八海山

Open Now

Now Closed

八海山附近有好多酒吧同小食店地理位置都方便！ 門面都好大！入到去個個已經係用日文交流同打招呼 好明顯係日本人既集中地！同埋入面好多都係日文 我好似文盲咁😂入面有張台擺哂日本報紙同雜誌（偷偷睇左一本）編輯都有介紹八海山比係香港住既日本人試！佢有個牌都係寫低左有咩時令菜式 刺身 但價錢對草根如講我講有小小較貴😂一坐底 已經有毛巾同小食！佢係金菇浸左d汁！好有日本味道！我叫左好多卷物！ 每一款都咁高質啊！ 特別係佢既牛油果軟殼蟹卷！ 牛油果🥑配咩都咁好味！ 平時出面食哩款 個蟹一定係軟哂 完全吾脆口！ 今次哩個睇得出 師傅既功架啊！ 個蟹炸到岩岩口 吾會好熱身 都吾會太凍 配埋牛油果 好脆 可以解到個油膩感！ 仲叫左個鰻魚牛油果卷！ 鰻魚係面前即場用火槍燒 食落入口即溶 完全係高質鰻魚 對得住個價錢啊！餐牌入面既野食都係小食！選擇好多 飯或者面類選擇吾算多！似係居酒屋為主！（一入門就見到好多存酒） 而家仲做緊$88酒放題！ 岩哂d想飲酒既朋友仔😆😆

今日早收工所以就同男朋友過海嚟食飯，見八海山都幾多人推薦所以就嚟左啦！入面大部分客人係日本人呀！連侍應都有日本人👀👀 望左下menu見都幾多野食，但唔想食生冷野所以就嗌左個牛肉鐵板鍋($420)💋💋 原來係壽喜燒嚟架！湯幾甜下，所以d菜好好食！另外叫左牛油果卷($85)✌🏻✌🏻新鮮整出嚟所以依然脆口！燒物先點左個豬肉番茄串($28)🐽🐽一口落去番茄汁就吱出嚟，非常juicy!!! 另外點左燒牛舌($30)🐄🐄幾有咬口同厚實！飲品叫左波子汔水👅👅

好耐冇食日本野所以就同朋友嚟到八海山食餐由日本人主理嘅嘢啦！佢5半到7半係happy hour , $88就可以任飲酒啦🍻🍻 下次一定要試下🍽🍽前菜係金菇，甜甜地嘅，幾開胃！今餐就揀左個牛肉壽喜燒($420)🐮🐮份量係2人嘅，好多菜同豆腐！吸哂d湯好好味，而且入面有d幾粗身類似粉絲嘅麵，食落幾有晈口🐙🐙 牛肉片都幾多，食落冇渣，牛肉香陣陣飄出🤤🤤 點一點生蛋食仲出到牛肉味，令口感更滑順🤠🤠 之後仲點左個牛油果軟殻蟹卷🥑🥑 牛油果好夾軟殻蟹呀，又淋又脆食落好有層次感，上面魚子又豐富🍤🍤

不嬲都好鍾意食日本野香港雖然日本野選擇多但係要做到有質素又抵食嘅就真係唔係咁多之前喺呢度附近做嘢有個日本朋友竟然介紹我嚟呢度食不過一直都未有機會幫襯今日終於有機會來呢間連日本人都話好食嘅餐廳叫咗個牛油果軟殼蟹卷口感rich又軟熟嘅牛油果包着壽司飯啲壽司飯粒粒都好有咬口食得出係用日本米帶淡淡的醋香味入邊嘅軟殼蟹炸得非常香脆仲要絕不欺場！超多蟹肉，一啖咬落去多重口感跟住點左個吉列黑豚肉咖喱飯味道甘香塊豬扒炸得香脆但係又唔會炸到好老仲要夠晒多咖喱汁送飯一流仲有麵豉湯送另外仲叫咗個炸魷魚鬚香口得來又調味調得好好味好有日本小食店嘅風味非常適合用來送酒

今日放工同朋友去尖沙咀睇戲，順便食少少野。因為唔太餓的關係，所以想吃精緻一點的小食就好。朋友話之前路過八海山想去試下，今日就陪佢一齊食了！平時我地都有選擇困難症，最怕睇ＭＥＮＵ揀野食，呢度就有個ＭＥＮＵ註明係推薦，咁就可以容易Ｄ揀啦！前菜幾特別，最鍾意其中一款咬落好似薯仔咁既！雜錦魚生　$330 刺身全部好新鮮冇雪味，當中最鍾意三文魚同埋吞拿魚，夠哂肥美！燒茄子　$58平時食燒物果陣好鍾意揀燒茄子，呢度冇落咁多蒜蓉，雖然淡身少少，但茄子本身的清甜味也很好吃的！雖然只係試左兩款野食，但整體覺得唔錯，下次會再來食豐富的晚餐！

假期的傍晚，想吃些高質素日本菜，於是走到尖沙咀的>>>八海山<<<。 由尖沙咀地鐵站徒步而至，沿途的招牌是個相當不錯的提示。 內裡空間充裕，坐得舒適。傍晚五時半至七時半是happy hour，生啤、清酒(菊正宗)、燒酌(黑霧島)任飲，收費只是HKD88 (另加HKD20前菜及10%服務費)。可惜眼闊肚窄，飲得太多則無法吃飯，故此只能留待下次再飲。 吃的選擇好多哦。首先點一客小吃黃金蟹膏小食(HKD68)。 黃金蟹膏名副其實。雖然看似份量不多，但這多於一湯匙的蟹膏，其實已足夠回味，畢竟蟹膏膽固醇很高，只宜淺嚐。蟹膏全都擱在紫蘇葉上，吃到最後一口蟹膏時，可連同紫蘇葉一同進食，絕不浪費。 用青瓜片托著蟹膏，清新爽脆口感，與甘香軟滑蟹膏相映成趣。 天婦羅可配蕎麥麵或烏冬(HKD95)。被Running Man在沖繩找蕎麥麵的任務洗腦了，不自覺的就點了一客蕎麥麵，還要是池石鎮喜歡的冷麵👀這款蕎麥麵比較幼身，富嚼勁而又彈牙，叫人難以忘懷的口感。 天婦羅共有四款：海蝦、冬菇、茄子和番薯。 天婦羅炸漿不加調味，要將之浸到麵湯中，那淡淡的咸味，會令天婦羅

今日收工約左同事去尖沙咀行街，所以順便係附近搵野食。見到間日本野，一個於入去試下!雜錦魚生(上) $330食日本野第一時間嗌刺身是常識吧！本身想散嗌幾款，店員推薦雜錦比較抵食，差唔多價錢可以食足6款！有吞拿魚，三文魚，帆立貝，油甘魚，甜蝦，季節魚各三片，全部都好鮮甜ga。美中不足係單數分唔勻,如果全部有4片就好喇（結局係朋友將大部分第3片都讓哂俾我）牛油果軟殼蟹卷 $85嫌食刺身未夠飽，卷物就係飽肚之選！牛油果口感滑溜溜，加埋香脆軟殼蟹清酒煮蜆$68呢個抵食，冇諗過蜆既數目咁多，食極都仲有。清甜蜆肉加上酒香，冇得彈。整體來講各方面都唔錯，下次會想來試下d串燒。

前幾日放工想食日本野，就隨意地入左呢間位於尖沙咀嘅日本餐廳試下。雖然價錢並唔算話平，但係食物質素就相當之唔錯。我就叫左個雜錦魚生飯，餐廳嘅前菜都非常有日本感覺。麵豉湯鰹魚味都幾重，唔會太咸，算係幾唔錯。魚生飯最睇重嘅就係用料新鮮，食材新鮮嘅話即使貴少少個人都覺得值得，而呢度嘅魚生飯就非常新鮮。 魚生配搭都算豐富，三文魚、八爪魚、帶子等常見嘅魚生都有，更有鯛魚、拖羅等較為貴價嘅魚生個人覺得最有驚喜嘅係拖羅，呢度嘅拖羅都算厚身，食落入口即溶，非常好食!

今晚黎到日本餐廳八海山放縱下～日式裝潢整潔、簡約餐廳間隔多，可以容納到好多需要大枱既客選擇多，唔洗驚揀唔落手：0一坐低店員就隨即送上前菜一碟刺身沙拉（$85）角切刺身好厚身，啖啖新鮮魚生好滿足魚生同沙拉份量既比例接近1比1，落足曬料，真心好抵食！！！牛油果軟殼蟹卷（$85）軟殼蟹好大舊，佔既比例好高軟殼蟹有膏好香～相對少飯，可以更容易品嚐到牛油果同軟殼蟹Mix既味道雜錦串燒（$75）+炭燒安格斯牛柳串（$35）+鹽燒雞翼（$22）雜錦拼盤都幾划算，有6款配料 e.g.菇、大蔥、雞肉串等等特別欣賞佢既雞肉串，有雞軟骨mix左入去，咬落去口感幾豐富義大利風蔥吞拿魚法包（$78）法包夠曬crunchy係個唔錯既配搭

座落尖沙咀嘅八海山店舖幾大，menu菜式全面，刺身、壽司、煮/漬/燒/鍋物...款式幾多。網上見到佢1730-1930 $88任飲酒，但我同朋友九點先幫襯，依然有唔少日本人坐緊。一坐低就serve濕毛巾同餐前小食，等你唔洗餓住睇menu 。刺身沙律比預期大份且多刺身，仲足料過外面唔少刺身飯。定價$85 CP值甚高。三文魚、吞拿、油甘、章魚...全部厚切。當然用嚟整沙律嘅刺身唔會揀油脂最香嘅部分，但用料新鮮已值回票價。雜錦串燒集合咗4款menu上最平嘅串燒，咁叫會平咗好多。但成盤上就比較難平衡每款嘅熱度同生熟度，喺serve串燒嘅時候可以考慮再周到啲。而我推介嘅就係另外叫嘅梅子大葉免治雞肉棒。雞肉餡得較甜，入面混咗雞軟骨，食落好似爆牙肉餅咁爽口。幾有趣，但沙律醬太搶味。好厚吞拿魚蓉👍

店舖位於鬧市中, 幾及樓梯側有八海山幾個大字,入口位非常傳統的日式布簾, 入內環境好大,有幾間日式房仔方便客人有私人空間,裝潢充滿着日式傳統的元素, 而大部份食材亦是由日本新鮮空運到港, 非常新“鮮”店內有不同嘅洒,有部份是客人嘅,店內地方大, 有不同的枱,也有長枱, 吧枱,吧枱座位上還可看到師父投入製作的過程.柔和的燈光,寧靜的環境, 以及簡約平實的和風式裝潢, 舒適得令人有種家的感覺。據知本店是按時令節季而為客人帶來最合適且優質的刺身,我們點了伊佐木,刺身白裏透紅,肉質緊緻且有彈性,略帶嚼勁,輕怡清淡.食完後服務員將魚頭取走問喜歡煲味噌湯還是炸？我們選擇了味噌湯.另外枝豆配啤酒🍻一流,服務員話我們正是happy hours時段,問有冇興趣,兩個男人食飯飲酒作樂必須,服務員提供以下資料$88任飲普通客人17:30-19:30happy hours 生啤、清酒（菊正宗）、燒酌（黑霧島）都是$88＋前菜＄20＋10％service change! 飲飽未食醉點多個相樸火鍋,滾熱辣的雜鍋,表面鋪滿不同海鮮,以雜菜墊底,大蝦,青囗,帶子,蠔全部新鮮肥美,湯及收海鮮精華,入口熱燙鮮甜！娃娃菜吸

又到左星期一啦....個人永遠都好似好禿廢, 因為又到番工時間到左夜晚, 約左幾個朋友去聚下, 傾下計當休息, 哈哈講下講下就去到寶勒巷, 大大個招牌寫到八海山二話不說就入左去, 坐低之後侍應就比餐牌同茶首先未野食就比個餐前小食估都估唔到係香芋丸咸咸地滑滑地, 芋味幾濃滑蛋黑豚定食蛋好食, 黑豚小小脆口, 飯味香麵豉湯麵豉味足, 湯算濃, 海帶帶出湯既清甜炸雞軟骨係我至愛, 炸到外脆, 好有咬口,唔同平時出面街食既軟骨, 有少少雞肉明太子蛋卷明太子算多, 可見相中明太子滿哂蛋味濃, 明太子好濃味, 好食~

我們靚女美食團一行4人，走到尖沙嘴寶勒行日式料理店食飯，位置絶不隱蔽我們 7:00 入座，這裡以日式居酒屋裝潢！舒適優雅！餐廳店員有幾位是日本人，而且隔離房幾檯的客人都係日本人當晚包房，環境寧靜！日本人喜歡在異地食番自己覺得較正宗的日本菜，証明這店好正宗女店員安排我們到靠牆的一張 4人桌子！我們安坐後，便看看餐牌有什麼適合大家口味，打開餐牌，供應刺身、卷物、壽司、串燒、一品料理...等。在尖沙咀區來說，價錢合理！女店員說店子有不少食材由日本新鮮運到！店員不時為食客添茶水，桌上已備有餐具及濕紙巾，服務相當貼心！先叫豆腐沙律，嫩滑豆腐配上爽脆多汁沙律菜，整個沙律清爽期待的刺身牡丹蝦味道果然十分鮮甜，肉質帶應有的黏口而且富彈性，感覺相當不錯吞拿魚魚油超香，肉嫩無渣，魚香濃郁而不俗套吞拿魚腩粉嫩而油脂紋理縱橫交錯，相當密集，入口即溶油甘魚色澤紅潤，鮮甜肥美，魚肉夾雜一些筋位，頗有咬口海膽味道鮮甜質感軟綿綿，香味慢慢擴散，夠濃郁甘甜深海池魚厚得頗厚，味道同樣清而鮮，口感豐富綠茶雪糕

好耐冇食過日本野，今次咁啱黎開尖沙咀就試吓呢間居酒屋，我見啲評價都唔錯，同埋啲朋友都有介紹呢間好好食，所以就黎試吓。餐廳要行樓梯上去，佢個後門係連住個商場，外面望入去冇乜特別，但入到去就好日式嘅居酒屋感覺。入到去都幾多日本人食，我哋隔離枱同後面枱都係啲日本人喺度食，我八點左右度影佢哋已經食完野坐喺度飲緊酒，日本人真係寫意。另外我見到有幾間房，侍應拎嘢食入去嗰時都見到入邊坐每日都係日本人，相信呢間餐廳有返咁上下水準先至會有咁多日本人去食。順帶一提，呢度啲侍應姐姐大部份都識得講日文，我見佢哋同日本人溝通得幾好，同埋落單時都會寫日文嘅。叫咗個煎玉子，好香好甜，同出邊食嗰啲好大嘅分別，出邊食嗰啲好多都已經煎到老晒，佢呢啲食入口好嫩滑，唔錯！豆腐沙律啲豆腐好嫩滑，啲菜食入口好新鮮，再加上個沙律醋好開胃，飯前小食一定要點。三文魚腩壽司真係不得了，入口即溶，冇諗過係香港都可以食啲咁高質素嘅壽司同刺身。牛油果軟殻蟹卷，蟹食入口唔覺得油，份量都幾大碟，我哋兩個人都食到好飽。順帶一提，佢哋有個飲酒嘅放題，佢哋五點半開始都係＄88某特定幾種酒可以任飲，如果想食埋野就要六點鐘之後先可以嚟啦，咁另外仲有啲錢財收

早左收工，搵下有咩地方可以happy hour ,見到$88任飲，仲可食下日本菜就決定食八海山。餐廳都幾大，以木製傢私為主，傳統日式既裝飾，入到去仲見到好多人用日文傾計。前菜個外型好似魚蛋，但原來係薯仔/芋頭小丸子，口感軟糯，少少甜之外帶著醬油既咸香。任飲原來好多選擇，可以揀任飲啤酒、清酒等等。蔥吞拿魚腩卷外觀撲實冇咩特別，但味道非常好。一入口就食到吞拿魚腩蓉美味，非常肥美，但唔會油膩，鮮明既蔥香有微微辣加上少少芝麻既香味，同吞拿魚蓉好夾。牛舌質素超高，非常爽彈，厚度剛好，一咬落去有豐富既汁爆出黎，牛舌上面只有簡單的黑椒同鹽調味，但整體味道極佳。雞肉丸子非常香口，入面充滿水份，配上甜甜的醬油燒烤醬，好好食。串燒雞肉充滿灰火燒烤既香味，雞肉肥美，配上燒到香哂既蔥，好好食。