夏銘記 (Closed)

某次約了朋友看電影，未進場前先來碗麵醫醫肚。來到以魚蛋打響名堂的老店，又怎能不試其魚蛋麵？不消一會魚蛋麵端來，可能我真的抱太大期望，玫令吃第一粒魚蛋時頓感失望，魚蛋雖然魚味香濃，可惜有點「泡心，口感不佳，王過麵質也算彈牙，又沒有太大朕鹼水沬，不過不失。

Very nice! Fish balls seem so attractive, and actually taste very nice too! Very clean, a couple of $ more expensive than usual noodles store, but well worth it. Very filling as well. + a bottle of coke at then end - simply superb and completes the meal. Been there twice, good place.

22/2/2008迫男友放工後陪我睇戲~ 買左飛之後男友就帶我入唻呢間食~ 話好出名喎~~~~ 我都唔信~叫左兩碗魚蛋河~ 點知河賣晒!! @_@ 似乎真係好受歡迎~~!於是叫米粉~ d魚蛋真係幾好食喎! 好有魚味~~~ 男友話d魚蛋係用幾種魚打成的~ 所以特別好食~~~ 之後仲叫左碗淨雲吞+coke zero~ 唔錯唔錯~

想當年,每晚一肚餓想食消夜,爸爸或者媽媽就會帶我去夏銘記食個飽,每次去到一定嗌丸類既河或者米,因為有水準夾大粒!!!我係呢度試過好多既第一次,魚皮,魚皮餃...個時仲覺得原來魚可以係咁好食,好神奇...自此,細個事無大小,消夜一定係呢間食...之後大個少少,讀書時期打完波,或者溫完書去食既,一定會加紫菜湯底,因為夏銘記最敗筆一點就係湯底太淡,細個次次都食唔晒,淨係食,當然唔會理湯底,但係大少少,去到中四/五,見到淡到好似水咁既,點都忍受唔到...不過其實,加左紫菜都唔見得係濃左好多....以前勝利道既夏銘記,好特別既裝修,差唔多全銀色既門口...雖然依家搬左都仲係,但我冇再去食過,因為已經搬家了....但夏銘記,的確有好多好多回憶@@

買了戲票，距離開埸時間還有四十五分鐘，主人與奴隸獸於是去光顧附近的『夏銘記』。1. 紫菜四寶粗麵（HK$24）：四寶有魚蛋、墨魚丸、魚餃及肉丸。魚蛋有魚味，墨魚丸爽口彈牙，但味道不及魚蛋。魚餃皮較厚，食落有D 韌。肉丸好重味精。粗麵爽滑唔韌。因為有紫菜，所以湯底的味道還算OK。2. 雲吞河（HK$17）：湯底的味道淡如水，雲吞的口感比一般結實，味道只是一般。兩款麵食都好多味精，食後好口渴。

來夏銘記純粹因為到電影中心睇戲，我亦不覺得$17一碗的魚皮餃麵特別好吃，只是湯底稍鮮一點，但那陣鮮味似是師傅呢..　真正的驚喜位是辣椒油，很香也勁辣，小小一滴已經不得了了，試完馬上買一支回家：小支的$18，大支的$34，並不貴啊，保質期兩年可以慢慢食。　嗜辣者可以試試!

我平時都間中去下, 因為住係附近。今日下午1:30一個人去, 去時都唔多人, 不過越來越多人, 但係人手又唔夠, 所以D服務就好唔點。有個阿媽帶住個小朋友, 同個阿嬸(好似係事頭婆)話唔該兩位, 佢話:"自己搵位啦, 唔得閒呀！"見到D客，坐咗成１０分鐘都未叫到嘢，不過都有應句等陣先，不過等完又等。我去嘅時候都唔多人，不過個阿嬸都唔留心聽我叫Ｄ乜：牛什河呀唔該。牛腩河。牛什河呀。牛腩河？牛什河呀！最後都係將我碗牛什河俾咗第二個‧。。。。。激死！

那次吃了個"魚3鮮" >> 有魚蛋, 墨魚丸, 魚皮餃...魚蛋是不錯的, 但不算突出..魚皮餃也只是很普通...而我最期待的墨魚丸...有鯪魚球味的﹏=''而且覺得整個粉都不夠熱喔..還未吃到1半已經涼了_=

搬了去油麻地後都食過幾次,唯一吸引是炸魚皮,其它不值一提!魚皮餃淥起擺左唔知幾耐(有人叫先至翻淥)已經散開晒無味道,牛腩好似柴皮咁!點食?食品水準比末搬前大插水!丸類就肯定旺角樂園好食好多,仲有最正係個河粉,完全用筷子夾唔起!可以用流質形容!

魚蛋和墨魚丸軟軟的，不合格牛腩太瘦不過唔「勒」，ok，但不推介雲吞d蝦唔掂…旺角十蚊碗都好過佢，起碼爽(雖然我都想知點解可以十蚊碗)…反而豬肉丸不錯，結實彈牙~魚皮較是不錯，不過未到不吃可惜的地步，路過可以一吃~芥蘭好大棵，好爽甜好好吃~廁所出乎意料，算乾淨，當下覺得食物應該也衛生吧！哈哈~好掛住劉森記~

今天去到，開學了，入到去，很多小學生，熱熱鬧鬧。叫了魚旦墨魚丸河，芥蘭同可樂走糖要甜。魚旦不夠彈牙，魚味可以。墨丸有味，幼滑，不會太實，是這裏較好選擇。芥蘭灼得很好，爽脆清甜。夏季應該不當造，為什麼......?以往吃過魚餃，不過不太對口，吃不滿口是油似的。

有時行街都見到d間舖好多報紙..so搵一日專登去試下..叫左魚蛋河同魚皮..d 魚皮唔同出面街果d..佢冇咁咸.同應該係自自炸..都ok..但個魚蛋河d魚蛋魚皮比我相像差..唔夠彈口..同魚味都唔算重...普普通通....如果專登去就應該唔會再去...

細細個o係何文田讀書時已經有去勝利道o個度食，一路食到搬左去油麻地都仲有食。我覺得佢各樣食物o既水準都唔差，可以講係幾好添，尤其是佢個魚湯底。由於覺得佢都幾好，叫一碗野$17可以填飽肚又幾好食都唔錯，所以有時都會叫下外賣(由於近屋企)。點知上個星期叫外賣就出事啦，(其實我通常都會去舖頭食o既，咁o岩個日病左咪諗住打電話叫外賣唔出街囉)，我叫左個魚旦米粉、牛腩河粉，等左一陣就送上黎啦，好快呀！於是就趁熱開黎食啦，一睇，牛腩河無問題，但係魚旦米粉就無魚旦，睇清楚無咪打電話去問囉(我覺得好正常，錢唔在講事實上真係無俾呀ma)。唔打由是可，一打真係火都黎埋發誓以後唔食，食親中毒食！我打到去就同聽電話個人講話頭先叫外賣個度，叫左魚旦米粉無魚旦，跟住o個個人(一把成熟o既女人聲)好粗魯咁話：「你睇清楚d先講啦！」我心諗唔通特登呃你幾粒魚旦咩，咁我就話：「睇清楚晒，無喎！」跟住佢竟然問我：「咁呀我地宜家外賣好忙唔通要我送番俾你咩，一係下次再補番或者退番錢乜都好啦！」咁我話：「下，咁我宜家點食呀！」佢竟然答：「咁你咪食齌米粉囉，我送得番俾你你都食飽啦！」激氣呀，明明係佢整錯，仲叫我食齋米，就算d野幾好

由舊舖食到家下，少說也近廿年。記憶所及，這裡以魚皮餃起家，不知何解，現在卻變成了「馳名魚蛋」。不去想是食家說錯，還是我記錯，吃一次就知如何。周六的午市，人客幾多，但都可以坐進了卡位。要了紫菜三寶米及魚餃河加紫菜，例牌一客炸魚皮，一碟菜，兩支可樂。先說魚餃，皮半透明，煙韌，豬肉餡有鮮味，不會實實的，還是老樣子，幾有水準；「三寶」是魚蛋、墨丸及魚餃，就用魚餃去交換了魚蛋及墨丸來試試。魚蛋鬆泡沒有魚味，吃後還是以前的意見。墨丸也算真材實料，吃得到墨魚味，但只比一般貨色好一點，要吃好的，天樂里文偉及樂園都好；炸魚皮薄薄的，但吃落脆口，沒有油膉味，相信也是幾新鮮的，也算吃得過。芥蘭翠綠，爽甜，淥得剛剛好，一讚。得兩個阿叔跑足全場，服務水平，可想而知。埋單好似係85蚊，吃得飽一飽，一試無妨。

魚皮餃魚蛋麵$17第一口湯, 湯底可口. 麵, 無鹼水味, 有韌度彈牙, 好.可惜, 2隻魚皮餃一上來時已是裂開, 而且味道普通.3粒白色的魚蛋, 看得出是人手自制, 可惜味道久奉, 不彈牙.值得一提的是, 辣椒油得辣, 平時食慣辣都覺得辣, 加少少就夠了.