哈比斯燒肉串和咖哩 (電氣道)

Open Now

Now Closed

最近因為限聚令嘅問題已經好耐好耐無見過啲朋友日日喺屋企食飯食都唔知道想食咩，今日我哋終於的起心肝出去買「外賣」😂😂😂去到天后行左好耐都吾知食咩好，最後比我見到間餐廳，是印度烤卷，之前一直見到都想試吓因為已經係月尾，咁梗係要搵啲平靚正㗎啦最後我就試左meal of every day既set la烤荳丸子哈比斯 $36都是新鮮即叫即整，我覺得辣辣地好吸引，本身諗住一件食完之後都唔會覺得太飽，但發現原來呢舊嘢又食得幾飽😂而且味道比起我想像中辣d, 所以佢配埋罐汽水就啱啱好啦我嗌完之後發現原來仲有pizza, 下次要再黎試下其他了。

天后呢區成條食街，一向都多美食。唯獨呢間比較特別嘅印度餐廳，最吸引我。店員都係當地人👍🏻呢期限制要外賣，一於買返屋企慢慢嘆。今日Happy Friday...餐廳每日主打不同口味，今日係"Chicken Tika Kebab" $36 +$2仲有埋飲品，一於試一試😋即叫即整，拎上手熱辣辣，仲好大條，一打開...勁多料，抵食呀。入面包住啖啖肉嘅雞肉，夾住新鮮生菜咬落索索聲。配埋醬汁，好好味。食完一條已經滿足哂👍🏻除咗Kebab, 仲有唔同口味Pizza, 印度Lassi都好吸引，下次要再嚟試。

前在外國讀書，因為要慳錢，會成日去食當地又便宜又抵的kebab返到黎香港，可能售賣kebab餐廳較少同唔就近，所以就好少食lu。近日突然好懷念Kebab，朋友又咁啱介紹呢間哈比斯，咁就立即外賣自取試下～<Kebab Donar (Lamb Roast) $75 >呢個Kebab Donar是烤羊肉，用較厚身的薄餅皮包住烤羊肉，菜同特制醬汁，係平時最想見的組合～ 入面的羊肉烤得非常可口，加埋個特制醬汁，真的又返左外國的感覺 而且成個分量好大份，同呀媽兩個人一齊分黎食，都飽到上心口大滿足其實呢間餐廳賣的菜式種類都好多元化，有沙律，咖喱，簿餅等，都十分吸引～ 下次一定要再黎試下先

好耐冇食kebab, 今日喺天后，知道有呢間小店賣kebab, 咁就行過去試吓。Kebab起源自中東，依家就全世界好多地方都流行，咁當然包括印度。Kebab有不同煮法有用不同材料，多數係串燒肉類，有可能會加蔬菜。今日我就叫咗牛肉kebab, 呢度係用tortilla包住嚟食，裏邊仲加有生菜、蕃茄同紫洋蔥，配合佢獨特嘅醬汁，非常美味。牛肉應該係落咗某啲香草醃過，香味錯綜複雜，直情有啲清香嘅after taste; 配合各種蔬菜和tortilla餅，有牛味蔬菜味小麥味，好正😋

第一次食呢一個類型既食物，企係門口已經覺得好香好吸引！！行到黎到天后好肚餓又未食得飯，決定同朋友2份試下個卷😆 食物都好多選擇，揀左好耐都未決定到食咩🤣揀左夏威夷燒烤雞烤肉串 ($68) 等左都一陣先整好，用錫紙包住，一拎上手超級熱！卷入面包住雞肉，沙律菜，少少菠蘿，食既時候要小心熱！個皮有少少煙韌，口感唔錯🤣 另外入面雞肉都燒得好香～～加埋菠蘿食落有少少甜品，好好味！入面包住既生菜都令佢口感正左，夠爽脆

行過經過呢間餐廳聞到好香嘅肉味！原來係KEBAB!!!仲有pizza!!! 我想食咗成個禮拜啦！！終於比我無意間撞到你！咁即係天意！天想我食！仲有優惠！可惜今日係星期四....好的以優惠價食我想食嘅牛肉卷！唔緊要照食！仲有四款卷皮可以揀！我都係第一次見！老闆推介PITA BREAD！等左15分鐘就得手啦！即刻拎返屋企切開嚟佢哋食waaaaaaaa waaaaa waaaa!!!!爆哂料！！多牛肉、多菜、多醬！咁先係正宗kebab!!!食落口辣辣地，好開胃！ 好鍾意個牛肉，多已經要讚，重口味得來又夠香！ 仲要8寸長，夠哂飽！

今日得一個人食晏，唔想自己煮，但係又唔想食麵包咁乾爭爭，嚟天后呢間以快餐店形式經營嘅「哈比斯燒肉串和咖喱」買外賣。其實之前已經同朋友嚟食過店裡嘅 Kebab Donar (Lamb Roast)，覺得味道很不錯。羊肉香味動人，入口嫩滑鮮香，夾埋外層的餅皮一起吃，辣中帶微膻，惹味非常，確是佳品！今次就試下 Chicken Curry，咖喱雞可以揀配白米、印度烤餅或薯片。店員都幾細心，會喺飯盒外面再包一層保鮮紙，以防咖喱汁在路途中溢出。咖喱雞配印度烤餅 Chicken Curry with Naan ($68)，回家後已急不及待，立刻開餐。先試下個汁，店裡的咖喱係將印度同巴基斯坦的咖喱混合一起炮製，所以味道很特別，既有重香料的印度香，亦有豐富肉味的巴基斯坦元素，入口辣勁十足，衝擊味蕾。雞肉分量頗多，而且十分大件，入口啖啖肉，加上吸收了咖喱的香味，令人胃口大開。旁邊用錫紙包住嘅三角形 Naan 亦非常好吃，外脆內韌，蘸少許咖喱汁入口，味道一流！下次嘅目標就係嚟試下佢哋嘅炒飯同沙律，看看水準如何。

餐廳：哈比斯燒肉串和咖哩 (天后)地址：天后電氣道83號利景閣地下7號舖唔知大家知唔知天后一帶有好多東南亞正宗餐廳🍴，今次去咗一間印度、中東餐廳，叫哈比斯燒肉串和咖哩，基本上地道嘅咖喱🍛、沙律🥗、烤肉卷🌯、烤餅🌮等，你都可以係到食到，而店員係東南亞人士👍🏼，包你試到與別不同嘅風味烤雞沙威瑪 $36Kebab Chicken Tikka (Sharwarna)沙威瑪(Sharwarna)源自土耳其🇹🇷，亦即印度嘅Tikka🇮🇳，意指我地講嘅旋轉烤肉，將插係鐵棍上嘅烤肉一片一片咁切落黎，加埋番茄粒🍅、洋蔥🧅、生菜絲🥬同風味醬汁等，放入烤餅捲起，再用熱熨機加熱，就成為咗呢一份惹味嘅食物呢份烤雞餅捲充滿滿滿嘅餡料，雞肉份量都唔少🦃，雞肉有啖啖香烤嘅惹味，我尤其鍾意佢嘅醬汁😋，襯托成少許沙律嘅感覺，唔錯唔錯👍🏼

好耐冇見朋友仔啦今日同朋友仔約咗去天后食啲嘢, 然後再去行書局同飲咖啡唔想食得好飽, 所以大食妹同朋友仔去咗哈比斯燒肉串和咖喱,嗌左份kebab開心share<Hawaiian BBQ Chicken Kebab>上一次大食妹食過哈比斯嘅Chicken Tikka, 今次就食下其他款式Hawaiian BBQ Chicken嘅燒烤味比較低, 裏面嘅雞肉同生菜量都好多, 仲有少許紫洋蔥同菠蘿整體口味比較light同fresh

而定唔敢出街堂食，呢間鋪小小又做方便外帶既kebab就岩晒九家！加上返工忙到甩碌既日子又係買kebab 返公司當 lunch既日子。上次食過呢間公司附近既kebab今次回頭再食，水準依然！買kebab有得揀包咩皮，識揀一定揀tortilla! 啲沙律醬包住左好fresh既菜，同好多好多牛肉粒 😋 好正清真認證！信心！仲有超值套餐$36，kebab或沙律二選一，加$8仲有得飲lassi😋 日日唔同款真係日日黎買都得！

Such a huge portion of kebabLamb is really tender Slightly chewy Love the spice and vegetables It’s basically a salad wrapped in a naanOnion is so fresh and crunchy and well balanced with the heaviness of the lambThey have daily flavour at deep discount so remember not to miss it

呢排因為阬疫唔可以堂食食晚飯就都要買外賣番屋企行過天后呢間印度餐廳非常香價錢唔貴就自然行左入去🤣本身想食咖哩雞加naan 但要等20分鐘所以諗住快食一個Kebab記得大學既時候久不久就會食一個Kebab當一餐唔會食左好多碳水化合物 但又夠飽🥳不過由於選擇都幾多有d揀唔落手🤣問左負責哥哥 佢就recommend 頭3個雞既Kebab(佢好好笑容😬😬)拎到個Kebab都有少驚訝個size 比我平時食開既都要大份結果2個人share 一半都好夠飽！PS 拎到番屋企都好多熱 要趁熱食啊一切開係爆曬料😆Tekka 雞食落仲好有燒既香味好鍾意個沙律醬汁甜甜好夾個雞成個Kebab 食到落底都仲係滿滿既肉同配料非常滿足🤤

好耐冇食過印度菜，尤其係kebab，就去咗附近呢間印度餐廳買外賣返屋企嘆😇食物選擇都幾多，廚師應該係印度人，整體感覺有啲外國feel，而且餐廳播着印度音樂，幾有外國風情~仲有多款印度飲品可以揀，出邊好少見到😬Chicken kebab tikka~Kebab份量超大，拎到回家仍然保持熱辣辣，而且非常足料，切開一看見到滿滿的雞肉，雞肉經過印度香料作調味，帶有小辣，有刺激味蕾的感覺，配合其他等等的印度醬料，味道非常有驚喜😬而且有生菜，洋蔥，蕃茄等等的蔬菜，非常清新，很有田園氣息~kebab外皮經過烤焗亦帶有香脆感覺，整體不錯~

間唔時就會好想食Kebab~~~~平時最鍾意食轉轉燒肉～～貪佢夠香口～～不過見呢間店好多食評都係食Kebab Chicken Tikka, 又好似爆晒錎咁～當然要食樣出名ga la😌其實唔食Kebab, 仲有勁多款既pizza, curry 可以選擇想食得輕盈d仲有salad 添～～仲有包類既introduction講左咁耐，講返個Kebab Chicken Tokka 先其實佢比我食開既長好多兩個人都夠食雞肉係爆晒錎，仲可以簡辣味～好滋味～～

今日去到天后做野 但完都成22:00幾 好多地方都冇野食 又想快點回家休息 最後就去左哈比斯到買外賣食😋因為太夜又唔太想食肉 所以就點左「沙拉三文治」kebab($62)同原味乳酪$20這個主要用沙律菜為主 同洋蔥蕃茄 另外有個好似青咖喱既味道 應該係豆餅 加埋有菜既清新就算咁夜食都唔怕 同埋有個青咖喱點綴 好好食 不過真係好大件 食完都好鬼飽而原味乳酪比我相像中甜少少🤏不過都幾解渴😉好滿足嘅宵夜🥰🥰🥰🥰🥰🥰