漢城美食 (Closed)

食左炸醬麵同壽司其實第一次黎呢到食野..係openrice睇到d相好似好正呀平時都好少食,,食左壽司口味特別'唔同日本既;]下次想再食其他既,,想食下泡菜炒公仔面

說起韓國菜，第一時間總是想到韓式燒烤，或是傳統的泡菜及石頭窩飯，有時總想再深入了解多些，但市面上大多韓式居酒屋的口味總變得本地化，印象中尖沙咀的南山谷是較好的一群，可惜亦已倒閉了，但皇天不負有心人，就在毗鄰的金巴利街，找到了極為地道的韓式溫馨住家飯．．．位於韓國街之稱的漢城美食，門面並不顯眼的，甚至可以殘舊形容，店內座位不超過十個，拉開敞門，韓藉老闆笑面迎人的拿著餐牌，放下一張白紙一支筆，說出簡單的英語略作介紹，態度和藹。看著餐牌，價錢只有 $30 或 $50，這也不難理解，家庭式小本經營，價錢取易捨難，方便日常運作。二人選了老闆誠意推介的烤牛肉飯，韓式炒粉絲及綠豆肉餅，將菜式的 "幸運號碼" 記在白紙上，再靜靜的在小店等待美食．．．先來的是三小碟前菜：泡菜、辣蘿蔔、黃蘿蔔片，前兩者比較常見，後者入口爽脆，味道酸酸的，相當特別。韓式烤牛肉飯，上臺時勞煩了老闆將飯伴混，碗內配料相當豐富，紅蘿蔔絲、椰菜等紅紅綠綠的，賣相相當醒神，牛肉原汁原味，飯粒質感是黏黏的，好味得令我食到停唔到手。韓式炒粉絲又是另一推介，主要是因為粗身粉絲要炒得好需花很多功夫，韓式醬汁惹味，一條條如烏冬般粗的粉絲相當誘

睇食評見d人寫呢度唔錯，昨晚同朋友一齊黎試試~我地點了韓式炸醬麵、炒年糕公仔麵、綠豆肉餅、韓式壽司，我個人鐘意炒年糕公仔麵多d，雖餐牌標誌2隻辣椒仔，但都不算辣丫，仲好好味！我朋友係韓國人，佢最欣賞炸醬麵，仲話炸醬麵的汁和配料較花工夫去做，而且她食返家鄉的味道，仲話以後會帶d朋友來食添！我第一次吃韓式壽司，平時食日式就多喇，朋友話韓國當然有壽司，但不會夾魚生，材料都是簡單的蘿白、生菜、蛋、好似有點肉掛 .. 吃出清清甜甜的味道，真的很不錯！下次去都會再點壽司。至於緣豆肉餅，我只覺很普通的菜式，不過見好多人都點此小吃，唔執輪都叫姐~ 下次去都會試下炒飯，見鄰枱的客人叫泡菜豬肉飯好像很好味，我相信都不錯吧。

我很多年前經常路過漢城美食，直到最近我看過很多食評，才決定和朋友慕名來這所餐廳，感受那股韓國平民家庭的風情。我們甫進餐廳，看見舖子細小，坐滿食客，而且環境整潔得很。我們兩個人點選了炸醬麵和泡菜豬肉飯，上菜之前店主李先生端來三碟泡菜。那三碟泡菜都很可口，一碟是很普通的辣菜，另一碟是香港罕見的黃蘿蔔片，還有一碟略帶苦澀味的깍두기（辣蘿蔔）。我吃的是泡菜豬肉飯，點菜的時候已經要求加辣，李先生都給我多加辣醬，真箇很稱心的服務。泡菜豬肉飯的味道跟韓國吃到的一模一樣，味道真實而不造作，辣醬味隱藏著蒜香，豬肉片又薄又爛熟，我相信餐廳用的都是天然調味料。朋友說他的炸醬麵很可口，麵質彈牙。我們都覺得食物的份量恰到好處，怕胖的人應該很容易把食物吃清光而覺得飽肚。餐廳內有一部韓式白開水機，食客可以自由斟酌。如果你覺得食物太辛辣，可以用店主端來的杯子取水喝，喝到你不喝為止。我最喜歡這些正宗的味道，沒有遷就香港人的口味。店員雖然不懂說廣東話，但卻能夠為香港食客提供貼心服務，這就是漢城美食吸引我之處。

2008年10月28日，漢城美食之前路過看到這裏平日的set lunch好似幾抵，所以今天與同事來試。叫了兩個飯：泡菜炒飯和石頭飯 泡菜炒飯配一個雞蛋，不太辣，味道適中，不會太濃。石頭飯的分量也不小，一樣的好味道。配菜的泡菜不太鹹也不太濃太辣，好啱我。幾抵食。

這個韓國麵之約早在多月前已經跟朋友們安排,終於在這個週末成功落實,一行四人走進這條很少踏足的金巴利街,我才知道原來尖沙咀有個如此地道的市場從貼滿韓國字的玻璃門望進去,高朋滿座呢!! 跟韓籍老闆示意4位後,還要在門外等候一會才有位置,四人由本來面壁而坐換成正常四人桌後,大家也吃得舒適多了!! 寫紙仔的先點了四款各人心水食物,連同三碟前菜,場面壯觀!三碟前菜有泡菜x2和辣蘿蔔x1;辣蘿蔔粒粒爽脆,吃來索索有聲,辣椒味道不濃反而蘿蔔本身的辣味還重,蠻好吃的!不過月巴人還比較喜歡用黃芽白做成的泡菜,味道有點辣又不過份,尤其菜葉部份入味得很,真想來碗公仔麵連汁也吃掉!! 只是老闆給了2碟同款泡菜,可愛朋友反而想試試黃色那款蘿蔔,對她來說是有點失望! 鄰座小姐一個人也有三碟泡菜,我們四個人也同樣只有三碟,似乎一個人來吃有利一點 綠豆肉餅有點像煎薯餅,綠豆餅煎得香脆不油,吃進口裡軟糯中又香口,就算不蘸醬汁也很好吃,四人一致通過好吃!韓式煎餃子肉餡除椰菜豬肉還加有韓國粉絲,吃來加點彈牙感覺,很有趣!要是餃子皮可以再煎香一點,香脆感再多一點,應該會更好吃,其實現在已經很好吃的了!再次一致認為好吃!韓式炒

知道呢度係韓國人開,所以特意前來體驗韓式小店風味我揀了韓式什錦麵(涷食)($40),雖然入面冇咩配料,份量唔係太多.只是由韓式醬汁混好的白幼麵條及泡菜,但都好好味,d麵條吸收了韓式醬汁的辣味,令對於平時食得辣的我,都覺得有少少辣,我見佢餐牌都只是顯示一隻辣椒,仲以為應該唔會太辣,可能韓國人平時是食開這種辣度啦!佢俾了3碟前菜,分別是蘿蔔(與日式壽司食開那些冇分別),泡菜(幾好),泡菜蘿蔔(覺得麻麻地)不過埋單時唔明點解會收$50, 唔通前菜要收錢???

今日同朋友到尖沙咀金巴利街, 本來想去一間多人的地方食韓國菜, 點知行多兩步, 找到一間叫「漢城美食」的小店, 看門口好有韓國小店feel, 即刻走入去試一試。Menu上的食物不多 (約有30樣), 不過我地二話不說就點左三個經典韓國美食, 包括韓式炸醬麵、泡菜炒飯同綠豆肉餅。韓式炸醬麵: 雖然我影得好暗, 不過佢真的好黑! 但好好食, 好有風味, 尤其是d麵比香港任何麵都有彈性, 好味! 泡菜炒飯: 個樣同西炒飯一樣, 但將泡菜味由菜上炒到d飯上, 而d飯係好「念」不乾身的, 有點似日式飯, 但又比日式更軟更「念」! 綠豆肉餅: 不用說, 這是全店必叫之物, 即整即食, 有豆味又像肉餅, 鬆鬆地, 五件絕對不夠吃!!一路吃美食一路見人出出入入, 都是一d熟客和識食之人。不過有四個人一入來就問有無「人參雞」, 又話人地d食物少, 無佢平時食開韓國餐的名菜。如果你都係呢一類想港式/國際化的韓國菜, 請不要入內(那四人最後都走了), 不過如果你想吃地道正宗韓國菜, 又想係香港feel一下韓國小店的特色, 這店絕對是你的選擇。價錢: $150 / 2 persons地址: 尖沙咀金巴利街10

今晚阿b我話帶我去食韓國嘢呀......(好耐都無食過喇...上年去韓國以後就超懷念佢吔既年糕同泡菜)呢條金巴利街~ 揾死我吔 (後來我唸下,tst 有條街係專賣韓國嘢!! 所以我就撞下係咪..結果係...我win win 呀!!)但係呢間嘢比起對面果間就差好遠..(因為人吔排長隊呀) 但我相信阿b的眼光呀一間小型的飯店~ 外面的玻璃是寫韓文的~ 阿b面向門口覺得自己去咗韓國咁....hahaha我竟然見到張艾嘉呀~~ 咦!! 佢都嚟呢d食嘢~ 証明: 係好食啦~ 叫咗炸醬面 同 韓式炒年糕公仔面韓式炸醬面 ~ 我去韓國時都無食過架~ 睇完茶煲我阿四先知有呢樣嘢~黑卒卒呀~ 味道就ok啦~ 甜甜地~ 加咗洋葱 但個面就凍咗d , 熱d好味d炒年糕公仔面~ 佢d年糕不是"煙印"架~ 係粉粉地喎~ 不似韓國果d呀 個面係辛辣面都好入味架~仲有前菜食: 三碟呀~ 蘿蔔,泡菜,泡菜蘿蔔但我就覺得佢吔d嘢好細碟呀~~

昨晚八時行經尖沙咀, 與友人告別後自己一人準備回家, 想起家中好像沒有準備食物, 於是便去了餐館晚飯, 記得之前看過尖沙咀的漢城美食韓國菜頗有名氣, 便去了試。地點在金巴利道, 即是很多韓國商鋪的那條街, 很快便去到了, 我自己一個人去到, 剛好有位, 便坐下來叫食物了。菜單上款式不多, 大概也只有20種菜式選擇, 我想了一會兒, 心在牛肉飯和炸醬麵之間遊走, 最後因為店中貼著的食評上張著大幅的炸醬麵圖畫和炸醬麵是菜單上的第一位, 便決定了要炸醬麵。老闆是韓國人, 我著他要東西, 他是把一張菜單, 一加一張平常的落單紙, 加一支筆交給我, 用廣東話說了句:寫冧把。菜單上炸醬麵是1號, 我寫了個1字便把字條交回去。上菜不算很快, 不過也不至於要等好久, 大概十多分鐘炸醬麵便來到了。和一般中式炸醬麵不同, 顏色是啡啡黑黑的, 炸醬味道有點像中式炸醬, 不過少了那中式的酸味, 而比較甜, 感覺有點像加入了麵豉醬的味道。炸醬份量不少, 材料主是肉碎和洋蔥, 不過肉碎少得可憐, 整碗麵中都難淘得出幾粒, 大部分都是洋蔥碎。麵的大少粗幼和味道有點似一般伊麵, 不過比一般伊麵更滑更圓滿, 也易入口。

大比想吃韓國東於是就帶他來尖沙咀的''韓國街''~一條隱沒在繁華的加連威老道旁的小街~韓國人默默地過著他們的''韓式生活''選了最唔起眼最平凡的小店裡面只有3個韓人熟客環境很有家的味道~因為下著大大大大雨的關係~老闆夫婦二人都相當好照顧~一入門立刻替膠桶包上膠袋~示意我們放遮又送上盒裝紙巾叫我地抹乾個身~又奉上餐牌和紙筆雖然言語不通..但卻很窩心這裡全部野都係零頭的~$30,$50,$60~沒有別的了~應該是方便老闆找錢吧~老闆指著1號的炸醬麵~叫我食~係咁Good Good Good~好啦..咁我就食呢個啦大比就選了炒粉絲~另外加個綠豆肉餅~先奉上3碟自家製前菜~有傳統的大白菜泡菜~蘿蔔粒~還有酸甜蘿蔔片三碟中最愛蘿蔔粒~大白菜的較咸~酸酸的蘿蔔則很清新不過全部都歸入'''不辣'''的程度而已等了20mins才上主菜~不過間鋪無乜人~安安靜靜睇下出面ge大雨~聽下佢地嘰嘰咕咕都唔會悶親~炸醬麵是啡啡黑黑的~不辣的~反而很甜~hehe還以為炸醬會是很多肉~但其實當中有很多洋蔥~蘿蔔粒~好得意反而肉ge比例不多~~麵是滑身的粗身白麵~唔多識形容~但自已本身唔太好呢隻麵~所以感覺好一般吃到

岑日同honey 去開尖沙咀行街 , 上網見到有咁多人都讚 , 於是就順便去試吓啦 , 我地2個人叫左1個炸醬麫同1個烤牛肉飯 , 本身一直都想試吓韓式炸醬麫 , 覺得應該會好好食 , 但係食完之後就覺得冇我想像咁多食 , 其實都只不過係韓國嘅洋蔥麫咋嘛..不過麫質都唔錯的 , 唔會淋得好緊要。至於個烤牛肉飯好好食 , 尤其是嗰啲醬汁 , 撈埋一齊食簡直係極品 ... 雖然牛肉少啲 , 但係都ok啦 ... 價錢仲要係$50咋喎.... 抵呀~ 而且叫咁少野食都送3蝶 配菜 , 非常好 ~ 埋單 $100 元正 , 平靚正推介 ~

自從年頭去完韓國後都未食過韓國野la, 想起當地地道的食物真係好好食。今次來到韓城美食就係想搵番呢種感覺，去到門口已有種韓國的感覺，入面的人好多都係韓國人，而且有個飲水機係度真係好似韓國d小店。雖然佢地唔識廣東話,不過佢會叫我地寫d 号碼比佢地,同埋如果想少辣的話，你叫少辣佢都聽得明今之叫左3碟野:綠豆肉餅: 以為好似好多肉咁會好膩, 不過可能有d綠豆唔係全部都係肉，而且煎得唔係太油, 所以係好好味ga!炸醬麵: 記得上次係韓國食過，但係我覺得呢度好食d wo, 有d洋蔥la, 肉碎la 撈埋之後真係好食, 而d麵條軟硬適中，真係唔錯!辣汁炒年糕(唔係好記得真個名): 叫左少辣，用d韓國辣醬加雜菜加年糕，味道ok 而且d汁用來點d綠豆肉餅真係幾夾，不過d 年糕就硬左dd ，我唔敢食咁多怕唔消化仲有佢會有d唔同的泡菜送比我地, 味道都幾好，用來夾其他食物都好好食!雖然款式選擇唔多, 而size較少，不過都係好值得再去

本身好想試korean food, 呢度夠地道, 果然老板唔識講中文, 佢地全部都講韓語, 但佢個綠豆肉硑好好食, 不過因為得兩個人, 試唔到咁多, 但佢地地方好細, 所以坐得唔太好, 但勝在食物好吃, hehe

滿懷期待，去到店開著，非常的興奮，馬上拉門進去坐低，今晚老婆婆不在，靠著爸爸在外面打點，媽媽在廚房煮菜，店內沒有裝修，簡簡單單的家庭式餐館仔，打開menu，沒有許多選擇，就是幾道的家庭菜式，都很想試，老婆俾我渣主意，自然是從不辣的裏面選，很想吃的牛肉撈飯，還有早已想試的炸醬麵，落完單便專心等食，先上的是3碟自製韓式小菜，包括泡菜，醃蘿蔔及酸蘿蔔，味道都不錯，可惜沒給到足夠的時間用食，3款還沒夾完牛肉飯便上檯，看著香噴噴的牛肉飯，口水直流，上檯的同時老闆給我下了1勺韓式辣醬，同比jor個手勢叫我撈混先食，立即動手撈混，韓式烤牛肉是1如往常的對味，下了大量的菜絲，夾著麻油香與辣醬的香味，說不出的正宗地道，韓式米飯也是肥肥的很好吃，撈著吃是說不出的香口，滿分。坐正著對著出菜口的位置，看到老闆娘專心的在弄菜，真的很有家庭式小菜feel，感覺良好，不久老婆的炸醬麵便上檯，單看賣相已知對味了，但老婆見到我食到甘香，決定搶走我的撈飯，炸醬麵吃了1口便隊俾我，呵呵，好的還是讓給老婆食吧，來試1下這炸醬麵，地道的韓式黑醬，大量的洋蔥配少量的豬肉、蘿蔔、薯仔，甜甜的，很不錯，試1下麵，非常的濕身，寬寬的麵