炯記餐室 (美麗閣)

Open Now

Now Closed

點咗個四寶撈麵，菜心，例湯外賣。返到酒店，一打開變咗四寶飯，算數，俾多咗$4當貼士，唔同你計。即刻收拾心情起筷。手撕雞，無咩味，一條條油淋淋嘅雞胸肉。紅腸，又硬又乾，下等貨。叉燒4塊厚切，有3塊係肥豬肉，你係唔係玩嘢呀？搵五花肥腩整叉燒？豬手尚可，軟硬適中，但唔入味。單點油菜，份量真係少到呢，只能怪物價高漲。例水好正宗，係水。

炯記餐室北角英皇道376-380號美麗閣地舖G/F, Mary Court, 376-380 King's Road, North Point小時爸爸出糧日子都會有餸加食燒味, 叉燒加隻蛋同豉油我已經可以食到兩大碗飯。$52叉燒煎蛋飯,叉燒要有肥肉, 食入口先有油潤唔乾柴, 個蜜汁適量令到燒完有焦香就是PERFECT, 呢間蜜汁同肥瘦都掌握得很好。跟餐要飲品+$5中午都好多街坊來買燒味飯盒同買餸加料架家庭主婦。$68 燒鵝瀨呀,食到就係回憶來的，個瀨粉好爽口架。鵝油香滋味。平時去飲茶食點心, 都會點份$40 海蜇燻蹄, 海蜇好爽口多水份, 燻蹄一片片鹹香惹味, 個皮重骨膠原, 彈彈彈。男人同廣東燒味有著不能分割的情懷,我本身又好喜歡食肉, 要食好多蛋白質維持肌肉。

這是我食過最抵食的二人套餐。足足8道菜連飲品，張枱細少少都唔夠放。價錢優惠，大大碟之餘還要有質素。炯記二人套餐（$198）🔸鹽焗/麻辣手撕雞半隻 ~ 我們選了鹽焗，入味嫩滑，連骨上，啱曬喜歡啃骨的我。🔸醬皇豬手/醬皇豬手+冬菇 ~ 加冬菇的話會少兩件豬手，好似無咁抵，不過我愛冬菇，而且4件豬手兩個人分都好夠了。豬手炆得入味，軟硬適中，不會過淋無口感，好食。🔸鹽焗/麻辣雞腎 ~ 比一般小食大碟，雞腎不硬，選了鹽焗比較清，麻辣應會更惹味。🔸酸辣雲耳 ~ 好大碟，酸辣味和蒜蓉很配合，喜歡它並無浸在辣油中，夠清爽，不知不覺食曬。🔸郊外油菜 ~ 選了菜心，清甜不老。🔸太子鵝油撈麵/白飯 ~ 超贊！兩碗撈麵都大大碗，上色均勻，香而不膩，麵質柔軟。🔸是日靚湯 ~ 清甜。🔸冷熱飲品/特飲 ~ 冷飲特飲都不用加錢！我們都叫了熱奶茶，想不到好有水準。

上次試完餐廳最出名的麻辣手撕雞鵝油撈粗及煙燻燒鵝脾飯，己經好想再食多次原來餐室仲有一個超抵食二人套餐，兩個人食真係吃到飽餐廳環境寬闊，坐得舒服，輕輕鬆鬆食個快餐都非常適合食物方面:套餐包括麻辣手撕雞半隻、冬菇醬皇豬手、麻辣雞腎、酸辣雲耳、油菜、例湯、鵝油撈麵或白飯及兩杯飲品麻辣手撕雞 : 手撕雞齊曬胸髀翼，口感有層次，而且味道偏辣，喜歡食麻辣的你，必食之選冬菇醬皇豬手 : 豬手用秘製配方細燉慢煮3-4小時，醬汁入味，入口融化，再配埋冬菇粒，份量十足鵝油撈粗 : 粗麵用甜豉油去撈勻，味道帶甜，再加入燒鵝油，香滑又唔會太油膩    麻辣雞腎 : 雞腎爽口，麻辣味適中，惹味小食酸辣雲耳 : 雲耳有彈性，口感爽脆，酸酸辣辣油菜 : 可以平衡返其他主食既油膩感例湯 : 粟米紅蘿蔔雞腳湯，材料十足，健脾潤肺，清熱生津

最近又開始每星期去北角上才藝班，於是決定試下響北角搵食♡朋友介紹我帶女女去試下 ，原來呢度嘅豬手仔同燒鵝瀨好出名，一定啱我地！是的，林小朋友好喜歡食豬手仔，我笑佢麻甩口味，幸好，我也大愛~原來呢間炯記，係源自於1976年土瓜灣落山道嘅新光燒味，新光燒味嘅老闆叫棋哥，佢個仔呢，就想將新光燒味嘅美味發揚光大，再創餐廳品牌，於是就有咗炯記喇！烔記煙燻燒鵝瀬粉驚喜的是，皮薄不油，啖啖肉又鬆化，味道濃香不膩，真心高質！另一驚喜位係瀨粉較平時果啲粗，口感彈牙，掛汁滿滿！滑嘟嘟，軟嫩嫩，皮肉均勻，醬油香而不鹹，而是全部大大舊，好食到嫌唔夠啊～！醬皇豬手飯鴛鴦手撕雞腸粉白雪雪腸粉配手撕雞，鴛鴦嘅意思係有辣有唔辣，原味手撕雞香口juicy，麻辣味手撕雞....真係有啲辣😂撈埋腸粉食，真係好特別！醬皇冬菇扒生菜咁多肉一定要食返啲菜平衡下♡仲有醬皇冬菇，入味軟腍，唔錯，而是份量都算多~又係林小最愛♡

今日黎到烔記 試咗佢哋嘅二人套餐 ， 當中我哋嗌咗麻辣手撕雞半隻 、醬皇豬手、鹽焗雞腎、酸辣雲耳、太子鵝油撈麵兩碗、油菜，例湯兩碗，飲品方面 叫咗凍華田仲有凍檸茶首先麻辣手撕雞方面，真係好辣但係個味道真係好惹味，皮薄肉嫩 ，份量超大 。跟住嚟到醬皇豬手方面，豬手6大隻 ，豬手夠腍，滷水炆得入味，不會好黏口又食到啖啖肉的感覺。鵝油撈面係幾乎每一檯客人檯上面比有既，咁我梗係要試吓啦！個面煮得好彈牙，加埋鵝油同醬油撈埋一齊，100分呀！跟住小食 ，鹽焗雞腎同酸辣雲耳 ，雞腎口感爽脆，雲耳酸酸甜甜，作為前菜小食很不錯。仲要讚下個油菜，食落好清甜，幾新鮮。

快、靚、正茶記之選呢一間之前係尖沙咀食過，原來北角都有分店。雖然係餐室，但呢到環境都幾乾淨，而且座位都唔算太逼。之後食過二人餐，今日一於嗌下其他。炯記煙燻燒鵝飯 $60 (+$10 轉胸)見到隔嚟枱好多都食燒鵝，所以都嗌返個。因為本人鍾意食偏瘦嘅，所以加咗$10要胸。煙燻嘅關係，燒鵝味好香。皮脆肉厚，啖啖肉，帶點淡淡嘅煙燻味。醬皇叉燒 例牌＄68半肥瘦叉燒，燒到微微焦。油脂部分比較實嘅口感，配上秘制醬皇，甜甜鹹鹹，非常之送飯。炯記煙燻燒鵝撈麵 $62鵝肉肥瘦適中，撈麵有驚喜，甜豉油加上鵝油，佈滿每一條麵，每一啖都充滿油脂嘅香味。阿華田五穀麥芽特飲 $18甜甜嘅阿華田加上有口感嘅五穀麥芽，味道不錯。

一個兩個人都食唔晒嘅二人餐同朋友行街行到攰攰地，見呢度排晒長龍，味道應該唔錯，所以就入咗去。未食過呢間，店員推介二人餐唔使煩惱，見有菜、肉、主食同飲品，都只係$198 ，一於嗌佢啦。鹽焗手撕雞雞肉嫩,帶點芝麻香醬皇豬手炆得幾入味,啖啖膠原感覺麻辣雞腎 及 酸辣雲耳雞腎爽口、帶點麻辣雲耳嘅酸味好有層次，酸中帶甜郊外油菜揀咗菜心，綠油油幾嫩。太子鵝油撈麵麵質軟硬適中，鵝油充滿係口腔,係邪惡嘅味道！是日靚湯例湯嚟講都算好足料，幾好味。飲品 嗌咗凍央同凍奶茶，味道偏甜少少。怕甜嘅記得嗌少甜。但估唔到凍飲都唔洗加錢。呢個2人餐份量十足，最後2個人捧住個肚都係食唔晒😂。另外值得一提係店員幾細心，有禮。因為當時比較煩忙，但佢都好有耐性去推介食物俾我哋，唔錯！

EAST 東 ⇨ feature:  @炯記 A great local eatery in North Point 🤤Price: $198 for two Quality : 👩🏻‍🍳👩🏻‍🍳👩🏻‍🍳👩🏻‍🍳Recommend : 💖💖💖💖Service : 💁🏻‍♀️💁🏻‍♀️💁🏻‍♀️(Ratings out of 5)OVERALL:  conveniently located on King's Road, North point, this Chinese casual eatery might be easy to miss, but once you're inside, you're greeted by welcoming staff and can enjoy some local eats 👍 They're on online delivery platforms too so it's a quick lunch/dinner sorted! Tried the Gwing Kee 2 pax Meal Combo - a super great value d

呢兩日開始落雨 天氣涼咗啲 夜晚做完野就同朋友喺北角食飯 唔想行咁遠 見到呢間類似港式茶記都幾光鮮闊落 近門口掛住啲燒味都幾靚仔 有唔少街坊係到買外賣 於是就入去試下 粉麵飯撈麵腸粉乜都有 心大心細 最後叫咗個二人餐 唔洗煩 好肚餓快啲食野緊要😂炯記二人套餐 💰198🐔鹽焗手撕雞 (半隻)超誇張 成座山咁滿嘅一碟😍芝麻花生味好香 雞肉好滑 底下仲放埋雞腳雞翼雞胸骨 真係足半隻雞🤣下次可以試下麻辣味 應該更惹味😋🍖冬菇醬皇豬手 (例牌)四大件豬手 處理得幾好豬皮唔會有毛 好有蛋白質 又唔會好難咬 醬汁唔會好咸 仲有好多冬菇仔👍🏻🍢鹽焗雞腎雞腎好爽口 同樣地份量都唔細😂🥡酸辣雲耳少少酸酸辣辣咁 仲有啲蒜味 味道清新又開胃🥬油菜菜心鮮甜 而且已經切開分開莖同葉 方便進食🍜太子鵝油撈麵第一次見鵝油撈麵 聽個名好似好油咁 但又係招牌菜 所以試下 點知一啲都唔油膩😂扁身粗麵同鵝油撈得好均勻 麵條好香 係略嫌咸咗少少🥣餐湯個湯超足料 粟米蘿蔔雞腳豬肉 唔係味精野 好似平時屋企阿媽煮嘅味道🤭🥤阿華田五殼麥芽特飲跟餐包飲品 就連特飲都唔洗加錢🤑阿華田表面佈滿一層厚厚嘅穀品片 攪拌之後飲會飲到就好似燕麥營

📍 炯記餐室｜平靚正嘅連鎖燒味🥳雖然出咗消費券但瘋狂買買買之後仲窮過未出之前～之前放過經過見到二人餐先198！糧尾人士表示太吸引～但黎到又食好啲，想試秘制煙燻燒鵝所以都係揀咗散嗌，好彩價錢都係比其他燒味舖嘅平一截，都係人均一百食到大滿足🤭一黎到已經送咗兩碗靚湯，入邊材料滿滿，青紅蘿蔔雞腳都有，認真足料！飲落暖笠笠，啱晒宜家降溫～🥹🥢食物：推薦✨：原隻煙燻燒鵝髀飯🥩$108落單時店員會問要唔要斬件～🍗我地簡咗斬件因為費事整污糟手🫰🏻超快就有得食，一上台真係嘩一聲，冇諗過100頭有呢個質素！😂燒鵝皮脆肉香，唔會只得肥膏😚而米飯粒粒分明出奇地有陣清香，配上帶油香肉嫩嘅燒鵝 🍚好食！經典嘅港式美味～🤤😈桶子油雞飯 轉米粉👅 $50- 開心～！是日有食神！分到原本要加$10先有得食嘅雞髀位～豉油雞真心正！肉質嫩滑帶啲豉油香味和甜味～🍗- 轉瀬粉或者米粉都唔洗另外加錢，原本以為米粉都係白灼就算～但湯底居然幾香係有陣香味，齋食米粉都得！不過配埋雞就最好食🤣推薦✨： 鹽焗雞腎🐥$28- 必食！超級抵食嘅小食！～份量超豪邁！淋上白芝麻嘅雞腎入口涷涷地又唔會太冰。質地軟得黎又仲有嚼口！鹽焗味香得黎又不會死

港島區我唔算經常去，但一講起北角區就一定要試下炯記。我同男朋友去到店舖大概6點，地方都算係寬敞。我地決定試下幾款店舖招牌菜。首先係炯記四寶撈麵，貪佢樣樣招牌菜都可以淺嚐。四寶包括有紅腸、叉燒、手撕雞、豬手，份量都算唔錯，手撕雞食落口好食得嚟又啖啖肉，淡淡鹹香味。叉燒色澤勻稱，外層微脆，表面甜甜地，內裏肉質細嫩，食到我地都停唔到口。醬皇豬手醬汁十分濃郁，口味偏甜。豬手十分入味。另外就叫咗一碗燒鵝撈麵，雖然我哋冇加錢叫特別部位，不過今次嘅燒鵝都十分好食，唔會太鹹太鞋口，燒鵝皮略帶油香，配上鵝油撈麵，色澤勻稱，調味亦啱啱好，超正～✨🥳最後嗌埋個例牌燒腩仔，燒腩仔表面脆卜卜，肥瘦勻稱，肉質嫩滑得黎又唔會太油膩。呢間餐廳燒味我俾100分，絕對可以食多幾次都唔會厭。

今日經過附近朋友 話去呢間度食 我都係第一次去 因為想食鹹蛋 睇佢menu 得三寶飯先冇咸蛋咁然後我就叫三寶飯 諗住佢會有鹹蛋叉燒同埋紅腸可以滿足到自己想食既野 碟飯黎到果半隻咸蛋都正常呀 都冇諗話話會跟足一隻比你 但點知簿到 我都諗唔到點形容 當時已向店員反映 點知佢望完走開左 應都冇應 扮冇野 我都唔好意思再問 邊會諗到會咁 同佢講完又扮晒冇野咁 仲要行開 我唔通發爛渣咩 我都係想食咸蛋者 第一次去食 但都係最後一次 唔會再去 唔好意思 因為佢要200字先可以比食評

🍽 Dinner Set for 2💰 HK$198 (dinner, 10% service charge)Second time visiting @gwingkee. We didn't feel like cooking tonight so we decided to dine out. Gwing Kee Restaurant is famous for their siu mei. It is a cha chan teng which there is always a long queue during peak hours. This time we ordered the Dinner Set for 2 which costs $198. It is really a cheap deal. We picked Shredded Chicken seasoned with spicy sauce, Pork Trotter with Mushroom, Spicy Chicken Gizzard and Spicy Cloud Ear Black Fungus.

今日見炯記有鹽焗手撕雞撈麵賣，便上網叫咗一份手撕雞撈麵同一份叉燒湯米粉，D撈麵咸到死，油又多，而份米粉啲叉燒全部都係肥肉，根本食唔到😑，估唔到叉燒質素咁差，比起以前相差很遠，以後都不會幫襯