夏銘記

Open Now

Now Closed

夏銘記是一個老招牌，它製作的魚蛋同埋魚片出名好食，之前喺佐敦開店，去過幾次永遠都排晒隊！後來知道喺西環開咗分店（其實一路都開咗，只不過之前唔可以用夏銘記呢個名），馬上過來試吓！大約12點幾到達，發覺冇乜人，太好了，終於唔使排隊！即刻嗌咗碗魚蛋魚片河，當然加埋佢嘅黃金炸魚片！唔使5分鐘，店員送上熱騰騰嘅河粉，啲魚蛋好魷魚味，軟綿綿嘅魚蛋！係我杯茶！好正！而魚片亦都係一絕，配合起上嚟，真係冇得頂！河粉都唔錯，配埋個淡淡嘅魚湯，真係好享受！嚟到夏銘記，當然唔少得佢嘅辣椒油，辣得來好香好正！配埋魚蛋真係冇得頂！最後要講埋黃金炸魚片，剛剛炸起，仲要厚切，真係好享受！港島嘅人真係有福了！大家有機會嚟試吓！

這一日，特意到堅尼地城海旁，因為有好多人會到此打卡。所以都來湊湊熱鬧！😝經過「夏銘記」，點了兩碗粉，加一條炸魚片（成條）。 我好耐之前在油麻地食過，後來店舖已closed. 從朋友得知，呢間都是佢哋既魚旦。所以，都想試下。兩碗粉ok! 好食😋！魚旦彈牙，好有口感！魚皮餃都很不錯👍🏻！推薦！魚旦魚片都好有質數，好明顯跟外面一般的粉面店有好大差別。很值得一試！我們食完差唔多走的時候，又有人點成條的魚片。老闆話已經賣光。原來我們點個條都差唔多是「尾二」 個條！😝😝都算好彩☺️

今時今日都仲有39蚊一碗粉，真係唔容易，佐敦分店食過唔錯，今次來堅尼地城分店再食，不愧是开了40+年老店，鱼蛋和鱼片软滑鲜甜多汁，同其他魚片比較硬身的口感唔同，入口能吃到鱼肉的新鲜味道，没有粉感，不用蘸任何调味都好味