韓Cook (Closed)

最近韓風咁hit，睇太陽的後裔睇到我入晒腦，出黎搵食都要食韓野！ 今次黎尖沙咀韓食街先！因為食brunch都三四點，店面無乜人，寬敞又舒服，得我地幾個最嘈！ 其實個裝修都幾有格調呀！樓底又夠高，空間感不錯！ 前菜小食如果多Ｄ就好啦！ 不過我地叫左好多野食，都無問有無得refill。韓菜中大愛炆牛肋骨，呢度炆得又夠稔又入味，仲有幾件年糕，都好入味又juicy，正！ 初次試食韓式冷麵，比想像中好味喎！ 雖然有冰水係度，但唔係淡而無味，相反Ｄ都好有味，仲有少少配菜（半隻雞蛋同牛"月展"），配合佢都質煙煙unun，好味 人蔘雞湯必點，呢度好大兜，四個人一人都有差不多一大碗，不過就略嫌少Ｄ人蔘味，但個湯都幾好飲 海鮮煎餅驚喜地好味，新鮮熱辣整起，餡料十足！餅底又唔會太厚，又香又好味！ 韓式豬手係我另一至愛菜式，呢邊既豬手略嫌稔得滯，肥肉同瘦肉直接自行分開，結果我地大部分都只係食瘦肉。 傾下講下都坐左好耐，坐到人地店員都係度食飯準備下場。 呢個鐘數隔離有Ｄ店直接落場唔做生意，呢間係其中一間照做，如果遇著尷尬時間都可以係一個好選擇呀！ 大概夜晚黎會有好多人排隊掛。

由於寫到一半彈app咩都無哂所以長篇大論對韓國街既感情店內裝修各樣 我決定粉筆字咁抺左佢 直接進入食評部分-三小碟唔知呢三小碟佢有冇收我地錢 不過豆芽唔係好夠麻油味而泡菜感覺上似自家制 腌既時間略嫌唔係好夠正如一d其他人寫既食評 呢味人參雞湯味道其實真係非常唔錯不過佢就無咩人參味 但如果你當佢係普通雞湯咁飲 個觀感就會fit哂值得一讚既係佢分量幾大我地兩個人每人可以飲到四至五細碗呢個韓式炒粉絲 對我黎講就硬身左少少我心目中既韓式粉絲會係軟身小小再多小小菜 不過女朋友就讚佢炒得好食呢味係我食韓國菜一定會叫既泡菜餅對薄撐類食物情有獨鐘既我覺得呢個餅整得其實唔算太太太好味食落口有小小散 不過泡菜整熟左既味道其實好香就填補返texture上既不足-總括黎講 呢餐係一餐好普通既韓國菜 哈哈

認知中 韓國野都離不開韓燒但今晚同女朋友兩個決定殺入韓國街搵野食眾所周知 韓國街好多餐廳今次黎食呢間韓cook星期四既關係唔洗等位就入到不過用餐途中都見到有唔少時間呢間鋪都排緊隊店入面嘛有2位侍應都有少少應付唔黎首先 韓式三小碟其實都嘛係平常食開既小碟 但我覺得淡口左d人參雞湯 出奇地無咩人參味如果當佢係其他湯 係唔錯可是我叫既係人參雞湯呀泡菜煎餅都未食落口 筷子一篤 就知佢勁淋入到口有d一patpat最後韓式粉絲最好食係呢個夠彈牙夠味雖然係味道唔係話好符合我口味但每樣野女朋友都覺得好好各有各口味啦

近來先開始對韓國菜有點認識，當然要嚟呢條韓國街探索下，出開尖沙咀就過下嚟，得閒就試一間。見到餐牌有"迷你辣海鮮湯麵+迷你炸醬麵", 一次滿足兩個願望，就入去試下。坐底就有泡菜大豆芽薯仔三款前菜，炸醬麵個醬偏甜，有少少肉，麵量適中，偏淋身，唔彈牙，冇麥味。而辣海鮮湯個湯底反而有驚喜，聞得出真係用蝦蟹蜆煮出嚟，香辣味足，湯料有一隻蝦同有半隻蟹身，蟹肉出奇地鮮甜，蟹味被香辣味帶出來，係好食嘅，麵就同炸醬麵同一隻。一直以為韓國麵都係果種重麥味彈牙彈到好似彈弓果款，呢度唔係用果隻，口味每個人不同，我就覺得果隻麵夾呢碗海鮮湯會更好食嘞。下次同更多朋友來會試其他菜色，今次食住少少野先。

韓國街餐廳競爭激烈，剛好看到此家免加一，就進去一試。天氣開始炎熱，先點一份韓式冷面，味道和無韓國旅行時品嚐的差不多。冷面汁是酸甜味，麵有少許硬但有麥味，配上冷凍成冰的冷面汁和冰青瓜，確實是誠意之作。如點的是辣味冷面，應更能引出冷面的酸和麥香。海鮮湯則由蟹，蝦及蜆煮成，湯汁有少許蟹膏的味道，而且湯中更有泡菜的辣和香，而且即叫即做，吃完冷面後，湯仍是熱的。可惜辣香度有待改善，配米飯時,嫌它的香辣度有點低。整晚的失分是雜錦燒肉，肉有牛，豬和雞肉，吃時時普通的韓式調味，有芝麻香，但他實際是“炒”肉，沒有燒肉的焦烤香。盛菜的鐵板是熱的，但上面的肉只是溫的...hm...大為失分啦。

朋友話想食韓國野, 咁岩我地又係尖沙咀, 咁就去金巴利街啦.行左幾間, 見哩間有卡位坐, 坐得舒服D, 咁就入去啦.點左個豬手同人蔘雞湯首先送來前菜三小碟(不收費的), 薯仔幾腍幾好食, 芽菜同泡菜朋友話都幾辣豬手都有好多舊 , 肉的部份有少少鞋, 唔點醬的話無咩味, 但醬不夠人參雞湯, 味好清, 有好多雞肉, 似有半隻雞, 人蔘味淡得很, 如果唔係朋友搵到條類似人蔘既物體, 我肯定無落人蔘埋單$260

在強勁的韓風下，忽然就是好想吃韓國菜，於是便想起尖沙嘴金巴利道的韓國街。有金巴利道，基本上一整條街不是賣韓國食品就是韓國餐廳，彷彿頓時去了韓國某個小區般。有眾多的韓國餐廳中，選擇了韓cook這餐廳，因為它的麫食和石鍋飯的選擇較其他的多款式，浦進店內已有近九成的入座率，可是樓面的店員卻只有一個…幸好店員功力深厚，很快便安排我們入座並奉上餐牌。韓國食品中，我覺得石鍋飯和紫菜包飯最能試出一間餐廳的食品水準，因為這兩款食品看起來很容易做，但又做得好吃卻不簡單，因此我們便點了這兩款食物。不消一會兒，店員拿來小菜，基本上在韓國餐廳點菜後都有小菜贈送，分別只是在於份量和種類，小菜份量通常分為3碟、5碟、7碟、9碟起擺滿在飯桌前，所以有時候只吃小菜都已經感到半飽了。這晚餐廳提供的小菜有黃豆芽、泡菜和小魚干，三種小菜的份量都不太多，作為開胃小菜剛剛好。紫菜包飯($60)：原本餐牌上寫了只有八個包飯，上枱後可見有十個，以這價錢計其實還算蠻貴。包飯內的材料大概有蛋、腸仔、火腿、青瓜、蟹柳、黃蘿蔔…等，上要隨便灑了些芝麻。味道只可以算不是失敗之作，包飯不夠香，只有餡料內的加工食品作為調味，而且包飯卷得不是太實

嘩！好奈無寫食評！係時候出番山弟弟牛一，唔想再食中菜同日本菜，於是擇韓食去到金巴利街逐間擇，被呢間既"全日免加一"吸引左！餐廳超細！搭枱係必然的！奉送既小食數量少左啲喎！隔離枱一個人黎食又一盤，我們有三條友，呢碟野完全係唔夠分，上菜速度都幾快下！1. 烤雞肉份量幾大碟下！味道不錯添一點都唔un又唔鞋，食完想試埋牛，但好彩無叫，因為三個人叫四樣野，原來已經飽到上心口2. 香辣年糕人多實唔夠分，年糕好煙in ， 好惹味，唔係喪辣個隻裡面仲有腐皮同肉，滾埋年糕一齊食，口感更佳(阿媽起碼講左幾次食唔落，但係佢仲可以逐條逐條係度清晒啲年糕)3. 炸醬面炸醬面係我每次食韓食(非韓燒)時，都會叫既。可是今次呢個非常失望我弟弟以前未試過，食左一啖就唔食， 成碗係我和老媽子清 (主要係我)平時我有得獨食當然開心，呢次就………………碗野無乜味甘，好淡某某4. 韓式煎餅味道不錯下，仲有好多舊下香口，鬆脆，值得一試三個人埋單$327, 算係甘！因為星期四又七點前到，都無乜人，不用等位！地方較擠迫，連放袋既空間都乜。如果大家不介意座位舒唔舒服，想速食一餐韓食，可以一試啊！

呢排女友睇韓劇睇得多，成日問我炸醬麵係咩味...所以今次就特登帶佢去韓國街，隨機揀左間韓食店。本身諗住就咁叫個炸醬麵加個泡菜煎餅就算。點知發現左佢有個鴛鴦面(炸醬麵+海鮮辣湯面)，又可以試多樣野食!炸醬麵偏甜味但唔算好重口味，幾啱香港人口味。麵量都唔算少，又幾足料。本身我唔算好食得辣，所以都有少少驚。不過個海鮮辣湯面辣得黎又好有蝦既鮮味，個湯底認真唔錯。雖然好辣，但好在隔離甜甜地既炸醬面中和下，呢個配搭確實幾match。至於個泡菜煎餅，好似唔係好夠熱咁...咬落去就發現料唔係好夠，多粉得黎又好少泡菜味...所以都係一般般。 餐廳環境同衛生都唔錯，係啲位有少少迫咁。服務都OK既...

前日(19-9-2015 Sat)同班姊妹試完衫後,大部份都有自己o既活動,伴娘MC,女友人WK陪我行金都,之後去尖沙咀會合揀禮服o既男友同伴郎AY,攪掂後,一對伴郎伴娘又有節目,剩返WK,我同男友三人食晚飯,由於身處韓國街,於是食韓國o野啦.o係尖沙咀,好難有平o野食,行過見到呢間唔係韓燒,係部隊煱,男友話食呢間,又o岩o岩爆滿要等位,等o左一段時間,職員叫我o地後面o既兩個客人,因只有兩個人走.再等多一段時間,職員又係叫兩個人入去,然後同我講就快有三個位,o岩o岩埋單.等多一陣就叫o地入去,安頓好後,決定要$210.00o既部隊煱同$85.00o既石頭飯,要牛肉.落完單,職員拎個爐同三個前菜o黎,然後我覺得食石頭飯不如食其他韓式小食,於是改要$130.00o既韓式豬手.等o左一陣,部隊煱到o黎,薄薄一個薄薄o既紅色煱,見到有一片芝士,腸仔,午餐肉,豆腐,金菇,年粽,我o地將腸仔同午餐肉整落下面,見到重有韓國粉絲,泡菜.差唔多可以就食喇,腸仔午餐肉都係香港本土貨式,唔係韓國,由於有泡菜,就知道呢個煱係辣.其實所有o野都正常冇問題,只係一個簡單煱.之後食韓式豬手,豬手旁有好多配料同韓式

最近因為預備去韓國旅行既行程日日上網睇住D韓國美食，攪到個人都好想食韓國野所以收工就黎左'韓國街'呢到搵食其實真係冇咩心水，只係見到呢間仲有位就入左去HAN COOK成間店以紅色做主題入面都係簡單食肆擺設，裝修唔算特別因為當時座位都幾迫，同埋好多人就無影到店內既環境喇食韓國野一定有既泡菜3款泡菜都無咩特別，好Standard紫菜包飯 ($60)飯捲係小公主最鍾意既其中一樣韓國食品不過呢到既飯捲並唔出色最基本既麻油香都無，唔合格人蔘雞湯 ($130)入面只有半隻雞個湯都夠甜，隻雞都煲得好淋，唔錯雖然都搵到條蔘不過個湯係無蔘味架，只可以當佢係一個雞湯同埋無比胡椒鹽黎點雞肉食韓式豬手 ($160)本來以為係會比生菜黎wrap住食，不過原來係無既但個豬手都唔錯，d肉好爽唔會太淋/太韌個醬幾好食，入面仲有好多配料 (例如花生碎、青瓜)店入面只有一個呀豬媽做樓面所以都冇咩服務可言總括黎講 有得揀既話都唔會再試

雖然肥妹唔崇韓 不過韓國野真係幾好食同好朋友兩個人食左3樣野 唔錯牛仔骨偏肥少少 不過要有肥先好食另一個係炒肉 有雞牛豬一齊炒牛最好食 雞都夠滑 但豬較老薄餅都夠香脆 但朋友唔食得辣上面嘅辣椒係陷阱 辣到傻左 哈哈但人唔多 可以慢慢坐 慢慢傾

難得同閨蜜夾到時間一齊去食晚餐好想食韓國野,行左成條金巴利街。最後就選左這間韓國野。韓式壽司.........味道不過不失海鮮蔥餅.......個醬汁絕對係重點，冇左今係會冇咁好食。牛肋骨....超好食。真係要order。豬,雞,牛炒埋一碟......個汁超好食,個人覺得淨叫炒牛肉會重正。

第一次去所謂既韓國街，好失望…1.部隊鍋湯低冇味，午餐肉用內地牌子2.壽司一早整定放入雪櫃，好大陣雪櫃味3.飲品雖然小種類…但都係好飲既😋總結:難食，唔會再去。

朋友話好想食部隊煱, 所以最後改到黎呢度食!因為仲未齊人, 但自己又好肚餓, 所以忍唔住叫左個前菜黎食下先.呢款壽司清清地, 唔錯喔~~可能我肚餓原故, 食下一件, 食下一件, 哈哈~職員再放下三款前菜, 當然最受歡迎係泡菜啦~ 齊人後, 好快就點菜了, 上菜亦同樣好快~~炒年糕味道甜辣適中, 年糕本身冇味道, 只靠辣汁調味, 喜歡煙靭口感的人會喜歡這菜式.肥牛炒粉絲味道好好, 肥牛唔會太老太UN, 甜甜地既粉絲口感又係屬煙靭海鮮薄餅似薄罉, 但入面有好多配料, 加埋點佢秘製醬汁, 好妹味.煎餃子壽星仔必食之部隊鍋, 查實本人都係首次食部隊鍋架咋 (有點大鄉里), 入面原來真係好多腸, 午餐肉架, 之後我地再另叫一個公仔麵, 因為個湯底好濃, 所以煮個麵都好入味, 仲好食過平時D辛辣麵.牛仔骨