夏銘記

Open Now

Now Closed

夏銘記有兩間分別是佐敦及西環。今日特意到西環食夏銘記粉麵。唔好睇餐廳環境細細，佢製作嘅粉面係非常出色！而且座位都舒服😌係四人卡座。必點炸魚皮：本身用個膠袋包住，開咗佢返番轉膠袋就可以裝落碗度食。一開袋已經聞到非常香，每片都非常大塊，唔會碎濕濕。炸完超香脆，放落粉麵幾秒會聽到👂有少少脆脆嘅聲音，反而微微濕更加好味。🐟原條魚條餐廳會幫你切成厚身一片片，當小食兩三人分享份量啱啱好，超級！彈牙！而且味道調得剛好，但又唔會過於鹹！🍜紫菜四寶河：湯頭清清地、味道鹹香幾好食。四寶中我特別喜愛魚蛋，質感非常彈牙。隱藏餐牌：鵝腸撈麵可轉湯麵🍜個人非常偏愛食鵝腸，但怕跟撈麵會過於乾身，所以問職員可唔可以轉湯麵。原來係可以轉㗎。加左湯，鵝腸質感微微濕，而且係幼身一條條，配埋豉油非常好食🤤；質感一啲都唔嚡口。