客家好棧 (Closed)

是日屋企團年飯，係淘大搵咗幾間酒樓，呢間價$$最實惠！叫咗個套餐食，半席$900有找！先講燒鵝，皮脆入味，加上有酒精火係下面保持住溫度，唔錯！碟雞都okay，d肉幾滑！一魚兩食，魚肉夠厚！碗羹就不過不失啦！最後還有鮑魚配冬菇，我就覺得一般！最後來的炒飯，真心不錯，飯粒分明，還有壽包送，算係抵食！

星期六由中午打麻雀到晚上，同家人(6位)走到淘大商場第4期的客家好棧食晚飯一間頗有驚喜的客家酒家菜色；1.客家鹽甑雞用煲仔上，葱油味濃但雞味仍能保持到(未影到相已經食晒)份量唔多關係2.例湯(黑豆煲豬𦟌)；Ｄ料堅足，啖湯很香很濃，底料更可當一碟小菜食3.懷舊炸大腸；唔會有蘇味，外脆內軟，配合甜酸醬恰到好處4.桂花蛋碎炒粉絲；唔會黏到一舊舊，爽口入味可能是星期六關係較多客人，侍應生比較有點忙亂，個别同事可能因心情混亂令服務及態度出現少少偏差這裡需扣點分數價錢也算大眾化

作為街坊 通常同家人去茶樓食飯地都會黎客家好棧呢到長期有個晚市三寶($148)分別有半隻雞、炒既魚柳同埋蒸既魚柳而且呢到上菜好快手!!通常5分鐘內一定有一味道黎到雞就通常都最快到雞件好滑身 同埋幾香味道調較得唔錯三寶除左雞 就係兩個唔同烹調方法既魚個人會比較鍾意炒既呢個都幾有鑊氣 同埋配料好多D魚咁樣炒就會比較彈牙 爽口 同埋切得都大塊 有口感!!呢個蒸既 D魚就會比較軟身平時會有埋面根 唔知點解果日冇不過兩碟魚既份量都幾多圍番即係大約$50一個小菜 真心抵!跟蟹加$20叫左個油墨菜又炒得幾香 不過好油下但呢個價錢黎講真係幾大碟下另外仲叫左呢個蟹同荷葉糯米飯佢飯既份量真係意想不到少成咁薄薄一層 我懷疑佢D糯米飯係厚度係1CM都冇而且好濕 口感唔似糯米飯 而D蟹係冇咩味既呢味菜真係得個樣好睇呢個真係不可一不可再 仲要係貴過另外3碟菜都係叫番三寶就夠!

呢間酒樓比起出面d酒樓，價錢相對較貼地。人又唔會好多，唔洗點等位，環境都較靜。3個人食飯，可以食多d種類。叫左個晚市3寶...有鹽焗雞同龍躉兩食。鹽焗雞都唔細隻，3個人隻岩岩好。隻雞幾入味，雞肉都夠滑。炒既龍躉皮特別爽口，肉質唔會好硬同太淋。雖然係炒，都有魚既鮮味！相反，蒸就整得冇咁好食。食落覺得有d腥.......不過都算新鮮同滑既。四喜烤麩傳統既上海菜式，味道都幾正宗。麵筋吸晒d醬汁，正！！！

客家好棧夜宵推介 好抵食呀！8:30pm後多款小菜$38😀半隻雞都係$38~3款小菜起加$10仲有煲仔飯😋欣賞佢雖然係優惠時段 小菜$38 但1點不馬虎。份量味道都很好。叫3個小菜加$10有煲仔飯 當然不會太多餸的1人份量haha。但整體抵食!味道****抵食度*****

星期天是休息日，與岳父及岳母飲午茶兼午餐，因岳父大人最愛飲茶食點心，而我太太很喜歡吃燒鵝，所以我們開車到附近牛頭角淘大花園的客家好棧飲茶，因那兒的燒鵝不錯，及不用等位太久。剛走進去，就點了燒鵝跟瑶柱蛋白炒飯的孖寶配搭，再點了傳統的鳳瓜、珍珠雞和，馬拉糕。點菜不久，食物就送到，岳母和太太隨即就一口一口的吃燒鵝，邊吃邊說燒鵝味道很香，看上去也不多脂肪。我對燒鵝沒有特別喜好，反而愛吃瑶柱蛋白炒飯，論份量算大，論質感很有咬口，因有炒飯有菜粒，及飯身上乾爽，配上白白的蛋白和絲可見的瑶柱，感覺清新好味，秒速吃了一碗仔，就馬上再添。吃了成碗仔飯才意識到有鳳瓜可吃，但已只剩一隻，夾入口，發覺蒜味濃亦滑，味道不俗。還有一兩塊鮑片和花生伴碟，有創意亦好味。珍珠雞很遲才送到，份量如其名細少，一口便吃掉一件，味道可口，但比較傳統。還有點了一碟魚肉魚蛋生菜，清清地，心理上得到一點平衡。甜品是馬拉糕，外貌不俗，但吃下去有少許膠水味，有點美中不足之感。四個人埋單，約港幣二百七十元，假日來这説不算貴。多謝岳父大人。

食燒鵝唔使特登去到深井咁遠，嚟到淘大嘅客家好棧一樣有好好食嘅燒鵝。今日午飯 ，我特意叫了一客燒鵝瀨粉 ，滿足一下自己食燒鵝嘅慾望。等咗一陣，終於都上菜啦 ，竟然是燒鵝脾。我急不及待夾了一塊，燒鵝色澤均勻，佈滿油光，鵝皮燒燒得非常香脆，咬落去陣陣好香燒鵝油香味 。而且非常厚肉，尚算嫩滑。配上質感厚實的瀨粉。我食完一塊又一塊，真係好好味。好耐無食過咁好味既燒鵝啦！至於其他的點心，都幾好食。我特別欣賞炸雲吞，雲吞皮炸到卜卜脆，入面啲蝦肉呢都係剛剛熟，又爽又滑。

細細個就最鐘意飲茶食炸雲吞，酸汁點得勁多，可惜，現在不是時時，度度酒樓都食到炸雲吞。阿媽知我鐘意食，見到一定叫俾我啦。馬拉糕十分香甜，好鬆軟。叉燒腸都好滑。加埋個瀨粉，簡直無得彈啦。

約咗幾位長輩食飯，佢話要來食客家好棧🙄其實佢地應該係想食舖位前身執左笠既魚米之家😂老人家想食魚所以呢就叫咗龍躉三味🙈即係炒班龍躉、蒜蓉蒸頭腩、茄子炆龍躉。再加左半隻雞、野菌浸時蔬、胡椒豬肚雞湯同埋冰鎮咕嚕肉排。胡椒湯唔夠辣，多湯渣食，仲有胡椒粒同胡椒根但係都唔辣。半隻雞都幾多肉夠滑嘅，野菌浸時蔬啲乾嘢菌好似未浸開晒咁😂。冰鎮咕嚕肉排成碟雪咁樣上，見到啲肉排一粒粒圓轆轆仲有啲菠蘿同埋火龍果粒，食落去呢就有啲似冰糖葫蘆嘅質地，面頭嗰浸變咗脆皮，估唔到咁好食。之後就去炒龍躉啲肉好大件魚味濃都新鮮既。蒜蓉蒸頭腩就冇乜肉食啦，不過呢魚尾邊肉就好滑。茄子炆龍躉個味就濃左啲遮晒啲魚味。8個人埋單一千以內都抵食既。不過呢食到尾嘅時候，個經理係咁走來收啲碟。其實仲有一兩舊未食完佢都收因為好爆。

今日約fd去飲茶 坐定之後嗌左壺鐵觀音 點完野食 第一次送點心黎先發現我地冇蓋印張卡 跟住明明我地已經坐好已經有個位比佢送點心黎 但佢送嗰陣都係左穿右插 最令人無語嘅係個茶壺 本身個茶蓋都有d污漬 不過我當大菌食細箘 都算!佢成個都係不綉鋼設計 但個蓋係好熱!姐係加唔到水=_=(一開始就比左個熱水壺你自己加水) 最離譜係我食食下有個伯伯企喺我隔離叫待應叫左好耐都冇人理 原來係佢地鎖左有斜路嘅出口 令伯伯坐輪椅嘅老伴(應該係)入唔到黎 伯伯都要揸枴杖 所以佢行唔到去叫待應而企喺度好耐 至於食物方面 佢嘅腸粉係可以mix呢點幾好 本身有碗仔翅都幾好但我有兩個唔落紅醋嘅fd話都有d酸同咸 而我一向都係瘋狂落醋嘅 碗仔翅味道有d似7仔嗰款 還可以

I often go to chinese restaurants yum cha with my families.I love to eat dim sum,drink a cup of tea,sit back and relax while chat with familes,relatives and friends.Today,I go to a Chinese restaurant with my mum called''Hak Ka Hut''(客家好棧) where locates in Amoy Plaza Ngau Tau Kok, Kowloon in the morning which belongs to Tao Heung Group(稻香集團).We ordered "steamed mushrooms fish maw''野菌綿花肚(HKD$14)(offer btw 7am to 4pm)The "fish maw" aka the swim bladder of fishes.Its texture is like the deep fried p

同兩大長老食飯，星期日無得即日訂枱！6點半去到，唔使等即刻有位，大堂樓底唔算高，裝修光鮮！四人枱位置剛好在茶水間旁，店員出入頻繁，比較窄！菜式唔只客家，仲有好多港式菜！套餐都唔少！晚飯優惠自選套餐（$398）小食兩款（6選2）雞絲粉皮：麻醬好多，粉皮彈牙，加啲雞絲同爽脆青瓜！好味！陳醋雲耳：雲耳爽口彈牙，但陳醋唔夠濃，又醃得唔夠耐，入唔到雲耳入面！一般！客家原盅燉湯：冬瓜雞腳白菜湯：南瓜盅好睇唔好用，唔易𢳂湯！材料好多！質滿晒個盅！湯好清甜唔味精！好味！脆皮燒鵝（例牌）皮仲微脆，肉質唔實！點酸梅醬好味！自選小菜3款：燒腩仔：皮好脆，肉質juicy, 肥瘦相間！好味！欖角四肉末季豆：欖角味唔重，四季豆炒過火，淋晒，無乜咬口！一般遼步豬寸骨：一枝骨連肉，賣相唔錯！可以直接攞起食，外脆內軟，醬汁甜甜地！加上香料醃料入味！好食！甜品：竟然係百福豆腐花，小盒裝！感覺好慳水慳力！不過味道係唔錯嘅！另外加了：瑤柱蛋白炒飯：材料多，瑤柱絲都好重手，蛋白大塊！飯粒粒粒分明！好味！店員好爽，因為座位在茶水間對出，個個店員都要經過，所以好易搵人幫手！幫手影相都好樂意！食物幾好，服務唔錯！個個都好滿意！

今晚家人沒有在家煮飯，為了方便我們去了屋企樓下既客家好棧用膳，沒有太花巧的菜色。我們點了燒腩仔，椒絲通菜，京都骨和茄子炒牛肉粒，四個白飯本來其實我想叫「魚香茄子煲」，因為好送飯吖嘛，點知個侍應話沒有這樣菜式，只有茄子炒牛肉！雖然茄子炒牛肉既味道不錯，但係我強烈建議應該加返個「魚香茄子煲」這度菜！👍👍

星期四二點下午茶大把位坐 幾年無食過 再食 發現出奇地平！好抵食之餘都幾好味 但個腸粉唔夠滑差D 蘿蔔糕入面既蘿蔔絲都幾多 唔會太粉 但可以煎得再香口D香芋薄撐係無香芋既🙈間酒樓出名燒鵝試左個燒鵝米線又真係幾好食 燒鵝惹味 米線清淡 $18～ 正最好笑係嗌左個炸兩蝦腸 無諗過原來係分開1條蝦2條炸兩 埋單好似都百幾蚊🙄

當我們聊到：「咦！你地屋企果邊多唔多野食架？」多，當然多，最近的商場我諗都有十幾廿間，主菜到甜品，中式到西式日式……多羅羅。未計行遠少少，大概加加埋埋四五十間都有可能，唔係講笑。「咁有冇邊間你覺得好好食？」呃……基本上……其實我本來就喜歡多作嘗試，就算很好吃也盡量要自己發掘新事物。　　這次臨急臨忙，放工放學後一起去附近外食，其實，頗難得的。吃的是一直說近得可以，優惠推廣又多的客家好棧。以前這舖位到底是吃什麼的呢？忘了，不過沒關係，新來的也許不錯。雖說是稻香集團旗下，但沒有去吃這品牌餐店，新鮮感還是存在的。　　適逢當時推廣，暖熱吸引又十分低價的熱鍋，怎可不點？款式多多，葷的有，素的都有，我們先點的是栗子炆雞煲　$38。店內總是滿座，難得入座點菜後，都等了很久很久很久，食物才上桌。不過，平價，又夠熱，加上一看就知道的足料，也就稍為妥協了。栗子外表已經只有醬汁的味道，幸好咬開到中心還有點點栗味。雞肉不乾韌，未會炆到柴口，脂肪不算太多，吃著惹味而不肥膩。　　接下來還有香菇仔豬手煲　$38，也是意外地多料。豬皮香嫩入味，清得只剩摺位少許的毛根，大部分都是乾乾淨淨的。這回則是大啖膠質，脂肪位不腥臊