夏茶

Open Now

Now Closed

有個女店員染咗頭髮有少少藍色頭髮嗰個好好人、好靚女，我叫左杯草莓雪沙，雖然好好飲，但對於我嚟講見到佢比起我杯草莓雪沙更加甜，整體來講好飲，我講杯野，但店員真係靚

—平日去反而冇 星期日2點幾去到 供應充足 於是每個味都買咗嚟試自家廠房出品 仲用laser?!印上logo🥥世一椰子凍($48)椰子脆片/椰子凍Q彈嘅椰子凍混入椰肉碎增加咬口頂部再倒入椰子脆片 香甜回味椰青屬於嫩身 所以好易刮到椰肉🥭芒芒椰子凍($55)新鮮芒果肉/椰子凍/芒果布甸呢款多咗芒果肉同布甸 好豐富自己食完成個 都覺得好飽🍓荔枝椰子凍($55)糯米糍荔枝/椰子凍原顆去核嘅荔枝混入椰子凍——————————————夏茶 元朗元朗炮仗坊36號地舖

夏至之後日日都熱死人🥵🥵喺instagram見到呢間夏茶個「芒果椰子凍」好似好正咁，就過黎試試佢啦。落單唔洗排隊，但我哋星期日下晝2點去到已經賣晒「芒芒椰子凍」🙄，只有「荔枝凍」喺個椰青殼入面，都好啦咁熱就試吓。呢個甜品$55，入面只有透明啫喱+好多粒荔枝喺個椰青殼到，早知我去超市買個椰青+一梳荔枝仲好啦。個甜品仲要好重，如果冇揸車要烈日當空企喺條街食真係唔好制。另外再加咗一杯「芝士奶蓋椰子雪沙」（原價$45，特價$40），呢飲就好好飲呀，好解渴，味道都好夾，飲落係類似椰奶沙冰咁嘅味。整體黎講，價錢非常貴，可以揀其他椰汁店更好。

早前睇到好多人嚟元朗「夏茶」買呢個原隻椰子凍打卡覺得好吸引😍 今日成3x度入開嚟元朗緊係去買個冰凍椰子試吓啦🥥 好可惜我嚟到時只係大約下午2點就已經話冇晒佢地個signature 🥭芒果椰子凍😭 得番荔枝椰子凍😩 但難得一場嚟到，都照買嚟試吓🥥荔子椰子凍 $55原個椰青一拆開保鮮紙就見到好多原粒大大粒嘅荔枝喺透明嘅果凍入面，大約都有7,8粒荔枝😳可能啲荔枝好夠甜，相對嚟講唔係好食到啲果凍咩味😂 似係透明少少甜甜地嘅啫喱咁🧊喺3x度嘅炎下氣溫下食係都幾清爽解渴，不過下次都係想想試番🥭芒果椰子凍多啲😅 同埋個椰青都幾重下，如果冇車🚙咁重又熱仲要拎住嚟企喺街食真係幾呢hea😓🧀芝士椰子雪沙 $40呢杯亦係佢哋大熱好評嘅飲品，一飲落去椰子沙冰勁清甜🤤一啲都唔會死甜，仲有少少椰子肉好有咬口好好味，同樣係好解渴而且椰子汁香滑夠濃👍🏻比起原隻荔枝椰子凍出色同更值得試🙈

見到有ig foodie話每次入黎元朗都要飲夏茶，次次都講到咁正，今日入黎決定一試。山長水路遠行過去，fd一見到menu個牛油果冰沙就好興奮咁講會唔會以後經常忍唔住黎飲一杯，點知order完拎嘢嗰陣有個店員嘅態度即刻令大家都話冇下次，再試埋味道就真係不了不了！依間嘢係店員態度差到我會要黎寫食評！個態度好差嘅店員係senior，另外一男一女好明顯新人，唔係好熟悉啲流程不過態度都正正常常。本身以為我地唔好彩，結果後面黎嘅一個客問完椰子凍聽到佢嘅回答，即刻白眼走人。其實真係可以考慮痴張紙寫返椰子凍味道同唔提供堂食，唔係等著趕走更多客人啦。1.係我疏忽冇睇下食評，一心想試世一椰子凍，期待過高，椰子脆片幾香，但係啲椰子凍真係一啲椰子味都冇，fd笑話係咪1:99溝完水？2.牛油果雪沙都係冇咩牛油果味，芝士奶蓋都算唔錯嘅，但係成杯嘢對唔起個價錢。試新野都明白未必啱自己口味，好正常，但令我黎寫篇食評真係店員態度太差，希望可以改善下

📍元朗 《夏茶》芝士草莓雪沙 $𝟒𝟎.夏茶主打用新鮮生果整嘅雪沙再加濃濃嘅芝士奶蓋😍熱賣𝐍𝐨.𝟏就係呢杯芝士草莓雪沙，將新鮮士多啤梨、鮮奶加冰打成細碎嘅雪沙，飲落味道唔假好天然，仲食到粒粒草莓果肉，奶蓋夠滑芝士味好濃厚，質地岩岩好唔稠， 建議飲之前可以打開蓋細味一下個芝士奶蓋。味道：𝟗/𝟏𝟎性價比： 𝟕/𝟏𝟎

之前見到媒體報道 夏茶出咗個椰子凍，今日去到附近特登過嚟睇吓有冇得賣，本來都好驚摸門釘，但竟然唔使排隊😮 同舊舖嘅情況相差好多 估唔到呢 😮原來椰子凍都有兩款口味，其中一個就係原味椰子🤣，另一個就係芒果口味。我就叫左芒果味椰子凍拎翻屋企食～店員好方便地整都唔使整直接喺雪櫃就拎俾我啦～芒果椰子凍同大部分芒果甜品一樣，個面係芒果肉粒粒，下一層就係重點層椰子凍！濃濃既椰青味又唔會太甜，質感幾爽口，比大菜糕軟滑少少。之後就係比較Creamy嘅布甸layer，雖然個名叫做芒果布甸，又有睇得見嘅芒果肉，但係味道都係椰子味為主，唔知係咪因為白色嘅部份係椰漿呢？🤓總括來說，呢個甜品都係幾好食 而且佢份量好足夠，我同妹妹兩個人一齊食都好滿足～ 不過內裏嘅椰子肉係好硬淨，我用店鋪比既膠硬就食唔到既🙈

見到有人介紹哩間嘅芒芒椰子凍，為咗試吓味道如何，於是長途跋涉去會一會佢😏 熱辣辣三十幾度食凍野就啱哂喇👍🏻 可惜去到時芒芒椰子凍已經賣哂，所以就改試世一椰子凍啦😆去到先知道原來係間茶飲店，不設堂食。門口擺咗幾張櫈仔，可能係提供俾客人等茶飲用嘅。天氣咁熱，加上搵路行到身水身汗，仲要企喺街邊冇冷氣，仲要拎住咁大個椰子企喺街邊食，感覺真係麻麻地🤦🏻‍♀️✨世一椰子凍 $48椰子凍嘅賣相唔錯，份量都唔少，面層係椰子脆片同埋椰肉碎，配埋爽口滑嫩嘅椰子凍，集合多種唔同嘅口感，層次豐富。不過好可惜，椰子凍嘅味道唔夠香，冇乜椰子味，只係食落似係甜甜地嘅大菜糕😓 而且面層椰肉碎只係得好少，食兩啖已經冇哂椰肉碎😅 🔍整體感覺：收銀旁邊嘅雪櫃仔細細個，放滿哂椰子凍，唔知係咪雪櫃仔太細又擺太多，買咗幾個椰子凍都係唔夠凍嘅🫠 咁熱嘅天氣以為可以坐定定舒舒服服食嗰甜品，點知熱辣辣冇位坐要企街邊，甜品亦唔夠凍，仲要冇乜椰子味，真心好失望💔 建議大家如果真係想試，可以揀啲涼涼地嘅日子，同埋唔好抱太大期望😂

［元朗人氣飲品店-夏茶🍶］-雖然夏茶捲土重來，重開咗大半年🤣但因為唔係成日行去個頭🥲一直都冇機會買黎飲不過比我睇到佢Ig出咗新嘢-椰子凍🥥好鬼吸引🥹即刻搭輕鐵再行去買！😍-夏天嘛☀️梗係要飲啲透心涼嘅飲品於是我就嗌咗「椰子二人組」- 世一椰子凍同埋芝士椰子雪沙🥥雖然都係椰子😍但兩款口味各有特色👍🏻兩款都推介😆-😋芝士椰子雪沙❄️ $45夏茶嘅奶蓋都幾出名🤪佢嘅芝士味非常濃郁😋飲落去好creamy雖然都係白色😆但隱約睇到奶蓋都幾厚而個椰子雪沙奶味香濃帶有淡淡嘅椰香入面仲有綿密嘅椰子沙冰同埋椰肉碎碎🥥食落非常有口感😝超級消暑解渴係幾有特色嘅飲品👍🏻好味指數：🌕🌕🌕🌕🌗-😋世一椰子凍🧉 $48一係ig 見到就比佢個造型吸引咗😍原隻椰子出面印咗夏茶嘅logo入面就裝住晶瑩剔透嘅椰子果凍望到都流曬口水🤤佢個椰子凍係用新鮮椰汁及椰肉製作😋食落係啫喱狀嘅椰青水😆非常新奇有趣味道十分清甜🤩果凍入面有啲粒粒椰肉面頭灑滿烘製過的椰子脆片每一啖都充滿口感超冰涼🆒不錯唔錯🤫好味指數：🌕🌕🌕🌕-💸人均消費：$50

剛好當天是公眾假期，大部分的掃街小店都打祥😣 幸好這家手搖飲品店還在營業，在寒冷的冬天下⛄️ 我們還堅持點了他們的招牌雪沙品嚐❄️芝士椰子雪沙當天的芝士草莓沽清 所以我們點了較會少見的椰子味芝士奶蓋🧀creamy 帶點鹹香味搞拌後飲用 增添一份奶香味 味道飽滿雪沙入口十分冰涼🧊 質地細緻綿密✨椰子味道突出 每一啖都有椰子果肉粒🥥 💫 整體味道新鮮清甜 而且有咬口😊 此款飲品十分適🈴️在炎炎夏日☀️品嚐 非常解暑🙈值得一試🌟🌟

見到ig有page介紹呢個甜品  山場水遠走入元朗食呢個椰皇 諗住會有驚喜 點知去到椰皇可以無曬椰子味都算（最後要左芒果味仲要俾多$7），食左一啲啖就知有伏 椰子凍唔夠椰子味 又唔夠凍 最後想食椰皇既椰子肉 啲椰子肉又老又鞋又唔凍 最低層又有啲唔知咩的芒果jelly 又係唔夠芒果味 真心$50幾蚊又無得堂食 同咁的質數 去甜品鋪食好過另外要左杯蜜桃大滿足 入面蜜桃係酸既 奶蓋不過不失 但$40 覺得會可以有更多的選擇總括而言試過一次就算 唔會有回頭

📌夏茶~元朗初嘗元朗名物 夏天熱辣辣就要去飲杯肥仔水🤰🏻奶蓋飲品較出名 唔駛等好耐就買到😍用上新鮮生果整嘅沙冰好真材實料仲會跟着唔同季節推出期間限定口味🙌🏻新出嘅清甜消暑椰子凍甜品喺必食之選👅鍾意食椰子嘅人一定要試吓～1️⃣ 芒芒椰子凍 $𝟱𝟲 (𝟳.𝟱/𝟭𝟬)每日限量發售 售完即止‼️見到勁多人買就即刻唔執輸咁叫咗一個賣相都好有心 刻埋招牌名上去😗上面有滿滿嘅芒果粒 味道清甜椰子凍係用咗新鮮椰汁同椰肉製作🥥晶瑩剔透 亦都見到新鮮椰肉喺入邊入口清甜 完全冇人工假味🥹底下仲有層芒果布甸 但口感較似大菜糕芒果味道唔太明顯🫣2️⃣ 芝士芒果雪沙 𝗖𝗵𝗲𝗲𝘀𝗲 𝗠𝗮𝗻𝗴𝗼 𝗦𝗺𝗼𝗼𝘁𝗵𝗶𝗲 $𝟰𝟮 (𝟴/𝟭𝟬)選用咗當做嘅水仙芒 芒果味濃🥭仲食到粒粒芒果肉 芝士奶蓋濃厚奶蓋份量比我想像中少 如果再多啲會開心啲沙冰好綿密 完全真材實料冇化學🤩甜度啱啱好 夏天解渴一流👍🏻💡整體嚟講 椰子凍甜品味道幾創新特別😋另外仲有原味 上面有椰子脆片🥥飲品係幾好飲嘅 但又唔覺得好特別😂經過元朗嘅可以一試！✄------------------------------✄整體味道😋: 8/10性價比💵: 7.5/10 打卡指

超香濃芝士奶蓋 元朗名店！🤣❤️‍🔥每次經過都好鍾意飲尤其係牛油果芝士奶蓋今次食得太飽覺得牛油果好似好滯 所以今次就揀咗芝士桃桃雪沙呢度係Fix jor甜度 不過唔會好甜令人好口渴～My favourite!!!

呢間小店喺元朗重開未搬之前一直都係元朗人氣小店芝士草莓雪沙$40芝士味香濃另外草莓雪山飲落去味道一啲都唔假完全食到一粒粒嘅草莓果肉用新鮮嘅生果加牛奶一齊打成雪沙消暑解渴產品

白桃烏龍就飲得多~今次夏茶新出嘅桃桃鳥龍鮮奶茶HKD38好奇究竟當烏龍變咗奶茶又係點呢結論係🔈🔈 好！好！味！🤩頂部有層淡忌廉加粒粒果仁奶同茶嘅比例簡直完美 🙌🏻飲落fresh得嚟又夠順滑😋（本身以為會有果肉 但飲落就唔覺有）惟一美中不足嘅係 如果可以有大杯版就更好啦~🙊✨推薦 白桃烏龍愛好者必試☺️✨🚩夏茶 元朗元朗炮仗坊36號地舖