八沢 (筲箕灣東大街)

Open Now

Now Closed

呢條街真係好多美食😲今次試左呢間居酒屋- 黑松露海鮮忌廉烏冬個湯底幾好飲 好襯烏冬呢！男朋友好快食曬 佢好欣賞🤣- 帶子香醋凍烏冬我個人就好喜歡呢個烏冬因為好fresh 好開胃😍而且啲烏冬質地都好彈牙但男朋友麻麻地醋味所以佢就覺得一般- 雞泡魚乾真係好乾 又硬🥺所以唔推介了- 牛油金菇份量唔細 正正常常～- 燒雞軟骨燒物黎講 叫個最好食🙈加啲七味粉可能更好如果喜歡烏冬既你唔好坐過啦～裡邊既位置唔係好大 有啲窄🙈

年初二晚幫襯呢間外賣，叫左個黑豚豬肉生姜燒飯，豬腩肉又靭又肥，成碗飯冇生姜燒汁，D飯又濕又一舊舊，仲收人七十蚊，等外賣等左二十分鐘，換來的是極度難吃的飯。筲箕灣道嗰間大丼家都好過佢。千祈唔好去！必中伏！

上網見唔少人推介黑松露忌廉海鮮烏冬，咁啱去箕基灣就試吓~湯底：忌廉湯底同黑松露本身分開，俾咗大約半湯羹黑松露，客人自己撈落個忌廉湯度再食。可能因為本身湯唔少，所以食落黑松味比較淡，同時忌廉味又唔係好夠濃，有少少失望海鮮：有2粒帶子，4~5塊三文魚。份量可以接受，但海鮮種類比想象中少，帶子亦冇乜鮮味。烏冬：正常另外今日係食lunch set， $88包一杯“特製熱飲”，黎到先知原來只係一杯熱茶。不如坦白d直接寫包熱茶啦lol整體：如果係連續餐廳五年嘅招牌菜，會expect湯底再香濃d

🙋🏻‍♂️餓底探員今日去咗筲箕灣調查呢間日本嘢🥩🍚🍲黑安格斯肉眼沙律 $88📸表示呢個set除咗塊肉眼配少量沙律，仲有配埋白飯加忌廉烏冬，一個set有咁多樣嘢食，真係好豐富🙋🏻‍♂️表示塊肉眼肥瘦適中，口感軟腍又juicy，面頭仲有蔥花，黑椒同蒜茸做點綴，食落好惹味，烏冬口感煙韌彈牙，忌廉香滑入口好creamy，食完好滿足📈吃貨指數😋好味度 8/10🔙返啅度 8/10

食物評分 (5⭐️最高):小桶生薑玉子鯛魚腩飯 $98⭐️⭐️⭐️⭐️⭐️清酒雞肉竹笙烏冬 $108⭐️⭐️⭐️⭐️⭐️.都不是第一次去八沢，這次因為有新嘢，又好好食，一定要與大家分享一下。👍😊.客人可直接用手機點餐，有飯、烏冬、拉麵、串燒、炸物、酒類等。.👇桶飯新加了鯛魚飯。.👇用手機點餐可以清晰點明特別要求，如走葱，我要求了多汁，超😋👍.小桶生薑玉子鯛魚腩飯 $98⭐️⭐️⭐️⭐️⭐️我是要多汁。這桶飯好多過人之處。✅汁好惹味👍😋 ✅魚又夠多又夠肥美✅最令我讚嘆是蛋竟然整得十多嫩滑！怎麼可能？💖😋👍✅薑粒不單辟走魚腥，更帶出魚的鮮甜這個桶飯已成我的favorite。.清酒雞肉竹笙烏冬 $108⭐️⭐️⭐️⭐️⭐️這個清酒竹笙烏冬亦好多好處:✅雞肉🐔夠多又鮮甜又嫩滑又夠味✅湯好鮮甜✅成碗好足料，有菜、紅棗、桂圓、蟲草、竹笙等.餐廳做足防疫措施，筷子有即棄和普通任食客選擇。.總結是這兩款的性價比高，有這個價錢，俾番足價錢的質素。👍💖😋

筲箕灣出名多好野食，今日黎到東大街一間好多人讚好嘅日式餐廳😺點左幾樣推介嘅食物👻.芥末果醋帶子冷烏冬（$82）呢個係必食，雖然夏天食會仲爽，但中意食芥末嘅朋友應該唔介意🤤啲帶子係勁大粒，將啲果醋撈埋芥末再淋係啲烏冬上面，口感好正☺️再加埋啲配菜唔會好濟同感覺好健康🥒🍅.黑安格斯肉眼牛扒飯/烏冬（$92）呢個牛扒一食落去就咇曬啲肉汁出黎🤣🤣一睇就知係好好食😉👍🏽而且唔會好肥，份量剛好.個set lunch可以配埋自家制冰糖紅棗雪梨茶（凍/熱）唔會太甜而且好潤🍐👍🏽

想找地方一家四口趕緊在二人限聚令前岀街食一餐 (這半年得一次)東大街常常去，見過八沢多次，不敢走入去，怕太貴，今日膽大試下，竟然有大驚喜🤤價值好好好 reasonable! 我今日點了海鮮掛烏冬，個醬汁好好味好清新好開胃，又靚又好食！這份凍食要大讚，烏冬好彈牙，海鮮好新鮮，眼睛👀嘆完，口腹都大收穫！要再去食多幾款！

行完山去食食這間很多好評的日本餐廳...門牌很難認得，行了很久才搵到這間餐廳。看一看餐牌。一點也不平，set lunch 要70元以上，所謂送熱飲也只有一杯煎茶，凍飲或特飲要加10元。點了set A, 黑松露海鮮忌廉烏冬....等左一陣才來，得2粒帶子和3舊三文魚.....有一堆黑松露，忌廉湯像金寶湯..黑松露味也不濃厚...價錢是88元......老實說，吃不起這價錢了......88元應有更好的選擇。

筲箕灣東大街真係有好多選擇，見八沢的裝修幾特別就入去試試。鋪內只有一個好似excel 表甘樣排列的menu .之後店員示意用枱上的QR code 落單。 過程便利快捷，走蔥蒜算亦可選擇但食物的相片這點有點失望食物質數高，味道有驚喜。龍蝦沙律：因為無相它真身同我想像中有點不一樣。不過味道同份量都可以，紫菜很脆黑安格斯牛扒掛烏冬 ：牛扒美味、烏冬出色、沙律菜無苦味黑松露忌廉湯海鮮烏冬：真心有驚喜，忌廉湯濃郁好味。黑松露沒有古怪gas 味重同忌廉湯底出奇咁夾帶子有一粒（切開左）、三文魚有4舊

一進入店內就發現店面設計充滿懷舊風情但睇吓餐牌又會發現佢哋嘅菜式並非傳統日本菜好有個人特色好多新元素係入面睇得出配搭同用料都係心思之作！👏🏻👏🏻最推薦佢地黑松露忌廉海鮮烏冬個忌廉湯底係精髓 真係濃而不膩💯仲要夾埋啲黑松露帶出個鮮味仲好好掛湯 真係好正🤪自家手打烏冬亦好煙韌彈牙烏冬真係靈魂之最配埋原隻帆立貝加三文魚真係好好味！而佢地既串燒都真係算幾多種類而且味道都好好😋員工服務態度亦好好 環境坐落都好舒服值得一試💯💯

1️⃣⭐️黑松露忌廉海鮮烏冬⭐️ $92 (7.5/10)Pooh同朋友都覺得哩間嘅cp好高，食物無論份量定質素都對得住個價錢❤️黑松露味好香，忌廉味亦好濃郁但又一啲都唔膩🥳食落完全無罪疚感👍🏻海鮮就係三隻超巨大扇貝，同四五片熟文魚🐟 要特別讚扇貝真係好～大隻，而且一啲都唔韌😋烏冬份量多到傻左，食極都仲有😂唯一係黑松露如果可以再濃多少少就好啦🥺整體黎講，哩款絕對係必點❗️📍 八沢 筲箕灣 : 筲箕灣東大街59-99號東威大廈地下7號舖銅鑼灣 : 霎東街7號地下7號舖

星期日坐電車去到筲箕灣總站，特登過嚟東大街，可惜有幾多店都休息咗！試吓呢間日本店，幸好食物冇令我失望我點左烏冬，想親嘗這道黑松露忌廉海鮮烏冬滋味！烏冬滑滑好掛湯！呷一啖湯…非常香嘅忌廉味道！黑松露呢隻香味俱全，搭調的食材便有三塊非常嫩滑三文魚及兩隻帶子，簡單嘅食材，加上香濃黑松醬，立即變成呃得like嘅美食啦

香港終於有晩市，我們期待已久。第一次航拍後，到這區走走，就去吃過日本美食吧。牛扒烏冬，外觀上已吸引，牛扒水準可以，肉質不會太硬，有肉味，而烏冬水準正常，番茄新鮮。叉燒拉麵放在煲仔上，都幾可愛。湯汁加入忌廉，夏天吃起較杰口，如冬季吃較好。叉燒三片，味道正常水準。厚切牛舌，外觀可以，味道可以，可是肉質煙韌了一點。這脆物是牛乳忌廉餅，以為是甜點，入口原來是鹹點，味道都可以。羊架味道正常，總體可以，希望晩市常在。

這家充滿居酒屋格調的小店, 主打的是她的忌廉烏冬, 之前吃過的同類, 湯身都是濃厚得如忌廉醬一樣, 比起沾麵的沾汁更厚身. 像是吃撈烏冬一樣, 這家的忌廉湯底如西餐例湯般水潤, 並不濃厚,?味道較淡, 也許是因為要配合黑松露醬的原故, 只是後者香度不足, 令整體味道有點淡然. 烏冬口感順滑, 海鮮如帶子及三文魚鮮度和味道沒有問題, 如果種類多點就更好. 至於另外點的吉列忌廉鮮奶, 皮夠薄而味道及口感很似大良炸鮮奶, 都幾特別, 但以三十元一個的價錢來說, 有點Overprice就是.

去完鶴嘴行山，成身汗好想食啲清清地嘅嘢，於是嚟咗呢度。本身以為呢啲食烏冬嘅新派小店通常都係好細間，人夾人好迫咁坐，入到嚟又唔係啵，仲有卡位添，所以印象分已經加咗。坐低叫咗個大家都推介帶子芥末果醋冷烏冬，一嚟到：嘩～啲帶子超大隻，仲有三隻添！入口冇沙冇粉，都幾新鮮，保留到帶子嘅鮮味，唔錯。呢度用嘅烏冬係幼身扁扁地嘅，本身比較鍾意食粗身讚歧果隻，因為覺得有咬口啲，但呢款幼身嘅又出乎意料地好食，比食過嘅稻庭烏冬爽口少少，用嚟做冷烏冬真係一個好好嘅選擇。好，點一點果醋，原來已經撈咗芥末，撈得非常均勻，味道岩岩好，唔會話一啖辣啲一啖冇咁辣；加上果醋嘅酸酸甜甜，兩者好夾，令成件事更加清新，就好似返咗去日本食最簡單果種冷烏冬咁，唔需要複雜嘅用料同煮法，非常簡單嘅味道，但就因為互相平衡，所以全部食材嘅鮮味都出晒嚟，甚至提升咗，呢種Fresh嘅感覺真係好開胃。雖然只係食咗一樣野，但對呢度嘅感覺好不錯，會再返嚟食。