八户屋和食料理

Open Now

Now Closed

之前呢間餐廳裝修，等左好耐最近發覺佢重新開返，於是就決定搵一晚去食啦。會員嘅話係星期一至四都可以儲分，積分可以用來換領嘢食架！我同媽咪兩個人去咗食晚餐，發現佢啲座位裝修之後坐得舒服左！我地叫咗一個鰻魚炒飯、壽司拼盤、沙律。本身以為唔夠食，點知原來個鰻魚炒飯都幾大份！而且佢炒到個飯啡色咁樣，賣相好靚！啲咪好似係珍珠米？ ！識落好開胃個壽司拼盤喺餐牌上面係新嘅，我都係食完先記得影相。上面都有唔同嘅壽司款式例如三文魚、玉子、蟹子等等嘅壽司，不過個玉子好似唔太新鮮，個色澤唔算好靚。沙律方面我就唔知有冇更改到，因為係媽咪之後再叫嘅，我哋平時食開個柚子沙律，入面仲有啲海葡萄；但係今次食就變咗普通一個沙律，唔知係唔係媽咪嗌錯咗，剩係得啲醬再加青瓜絲同埋啲菜。不過總括而言呢都仲係好好食嘅而且好抵食！！

食咗個辛辣海鮮烏冬問佢可唔可以加辣竟然話要收錢 兩隻青口一隻蝦兩嚿咁嘅魷魚 咁就叫海鮮烏冬 一啲都唔辣我買個辛辣麵好食過佢囉唔識做你唔好做呢個味道出嚟囉 價錢貴不特止 服務又差 唔會再有下次

一個人午餐，無頭緒食乜下，入咗八戶屋！屋邨嘅日本料理，都無乜期望嘅～～裝修ok，壽司吧枱相對都算大，環境都足夠讓顧客享受一餐。食物種類都算多，至少足夠令我猶豫幾分鐘揀乜食好！見餐牌嘅壽司餐唔錯，就叫個築地四色壽司配湯烏冬($68)。壽司包括三文魚、北寄貝、鰻魚、帶子同三件加州卷，另外仲加上沙律同芝麻八爪魚。食量唔大嘅我覺得個分量剛剛好！壽司不過不失，值得一讚係個帶子都幾厚肉。至於加州卷包得比較散，有進步空間。烏冬口感煙韌，味道唔錯。飲品方面，揀咗杯檸檬柑桔，都比飲普通咖啡奶茶特別嘅～～如果唔係嘴刁，又想食下平價日本嘢，呢度都可以滿足到你嘅！

路過富善，意外發現有八戶屋，記得以前食過屯門分店，對佢印象不錯，就打算食晚餐。19:15入座，明明餐廳客人唔多，好多空位，但帶位既侍應偏偏安排我地兩個人同另外兩個客share四人枱，又唔比多份menu我地(因為menu都係四人枱share一份)。亦都唔主動提供水杯，反之，我見其他枱個個都有。落單又等左陣先有人理(明明個場又唔full，又多侍應)。19:20滿心歡喜咁嗌左兩個鍋，諗住應該好快有。點知等到19:38，隔離枱(同我地同時間落單)啲野食都黎齊，食左六七成，我地個鍋都未黎。我地:幫我地睇下兩個鍋?到宜家仲未黎侍應A: 哦侍應B: (問A)佢地仲咩?侍應A諷刺既語氣)佢話嗌左兩個鍋喎~侍應B: 你地嗌左咩?我地:兩個鍋，你地有冇落單?侍應B理直氣壯)冇呀我地:下!兩張枱同時落單都可以漏左成張枱架侍應B:你地嗌左咩?我幫你地落番我地:唔洗喇，趕時間(走人)我開post原因係想大家or餐廳老闆知道呢度既員工服務同質素係點，希望唔會再有人經歷咁既情況。

星期六lunch 已經食到冇乜好食 是旦揀左間日本野午餐有6個餐揀 有拉面、便當、魚生飯叫左個F餐- 辣味三文魚丼同奶茶等左5分鐘就有野食 個丼除左辣味三文魚重有兩片鰻魚、兩片熟蝦、兩條蟹棒辣味三文魚 三文魚係熟嘅 鰻魚有骨熟蝦同蟹棒正常個飯加左壽司醋 我覺得酸左d個飯份量岩岩好 食得飽肚

同家姐放假唔知食咩好，剛好經過富善就入咗嚟啦其實呢我最初就比佢嗰個蠔鍋吸引入嚟嘅但點知入到黎坐低先發現暫時冇呢樣野🙈🙈🙈結果我就帶咗個蕃茄湯底嘅豚肉喎轉果下有少少唔開心，但識落竟然覺得幾驚喜個蕃茄湯底又幾好食喎！😂再加埋個手打烏冬非常滿足我家姐要咗一個刺身丼飯，呢個就一般啦如果唔係因為嗰個番茄湯，我諗我會比OK但個番茄湯為間餐廳加咗分😂😂上網睇返見到人哋話嗰個蠔鍋反而唔好食🙈似乎黎呢度點餐都要謹慎

好日唔黎食，坐低茶都冇杯，叫完野食，壽司烏冬餐就好快到，我叫既豬頸肉拉麵就等成4個字都未到，追左2次，但每次追完都唔會覆返客話「幫你追左」，成個場好似好忙咁，但餐廳開左咁耐，唔可以話因為忙呢種藉口而話可以甩漏架嘛，，個拉麵黎到，個麵都唔似拉麵，似公仔麵，重要有一舊未煮開，痴埋點食，，個湯底又咸到。。。明顯係味精湯，d豬頸肉又係餸果d豬頸肉，又一樣咁咸。。。冇樣野係好。。。真係唔係見你係樓下近近地都唔會幫襯，但之後都唔會再有咁既機會。到最尾我地重係冇單既。。期間有小插曲，有位侍應係我旁邊倒瀉左杯茶，佢係有禮貌既有同客講唔好意思對唔住，但係佢衛生意識係十分十分之差！佢拎住塊藍色布抹枱上面既茶，繼而竟然拎同一塊布抹地，再繼續抹埋櫈再抹返張枱我真係寫個服字

咁啱喺附近睇完醫生， 又唔想行太遠 於是就去咗富善呢個小商場搵嘢食見到呢間裝修幾雅致嘅日本餐廳抱住一試無妨嘅心態去試下啦但可惜令人失望日式煎餃子係本人其中幾鍾意嘅菜式之一但佢知道伴冷忽熱 外皮唔夠脆，餡料唔夠多日式蛋包飯 普普通通啦 不過不失 不過略嫌唔夠熱， 好似敷衍了事咁鹽燒三文魚頭味道算係不俗 都算烤得幾入味， 肉質都幾有口感日式雜菜生蠔窩完全唔掂 好似一大煲味精湯浸住啲嘢食咁， 所謂嘅生蠔感覺似係桶蠔， 一大浸腥味 毫無鮮味可言嗌咗幾款壽司略嫌唔夠新鮮 壽司飯都比較鬆散 感覺好失敗 整體口感都唔掂是次經驗極差， 一定唔會再試呢間 覺得佢係掛羊頭賣狗肉嘅偽日本餐廳

今晚突然想食日本野 就近近地食呢間喇 首先緊係叫壽司🍣啦 食日本野無壽司點似樣 個三文魚卷 好足料 三文魚算大塊 厚度當然不及叫刺身款啦 有6舊架都 再試試赤貝 唔腥喎 都有少少厚 不過不失 算係甘啦 再食埋個左口魚背 正！食完生野 叫個金菇肥牛卷 暖暖胃 呢個份量都多 好味 配埋佢特製既醬 酸酸咸咸 幾夾 幾開胃 未飽喎 再叫多個蠔仔煲 都有4隻蠔架 食完飽晒😋👍🏻

正餐牌上有一個「地獄豚肉鍋」$58另外有張餐牌話「豚肉鍋」震撼價$80.我落柯抵時有位著灰色制服的女職員話正餐牌上既果個豚肉鍋暫停，我問點解餐牌無mark暫停既？佢就頭也不回地走開左.我局住叫果個震撼價$80既豚肉鍋.之後我向一位貌似較高級，多數企收銀既女職員查詢，佢話「暫停左，但因為經理唔比痴紙」我再查詢點解唔比痴，佢答「因為公司規定架喎」態度極之惡劣。.我理解係「你入左黎，坐低左，你想食就食個貴啲架啦」認真想問：咁算唔算係違反左商品說明條例既「先誘後轉銷售行為」呢？

今日行開大埔見客未黎過就求其搵啲地方坐下來食下野停車場泊低左見到呢間ookk就坐低左食左個佢最貴的lunch八戶刺身盛合$85包埋凍飲真係好鬼死抵食rrrrrrrrrr!!!旺角食個牛肉烏東都唔止la而且係好食，又新鮮吞拿魚魚仲大大件湯似係自己整的貨珍珠飯夠lim連個ice lemon tea 都係碎冰機的貨而家唔係間間都咁好心機架喇不過唔知點解，午飯都唔多人然後又要揸返車去見客入到不毛之地工業村下次經開都一定黎

呢間菜館在家中樓下，已經食了很多次，實在好想推介給大家，實在很多款式的菜都試過了，無論是午市，下午茶，還是晚餐時段，每道菜都好好食！曾經食過烤牛肋肉、番薯天婦羅、三文魚、燒原條八爪魚、魚生飯飯、烏冬等等，樣樣都好好味，尤其係烤牛肋肉，外表小小脆，內裡的肉仍然好嫩，烤原條八爪魚好香好抵食！今日就同外父食咗個咖喱豬扒飯，照燒牛肉炒烏冬、芝麻雞翼拼夾餅，咖喱飯好入味，牛肉炒烏冬，D烏冬好Q，芝麻雞翼夾餅份量都好夠，雞翼好好食，夾餅外邊都好脆口，價比值咁高嘅食物，真係再沒有任何挑剔了！

呢個價位食日本野叫好價錢唔錯，食物味道都ok,可惜香港餐飲永遠衰係服務質素，唔個同好多時請埋d某國人而有所不同。單單食野我會考慮再來，但考慮到服務質素，叫野食好似比人鬧緊咁，落單斟水行過當睇唔到，比幾舊水食完一肚氣

去八戶屋食八戶全盛拉麵下午茶餐，連凍飲收 38 元，貴過同場樓上的上巿公司快餐店，但佢依然生存到。睇相片唔知碗麵有幾大，驚會係迷你版，不過見唔少食客都食緊佢，望落係正常份量，先夠膽落單。餐飲有兩款凍飲可選擇，唔使加錢都有凍飲，好吸引，之但係見有即磨熱咖啡，咁都係飲咖啡啦。再細心睇餐牌，茶餐選擇算豐富，飯、麵、包呢啲大路野唔少得，最意外係有夾餅！Waffle喎，女生至愛，包括上咗年紀的婆婆，今日就見到一位婆婆慢食雞翼沙律配夾餅，食得非常享受添。男士就鍾情咖喱豬扒飯同拉麵多啲，壽司配烏冬餐銷情亦唔錯。點解多人食拉麵，除咗平，食落就知佢有內涵。呢個價錢可以食到兩款豬肉，兩者都係入口即溶兼有肉味；蟹柳冇雪味，冇煮到爛蓉蓉；配料紫菜同芽菜唔係得幾條；拉麵份量多，略硬身，好有驚喜。湯底嘛，正正常常，唔會令你要不停灌水。成碗麵具質素，加埋杯香濃咖啡，食得暢快之餘，擔心佢好快會加價。

星期六的天氣真適合去去郊外，可是每次想出外走走，天氣好的時候總是沒有空，或是下大雨，運氣真不好，而今次也是落得這命運。今天來到大埔辦點事情，說真的平時除了踩單車和燒烤都不會來到大埔區。想著不知吃點什麼才出發，正好媽媽的朋友住大埔高度推介日本餐廳八户屋和食料理，正正就在巴士總站旁邊的富善邨商場。心裡想著：「總比又吃平時常吃的餐廳好。」所以早點出發到八户屋和食料理吃午餐再出發了。本著不是伏已經很好的心態，怎料到這個午餐竟然比想像中的好，雖然魚生、卷物等等並不是做到無人能及的等級，但以這個價錢和這個質素，可以說是「大件夾抵食」。看著這墊枱紙的櫻花圖案，一邊想著今天天氣正好，一邊想著又不能出外走走，感到婉惜。築地四色壽司配迷你烏冬($60)壽司癮起，因此點了壽司套餐。有四件壽司再配三件卷物，除此以外，還有迷你烏冬和沙律，熱食的烏冬來中和壽司冷冰冰的感覺。熟蝦、三文魚、帆立貝和北寄貝壽司為指定款式，但質素也不差。沾滿蟹籽的卷物，為我充飢了不少。平時一份壽司套餐也起碼要$80，這價錢絕對是街坊價。刺身和飯的比例沒有太大的差距，比起連鎖店更是有水準。粒粒魚生丼($65)的材料也相當豐富呢！把魚生切粒