八沢 (筲箕灣東大街)

Open Now

Now Closed

今日又黎到東大街 好多餐廳都成日食 所以想轉轉口味試下日本菜 八沢個位置極好 呢個亦係我地揀佢入去既原因！見到原來佢銅鑼灣 上環都有分店 應該唔會係中伏野啦呢個拉麵係招牌 黑豚肉幾好食 無so味 同埋係硬身個隻 而唔係林batbat既！但個湯底就真係麻麻地 死咸 同無乜黑蒜味 而個拉麵個麵質都麻麻 有d似包裝公仔拉麵既感覺呢個明太子雞翼麻麻地 冇乜明太子嘅味反而個雞翼皮就炸得幾好食好香 牛乳忌廉餅無死啦一定好食 亦炸得唔會好多油呢個豬排飯就幾好食 白色個個係芝士汁好香好濃 令炸豬排個味勁加分！炸豬排亦炸得好juicy 1D都唔鞋口！ 個汁撈飯亦好好食！唔錯！

呢間八沢係我好少有真心中意同覺得價錢同質量相符的一間日本食店，性價比高，我本身一向不喜歡成一百蚊碗拉麵烏冬，覺得又唔抵湯一般又好鹹，我衷心推介八沢。八沢有拉麵、烏冬、飯、燒物等，好多選擇，我自己已來八沢好多次，最喜歡的是野菜什菌烏冬，$64一碗，適合素食者，有椰菜、紫色椰菜、金菇、同兩粒超好味的鮮菇，我一般不是菇類愛好者，但呢兩粒菇正正是我最like呢個烏冬的原因之一。湯底好味夠濃又不會像一般麵店的湯咁鹹，最緊要係夠多菜，有是象徵式得幾條菜。這個價錢與好多拉麵店比，簡直又抵又好味。最近推出的清酒雞肉竹笙烏冬$108，以這個價錢其實物有所值，因為好多料，除有足夠份量的竹笙和好多雞肉外，仲有圓肉 (乾龍眼肉)、杞子、雲耳，所有餸的量都好足，湯又濃味，好好飲，感覺是藥饍般又無藥材味，值回票價。侍應好有禮貌，每枱都有杯同水可以自己斟，平日只開晚市，星期六日及公眾假期才開午市。值得推介，希望能有更多顧客讓他們繼續做下去。

星期六晚8點左右問外有幾個人等位, 門口派飛姐姐話第3張2人檯就到我地,咁我地係東大街行下睇下有咩新野食消磨時間. 最後唔使15分鐘就有檯啦,都算快.好肚餓關係, 叫左2碗招牌麵食(黑蒜炙燒極濃黑豚肉拉麵, 黑松露忌廉海鮮烏冬) +2款串燒(燒牛舌+燒三文魚腩串) +1個牛乳忌廉薯餅.黑松露忌廉海鮮烏冬係木碗上,海鮮好足料,有三文魚塊,仲有大大隻元貝2隻呀! 重點係火喉岩岩好,熟得黎好嫩口完全無overcooked.烏冬唔係用cheap 野, 好彈牙架.黑蒜炙燒極濃黑豚肉拉麵用小鐵煲上好得意. 黑豚肉食得出有炭燒過的味道,面層有大量炸蒜好香口😋湯底夠濃連湯到差唔多飲晒,食完都無口渴.總括而言，麵食的確係正👍🏻，相反小食/串燒就比較普通.個人黎講,會再去食麵🍜因為食兩串加小小$等如一碗麵嘅價錢,我會選擇叫多個麵🤪cp值高d.

今日行過筲箕灣突然想食日本野就入咗嚟 ，之前都嚟過食過一次，個安格斯牛扒飯真心唔錯😋所以今次再encore個汁蒜味好香雖然今次牛扒冇咁肥美香口 但都👍👍👍btw服務員態度幾好 落完單再改單都好好態度無任何說話你聽另一小缺點係入到店有少少up味，似乎係空氣唔夠流通。

筲箕灣東大街聽就聽得多，對於住新界北的我確實好遠！上星期五放工後終於有機會！夜晚下大雨時趕入去，店員就說10點last order、10:30關店，都無所謂啦下大雨都唔知邊到食好！入到去點咗兩碗黑蒜炙燒極濃黑豚肉拉麵、串燒牛小排同埋串燒雞軟骨。招牌拉麵 🍜 食拉麵一定要似個湯先，有別於一般黑蒜湯底，比想像中無咁濃黑蒜味，第二就係個湯底好似有啲松露味，反而令個湯底啲松露味太搶⋯⋯ 至就個啲豚肉，食落去勁硬，勁難咬得開，整體有啲失望！串燒要兩串起，所以叫咗串燒牛小排，牛小排牛味重，但又係太un”，唯一好好味就係嗰兩串雞軟骨！

今晚要同朋友去筲箕灣整啲嘢，整野之前梗係要醫下肚先啦，去筲箕灣食嘢就自然諗起筲箕灣東大街。其實東大街真係有好多嘢食，中西日韓泰乜都有，我哋就揀咗哩一間日式拉麵。我哋叫咗個黑豚肉生蠔燒同埋黑蒜炙燒極濃黑豚肉拉麵🍜先講下個拉麵，湯底真係好好味，豬骨湯好濃，黑蒜味亦好重，麵質軟硬適中，黑豚肉燒過，所以好香囗，鐘意重口味嘅人啱晒!至於黑豚肉生蠔燒，如果趕時間就唔好叫，因為要等成20分鐘。起初以為係一隻生蠔連殼攞去燒，所以唔明白點解要等咁耐，但係嚟到嘅時候就知道哩個小食唔係咁簡單，同埋因爲太太太好食嘞，所以覺得等都係值得嘅！

自從有一次星期五晚相約朋友經紀陳於八沢食飯，我地點了1.8L的獺祭50邊飲邊吃著燒白鱔，混合碳烤和脂肪的特有香味令這一串只有三件的燒白鱔令我一試難忘。今次再試另一支清酒艷，正正常常。反而芥末八爪魚新鮮，食落粒顆分明爽脆，送酒一流。最後都係追加雞鍋同牛肉，鍋底有好多菜，雞肉係土雞味道幾香但唔算話好滑。牛肉方面亦都係正正常常。總結燒物好味d，送酒一流。今次特登打電話去預約門口卡位，方便慢慢食慢慢飲傾下計。職員服務態度幾好。

諗唔到我第一次打食評就係寫劣評因為真係頂唔順間店食物味道，裝修同態度ok都補唔番 唔明點解開到第三間分店本身見呢間評價唔算差應該唔伏，仲要點佢招牌菜 諗住實冇死...點知個黑蒜炙燒極濃黑豚肉拉麵個豚肉係ok 不過唔係傳統嘅淋豚肉 好爽唔岩我口味但係個拉麵底同湯，我相信食開80幾蚊拉面嘅人 唔會明白點解佢會值82蚊拉面係cheap嘅拉麵底就算個湯底係等同某公仔丁拉麵嘅等級個蛋係冇味溏心蛋我諗可能佢d黑蒜油特別矜貴 要賣50蚊幾滴掛個人覺得質素等同對面任食蛋拉面，價錢等於過幾間舖高質拉麵我點揀都唔會揀番呢間拉麵， 食果兩間仲好過

東大街出名美食多，最近發現這裏有一間日式拉麵店，於是放工之後來這裏試一試。黑蒜炙燒極濃黑豚肉拉麵($82)黑蒜味濃郁突出，加上香蔥和香蒜，湯底非常惹味，拉麵吸收了整個湯底的精華，而且炙燒黑豚肉帶有燒烤香，整個拉麵的味道不錯。黑松露海鮮忌廉烏冬($92)忌廉烏冬的湯底濃郁，加上黑松露的香味，配搭得不錯。板燒銀鱈魚($128)銀鱈魚的份量也不少，外皮燒得香脆，肉質柔嫩，再點上沙律醬一起吃，味道不錯。黑豚生蠔燒($70)黑豚肉片包著生蠔燒熟，生蠔燒得剛剛好，保留了原有的水份，而且吸收了黑豚肉的油份，配搭有新意。

筲箕灣東大街，係港島區其中一個好出名嘅食街，裏面包羅萬有，咩類型都有，食野質素一定係中上。今日同我阿爸阿媽一齊去依間日式店食晚飯。我哋叫咗濃湯雜菜、黑蒜炙燒極濃黑豚肉拉麵、同日本清酒雞鍋。黑蒜炙燒極濃黑豚肉拉麵：見到個名，即時諗起出前x丁既黑蒜豬骨濃湯底拉麵。飲左第一口湯而湯底梗係同出前一x丁油太有分別啦！湯底好濃味，黑蒜油味好重好重，麵質口感佳，豚肉厚身， 配上糖心蛋、木耳絲等配料，唔錯。日本清酒雞鍋：杞子龍眼作湯底，所以湯底份外清甜，亦飲到少少清酒味。由於雞件同配菜太多嘅關係。初時，我哋要分開整理，先整熟雞件，但要留意有冇過火而令雞件變老。除咗有雞之外，仲有好多配料，值得一食。濃湯雜菜：雜菜為普通雜菜，濃湯既奶油味重，為咗清腸胃我哋會必叫。

今次係朋友仔約我去筲箕灣食個日本野。入到去，裝飾格局有少許日本風，座位有啲逼，但係我哋兩個大人有得食就冇咩所謂。我哋叫左自家製薑蜜、冰糖紅棗雪梨茶、一桶厚燒鰻魚玉子飯同黑豚生蠔燒。自家製薑蜜﹕有薑味、蜜糖味，仲有好多薑粒唷！如果薑味再重啲就更正。冰糖紅棗雪梨茶﹕見到有2件雪梨片同紅棗，足料，飲完後，個人感覺即時潤左。一桶厚燒鰻魚玉子飯﹕食完依一桶飯係可以唔洗食其他野。桶飯可以分到至少6小碗，鰻魚肉質感厚身大件，鰻魚汁好多呀，配上大塊玉子加飯，好正。黑豚生蠔燒﹕黑豚肉有香口的感覺，生蠔質感爽口，不太乾。

週末難得經過筲箕灣，一定要去東大街覓食今次黎到八沢，店舖環境寬敞舒適，佈置都好特別。下午一點多都唔使點等位。一向鍾情黑松露既我，二話不說就揀左黑松露忌廉海鮮烏冬。果然無令我失望成個烏冬份量都唔少，而黑松露亦絕對唔吝嗇！配料有非常厚切既三文魚，仲有幾粒大大粒帆立貝。本身忌廉湯底唔算特別稠，將黑松露撈埋落啲湯度，味道一流。男朋友就揀左安格斯肉眼扒飯。個牛食得出真係高質既安格斯牛，好有咬口，肉汁飽滿。而配搭既特製醬汁好夾又好惹味！我地仲叫左一串牛舌同一串豬頸肉。牛舌燒得好香，厚薄程度岩岩好！但豬頸肉就比較遜色，燒得有點乾。另外叫左杯白桃特飲都唔錯。整體而言，我地係會再encore既，哈哈！

做完gym去食番餐，去左間小筲箕灣lee間小店試佢一d推介既食物。分別有黑蒜炙燒極濃黑豚肉拉麵，明太子雞翼，同埋冰糖紅棗雪梨茶。冰糖紅棗雪梨茶係店家自己整，飲得出係好天然既感覺，飲落清涼之餘非常足料，有大大塊雪梨同紅棗，甜度適中非常清甜，一路食野一路飲係一流。黑蒜炙燒極濃黑豚肉拉麵個名好覇氣，而湯底煮法亦相當聰明，以清甜唔會過油既猪骨湯作為基礎，再加上極濃味既黑蒜油作為主要調味，黑蒜油有少少似黑松露既味道，夾埋剛好蓋過猪骨湯唔夠香既不足，成為一個新既湯底頗有特色，層次非常豐富，甜而不膩。拉麵質感爽口結實，配答黑豚肉炙燒既火煙味係一個唔錯既配答。黑豚肉油脂適中，唔會係一舊肥肉，而蔥花幼細同爽脆既木耳亦令食一啖拉麵既層次口感得到升級。以一個鍋裝住頗具風味，整體唔錯，不過個名依然有d誇張左。明太子雞翼，不過不失，雞翼係新鮮，不過腌既味道唔夠濃，而明太既咸香味道亦唔夠突出，水準平平，而且雞翼比較少油份，可能個人比較重口味，如果多d油份，至少令雞翼既味道更為突出。埋單加服務費一百五十六蚊，價錢比較高，性價比方面我會期待更好一d, 不過整體係好食既。

東大街食肆林立，所以都好鍾意黎東大街呢度搵食，因為可以有好多餐廳選擇。因為天氣有啲涼，所以就想食湯麵，暖一暖，就嚟咗呢間日式餐廳。首先叫咗個黑松露忌廉烏冬。之前食嘅烏冬都係湯烏冬多，第一次食紀呢個忌廉烏冬。聽到忌廉可能話好似好肥，好濟咁樣，但呢個忌廉唔算話好杰，較湯，味道濃。面頭有一更黑松露醬，撈埋令個湯更香！烏冬扁扁地，唔算好粗，食落好彈牙。送方面有三文魚同埋帶子等，材料都算豐富。芥末果醋帶子冷烏冬首先佢個烏冬好爽口，好彈牙，唔會好乾身，仍然保持濕潤。帶子一共有四大粒。好爽口。個芥末果醋係成碟既靈魂！酸酸地，好香，烏冬沾黎食好開胃，呢一個冷烏冬真係好正。糖心蛋做到好靚！黑豚生蠔燒黑豚肉薄薄一片，煎到焦焦地，入面包住生蠔，外脆內軟。牛油蒜蓉扇貝好香牛油同埋蒜蓉嘅味道，啱啱焗起，所以上枱嘅時候已經好吸引。雞泡魚干我都係第一次食，佢燒到焦焦地，有少少嘅燒汁同埋糖漿，所以食落有少少痴牙既感覺。食落好似食緊豬肉乾咁樣，硬硬地，呢一個用嚟送酒一流！冰糖紅棗雪梨茶唔算太甜，幾好

因為我個朋友住喺筲箕灣，所以我哋就約咗喺筲箕灣度食dinner 😁 地方超就腳，一出咗地鐵站，行一分鐘都唔洗就到啦! 😀😀先講左小食先，我哋叫咗燒扇貝同埋芝士脆脆。扇貝好大粒好多肉! 我覺得佢烤得唔錯，上面加咗少少蒜同埋佢哋自己獨特嘅醬汁，仲有好香的牛油味，帶子本身嘅鮮味同埋佢嘅醬汁撈埋一齊，真係好好食! 味道好夾! 食完一粒真係好想食多粒😂😂 個芝士脆脆都幾得意，裏面嘅芝士都幾多下，外面脆脆地，再點埋少少沙律醬，好香口好好味😄😄  我同我個friend勁快就清咗呢盤嘢喇🤣之後我就叫咗個黑松露忌廉海鮮烏冬， 冇記錯裏面應該係有帶子，三文魚同埋蜆， 個配搭真係好惹味，帶子同樣地都係好大粒，好有鮮味同好有肉地😀  而個三文魚亦都煮得剛剛好，唔會太熟，佢個黑松露味都幾出味，再加埋啲忌廉成個配搭真係好邪惡! 但又好好味!!🤣🤣  個烏冬都煮得好唔錯，幾q彈，食到最後有少少滯，但真係好滿足😅😅我個friend就叫咗個黑蒜豚肉拉麵，望落都好吸引。因為佢唔食蛋嘅，所以我幫佢食咗個蛋。個糖心蛋煮的剛剛好😋😋  個心半生熟 一啖放落口到， 正! 😄 之後我個friend話啲豚肉唔錯，唔會太肥，每一塊都薄