牛極 (大河道) (Closed)

早幾年去淺草 Ikinari steak 食過一次400g 美國牛柳真係回味無窮今次經過牛極又見到佢有得試 400g 美國牛柳，點都要去回味一下餐廳用上日式自助石燒牛扒店為賣點，牛扒有不同部位及重量選擇，均經過熟成處理，會由師傅先煎至一成熟，再放至攝氏300度的火山石板上大家可按喜好自行用石板燒至理想熟度，牛扒皆附送自助吧，可任食沙律、餐湯及白飯 食物方面:美國Excel 牛柳 : 400g 牛柳係分為兩塊200g ，牛柳厚身啖啖肉，煎到五成熟再切成一大塊，再蘸上蒜蓉、韓式辣椒醬、秘製燒汁，配上白飯，慢慢享受美味的一餐

尋找美食的我，今晚專誠嚟到荃灣大河道石燒牛專門店(牛極)，我係超級嘅牛魔王一定要試吓，餐廳嘅特色係有一個自助餐區，任添加沙律、白飯、牛肉湯等。自助售賣機好方便，你要幾多重量，乜嘢部位都可以自行選擇。日式裝修十分光猛。用熱石上枱，可以將牛柳保持熱度，食起時更加帶出牛肉味。石燒牛柳200g（$110），店員上菜時熱石上面的牛柳咋咋聲十分震撼，當然最緊要就係牛柳肉質十分軟淋，牛味甚濃。值得一讚呢煲日式牛肉什菜湯，牛肉碎都好大舊，又香又軟淋，非常濃牛味。

中午行經大河道，見有間石燒牛店「牛極」，因好耐無食石燒牛，就一個人入去食番個牛扒餐「牛極」宜家食物選擇較之前多咗，午市唔單單有牛扒餐，仲有雞扒、黑豚腩片、鰻魚、厚切牛舌餐等，堂食價錢都係由$5x起，包有任食沙律、白飯、湯等🍴沙律🥗，大部分係生菜、加有少量蕃茄仔、粟米等，入口清爽脆口，醬汁就配柚子醋/胡麻沙律汁，酸酸甜甜，好醒胃🍴牛柳200g🥩邊邊位置較熟，入口肉質結實，有嚼頭，中間部份燒嘅時間較短，肉質較嫩，加上蒜蓉一齊燒，陣陣蒜香味，真係可以食多一碗飯😋

朋友講荃湾有間食牛，今晚决定一試，見到無咩人等位，舖面好有特色，好像日本小舖，一入去有位美女待應馬上招待我哋，入去叫我哋自助點餐機買票，我地叫左牛柳$110，牛肩排$80，入去坐底，店員好貼心比張圍裙你，免得整汙糟D衫，原來沙律，飯及湯都是自己拎的，沙律菜好新鮮，有芝麻醬及柚子醋，有羅宋湯，湯料豐富，肉味鲜甜，白飯任取，牛扒上枱，牛肉下面有塊石是熱辣辣，每件只是一成熟，用張餐纸蓋在上面，之後自己决定焗幾先食，肉汁香濃，枱上有盐，黑椒，辣粉，吧枱都有蒜蓉及燒醬汁，我地每人食左二碗飯及二碗湯，大满足😘😘

牛極食過其他分店，覺得唔錯。朋友今日話想食牛，我推介呢間牛極😆我同朋友各自點左一個牛排🥩 我叫左牛柳200g $110點野食係用自助購票機，方便又簡單👍🏻👍🏻店舖面積不大，但每樣野都好齊全！有一個自助區，提供沙律、白飯、牛肉湯、醬料同飲用水。石燒最大優點係，自己喺石板上面加熱，配合番自己個人喜好☺️牛柳好大塊，無論男或女食，份量一定夠！肉質非常嫩滑，亦都非常新鮮😍😍好有牛味，不錯！👍🏻

今日中午經過荃灣大河道，看見這裡lunch 做$80- 石燒牛肩排，沙律放題。由於我唔想吃太多澱粉質，啱啱好！所以走咗入去試，沙律、湯和飯都是任吃，我和朋友各自點了$80- 牛肩排有180g 和200g 牛柳, 呢個要$110- 。餐廳好細心，石燒牛上菜時都會用餐紙遮一遮以免客人被油彈親。牛肩排和牛柳上菜時大嘅4成熟，如果鍾意熟d 可以一邊切開一邊張生嗰邊放係石燒上，自己控制熟度。 建議不要整太熟，加少少鹽、胡椒粉已經好好味，如果想濃味香口d 可加上蒜蓉燒汁一齊食，有多啲層次。 如果肚餓可加飯一齊吃，不過我配沙律吃，簡單一個lunch 已經好飽。

今日想食牛，就去牛極試一試，入到去叫我地先自助購票，我地要左二份牛柳$110，入去座底，侍應每人派一條圍裙，飯及湯沙律都是自已去取，無限量添食，牛牛上枱，下面燒熱果舊石，自己控制幾成熟，自助吧有各款汁醬，枱上有黑椒及盐，D肉好大塊，肉味香濃，我食左2碗飯及2碗湯，D湯好香肉味又多配菜，下次必定再食😘😘

呢日一個人喺荃灣，想搵間小餐廳簡簡單單食個午餐，經過呢度，見到「牛極」，已經有一段時間冇食過，印象中味道唔錯，咁再冇乜考慮之下，就決定入去開餐😆原來除咗牛之外仲有其他食物，叫咗 $65嘅 Lunch Set「日式鰻魚燒」，包沙律菜、餐湯、白飯，呢啲都係任飲任食，要戴口罩自己出去吧枱嗰度攞😆沙律菜 加咗柚子汁，酸酸哋幾開胃😋。餐湯係「牛肉湯」，熱辣辣，真係有啲肥牛肉，仲見到有白蘿蔔、大蔥等，我竟然飲咗兩碗😆。「日式鰻魚燒」放喺燒熱咗嘅黑石上邊，下邊舖咗啲蔬菜，出晒煙😋；鰻魚 有兩大片，肉質軟熟幾好味😋

好味嘅牛牛🐮員工好友善👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻推介！推介！推介！😍😍😍😍😍😍😍😍😍😍😍😍😍😍今次試咗牛柳，200g厚切，夠淋有肉汁。下次會再試吓其他部位。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻最驚喜係蕃茄雜菜湯，好香濃，必試！

話說今日又出開荃灣做啲嘢，做完私事又係時候醫下個肚。今日突然好想食牛。最後比我見到呢間牛極，啱晒喇，咁就入去食下啦。餐廳採用自助形式點餐。門口會放咗一部機係到。除咗牛之外另外仲有午市套餐。因為我本來就想食牛，最後點左牛柳之後就搵個位坐低。餐廳係沙律，湯，飯甚至係餐具都要自己出去拎。沙律菜新鮮爽口，而今日餐湯係羅宋湯。主角牛柳出場。牛柳會伴隨一舊熱石上。而牛只會煮到一成熟左右，客人可以按自己嘅喜好將牛放係熱石上面煮熟，牛柳肉汁豐富，牛味出色。基本上唔洗加任何醬料淨送白飯已經好好食。

平時喺油麻地返工中午都有食開嘅牛極，知道質素是唔錯，而且價錢又抵，加上沙律、湯、飯是任食的，啱晒大食嘅我，今次過開荃灣呢邊，見到有牛極真係太好，唔使諗食咩，見到鋪頭冇咩人即刻入去食呢間同油麻地一樣，先點餐買飛再由職員安排入座，把飛交給職員，過一陣職員就會把它送到你面前，等我期間我就出去拎湯同沙律，發現成盤沙律沒有蓋剩係得張揭開嘅保鮮紙直接放在外面，雖然拎嘢食要戴口罩，但係都感覺唔太衛生，人來人往始終都有細菌，最後我都放棄咗食沙律，牛柳出餐的時候大約只有兩成熟，自己可以用石頭嘅餘溫按照自己喜歡嘅生熟程度加熱，原本諗住嫩滑嘅牛柳但係d肉勁韌，一啲肉味都無，完全顛覆我對牛極既印象，我終於明白間鋪少人既原因係咩

來到荃灣好多美食，但今日想食牛，朋友推介呢間餐廳，決定試下😊😊😊餐廳自助形式點餐，好方便點左200g牛柳，$110🐮另外🥗沙律，湯，白飯都係自助形式。沙律d菜新鮮，有芝蔴醬可以落，不錯！👍🏻👍🏻肉味相當香濃，油脂少，口感嫩👍🏻👍🏻牛柳肉質不錯，算高質，呢個價錢算係抵！石板燒上，自己控制生熟，又唔會因為凍晒而影嚮肉質，一路熱住咁食一路傾計都唔怕！湯飲左2碗，白飯都食左2碗，抵！😆😆

牛牛牛牛，今日突然好想据扒😆😆😆荃灣有間半自助石板燒好似好吸引😍😍我揀左200g 牛柳 $110沙律，湯，白飯，任飲任食，醬料齊全環境舒服乾淨，感覺好似去左日本地道小店😆牛柳用石板燒上，自己去決定生熟程度👍🏻👍🏻原來200g份量都不少，切開牛扒，入面仲係有d紅，唔會太熟，自己決定幾成熟。👍🏻高質扒，外面用石板燒熱住，鎖住肉汁，牛柳口感會較嫩，咬落去肉汁流晒出嚟🤤🤤送白飯一流👍🏻另外一提係，個湯係用牛骨去煮，非常好味，簡直係一個亮點😍，想飲多一碗，不過已非常飽，大滿足😊😊性價比高，值得推介👍🏻👍🏻👍🏻

突然想食牛扒又唔想去西餐廳咁貴，石板上嘅牛扒都係一個唔錯嘅選擇！可以自己控制牛扒嘅熟成度，而且仲可以自己調味，枱面有黑椒、鹽、辣粉全自助！另外仲有白飯、麵豉湯同沙律任飲任食！係唔係即刻覺得好抵食！而每款牛扒都有2-3種唔同嘅重量來訂價，可因應不同人食量來叫，咁就唔會浪費食物啦👍🏻！而我今次就叫左牛柳最細份 200G $110，本身我就算好餓都食唔到太多，所以最細份就夠啦！平時我出去食牛扒都係揀牛柳，所以今次都特登揀牛柳來睇下有咩唔同！廚房會先將牛扒出面煎熟以鎖住肉汁，而用嚟擺牛扒嘅石板嘅存熱量都好勁，所以一上枱要即刻食啦，唔係牛扒會太熟！一切開入面仲係紅紅地，如果驚太生可以切開後再係石塊上燙一燙！但我覺得切開有啲紅就咁食就啱啱好，先夠嫩！而沙律都值得一試，啲菜蔬菜好新鮮，再淋埋麻醬應該無人唔鍾意呢度環境望落都好乾淨，而仲會俾條圍巾你防止整污糟件衫，真係好貼心

荃灣扒房唔多，突然想食牛扒時都幾傷腦筋，但早排朋友推薦一間連鎖嘅石版燒牛扒舖頭俾我，我覺得佢性價比相當高。鋪面光鮮，當晚去到時候人流都唔少，幾乎滿座，同朋友一齊都要等一陣先入到去，入到去店員指示我哋先購票後入座，十足去咗日本餐廳一樣。今次order 咗個 180g嘅牛肩排，只需$80，仲包埋任食沙律、白飯同麵豉湯。啱晒一眾大食之人嚟呢到大快朵頤!!!🤣🤣牛肩肉大約5分鐘之後就上枱，肉上面仲有幾片炸蒜，餐廳寫明每塊牛扒只會為客人燒一成熟，其餘生熟程度都係由客人自己去控制。牛肩肉望落中間有條好大嘅根，但其實食起上嚟一啲都唔影響口感，唔會覺得條筋咬唔斷，兼且肉味仲相當香濃。進餐嘅時候，店員都會過嚟詢問要唔要更換石版，以確保石板有足夠溫度去燒熱牛扒，服務抵讚!!!👍🏻👍🏻