Ha Noi 越南菜

Open Now

Now Closed

Ha Noi 越南菜尖沙咀彌敦道36-44號重慶大廈地庫heath 21號舖今天去開尖沙咀，3點3突然好肚餓經過，就喺重慶大廈附近，heath 地庫， 見到這個又抵食嘅下午茶招牌，見到好吸引即時入去試一試。這個地庫新裝修， 暫時全部見到係餐廳食市。入到餐廳幾乎座無虛席， 坐滿人客， 座位舒適， 裝飾好特別， 最特別見到門口一幅及裏面牆壁各有幾幅嘅荷花壁畫， 係用金屬雕刻，  門口嘅壁畫係荷花池， 有白色荷花， 金色蓮葉， 又有游水嘅金魚； 裏面嘅荷花壁畫真係許許如生，顯得高貴又時尚， 別樹一格，送上的越南綠茶風味獨特，有回甘。河粉同撈檬份量十足，估唔到連炸春卷都好飽肚👍🏻極品牛三寶湯河粉 $70軟殼蟹蟹撈檬 $72有一個拳頭大的軟殼蟹，炸到很乾身脆口。配上炸蒜碎，花生碎，大量新鮮的蔬菜絲，加上撈檬獨有漿汁很開胃，全程個口「颯颯聲」超爽脆好過引越式炸春卷 $21有粉絲，黑木耳，紅蘿蔔，豬肉碎，罕有地加上蝦肉所以多了一份鮮味。外皮炸得脆脆的，內陷緊實，點上附送嘅酸甜醬更加惹味。椰汁三色冰 跟餐$12椰奶香甜，腿衣綠荳同紅荳軟淋，綠色條條好好咬。椰果椰汁西米露 跟餐$12椰果好煙韌，西米好淋

平時黎到尖沙咀重慶大廈，以前成日過嚟都淨係識得去樓上食咖哩，但今日竟然比我發現地庫有間正宗河內越南菜，又甘啱未食lunch,即興試下先。今次試左佢個招牌生牛肉河，除左牛肉新鮮之外，湯底非常之有牛味，不含味精👍👍之後再來一個招牌三寶飯，有香茅豬扒，香茅雞翼+扎肉，必食😋再追加左一個酥香軟殼蟹，軟殼蟹炸得剛剛好，不太油膩，好食😁再配埋兩杯一熱一凍既蜂蜜柚子茶，我哋兩個人已經好飽，期待下次再試其他招牌菜👍

喺崇光百貨行完街，見最近呢個商場好似有好多嘢食就落去覓食喇～入咗去一間越南餐廳，環境幾光猛～🐷越式豬頸肉撈檬 $64好足料既豬頸肉😳好大份👍🏻豬頸肉炸到燶邊又有咬感😚檬粉加埋啲酸醋好開胃好好食🤤不知不覺食晒成兜😆🦀️順化蕃茄蟹肉扎肉湯檬 $67好濃郁嘅湯底🍅扎肉上面有好多蟹肉😳連個蛋都好入味🤩啲檬粉超掛湯😍中意濃郁嘅湯底必叫！-追加兩款小食😋越式炸春卷(2件）$21、越式炸蝦餅（細）$29春卷外層炸到好香脆入面仲有啲粉絲同木耳😋烤餅一咬落去有啲驚訝，勁香脆！入面又好彈牙🤪☕️杞子龍眼茶+$8、檸檬蜜糖薑茶+$8杞子龍眼茶好潤、檸檬蜜糖薑茶好夠薑！冬天飲一流，飲完暖笠笠🥰

今日約左朋友去行街街買聖誕禮物🎄🥰係尖沙咀isquare對面（唔洗入重慶大廈）落地庫食呢間越南野🇻🇳啲野真係大件夾抵食呀-🐮🍜生熟牛肉湯河粉 $66牛肉湯河熱辣辣大大碗 冬天食勁warm🥰生牛肉夠嫩又大塊 熟牛肉就重牛肉味😍兩隻都好正😋-🫔🍲越式春卷撈檬 $65越式春卷超大條超粗呀 入面勁多料😍而且仲炸到卜卜脆添🤤-🧈🍗法式牛油雞翼（4件） $48超紐水香牛油味🥰個皮極香脆雞肉又keep到肉汁鮮嫩🫶🏻-🥥🫘椰汁紅豆冰 +$12🍯🍊蜜糖柑桔冰 +$12

重慶大廈地庫商場既「Ha Noi越南菜」✨，絕對係經濟又好味😋既越南菜餐廳，主打各式越南美食包括Pho、香茅豬扒飯等等。極品牛三寶河粉$70一次過可以品嘗三款牛制品✨，有牛丸、牛𦟌、牛肉🐮，牛丸彈牙有咬口，牛𦟌夠厚又夠冧，而牛肉份量夠多，另外湯底夠牛味，河粉十分嫩滑。👍🏻蝦餅撈檬$66蝦餅外脆內軟，彈牙有咬口👏🏻，而檬粉加醋，酸酸甜甜十分開胃🍜。越式香茅豬扒$23另外加配小食香茅豬扒🐷，同樣外脆肉嫩，而且份量十足，非常抵食。最後加配特色飲品🧋，龍眼冰夠清甜，而椰汁紅豆冰充滿椰香味，紅豆🫘夠甜又好味😋。

Ha Noi 越南菜 Ha Noi Vietnamese Cuisine 📍尖沙咀彌敦道36-44號重慶大廈地庫heath 21號舖呢日我有啲緊要嘢要出九龍灣做，老豆喺九龍灣等咗我成日，又搵路又陪我搭車，我又點可以唔同返佢行下食埋飯先返屋企呢，所以我哋就喺尖沙咀街頭周圍搵食。因為我喺呢頭睇開牙，所以都好清楚K11呢帶無咩餐廳會啱我老豆食，所以我哋行下搵下就去咗彌敦道。搵到又攰又餓之際，老豆話「不如去試下重慶大廈啲咖喱？」，我都抱住去冒險嘅精神話好，但最後經過呢個翻新咗嘅商場仔，見到有越南嘢食，應該啱佢口味，就提議食呢間，估唔到咁有驚喜！ 💰$185優惠二人餐 👨‍👧前菜：安南鮮蝦米紙卷 🦐🫔呢款米紙卷同我食過嘅唔太一樣，佢嘅米紙皮比一般透明薄身嘅厚，厚度介乎於前者同港式腸粉皮之間，食落煙韌有咬口，係未食過嘅口感！裏面包住半邊蝦、生菜、檬粉等配料，而上面就灑咗啲芝麻碎點綴。佢係一個比較清淡嘅前菜，淨食真係有啲寡，加上我作為重口味界嘅代表，當然係唔點汁唔安樂，所以配咗撈檬個酸汁嚟食，估唔到又幾夾！如果鍾意濃味嘅食肉獸，可以考慮叫四隻越式香茅雞翼，二選一總有一款啱你。自選湯河/撈檬二碗🍜：主

位於尖沙咀彌敦道36-44號重慶大廈地庫heath 21號舖，可能好多人都冇留意到原來𠕇個新地庫，而且開了不少新食店。星期一晚約咗朋友去尖沙咀傾啲嘢，打算走嘅時候九點幾發現肚仔餓，咁啱係正heath 門口，咁就落去行個圈睇吓有冇啱食。結果搵到呢間越式湯粉，新開張約半年。門口已經充滿越式裝飾，餐廳內部亦都I簡約得嚟豐有越式風格。地方寬躺舒適，有不少卡座，乾淨衞生。不過由於不早又趧住走，所以決定外賣。《生牛河》（$58）生牛河大碗足料，湯底夠味，配菜新鮮。追加小食《越式豬頸肉-細佋》（$29），推薦豬頸肉，濃郁香茅及香料味。肉質爽夾彈牙。《凍咸檸七》（+$12），飲品居然跟冰底，又有跟埋酸辣醬及青檸辣椒絲，姐姐的確又幾貼心。整體滿意，不過個人建議最好堂食，味道必定更佳。

最近尖沙咀重慶大廈旁邊開左叫𝕙𝕖𝕒𝕥𝕙嘅美食地庫 裝修非常𝙼𝚘𝚍𝚎𝚛𝚗～但未有好多鋪頭進駐 人流未算多(・∀・)靜靜地幾好坐雖然𝙵𝚘𝚘𝚍 𝚌𝚘𝚞𝚛𝚝環境幾正 但暫時食物選擇比較少 所以🐻最後就幫襯左一間越南餐廳啦 質素都不錯 份量多又抵食啊.♡ 越式豬頸肉撈檬♡ 越式香茅豬扒兩碟豬肉類都非常香口 一擺低就聞到好香( ˘▽˘)っ食落唔會好油膩 肉質嫩又夠入味 豬扒尤其出色！跟餐$2x就一大碟 好抵食哈哈.♡ 越式海南雞飯發揮到應有水準嘅海南雞～雞肉完全唔嚡唔過肥 油飯夠香 都不錯啦.𝘍𝘰𝘭𝘭𝘰𝘸 𝘮𝘦 𝘩𝘦𝘳𝘦 ʕ•ᴥ•ʔ𝙸𝚗𝚜𝚝𝚊𝚐𝚛𝚊𝚖: @𝚋𝚎𝚊𝚛_𝚐𝚘_𝚛𝚘𝚞𝚗𝚍𝙵𝚊𝚌𝚎𝚋𝚘𝚘𝚔: 熊仔美食專員𝙴𝚖𝚊𝚒𝚕: gardenofbears@yahoo.com.hk

原來重慶大廈地庫最近重新裝修左，有好多新餐廳進駐，行過有個姐姐遞左張傳單出黎係食越南野嘅，睇落價錢抵食，一於入去試下新野啦😎叫佢地嘅主食仲可以追加一款小食～特飲都係加$12😍尖沙咀呢個地段仲要座位闊落，算係好抵食🫣◾️順化蕃茄蟹肉扎肉湯檬 • $67我最愛嘅蕃茄湯🥰湯底有淡淡嘅蕃茄味，酸酸地，飲得出唔係味精湯，湯底有蟹肉、肉碎同埋扎肉，清淡之選😋◾️極品牛三寶湯河粉 • $70三寶有生牛肉、牛展同埋牛丸，湯底幾清甜，牛肉同埋牛丸嘅牛味幾濃😍加埋辣椒同埋金不換會再惹味啲🤭◾️越式炸蝦餅（細）• $29 追加嘅小食，蝦餅口感彈牙🤤◾️酥香軟殼蟹(1隻) • $42軟殼蟹都係即叫點即炸，不過我擺耐左先食，就算凍左口感仲係脆嘅😋◾️蜂蜜柚子梳打 • 跟餐+$12

一向對重慶大廈嘅感覺都係雜原來地庫開咗一個區叫Heath超級新淨而且環境寧靜行到最埋就見到呢間餐廳好旺場主打正宗越南菜一路有人出出入入糖食或者外賣點咗香茅豬扒湯河～好鍾意有勁大棵九層塔仲有大量洋蔥🧅香茅豬扒大大塊夠晒入味炸蝦餅夠晒彈牙～另外仲有海南雞飯細心位係已經去咗骨～啖啖肉零舍爽雞肉夠晒滑～香茅飯黏黏地口感幾得意點少得叫埋特飲～～紅荳椰汁冰同綠荳椰汁冰兩杯啲荳都煲到好棉好好味餐廳佈置好別緻門口嘅卡位頂仲有大大幅越南感重嘅油畫～

得知重慶大廈地庫近期又再翻新，好奇參觀一下，會變成甚麼樣子，在一遍吉鋪的環境下， Hà Nội 顯得特別耀眼，加上很久沒有食越南菜，即席入內開餐！門面濶落光鮮，遠遠已經望到！最後還被吸引內進！牆上掛畫，正描繪越南姑娘之日常，滿載越南風情！河內生熟牛肉湯河粉，小妹大愛的越式食品之一，加入香葉、檸汁，味道更佳！粉紅色的生牛，嫩滑！用湯的餘溫浸熟，不會過老，保持嫩口！熟牛有調味，部位、口感、味道跟生牛都有分別，雖說都是牛肉，但卻是兩款味道！椰汁紅豆冰，椰香紅豆甜，清涼美味！越式炸春卷，越菜的經典小食！春卷皮炸得脆口，饀料份量十足，可以點越式酸汁，味道更為地道！越式咖喱牛腩飯，牛腩軟腍入味，咖哩汁濃郁惹味，伴飯一流！飯量亦十分充足，鐵漢飽肚都無難度！牛腩大大件，經濟實惠！龍眼冰，清涼甜蜜，龍眼肉份量有半杯之多，超級重手，抵飲！

以前重慶大廈地庫既允記原來已經搖身一變變一個半FOODCOURT既商場新裝修完未係有太多鋪頭開張不過就已經有好幾間食肆開左行到最入就見到係重慶大廈入面既呢個HIDDEN GEM啦餐廳環境寬敞, 同隔離台有一個安心既距離(始終疫情呀嘛)今晚我地兩個人, 安排到一張四人台放晒野食飲品都唔會好迫粉麵有個套餐可以追加小食生熟牛肉湯河粉份量超多湯頭既牛味好濃郁香茅豬扒撈檬香茅味入晒豬扒到, 非常解膩而且豬扒係半煎炸過, 好香口越式豬頸肉肥瘦比例幾好, 唔會食到一口油越式炸蝦餅有蝦味, 啖啖都咁彈牙青檸梳打食東南亞美食必配蜜糖柑桔冰重蜜糖味, 岩晒最近乾燥既天氣潤番個喉嚨

考你哋一個問題，尖沙咀、重慶、河內、越南，呢4個地方有咩關係？關係就係…喺尖沙咀重慶大廈嘅河內餐廳食越南菜！乜重慶大廈唔係食印度菜咩？重慶大廈地庫經過翻新之後成為地下街咁，仲有唔少餐廳選擇，今次就試吓呢間Ha Noi越南菜。越式炸春卷主菜可以添加小食，其中一個就叫咗越式炸春卷。越式炸春卷皮薄而且炸得非常香脆，餡料除咗豬肉之外，仲加人木耳、甘荀，粉絲等，口感相當豐富。越式豬頸肉另一款跟餐追加小食就叫咗越式豬頸肉，豬頸肉燒得香口，但保持到肉汁，外脆內嫩，好好味！極品牛三寶湯河粉食越南菜點會唔嗌Pho呢，呢個牛三寶分別有生牛肉、牛丸、金錢𦟌。生牛肉非常嫩滑，充滿牛香味；牛丸夠彈又juicy！至於重點當然係非常濃郁嘅牛骨湯底，差啲連個湯都差飲曬呀！香茅豬扒撈檬豬扒醃得非常入味，啖啖都有香茅味，夠晒若果！至於撈檬嘅靈魂，當然係果樽甜甜醉酸嘅魚露啦，夠晒醒胃，非常開胃。杞子龍眼茶餐飲叫咗杯夠晒滋潤嘅杞子龍眼茶。呢杯杞子龍眼茶十分足料，輕輕一撈已經見到至少有十粒龍眼，啱晒我哋呢啲低頭族，明目又暖身，大滿足！

Ha Noi 越南菜🌟整體: 係尖沙咀想平平地 要D CP值高啲嘅餐廳 又唔想食茶記 呢個係一個choice🏠環境: 新淨 空間感大啲 有少少似cafe 咁🧑🏻‍🍳服務: ✅☆║．．．．．．．．．．．．．║☆‼️ 牛腩片湯河粉 $66✅ 河粉嚟講都算ok 唔會好易散 有翻應有嘅口感 ✅ 湯底正正常常 唔會死咸 都ok✅ 牛腩片 薄身 唔會韌‼️ 越式豬頸肉撈檬 $64✅ 甜、酸、辣、鮮於一身的凍撈檬開胃惹味✅ 魚露甜酸汁開得都ok 唔太酸 鮮味為主 ‼️ 蜂蜜柚子梳打 $+12✅ 分開上好處可以自己調教甜度 可以調出啱自己嘅味道📍 尖沙咀彌敦道36-44號重慶大廈地庫heath 21號舖Shop heath 21, B/F, Chungking Mansions, 36-44 Nathan Road, Tsim Sha Tsui⏰ 星期一至日 11:00 - 22:00☎️ 電話號碼 22199468📷 Fujifilm XE4 + 23mm F2📩喜歡我的文章，可以關注我及讚好以作鼓勵

極品牛三寶湯河粉 $70用上新鮮生牛肉，牛展，牛丸，生牛肉份量好多，牛展炆得好淋好入味，而且湯底好香濃，河粉煮得剛剛好，唔會太淋，超大碗好夠食越式香芽雞翼撈檬 $ 60雞翼炸得好香脆，上面鋪了大量炸蒜，炸花生，香脆好味，檬粉份量多而且唔會碎濕濕，夠爽身越式炸春卷 $21即炸熱辣辣十分香脆，越式炸蝦餅（細) $29外面炸得香脆，內裏軟滑，真材實料越南滴漏咖啡+$18正宗越南滴漏咖啡，味道香濃帶點微酸檸檬蜜糖薑茶+ $8天氣凍凍地，飲杯薑茶暖暖身，用了大量薑片及蜜糖，甜甜地辣辣地