Video
Opening Hours
Today
12:00 - 21:00
Mon - Thu
12:00 - 21:00
Fri - Sat
12:00 - 21:30
Sun
12:00 - 21:00
Above information is for reference only. Please check details with the restaurant.
Recommended Dishes
今日入沙田，經過見到Häagen-Dazs，回想返雪糕店之後好耐冇再食。一於試吓佢哋！眼見仲有勁多人幫襯，今次嗌咗夏威夷果仁味，味道非常香濃，而且嘅果仁都好大粒，一啲都唔孤寒！個人覺得係好食過包裝嘅，但係都好貴！
continue reading
16/11-26/11/2024一連十日$72既雙球買一送一😆我當然唔可以錯過啦😊今次我就一個人食左4個球，分別係士多啤梨味、抹茶味、藍莓味、比利時朱古力味🤣生果口味都係keep住差不多啖啖都有果肉，果然冇令我失望☺️👍🏻抹茶味🍵就奶同茶既比例岩岩好，唔會搶左大家嘅位置🙂比利時朱古力味非常之濃郁，而且仲有朱古力碎碎，非常之好食🤤整體嚟講，啲雪糕都keep到水準😘舔舔脷指數👉🏻7😋/10😋滿分 一定要試😋
continue reading
好耐冇堂食過 Haagen Dazs 了！今晚喺沙田新城市廣場好早食完晚飯，行咗一陣街就開始覺得未夠飽，想食甜品。經過見到有間 Haagen Dazs，餐牌上面個「快樂無限」幾吸引！有八粒迷你雪糕，中間仲有雪糕筒同幾件生果，應該可以滿足到我哋個胃吧！😋.呢間Haagen Dazs 收銀處同雪糕櫃分開2邊，我好自然行去收銀處度想落單，職員有點唔耐煩地叫我去揀咗雪糕先😅呢度無牌指示顧客要先揀雪糕再付款，我覺得呢方面可以改進下。.講返雪糕先～ 呢度有16款味道揀。我哋最後揀咗呢7隻味：(本身鍾意咖啡，所以咖啡味要2球😆）.比利時朱古力 —好濃郁嘅朱古力味，唔會太苦.咖啡 —咖啡味夠濃，唔會太甜，好味！.士多啤梨芝士餅 —有驚喜！因為佢無嗰陣士多啤梨藥水味，配埋芝士餅所以幾正.呍呢嗱 —呢個我覺得偏甜.焦糖脆餅 —呢個味都幾得意，焦糖再加脆脆地嘅口感，幾好味.呍呢嗱焦糖朱古力蛋糕餅 及曲奇呍呢嗱 —呢2個味食落幾似，都係有朱古力脆脆及呍呢嗱雪糕。不過我覺得呍呢嗱焦糖朱古力蛋糕餅更加好味，因為有埋焦糖及蛋糕餅嘅口感，味道更豐富有層次😋.中間雪糕筒及生果 —雪糕筒有2大塊，都算鬆脆；生果就有桃、士多啤梨，上面落咗好多糖漿。我覺得啲糖漿有好奇怪嘅甜味，啲生果全部沾到糖漿變得唔好食🫣
continue reading
今次行過Häagen-Dazs，興之所至，就點咗個皇室奶茶雪糕窩夫筒。首先，皇室奶茶味真係撲面而來，濃郁嘅茶香伴隨著綿滑嘅雪糕質感，真係得意爆燈！👑🍦 食落去，正宗嘅奶茶味道喺口中蔓延，啖啖都得意！杏仁奶凍味就顯得平平，杏仁味道比較淡，但吃完奶茶之後，反而可以清清口味。再講下杏桃薰衣草味，嗰個薰衣草香氣嚟嘅好急，好急，令人有點意想不到，不過就少咗杏桃嘅甜香，喺我心目中，就算唔係冠軍。最後，當然係揀咗皇室奶茶雪糕，鎖喺香脆嘅窩夫筒入面，喺舌尖上舞蹈嘅滋味，實在太攞命！總括嚟講，皇室奶茶口味咁香咁正，真係要讚下！👍🍨下次再黎，都係要搵佢！
continue reading
沒有更差，只有更差嘅待客服務態度。早上12點，舖頭外已經大打蛇餅，一大班公公婆婆罰企，等換取雪糕月餅。店內職員遊手好閑，搭正12時正式「招呼」客人。這種「另類」營商手法，務必一定要通告天下，小心中伏。
continue reading