牛八和牛燒肉屋 (Closed)

天氣咁熱都無阻我食燒肉既心情，牛八星期一至星期五午市8折好抵食，同媽咪一人一個午市定食另加一份牛舌，跟餐餸牛骨湯，涼拌菜，珍珠米飯同埋飲品一杯。跟餐嘅兩份牛肉都好好味，好新鮮，牛舌好爽口彈牙好好味。但杯柚子茶怪怪地好唔岩我口味最後都係＄160，食到飽飽而且好好味，抵食！

兄弟有免費飛，身為兄弟，當然即刻上刀山落油鍋幫手睇戲，誰知原來是看毒誡，正所謂: 一要看毒誡，興奮感無晒。我想看完這套戲最大的感受是除了要戒毒之外，仲要戒粗口。終於捱完死唔斷氣的結局，荷里活廣場正在做戲飛折扣推廣活動，又很久沒有吃過日式燒肉，於是去了牛八和牛，誰知要光顧極尚任食套餐才可享有9折優惠，另一個套餐就是2位起午市套餐就有85折優惠，身為精明消費者的我們當然選擇85折優惠，反正可以追加午市定食，當然，我們經過多年的填鴨式教育訓練及使用現今最精密的科技計算，家中的小朋友千萬不要亂學。是咁的，如果是極尚任食，粗略計算需要磅水$500，9折後都$450，如果是選擇午市定食，將追加優惠計算在內，就只須若$250左右，結果一如所料，兩人只需$230，不過注意午市定食只適用於星期一至五而已。Oh，我好似未形容眼前的食物是多麼的美味，肉質是如何鮮嫰，侍應服務態度是如何真善美，不過算了，我知你都聽慣了，我們還是直接去高潮吧。我們點了G牛肋肉&豬頸肉定食(醬汁/鹽醬)、J海鮮定食，牛舌(鹽醬)、還附送牛尾清湯、前菜及飲品，整體感覺都算新鮮(最緊要新鮮)，肉汁美味，再加上專人服侍，我只是負責吃，感

上網知道荷里活開左間生活雜貨店Zakkaya ，我專登黎行下，行完之後突然之間想食燒肉，就見到有間燒肉放題，門口有大大menu~價錢分為四種~我同我條佬擇左$238/位 既set，食物款式好多，雖然呢個set不包海鮮，不過見到個menu都己經知足夠我地食到飽，限時2個鐘裡面環境昏暗，座位好寬闊，好舒適！一開始會送個拼盤先，之後就自己點⋯太肚餓既關係，同埋一心入黎主要都係食牛，所以第一round 點左好多牛舌，牛肋肉，肩脊肉加少量豬腩片，豬頸肉⋯基本上都係同款肉但不同味～醬汁，盬醬～每種味道我都叫二三片試試⋯錦多款肉我比較中意牛舌，好有咬口，好爽，其餘的肩脊肉，雞肉，豬肉肉質都好軟稔..唯一係一口牛肋肉真係好un，un到咬唔到..另外第2 round 叫左南瓜，雜菌...南瓜切成u字形好厚身 ，雜菌份量都好多～食錦多肉，一定要食d 菜去消除油膩~叫左溫泉蛋沙律..生菜車厘茄好新鮮⋯撈埋蛋汁食.. 好味道~ 我自已食左2碗添haha ..每人可以點二杯飲料同一個甜品埋單前我地擇左單球雪糕，窩夫配雪糕～重要係柚子味

今晚同屋企人前往用膳，120分鐘放題，由坐低到埋單前嘅服務差到同冇服務一樣。首先，我地明明四個人入去，佢就擺得三套餐具同埋個爐吾着，叫個侍應(白恤衫應該係經理)俾一套我地同着個爐，佢應完之後行左去，轉過頭攞左個盤去收野，完全無視我地，要叫佢好多次先知有人問佢野。之後拎到餐具，揀好D食物打算落單啦，但離譜到三個人一齊舉手，一係根本冇侍應，一係班侍應都見到當冇野，行左去，完全吾想做噤，搞好耐先落到單。淨係呢幾樣野都浪費左半個鐘時間，但之後D食物梨嘅速度又慢到出奇兼吾跟單出，明明隔離先啱啱坐低，D野重出得快過我地，同埋全部都係生的食物，點解要用10分鐘先出得少少野？對於呢間餐廳，我完全失望，佢地同拖時間出少D野賺多D嘅做法一樣，唯獨收錢果陣最快，呢D手法我覺得好似俾人呃緊噤，佢地冇心搞服務就不如吾好開餐廳啦！我吾會再去架啦！！

鑽石山店沒有蔬菜及甜品bar枱，完全跟銅鑼灣店大不同。鑽石山店lunch set只跟一碟肉，一碗飯，一碟配菜及一杯飲品，跟銅鑼灣店配菜放題不一樣，要入座後才驚覺。應該早點清楚於宣傳單張表示每間分店之別！