Häagen-Dazs (Closed)

最鐘意食haagen dazs士多啤梨味雪糕,今次同朋友食, 叫左雙球雪糕, 冇叫strawberry,試左紅豆(一般), 所以order左summer berries同panna cotta, woo!! 2隻都好好味!! 最鐘意食酸酸甜甜既berries, 有少少果肉, 勁正; panna cotta味亦奶味十足, 值得一試!!

琴晚(23/11)，兩個人食完煲仔飯，行左一陣街，九點多，就黎左呢度食雪糕。有梳化位坐，兩個人叫左兩樣野，唔記得個名，一個係在類似星型0既waffle上有六球雪糕，當然D雪糕唔會好大，我諗等於平時0既三分之一掛，我地選左六種味道：士多啤梨芝士蛋糕、TIRAMISU、果仁、哈蜜瓜、紅豆、朱古力曲奇。另一個係紅豆芭菲，有D紅豆、綠茶布甸、蕃薯蓉、紅豆蓉等等，雪糕有兩球，要左紅豆同吉士布甸。兩個都幾好，其實下次可以兩個人叫一杯都夠0既。雪糕最好食0既可能係哈蜜瓜同吉士布甸。正!初初叫紅豆時都驚驚地，因為呢度D食家話好甜，但食落都幾好呀，唔係好甜姐，不過紅豆味唔夠。會再黎，因為坐得幾舒服，侍應服務很好，多謝琴晚幫我地影左幾張相0既哥哥仔，唔記得睇下佢個名添，唔係就係度開名讚佢啦!琴晚好開心，因為有雪糕食，好似無試過一次過食咁多雪糕!好難忘呀!當然唔可以成日食，因為貴同肥嘛!

飯後甜品, 叫左two ice-cream scoops with baked apple pie要左紅豆味& Raspberry Panna Cotta 味紅豆好沙, 但如果多D紅豆粒粒就更好.Panna Cotta - ok a, 酸味味apple pie 外皮唔夠脆

對於雪糕月餅既評語我有同感,我今年都係食左佢既七星伴月,個人認為星好味過月,月實在係太大,而且只係個”黃”較好味,仲有係一個月餅既朱古力份量幾多,如果係食比利時朱古力味既月就更朱古力,味道係好,但係真係唔太健康同好高卡…我自己食勻咁味,覺得士多啤梨味配搭得最好!

成日都話haagen dazs o既華夫筒係全港no. 1, 但係今次老貓燒鬚, 個筒太厚, 中間有d未熟, 負責員工要再培訓...

其實一直想試佢地出的雪糕月餅，由於同事請大家食的關係，終於試左啦！真係好正呀！我試左我好like的士多啤梨味，月餅外層有朱古力脆皮包住，七星伴月中間的那個有個用芒果雪皅做的蛋黃。但係七個七星就真係太細啦！好似雞蛋咁大，但計落幾乎要50蚊一個，我都係覺得去食兩個cone好過因為都係49蚊，仲多好多添呀！不過如果有人請食都唔錯呀，因為佢d雪糕做成月餅咁但依然保持水準！

本來食完飯諗住去敬誠街試木槺布甸既,但係我個fd突然話想食雪糕喎,咁Haagen-Dazs又最近喎,所以就去左呢度食lu,我睇左好耐,發現有一個有少少似火燄雪山既物體啦,咁就叫左o黎試嘞,我唔記得個雪糕叫咩名,好似同火燄雪山咁上面有一層好似白色既cream/蛋白既物體啦,內裏包住四球雪糕,再有好多生果伴碟,有好多芒果汁既,之後由一個(我認為)新o黎既姐姐上枱既,上枱時佢用火機點着左佢手上既一杯酒,之後淋左落我既雪糕上,我估o個度既酒有成200ml到啦,少少着火咁law,之後我就試左一啖,發覺好辣咁,因為d酒好似好高酒精度咁,之後d酒就入哂d芒果汁&底層既蛋糕度,整體都好好食,但係就俾d酒影響到law,我無乜點食到底既cake,所以整體都好好,我覺得個姐姐應該唔好倒咁多,同埋問一問人地鐘唔鐘意咁多酒law~(因為我本來諗住食得入口既,應該唔會好重酒味law)

試0左佢個哈密瓜雪糕,覺得...好好食呀!!哈密瓜雪糕口感同其他雪糕一樣好好,入面有d哈密瓜肉,食落口,有d肉又夾d雪糕,好有咬口!本人係鐘意咬雪糕的~哈密瓜味又唔會太甜,果味重,食完唔會好滯,夏天食,極消暑呢~

唔知係咪最近都係食hit到爆o既GELATO，所以食番Haagen Dazs雪糕o既時候，竟然覺得好甜，而且冇以前咁滑。是次買了醉酒櫻桃和桑莓雪葩，醉酒櫻桃的酒味冇上次食咁芳香咁醇‧而桑莓則太酸，但真係好light，好清。說我花心又好，現在我都係鍾意食gelato多！

的雪糕好好味ar~服務又好~ 下次一定去個間食番~!

$110有2隻味~ 揀o左我至愛o既士多啤梨同大眾化d gei 朱古力味!!我覺得$110 好抵, 因為真係好大桶!! 比起supermarket 還抵~ 仲有埋乾冰去幾遠都得~

前排同朋友去尖咀食依個haagen-dazs (朱古力/士多啤利火鍋),濃濃既朱古力真係好鬼死SWEET~(我既意思係,你同邊個去食都會覺得好SWEET^^).依個火鍋都幾多野食有(雪糕,生果,曲奇餅,同蛋糕),但由於本人極愛朱古力..所以士多啤利醬係冇咩點試過(但都好鬼濃).但我發覺唔係樣樣野點朱古力都好食咖= =".但千萬唔好睇小依個火鍋,兩個人食都咪話唔飽,重要係已經冇食正餐就去食,都差D食唔晒!(只有尖沙咀同銅鑼灣先有得食) 百幾蚊一個火鍋, 重要加多五十蚊服務費!!

改裝後第一次來，地方大了，but依舊是常滿~與朋友四人分別order了：1) 新口味--- 忘了名字，是有豆腐花那款，雪糕有兩球，一放在豆腐花上，一放在碟上。2) 香蕉船--- 最原始的款式，十分明白大家想吃的不是香蕉，所以香蕉只有半條作點綴，重要的是雪糕球有三個！3) 雪糕waffle --- 肚餓吃這個最好，同樣有三個雪糕球，還有大大筒的脆waffle。4) 咖啡蛋糕set --- 一件bailey 蛋糕，配自選的特式咖啡。當然，最愛的始終是此店的雪糕，其次才是它極有心思的賣相。特別的是改裝後竟然有了自己的洗手間，很好！~

男友有張coupon 就快夠期，所以臨用o左佢。要了double scoops(醉酒櫻桃和濃情朱古力曲奇)加朱古力碎。上手時一看，朱古力碎超少，我肉眼都幾乎數得出有幾多粒，心諗駛唔駛咁孤寒呀？！不過算啦，講番雪糕，好軟滑，尤其是醉酒櫻桃，酒味極濃，朱古力曲奇就有少少苦，朱古力味香濃，很不錯呢！

睇雜誌介紹Haagen-Dazs新出左Truffles，即雪糕球加朱古力粉，一盒(三角型盒)六個球，好吸引。因為無寫明size同價錢，於是同同事打賭，估一盒原價幾多錢，最離譜0既請大家食。當然我都係嬴家之一，因為我估佢都係1oz一個球，以Happy 80既價錢作比較，應該都係$50左右。結果，係$49一盒，$78兩盒，1oz/球，可即時揀味道。其實佢好細心咁做左張order list，有圖話埋俾你聽係乜味，因為全部都俾朱古力粉蓋住，真係唔知邊粒打邊粒。可惜，我地外賣係唔可以用個三角型盒，因為無蓋，所以只可以用杯杯裝俾我地，就真係唔知乜味打乜味囉。講返個雪糕，Haagen-Dazs 雪糕不嬲都係我至愛，質素唔洗懷疑，今次加埋d朱古力粉，食落又幾夾，都好好味，係細粒左少少，唔係好夠喉。不過用埋vip咭，計落都唔算好貴，而且一班人有得玩有得食，絕對超值。