hōmu by favilla (Closed)

呢間餐廳係我阿妹嘅同學，推介我哋兩個嚟食嘅🙌🏻衷心咁樣多隻佢介紹咗呢間餐廳俾我😚因為真係太！太！太！太！好食了！尤其是係佢個煙三文魚藜麥沙律配是日餐湯😆！我平時自己都會食藜麥嘅，不過唔知係咪因為隔籬飯香，所以覺得人哋整嘅好味啲呢😂今日嘅煙三文魚鹹鹹香香👍🏻連我阿妹唔鍾意食沙律嘅都要爬咗兩啖🤫另外我阿妹就叫咗雜錦吉列湯烏冬，有吉列炸蝦，吉列生蠔，明太子雞翼！呢個湯烏冬都幾抵食😳係屋企好難整到吉列嘅食品🤫因為要用好多油😂阿媽實會鬧到我哋死🤭🤭呢度可以食返夠本😻好彩佢哋唔會話好油膩，所以都OK💛Strawberry Green Tea呢個飲品，反而令我有少少驚喜，我冇諗過佢會有咁香濃嘅士多啤梨味😋好解滯👍🏻

早晨呀咁多位今日要介紹嘅呢間餐廳就特別啦🤣睇佢個外觀係木系Cafe🫶🏻其實佢仲有早餐食㗎 ！仲要係一啲好港式早餐🥰果然係良心小店💛🪄是日餐點🎉鮮牛肉蕃茄濃湯通粉🍅沙嗲牛肉忌廉湯公仔麵🍜玻璃樽涷奶茶🥤•¨•.¸¸☆･ﾟ•¨•.¸¸☆･ﾟ•¨•.¸¸☆我自己不嬲都對蕃茄呢兩個字冇抵抗力！由細到大都好鍾意食蕃茄製成嘅食物，蕃茄湯就更加唔可以放過啦！實不相瞞其實我食譚仔都會叫蕃茄湯㗎 ！呢度有啱晒我啦😻佢配埋牛肉片同埋通粉🙌🏻超級飽肚另外我老公就叫咗一個沙嗲牛肉湯公仔麵，大家唔好睇到忌廉兩個字就覺得好驚，其實佢只係想比平時茶餐廳嘅沙嗲牛肉湯多咗少少香滑嘅感覺😈所以大家可以放心食用🫶🏻玻璃樽裝住嘅凍奶茶實在太吸引了😽非常的骰!最緊要佢係冇冰🤭啱晒女仔🤫

生完阿B之後我成日都覺得帶佢食嘢好麻煩😿直至我睇到媽媽group有人介紹呢間餐廳，讚呢間餐廳嘅職員服務態度一流👏🏻而且仲有小朋友在以提供 實在太感動了😹身為媽媽嘅我梗係要試吓係咪真係咁正啦‼️可以解放雙手嘅美食不能夠放過😆除此之外呢度仲有少少嘢食可以俾大家買返屋企煮㗎👍🏻我自己最鍾意就係去cafe度點All day breakfast‼️佢呢到嘅all day Breakfast都幾抵食㗎，有香滑嘅黑松露炒蛋、煙三文魚片、蘋果豬肉腸、脆香煙肉、薯仔沙律、茄汁焗豆、甜粟米同牛角包🥐我我俾咗一啖蘋果豬肉腸仔BB食😚之後佢就追住我要啦😂另外我老公就叫咗一個黑松露芝士美國牛肉黑炭漢堡包配薯條🍟！始終男人都真係要食大份啲先夠飽☺️佢呢個包一咬落去已經好多肉汁別晒出嚟😍好Juice！而且黑松露芝士勁香😋另外，我哋就叫咗兩杯飲品都係梳打嚟嘅！🥰好清爽啱晒而家呢啲季節😛Homemade Lemonade Soda&Blue FlowerEarl Grey Yuzu Soda

⚜️一直覺得荃灣位於愉景新城嘅一間餐廳好有心思、同埋真係有心搞好間餐廳嘅感覺❗️佢啲嘢食全部都好好味，擺盤又精緻🥰打卡之後仲可以食飽飽👏🏻-蝦頭油忌廉汁蜆肉扁意粉🍝我知道有好多人都唔會食蝦頭嘅蝦膏😳但係我想話俾大家知蝦膏，真係好好味‼️實不相瞞其實有嘢仲好味過蝦膏✅就係蝦頭油🦐簡直就係一隻蝦嘅精髓！要經過煎煮出油，每一隻蝦嘅蝦油都唔會話好多但係味道夠晒濃郁，所以配埋忌廉汁更加鮮味十足👍🏻蜆肉大粒又冇沙，意粉非常掛汁✨-吉列炸蝦，吉列生蠔，明太子雞翼🍤呢個小食拼盤真係Mini size。啱晒我呢啲想食又怕肥嘅人🤭有三樣小食可以食，真係好滿足！我自己最鍾意明太子雞翼😉-Small Matcha Latte&Caffe Latte☕️佢啲Latte真係好香，好細滑😍拉花仲要好鬼靚！

屋企樓下呢間西餐廳簡直就係我日常嘅飯堂！嗰陣時我同我男朋友拍拖都會喺樓下食晏晝㗎！今日我哋都叫咗幾多嘢食，所以就打算影相寫埋食評我，介紹吓俾大家❤️🤭慢煮封門牛柳定食配是日餐湯🥩封門柳每隻牛只有兩塊，肉味係整隻牛最濃厚，慢煮烹調就最適合，不過，完美保留牛嘅鮮味😚是日餐湯就係煙肉紫薯忌廉湯✨有冇人同我一樣都係鍾意飲紫薯湯？😆第一次見到嘅時候覺得佢紫色好奇怪，點不知原來飲落係甜甜地😋 All day breakfast🥓佢講All Day真係好鬼死抵食‼️又有黑松露嫩滑炒蛋、煙三文魚、蘋果豬肉腸、脆香煙肉、薯仔沙律、茄汁焗豆、甜粟米、牛角包等！食完好飽㗎 ！真係可以飽足全日！

Lunch經過愉城嗰陣發現到呢間餐廳喺轉角，見到佢露天茶座咁款好似幾舒服咁，就膽粗粗貢入去試吓。入去嗰陣，店員畀我揀坐梳化定高枱？呢個感覺幾好，唔似得其他鋪係嗰張就要坐嗰張。坐低諗緊食咩好？見隔離個定食啲擺似幾靚，就問店員幫我落份一模一樣，雖然間餐廳係要掃QR Code落單，但店員都冇詐型，直接幫我落，全程好有禮貌。個雞排定食都真係幾好味，值得再嚟試其他！臨走埋單，個店員仲有詢問我有冇做愉城會員？教埋我點樣草分兌換優惠，等下次嚟著數啲，又教埋我點行去搞泊車優惠同點落去快啲，真係唔錯！

第一次嚟呢間餐廳食嘢 入到去舖頭嘅時候大概2:30 同事態度好好 主動俾咗個午餐嘅餐牌 提供左一個更多嘅選擇 最後我地決定叫咗一個下午茶一個午餐 食左都25分鐘 先發現原來杯嘢飲唔係自己想要既果款泡沫咖啡 同同事了解返 原來佢舖頭嘅係綠茶泡沫咖啡 我自己睇錯咗 同事仲好有耐性咁了解原因 再主動問 需唔需要幫我換左佢 之後幫我換左杯朱古力咖啡 好多餐廳都未必會有呢個舉動 因為係客人既錯 但呢間鋪頭會有呢種文化 確實係日本去旅行先會遇到既服務 佢地既員工會令我值得再光顧！野食都非常美味！呢度係令人感受到人情味既地方。大家都要黎試下😊

原本同女朋友試下，去到門口發現得一枱人2丁友食晚飯，心諗係未好大機會中伏...諗左一陣都係試試佢...門口冇人招呼，安心出行同針卡都係自己掃🤣 🤣🤣差d仲以為要自己搵位🤣個咩香辣蒜牛柳扁意粉好油，茶記乾炒牛河咁上下油...牛柳冇牛味有血水味定雪櫃味...食2塊唔想再食😕😕😕食完個肚唔舒服肉眼扒又唔夠熱🤷‍♂️🤷‍♂️🤷‍♂️🤷‍♂️🤷‍♂️最好味係舊南瓜🎃套餐+30有湯/沙律，再+15至20有杯野飲加埋同其他cafe差唔多...埋單470....比預期貴左🤣去其他cafe好過🙂🙂🙂🙂間野冇人食唔係冇原因Blacklist

價錢個人覺得午餐嚟講係略貴嘅，食物味道唔錯，不過可以揀得落手嘅唔多。環境都算唔錯，服務員都有耐心推介嘢食，但係埋單有些少麻煩，要自己行出去比錢。整體都可以嘅，都有70分

一個人食lunch 其實無咩特別service 算，因為我坐係cashier 隔離，我食完打算直接比錢走，企係度等左1 分鐘，有個職員先見到我，之後我比左錢，全程個職員一粒字都無講過。包括無講幾錢，無問你比信用卡定八達通定係其他。到走啦，離開左門口，有個個職員叫返我轉頭，問我比左錢未。 態度極之惡劣，不會再去。食物普通，性價比不合理。問個客比左錢未，點解唔同左自己職員溝通左先，態度差，而且之後都無道歉，任何不好意思😬

呢間店好日系風格環境都大幾舒服食物不過不失😛😛🧡蒲燒鰻魚味噌滑蛋定食🐟定食包埋沙律同湯個粟米湯好濃郁好好味鰻魚都幾大條幾肥美至於滑蛋唔算好滑但都OK整體都不錯☺️☺️🧡西班牙吉列豬梅扒定食🐷吉列豬梅扒新鮮炸出黎吉列粉漿唔算好厚豬梅扒食落都淋整體都係OK👍🏻👍🏻🧡富士蘋果生芝士蛋糕🍰蛋糕入面有蘋果粒粒不過蘋果味唔係好出主要都係普通芝士蛋糕味🤨🤨🧡Baileys Latte☕️Latte真係有少少Baileys味飲落都幾夾幾好味👍🏻👍🏻🧡Dark Chocolate Milk🥤用黑朱古力味整嘅朱古力所以味道唔會太淡👍🏻👍🏻

呢間咁日系既餐廳一路都bookmark左好耐 俾餐廳既環境吸引左 好想去試 望落環境好舒服 好日本既感覺 近門口有幾張梳化枱 入面有兩張坐地下既塌塌米 岩晒打卡 我地晏晝兩點幾去到 餐廳冇乜人 唔洗等位 佢午餐全部都係Set黎 每一份都係用木板上 擺得好靚 我地叫左呢間餐廳必食既慢煮封門牛柳定食 揀左七成熟 封門柳煎得好靚 望落呈粉紅色 都有好多件 仲跟埋沙律菜 加左芝麻醬 沙律菜好新鮮 仲有埋飯 有飯素係上面 令到個飯冇咁單調 更加好味 個set仲跟埋餐湯 係南瓜忌廉湯 份量好大 好香南瓜味 好Creamy 另外仲跟埋個紫薯蓉 打到好滑好重紫薯味 跟餐揀左熱日本茶 好香茶味另外仲叫左個日式薑汁炒野菜豚肉扁意粉 個意粉份量幾大 炒得好香口 好多菜 菇 蕃茄同埋豚肉 好好味 都係跟湯同日本茶整體黎講 環境舒服 岩晒打卡 食物幾好味 價錢合理 值得一試

一坐低唔夠2分鐘已經想收走我本Menu催落單🥲嘢食嚟到之後份量應該適合BB仔食用！都唔緊要！大佬啊⋯⋯我唔係嚟食冷盤㗎🫠點解啲牛柳係凍嘅，白咖喱雞扒都係凍嘅⋯⋯雖然天氣熱啫🙃再者，叫個便當飯 隔籬枱枱都係用便當盒 點解我嗰個係用咗外賣盒裝😳😳😳what the ⋯⋯至於味道方面，熱烈推薦平時食得健康清淡嘅你～因為連我平時食得清淡嘅另一半問我食唔食得出冇乜味😑😑😑極度建議雀仔胃嘅你可以選擇試吓🫠🫠相信雀仔胃應該都有七成飽

平日個仔放學3點幾去到冇咩人不過呢度冇下午茶咁都係叫返午餐慢煮雞胸白汁意粉 $98加左杯桂圓紅棗茶 $21本身諗住同個仔share 食但實用太細碟我自己食哂都唔夠飽好彩有另外帶個包比個仔者同埋黎到先知佢面係有少少炸過另外有舊野直頭係炸所以都費事比呀仔食了味道ok不過唔知係咪返整所以感覺唔夠熱不過我主要都係搵個地方坐下佢得幾台人我同個仔坐sofa都幾舒服既杯桂圓紅棗茶原來係茶包黎咁加$21仲話係半價左我覺得有d貴另外杯野係冇味既唔知係佢冇比糖水我定點最後埋單話有88折$105埋單

上Mee搵到呢間黃店，上嚟OP又見有得book位，無理由唔食啦Lunch time約朋友食飯，有得book位好緊要一個餐可以加湯加餐包，好豐盛個湯好好味😋但最後都唔記得問係咩湯🤣定食有三款肉，三款都整得好好味，食到唔想食飯🤣🤣🤣而且環境好舒服，一路坐一路傾差啲遲到🤣而且係OpenRice book位仲有折，下次一定會再嚟😋😋😋