八海山

Open Now

Now Closed

昨日經朋友介紹，今晚就去了尖沙咀這間特別的日式料理，餐廳堅持傳統日本風格，為的是給香港食客帶黎最原汁原味的日本料理風味。店內面積算大，氣氛非常輕鬆自在。有位日本服務員立刻招呼坐下，他會說簡單單字粵語及英語介紹新鮮刺身及為客人服務，感覺他很努力讓我們明白，很可愛細心翻閱餐牌之後，很快已經鎖定特上伊佐木刺身以及日式雪菜炒飯▪️前菜芋泥丸頗得意，口感好清爽，沒有黏黏的，芋頭味香濃▪️特上伊佐木刺身日本店員推薦伊佐目，他說其他地方比較少有，賣相好有氣勢好有功架，好薄切的刺身，入口似吞拿魚多油份入口即溶，味道不錯清爽口感，而且鮮味十足▪️日式雪菜炒飯第一次食這個炒飯，入囗感覺比想像中好食，飯粒乾而不硬有噬頭，雪菜味道鮮美爽口加芝麻的香濃，一個幾得意的炒飯

放工見到5點半至7點半88蚊任飲啤酒，不知不覺就跟住酒癮去左呢間嘢。幾有feel既日本餐廳。即刻叫左個Sapporo啤一啤。啤酒最緊要要夠凍，同埋啲泡要夠多，真係好滑。日本啤酒係我的最愛，不斷飲不斷飲，過癮呀。叫左個鰻魚飯黎食。份量夠多。大大條既鰻魚，一開蓋勁大陣鰻魚香味。鰻魚燒得好熱，一入口，鰻魚真係好新鮮。入口油脂分泌出黎，真係好香好味道。飯既份量亦都啱啱好。一啖鰻魚一啖飯，好香。食得好飽。叫埋個日式汁煮五花腩。呢個一個字形容，就係超好味！五花腩吸曬日式汁，夠甜好夠味。五花腩係整到好軟好滑。入口即溶。真係超級好味。將上邊既菜點一點個汁，好香好好食。呢個五花腩可以點芥末食。味道由夾到，幾好味。呢個菜色真係無叫錯。之後繼續飲酒繼續吹水，飲到7點半，醉住返屋企，好享受今日好食好飲既感覺。

放工就要好好休息係公司附近行行下 ，見到有個大字寫住居酒屋，令我同朋友都唸起日本旅行既事，就決定入去食去到真係見到有幾枱日本人食緊🙊個環境大乾淨好岩同sis 傾吓心事見到呢排有個優惠係$88任飲酒$88任飲😍 可以飲生啤、清酒（菊正宗）、燒酌（黑霧島）都係$88，仲有個前菜可以食要加＄20。我呢個朋友係個小酒鬼，我哋第一次叫咗生啤同清酒飲完，朋友仲叫多2杯生啤同燒酌，只能慶幸係任飲，感覺好抵。睇返呢個優惠係做17:30pm至19:30pm happy hour，呢段期間好岩我呢個打工仔。$88任飲呢個優惠，原來仲可以食刺身有半價當然唔好執輸✌🏻叫咗個魚生拼盤魚生大大舊，食落好有質感，最重要係夠新鮮。欣賞三文魚🍣，油脂分明，食落口感層次高。天婦羅烏冬叫咗個烏冬，太耐冇食天婦羅了🍤，味道不過不失明太子蘆筍炒飯呢個紅卜卜既炒飯，有一粒粒既明太子，啖啖都係明太子

平安夜行尖沙咀，無意間發現街尾呢間八海山，好像以前響銅鑼灣開過記憶幾好食，見無Christmas set menu 同min charge, 就一試。叫左箱壓壽司同泡菜豬肉鍋，兩個都滿意。壽司雖比出面一般食貴d,但係幾好食泡菜鍋份量算多，豬肉肉質不錯，加埋泡菜正，係抵食之選。裝修雖然有啲舊，但都叫坐得舒服，而且人唔算多，唔逼，所以都可以接受。係前菜每人收咗＄20 ,有少少貴。但整體來講，係尖沙咀係抵食之選 ,值得一試👍👍

下就放假，梗係要約朋友出黎食lunch, 聚下啦！朋友介紹食衣間八海山，一來朋友好掛住果到既豬肉生薑燒，二來佢話lunch Set 好扺食打開餐牌，已經比佢d刺身吸引住，而且見到差不多枱枱都有叫刺身！我怕唔夠飽，所以叫左雜錦魚生飯，魚生好大舊，剛剛鋪滿成個碗面！重好肥味！佢個飯岩岩好，食完勁滿足！豬肉生薑燒 - 朋友叫的，但我都有食幾舊！豬扒燒得好香，一d都唔un!

今日happy Friday, 決定同同事出去食豪d (最重要係咁岩大家都無飯帶）。兩個都想食日本野，就去八海山。一點去到，得兩枱有客，火速有位，一座低就俾熱毛巾我地抹手先，相當細心。放低餐牌我地望緊之際竟然先上前菜俾我地食住睇，係一份沙律同一份日式蒸蛋，賣相都相當不錯，沙律落佐醋，相當清新，蛋就好滑。我點佐個日式牛肉火窩定食，同事就叫佐個網燒牛肉定食。上菜都算快，大概等佐十分鐘左右。火窩料好足，雖然唔係俾埋爈一齊上，但真係好足料又夠熱，呢個價錢滿分，唯一唔滿足係飯小佐d.同事都好滿意佢個網燒牛肉，雖然佢等得比我耐，但講緊都係三個字左右，有兩塊薄牛肉，有沙律菜伴碟，所以總覺得日式菜好多細節都好細心又健康。牛肉燒到岩岩好，同事俾我試食，真心正，下次我都會點黎食，雖然有點貴，但真係一分錢 一分貨呢度都暫時係尖沙咀食lunch 一諗起日本菜的首選

八海山最愛嘅日本餐廳之一，佢曾經扎根係銅鑼灣，我放學飯堂首選，後來出黎做野都不時去食，直到3,4年前，銅鑼灣個間執左後，就冇黎過尖沙咀呢間，今日重遊舊地！12點半黎到諗住叫個是日便當啦，點知已經賣哂！！！咁只好叫第二最愛日式牛肉火鍋定食！個日式牛肉火鍋分量足！個湯底一流！超濃郁！鍋底用娃娃菜做底，入哂味，超級正！鍋內有好多料！雞蛋、牛肉、金菇、冬菇、豆腐、芋絲、娃娃菜！成個餐都只係$68，無錯係$68！超低調的！仲要包前菜同餐飲！！唔似得啲連鎖集團，前菜又加錢，餐飲又加錢咁！唔記得講！前菜個沙拉都好新鮮，個日式醋好清新！重點又黎啦！個蒸蛋係一流，滑就到不得了！仲要有一陣濃郁嘅香菇味！無得輸啦！最後黎個熱咖啡為我個懷勉過去嘅做一個完美嘅句號！完美的一餐！另外，全間餐廳嘅員工都非常有善！

Have not been here long time, more than 10 years, lucky it still here 🙂Every set lunch included one drink, we ordered orange juice, taste not strong.Ordered egg and pork chop with rice, egg was a bit overbook,but taste good. Pork chop was so-so, not juicy.

夫家那邊六月生日的小朋友，決定與父親節一同慶祝，地點要老少咸宜，食物又要滿足各人，經一輪篩選後，最後到姐夫推介以居酒屋為主導的 - 八海山。 於尖沙咀寶勒巷的街中，位處一樓，正門要走過設於外部的樓梯才到達，或者經貌似倒閉了的商場入口而進入，加上帶點褪色的店面裝潢，有點黯然不起眼，若不是有大光燈的幫助，也較難發現此店呢。 內部的裝修更是簡樸脫節，光顧的人未算太多，星期日晚上只有6、7成滿，當中以日本人顧客居多，而且大多都安排坐於入面的VIP房，所以環境也未算很嘈吵。 放於檯上的刊物亦以日文為主。 姐夫與日本客經常前來，所以非常熟識餐牌和推介食物，於是就由他發板，以流利的日文與日藉職員落單，當然也有會說廣東話的店員，只是禮貌上始終不及日藉員工呢！安座後每人均奉上醃漬物小食一小碟，鹹鹹的，邊吃邊等食物到來也不錯。 花魚鹽燒 $78近乎一夜干的做法。開邊的花魚上檯時已香噴噴，魚皮燒得香脆，帶有豐腴的魚油香，魚肉燒得金黃不會過於柴口，入口鹹香亦沒有魚腥的問題，唧上檸檬汁，蘸點加有蘿蔔蓉的醬汁吃更是惹味，因為一條不夠12人分享，之後詢眾要求要來再多來一條呢。 刺身沙律 $85雜錦魚生飯就吃得

每次來八海山都是因為午市很抵食，而且很多日本人來，感覺更正宗。點了刺身定食（$85），性價比高，有三文魚、吞拿魚、八爪魚、油甘魚、帶子各二片和生蝦一隻。 全部都是厚切，當中以油甘魚最得我歡心，因為很肥美新鮮，吞拿魚雖然不是最佳腩位，但也十分鮮味，齒頰留香，厚身沒有筋位！八爪魚亦很爽脆！友人點的刺身飯（$85）貌似更抵食，有齊上述刺身二件之餘更有玉子和蟹籽！下次要轉叫這個呢！全部套餐包含沙律、碗蒸蛋、麵豉湯和餐飲（有柑桔檸檬/橙汁），配上毫不吝嗇的厚身刺身，絕對可以食飽飽！

朋友專程出黎食lunch，搵間坐得舒服又方便傾計既餐廳。八海山拉麵，湯底係醬油味，拉麵硬度岩岩好，又多栗米，叉燒就有2塊不過好細塊，平時食開都係薄切，而呢度就切得厚D，叉燒唔好食，唔係好林仲要有D乾身，又太多芽菜。下次都係食魚生飯。

lunch抵食，魚生飯才HKD85有加一，魚生非常新鮮！人不是很多，覺得奇怪，可能因為在二樓的緣故，而且應該開左好多年~另外燒鯖魚都好好味，剛才食太快，不記得影相添，仲有蛋，沙律前菜，飲品及味增湯送，總之抵食啦

午飯時間尖沙咀間間食肆都多人，如果只係人少少，去八海山最好，基本上一定有位的。點了一個雜錦魚生飯，跟餐有前菜沙律、茶碗蒸、麵豉湯及飲品沙律是黑醋汁加沙律蔬菜、車厘茄的配搭，菜也頗新鮮的，作為一個開胃前菜合格有餘了。蒸蛋的份量好像比從前少了，現在只得半杯，不過同樣是十分滑溜。雜錦魚生飯上會有很大份量的魚子，可以將魚子灑滿白飯上面，拌勻一起進食。魚生份量也挺多，而沒有我不喜歡的希靈魚帶子有甜味，沒有刻意薄切油甘魚+三文魚有魚香味八爪魚煮得剛剛好，不會overcooked以致很難咬，吃起上來也是有汁的。完成一個全餐後就真的很飽了，所以我選了橙汁來消滯。

價錢約$8X, 有前菜沙律, 茶碗蒸同埋飲品沙律上面有少少黑醋汁，酸酸地幾開胃蒸蛋雖然無咩蛋味，但勝在夠滑，入面仲有白果同冬菇絲講返個主菜魚生飯，魚生份量一啲都唔少，都算幾新鮮，三文魚有該有的魚油香味,仲係厚切另外仲有帆立貝(夠甜)、八爪魚 (一啲都唔un), 仲有大隻既蝦、吞拿魚、油甘魚加埋出滿蛋香既厚切玉子同魚籽一齊食，有咬口好得意, VERY YUMMY!!!!可惜我到最後食唔晒啲飯, 太飽喇個SET跟埋野飲的，可以揀咖啡、橙汁、柑橘蜜等等~我嗌左橙汁，入面有果肉, 夠健康

海膽三色飯價錢大約$78-98海膽是真的海膽, 未算很鮮甜或者是很特出海膽味魚子稍為喊了一些最失望的是蟹柳沒想到這個價錢會有蟹柳, 非常之失望起碼不應該是蟹柳, 應該以白魚之類或三文魚取而代之蟹柳完全是阻礙物最後是魚生飯底, 可說是不合格了因為飯是一大塊的似 “結塊” 的一團飯, 這個不是壽司啊 即使是壽司也不合格, 因為整個飯是沒有粒粒口感 而是煮多了水份的米飯容在一團天婦羅定食價錢大約$68天婦羅有蝦, 冬菇天婦羅炸得稍油了點比較在別的日式餐廳吃過的天婦羅所見較多油量顏色也較深了, 不知是油的問題或是炸的時間問題每個餐有蒸蛋及沙律蒸蛋味道非常一般, 不要說蒸蛋香味, 更沒有滑滑口感可言沙律的醬汁稍差, 味道如一些醬油加了糖溝稀了似的飲品有咖啡或檸檬茶/水餐廳環自舒適, 有落地玻璃窗可望街外, 感覺空間較寬敞