蓉汁好惹味，又唔會太辣。醬皇豬手（$24）- 呢個有驚喜，平時我好少食豬手，但呢個真係高質。個豬皮好腍，連啲軟骨都好入味，骨膠原滿滿。本來想試下佢哋啲手撕雞，可惜7點去到已經賣晒🥹桶子豉油雞（$138）- 呢隻雞好大隻又啖啖肉，平時呢個價係岀面餐廳只係食到半隻雞，仲要得幾件。啲雞肉好入味又嫩滑，仲唔會好鹹好重豉油味。菜心 ($18)