韓牛韓式燒烤 (Closed)

我每次去同一大厦樓上嘅日本放題必定經過其實真係想試好耐，今日終於約埋我個韓燒粉絲朋友試下，入到去坐下坐位唔太迫幾好更值得一讚係每人有一個口罩拉鍊袋放枱面比客使用，之後第一時間梗係出去行一圈睇下有咩野冷盤有蝦,蜆,三文魚,希靈魚,壽司…炸物都有好幾款，熟食有韓式炆牛尾,雞蛋豬腳薑醋……味道都唔錯👍肉類有醃製嘅又有冇醃製嘅自己選擇蔬菜類都唔少飲品區亦唔少選擇~汽水啤酒任飲有我至like嘅得米燒仙草爽唔太甜又可以清下熱甜品區重有個生果山區真係第一次食韓燒有咁多品種嘅生果

好耐無食過韓燒啦！同朋友講起又要約腳食啦！搵旺角地方最好，大家放工過來都好方便。這間專食韓牛韓國燒的，放題最好任飲任食款式又多，肉類除有韓牛都有肥牛、牛扒、豬扒、羊扒、鴨胸、金沙骨等幾十款。冷盤有泡菜、青瓜、蘿蔔、菠菜芽菜等。又有日式壽司刺身同海鮮，炸物又海鮮薄餅、蟹鉗、炸蝦等。這個鳳梨烏龍茶很特別，味道帶酸菠蘿香味加烏龍茶幾開胃。大大隻帶子、凍蝦同青口，等燒期間食下海鮮清清口腔都唔錯！哈哈牛柳粒有原味同醬汁味牛仔骨同薄燒牛最正。食韓燒梗要食埋韓國粉絲同蘿蔔燉牛腩啦！甜品有豆腐花，啫哩仲有軟雪糕同棉花糖，啱晒小朋友。

喺火鍋放題集中地嘅旺角創興中心，環境座位都好寬敞，坐得都幾舒服。採用全自助嘅方式。冷盤泡菜沙律：除左有一般韓式嘅冷盤前菜外，竟然有刺身三文魚，希靈魚等，仲有海鮮冷盤添，入面有大大隻嘅青口，帆立貝等等。熱食炸物：熱食嘅款式比預期多，有泰式，中式，韓式等等。泰式有泰式炒青口，韓式有炒粉絲，中式有蘿蔔牛坑腩，燜牛尾等等。而炸物有蟹鉗，蝦片，薯餅，雞翼，吉列蝦等等。韓燒燒烤食物：食物種類繁多，大部分應該有嘅肉類都有。豬牛羊雞鴨海鮮一應俱全。而我自己最欣賞係牛仔骨同埋牛肉，佢哋醃得夠入味，同埋牛仔骨較大塊啖啖肉，唔會好似出面嗰啲得舊骨無肉嘅。甜品飲品：除左有一個裝滿晒小杯裝嘅奶凍，啫哩等等甜品嘅甜品櫃外，仲有雪條櫃，棉花糖機，朱古力噴泉，連軟雪糕機都有添。如果想食中式嘅都有豆腐花同埋涼粉。飲品方面有兩大個雪櫃，入面有汽水，茶，果汁，啤酒等一應俱全。

*韓牛韓式燒烤（創興商場）#好耐冇食韓燒啦😄今日朋友生日,我哋約咗去創興商場吃韓式燒烤放題,呢度地點非常方便,一上扶手電梯便到👍#星期一至四（九點前入座,任飲任食$248）#餐廳放題食物分幾個區域：包括有燒烤食物、熟食、冷盤、沙律、甜品和飲品,而且仲有小朋友喜愛嘅朱古力噴泉和棉花糖,簡直勾起我們青年人的童年回憶！#冷盤包括有香辣鳳爪、泡菜、海草、青瓜、白菜仔和芽菜,樣樣也非常新鮮,令人吃得很開胃。#燒烤食物有豬、牛、雞和羊,用秘製醬料去醃,非常美味！所以烤出來各種肉類也外脆內軟,非常juicy😋我最愛吃一口牛,油脂分佈平均,充滿香濃的牛味,入口即融化,啱晒愛吃牛肉的人。#海鮮方面有魚柳、蜆、多春鱼和墨魚仔,款式多,而且非常新鮮。此外也有蔬菜和菠蘿,燒菠蘿非常香甜。#日式食品除不同壽司外,更有刺身、青口和大蝦,而且大大件,充滿鮮味,可媲美質素高的壽司店。#甜品種類多元化,有番薯糖水、豆腐花,泡芙和蛋糕等,簡直中西合璧👍更有朱古力噴泉,香濃的朱古力味,配上細粒的棉花糖和topping任你加；而棉花糖機,更讓我一嘗製作棉花糖的滋味,實在太開心了🤣下次一定要再來過。

🎯八九月嘅飯局真係多籮籮，計熊妹生日之後，今次輪到卡肥大大生日啦！📌西餐、中菜、泰國菜、日本放題咩都試勻晒，今次就輪到韓燒出場。📌位於旺角《創興廣場》二樓的《韓牛韓式燒烤》好多年都屹立不倒，真係出晒名啊！📌晚市放題就5:30開始，星期一至四做緊$248，星期五六日再加$20，呢個價錢都正常啦！都真係好多嘢食！肉類都有十幾20款，有醃製好嘅，或者冇醃製冰鮮嘅。韓燒🇰🇷又點會少得韓國嘅冷盤前菜呢？款式都有10幾款，有熊妹最愛嘅泡菜同埋醃製白蘿蔔，有得任食真係好爽呀！另外仲有熟食區域🍢，有湯類，飯類，豬腳薑，韓式煎餅同埋多款炸物。仲有日本區域🇯🇵，有日本壽司，手卷，刺身，日本餐前小食：螺肉、八爪魚、中華沙律等等。輕盈嘅食材仲有自製沙律區🥗同埋生果區🍊，都應有盡有，而材料都幾新鮮，唔至係放咗好耐循環再用，真係可以迎合大眾唔同嘅口味。最後，仲可以去埋甜品區🍭，仲有自製雪糕機🍧，真係啱晒小朋友。📌燒呀燒，食足兩個鐘真係好滿足。📌環境夠大，食物種類包羅萬有，真係啱晒一家大細。

原本想食第二間，但冇位。見呢間有位先入嚟。啲肉黑蚊蚊，睇落都知唔新鮮。啲肉類食落啲肉勁重調味，甜到一個點。食落又梅又唔新鮮，雖然呢個價我唔expect 係高級肉，但都唔係拎啲咁嘅肉出嚟嘛？前菜都勁難食，勁到連中華沙津都難食。個爐又差，燒極都唔夠熱。個爐燒到燶晒都冇人換，仲要收我加一😅甜品得返啫喱，火龍果。。。講真食過最難食係呢間，屋企整都好食過佢🤪唔怪之得冇乜人啦😌午市得3個人睇場，食唔夠一個鐘就望住我催我俾錢💩

中左廣告留言，伙，貴又唔好食，晚上268，真的質素差，後悔。應該是內地老闆，睇食物來源質素，手法，好低級又唔好食，中秋找間好野食，睇了留言的廣告客又以為雪糕唔收錢，點只最入寫18元一杯，野又唔好食，汗陽阮好食好多。

好耐冇食過韓燒，今日去咗旺角創興廣場度食韓牛。我哋6:00去到可能太早唔算太多人，七點幾已經滿晒咁滯。呢度食物種類有很多，前菜有韓國餐廳一定有嘅泡菜，仲有啲蔬菜可以打咗底先，等陣食燒肉就冇咁肥。壽司種類都好多，而且質素唔差。最驚喜係有海鮮刺身，三文魚夠晒肥美，蝦肉亦都好爽，貝殼類海鮮都唔錯幾新鮮。仲有糖水，而且唔係好甜唔會食到好流，食唔到燒肉。仲有好多生果，最欣賞係佢個朱古力噴泉，點完朱古力嘅生果有另一番風味。飲品都有好多款，呢度只係其中一個雪櫃呢度總共有三個雪櫃。個人比較推薦嘅係芒果烏龍茶，因為出面好似冇見過。一開頭係烏龍茶味，芒果味會慢慢滲出黎。跟住就到主角燒肉，好多種類仲有啲蔬菜同埋菇。魚，牛舌同牛仔骨特別推薦。甜品都有好多種，可以自己整雪糕，雪櫃都有雪條同維記雪糕。另外仲有啫喱同布甸。呢間韓燒性價比真係好高，價錢二百幾蚊有咁多嘢食，下次一定會再黎。

原本行開創興就系為搵間打邊爐/放題主題餐廳試下，入𨋢按樓層見到呢間韓式放題燒店，感到興趣，探門發現餐廳位置都幾闊落😆場地除左大得嚟外，嘢食、嘢飲多到都幾誇張，百幾蚊價錢來講，賣款式實在抵，唔試可能對唔住自己，都已經有一排冇食到韓國菜，同朋友都決定入嚟食番餐燒肉🥳前菜自助型式，咩傳統韓式前菜都易搵到，好似醃蘿蔔、泡菜、芽菜、青瓜、白菜仔…等食韓國嘢其實冇預到有壽司，點知都會搵到品同款日式壽司/刺身，好似八爪魚軍艦、螺肉軍艦、蛋壽司、手卷、卷物至如此類，海鮮+肉類：所有肉類事先都已醃好晒，有豬、牛、羊、雞、鴨，我自已比較鐘意食牛既肉類，朋友就比較鐘意海鮮類：蝦、帶子、青口、希靈魚，炸物就唔系好多，試左幾款都系可以既，總括成個拎嘢食既區，可以拎到人手都軟，多到唔知點揀燒方面職員俾左3款醬汁俾我地：有燒肉汁、海鹽、仲有款辣味既調味粉菜類一樣😌多到唔知點樣揀，除左系食肉獸之餘都要顧下健康，食番多少瓜類、菜類等等，冷凍既菜櫃可以整番個沙津嘆下甜品類選擇都唔少，布丁、奶凍…令我最喜歡既系榴槤雪條！重口味正爆！飲品方面有韓國飲品丶啤酒丶汽水丶無糖茶丶利賓納同蜜桃茶、自家製豆漿，唔剩止糖水類嘢，感覺健康

今日約咗呢個朋友好鍾意食韓烤，所以晚飯就約咗係呢度食，呢到嘅坐位全部都係卡位，坐得好舒適，而且食物種類多，刺身、沙律、熱食、冷盆、水果及多款食物………..等等。——————————食物款式多到數唔哂、熟食又有我愛吃的薑醋😍韓泡菜、青瓜、蘿蔔、芽菜………等等又有凍蝦、青口、帶子及各款刺身，仲有壽司🍣各款！肉類當然有我最愛吃的豬腩肉😂豬、牛、羊、雞、腸仔、魷魚🦑、金菇、豬肋骨、牛仔骨、金菇牛肉卷🫔、三文魚腩…………等等沙律：新鮮蔬菜、有各款水果，仲有原個水果，可以成個食😁甜品：有我最鍾意食嘅榴槤雪條，正😛食物味道亦相當不錯——————————食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————

食物種類夠多，肉類，海鮮都有多款選擇。但質素一般，唔覺得自己食緊韓牛，似細個去漢陽苑嘅質素。全部熟食得菜係正常，所有炸嘢都係得d粉，又唔脆，好難食，咬完都唔想吞。海鮮淡而無味，刺身都唔多選擇。壽司賣相都好唔吸引，無試到。環境窄，6人卡位間成2張2人枱，感覺不太好。通風不好，好大煙。最好食係雀巢甜筒，不過一開係融嘅。朱古力糯米糍都好味，夠煙韌。2人晚餐590元，只可以食90分鐘，完全唔值呢個價。我寧願去食牛大人，牛角，大喜屋，有質素保證。

今日原本喺OpenRice book左位去另外一間韓國🇰🇷放題lunch點知去到嘅時候嗰間餐廳冷氣壞咗所以就轉場嚟咗依度啦，因為今日一心去食韓國嘢中午時間餐廳🍴唔係話多客人，所以整體感覺都好舒服一D 都唔會話迫。可以慢慢食，所有食物飲品都係自己出去拎嘅，所以唔會話要落order等佢送上嚟所以都好方便可以自己出去慢慢揀自己鍾意嘅嘢食再拎返嚟燒，甜品嘅選擇都唔會話少雪糕都有三至四個口味可以揀，以午餐嚟講都算抵食

2021年9月13號約左朋友出旺角食晚飯。兩個食肉獸。決定去食燒肉😂上Openrice 搵完，最後決定都係食韓牛。因為之前食過。加上係附近行街。地點都算就腳。到左，又估佢唔到咁多人。雖然唔洗等位。但係以星期一夜黎講。真係好多人。坐滿咁制。都仲係好多肉既選擇。牛仔骨。五花腩。都推介。豬扒都幾好。牛脷係必食👍🏻👍🏻👍🏻👍🏻哈密瓜超甜。西瓜好多核。佢有部雪糕機。鍾意食軟雪糕嘅都可以去試下。仲有棉花糖機。雖然幾難操作。但玩下都幾好😁

可一不可再，啲肉賣相唔靚又唔好食。啲海鮮完全唔refill ,啲壽司又就咁放係到，極度唔衛生。強烈建議大家寧願比多人少少錢 去食啲好啲嘅野食。旺角區真係大把選擇，唔好中伏

今日媽咪不在家, 就同老豆出去食韓燒, 爸爸咁大食最岩就係帶佢食放題!黎到呢間韓牛韓式燒烤, 上到黎已經比佢既自助BAR 驚嚇到! 多野食到一個點!!!坐低開爐就去巡場一周, 先有甜品/生果, 再有壽司刺身, 然後有熟食, 泡菜, 同埋D肉類~呢到泡菜都好似有幾十款, 我同老豆最鐘意食魚仔乾同埋泡菜, 一人食左一碟!肉類方面我地主力都係食牛, 發覺牛仔骨同牛柳粒最好食! 所以不斷ENCORE!熟食方面有牛尾/清湯牛雜等等, 都幾好食!不過最吸引就係佢既生果, 佢連柿都有得食, 仲好甜! 我地食到最後好似變左生果放題咁, 食到勁飽!!!