漢城美食 (Closed)

又來尖沙咀食韓餐, 今次揀了家庭式的漢城美食. 單看店名, 有點上世紀的感覺. 畢竟漢城已經沉沒了.環境都幾逼, 越坐越多人, 尚算整潔.烤牛肉$50: 8分, 由於這裡沒有韓烤, 又無牛肋骨, 最後揀了個烤牛肉. 比想像中的份量較小, 牛肉都烤得幾靚, 肉質一般, 但幾入味, 都叫了碗白飯來送.粘糕餃子湯$60: 7分, 粘糕係這裡的招牌之一, 食多幾件都可以填肚, 口感都不錯. 餃子大大隻, 勝在有住家感覺. 湯底就太鹹, 仲好似有添加, 都不想飲太多了.韓式炒粉絲$50: 8分, 前菜只有三碟, 仲要係無粉絲, 於是再追加一碟韓式炒粉絲. 相當大碟, 面頭幾多芝麻, 加上什菜同粉絲, 炒得幾爽口, 不俗.在附近實在不少韓食, 這裡比較經濟, 但選擇較少, 不過食物質素幾好. 店主濃濃的人情味又可搭救. 加上低調地在牆上寫上福音的信息, 都好希望他們能繼續好好像這份愛傳開去.

媽咪有朋友自遠方來,想帶佢地食d特色野,試過呢間感覺幾正宗就來了。我地一行8人, 又冇得book定枱,來到時最大那張枱己比人坐左,店舖實在太細,我地唯有東一忽,西一忽咁分開3堆坐,睇定餐牌先~老闆好好人,我地坐晒佢d位係度等佢都好好招呼,但又唔會見我地多人特別好招呼,係好傳統,好老實的小店經營, 等左好耐終於等到d人走晒,我地終於可以坐埋一齊食野lu~叫左兩碟餃子($50@),兩碟綠豆餅($50@),一碟烤牛肉,一碟烤豬肉,一份泡菜豬肉飯($50@),一碟炒年糕,韓國炒豬腸,一碟年糕餃子湯同韓國海鮮辛辣拉麵~炒年糕,綠豆餅同泡菜豬肉飯之前試過,ok幾好味,烤豬肉落左好多調味料,很惹味;烤牛肉就清d,我冇食,屋企人就話很鮮很有牛肉味;炒豬腸原來係豬腸的衣包住粉絲,幾得意,但就稔左d,麻麻地~ 最好食係個海鮮拉麵, d麵好爽好彈牙,d湯又好鮮甜,我地原本叫左一個,後尾忍唔住叫多個~最驚喜係老闆臨尾送左碟黑豆米糕比我地做甜品,米糕好實好煙韌,但又唔似糯米那種煙韌,似係用大米整的,唔知佢用咩辦法可以整到咁韌,又唔係好甜,感覺很特別~我地個個都話好食,淨返一件食唔晒,叫老闆比個膠袋我地拎返去食添

媽咪有朋友自遠方來,想帶佢地食d特色野,試過呢間感覺幾正宗就來了。我地一行8人, 又冇得book定枱,來到時最大那張枱己比人坐左,店舖實在太細,我地唯有東一忽,西一忽咁分開3堆坐,睇定餐牌先~老闆好好人,我地坐晒佢d位係度等佢都好好招呼,但又唔會見我地多人特別好招呼,係好傳統,好老實的小店經營, 等左好耐終於等到d人走晒,我地終於可以坐埋一齊食野lu~叫左兩碟餃子($50@),兩碟綠豆餅($50@),一碟烤牛肉,一碟烤豬肉,一份泡菜豬肉飯($50@),一碟炒年糕,韓國炒豬腸,一碟年糕餃子湯同韓國海鮮辛辣拉麵~炒年糕,綠豆餅同泡菜豬肉飯之前試過,ok幾好味,烤豬肉落左好多調味料,很惹味;烤牛肉就清d,我冇食,屋企人就話很鮮很有牛肉味;炒豬腸原來係豬腸的衣包住粉絲,幾得意,但就稔左d,麻麻地~ 最好食係個海鮮拉麵, d麵好爽好彈牙,d湯又好鮮甜,我地原本叫左一個,後尾忍唔住叫多個~最驚喜係老闆臨尾送左碟黑豆米糕比我地做甜品,米糕好實好煙韌,但又唔似糯米那種煙韌,似係用大米整的,唔知佢用咩辦法可以整到咁韌,又唔係好甜,感覺很特別~我地個個都話好食,淨返一件食唔晒,叫老闆比個膠袋我地拎返去食添

家庭式小店，家庭式廚具配套，兩副石油氣爐下烹調出住家料理。當兩副爐頭同時間處理著炒年糕及不知明物時，能夠做的，大概是吃著泡菜等（韓式炸醬麵），鮮辣的泡大白菜，辛香清爽，酌量的吃了幾片，也蠻開胃說。扁而幼滑的白麵，感覺似pasta多於北方麵，再加些蛋的話，說是pasta也幾可亂真。過冷河後的白麵，再淋以熱湯，熱度足夠令甜麵醬沸騰起來，然而當麵再次吸收水分後，質感變得沉重起來，夾上手亦得花費不少氣力，原不及對面莊園先將麵剪開，來得更user friendy。黑中帶啡的甜麵醬，灑上炒過的蔥粒及胡蘿蔔，倒有半分似日本咖喱。麵愈吃愈重、甜麵醬愈吃愈甜，還得快快口清理掉碟中物，否則經一冷、一熱特殊處理的麵條，澱粉質將在口中糊化，想起也覺可怕．．．至今，仍不明白為啥大好的手搓麵，要煮完又煮？怪哉。

終於去試過喇, 去砸冇客人, 店員將d一袋袋連糕放晒o係台面and凳上, 搞到我地都唔知坐邊好....然後...店員慢動作地拎走d野俾我地坐, 真係仲以為佢地唔做lunch生意添~叫左2個泡菜烤牛肉飯,都幾大碗, 仲有3碟前菜, 有2碟前菜都食唔晒, 因為實在麻麻, 只食晒泡菜果碟, 但偏鹹, 至於個飯撈完再食都仲係好鹹呀~.~ 冇咁鹹應該會比較好食d, 服務方面真係唔苛求, 但....兩對筷子係拋過黎ga囉....我同朋友呆一呆.....

舖頭細細, 位唔多, 坐近門口位, 雖然坐得唔迫, 但就成日要就來就去俾位人行, 不過服務好nice 好舒服, 又唔收加一, 少少煩麻又有咩所謂呢.餐前有3碟前菜, 3碟都好清甜, 其中2碟係辣. 泡菜好味, 唔知係咪就番香港人口味, 所以唔算太辣.泡菜豬肉飯$50老闆好細心咁叫我食之前要搞一搞, 等d味平均d. 份量唔太大, 泡菜比前菜碟辣少少, 豬肉有炒過, 好香口, 加埋d泡菜味好好味! 飯就係普通白飯, 真係要撈下先得, 淨食白飯d味會好寡, 同埋雖然d汁唔多, 但偏鹹, 撈下就無咁鹹啦!湯年糕$50年糕就無咩特別, 都幾煙, 味道幾好.全店韓國人打理, 大部份菜式都係$50. 雖然味道可能為就香港人而改過, 但都保全到韓國人風味.

上次黎唔倒食..今日終於試倒！兩個人食左...烤牛肉--其實我覺得冇乜特別..不過幾入味野菜炒飯--有種好獨特的味道..熱辣辣的...仲有上面隻旦都好味..什錦炒麵--其實好似米粉..辣辣的..幾好味呀講真價錢不平，但係feel倒係好地道的韓國菜...！！

跟友人搞好正經野, 想搵個平平地的地方吃飯, 一諗就諗起這間小店。七時多的高峰時段, 這裡跟隔壁的秀的門口長期有人等位, 在這條又濕又黑的街道, 都咪話唔堅。食物份量偏少, 例如炒粉絲, 炒豬肉, 是細細的一碟。烤牛肉飯就幾大碗, 以款款$50來計, quality 同份量都係可以接受的。炒粉絲偏油, 幾腍身, 幾惹味, 不過不是我最喜歡的。烤牛肉飯只跟小小的醬, 厚面皮問老闆拎多d, 佢都好樂意奉上。自己撈撈撈, 幾好玩, 又好味, 其辣醬為整個飯的靈魂。其實大部分韓國菜, 最好吃的都關其惹味的醬汁事, 真羨慕韓國人! 炒豬肉的豬肉用脢頭位, 腍得來又有咬勁, 又不太瘦唔會太乾, 用辣醬炒, 幾惹味, 撈飯吃一流。是日菜式被朋友形容為"叫得真對", 我想, 呢個portfolio應該會滿足到大家的。可能人太多關係, 得老闆一雙手係度做唔停, 服務雖不夠貼身, 但可理解。要求斟水都有求必應, 亦好好笑容, 明白大排長龍的背後意義。

24-2-2007今日終於有機會黎食啦................入到去見到個駝背的老婆婆和一個好好笑容的阿姨.....佢地都唔識講中文，個婆婆就令紙筆和餐單等我地自已寫號碼...我同家姐兩個都要烤豬肉飯，而家姐朋友就要泡菜烤豬肉飯....過一陣就有三小碟的前菜，好好味，又唔會太辣，好醒胃.....我地好快就食完三碟，跟住婆婆就幫我地添多兩碟...... 好快d烤豬肉飯就黎啦，味道唔錯，好好味呀.......而家姐朋友的泡菜烤豬肉飯就有好香的麻油味，又唔會好辣，好味...總括來說，雖然每個飯都要$50，但都值得黎食下....臨走的時候，我同家姐用韓文同婆婆講再見.......跟住婆婆以為我地識聽韓文，就係咁講左好多韓文，但係我地都聽唔明............真係搞笑.................哈哈

上次姍姍來遲,今次來一記"回馬槍".當漢城一早改名作首爾,此間小店仍然叫漢城.賣點是韓國家庭菜.年前與友人Ryan路過,曾經向我大力推薦這間家庭式經營的韓國小店.店子細細,沒有裝修,晚上黃金時段來仍有位.兩個人坐在長檯,不諳中文的老婆婆,拿上紙筆,和餐單,選好便寫上號碼.我就要個烤牛肉飯,友人同麵包一樣不吃牛,於是要個豬肉飯.先嚐泡菜,辣度夠.泡菜同蘿蔔新鮮,老婆婆見我們很快吃到清碟,二話不說替我們再添.烤牛肉飯,牛肉質感比較齦,撈下辣醬,菜絲吃,的確惹味.份量多,一個大男人也會吃得飽.友人的烤豬肉也不錯,很夠味.只是油煙味,由廚房爆到出來,事後友人的一把長長秀髮,也沾上點點油煙味.但已在所不計.因為此小店比其他韓國名牌菜館,多一度人間的氣.區區少少油煙味,正是"人氣".一個簡單的烤牛肉飯,背後正隱藏著,人在異鄉的三代情...Salute.

鼻塞　．．．．．．　想食ｄ又辣又熱ｏ既野ｏ黎通番想起ｋｉｍｃｈｉ．．．好，睇完ｄｏｃｔｏｒ　就坐多兩個站ｏ黎到尖沙咀ｏ既漢城美食一入去，老闆一家已在整紅豆糕．．．．叫ｏ左個泡菜烤豬肉飯後，我一路等一路溫ｅｃｏｎ．．．　ｏ吾使一陣，婆婆就送上兩小碟前菜：糖漬大根　＆　泡菜兩者都十分醒胃，酸酸甜甜，泡菜尤其美味；味濃，又ｏ吾太辣　（ｏ岩晒我）食食ｏ下，烤豬肉飯就ｏ黎ｏ剌．．．嘩，話就話家庭式，賣相都ｏ吾失色ｗｏｒ．．．．重好香烤肉味食落更加ｏ吾使講，每一淡ｏ既口感都好豐富；泡菜，紅蘿蔔絲好爽口，　ｄ　豬肉又ｏ吾韌．．．鹹鹹ｏ地，少少辣．．．　好出色，完全挽回韓菜ｏ係我心目中ｏ既地位　（ｂｃｏｓ　從前ｏ係韓食家ｏ個餐真要命）臨走時，買ｏ左盒紅豆糕番去同屋企人分享．．．完全ｏ吾甜，反而有ｄ紅豆ｏ既鹹味．．．不過，食得出係自家製P.S ．　if the photos cannot be shown, plz visit http://hk.pg.photos.yahoo.com/ph/janet_93cheung/my_photos ｏ既＜亞洲薈萃＞．．．

若非看到食評, 平常不看雜誌的我, 不可能會走進這家店.走進店內, 第一眼見到駝背的老婆婆, 十足\"愛回家\" feel!點了野菜炒飯, 味道有點偏淡, 加上配菜就剛剛好了.不過吃過後, 覺得沒有其他食家講的那麼好, 中規中矩.

下一次私房菜的主題是「韓國菜」，當然要事先預演一下。趁午飯時間去了金巴利街買各式韓國菜的材料，銀魚仔、韓式魚蛋、韓式米糕，拿滿一手。之前一晚吃了金膳，是日想找更地道一點的，就來了這裡。其實最正宗的韓食，不是炆牛肋骨，不是石頭飯，更不是韓烤，而是一大碗共冶一爐的韓式撈飯，一時許到來，只得兩位在高談闊論又在呼呼吃麵的韓國佬，配合簡單的佈置，也真似身在鐘路五段的地踎 食檔中。跟老婆婆要了個烤牛肉飯，前菜是幾碟自家製的醃菜，包括泡菜，醃蘿蔔及酸蘿蔔，味道不錯，至少夠新鮮；烤牛肉飯盛在大碗內，自己動手撈來吃，是正宗的韓式午餐格式。牛肉是韌韌的，但下了大量的菜絲及芽菜，加上韓式辣醬及麻油，味道都不錯。韓式米飯也粒粒飽滿，吃得飽飽的。除了午餐，這裡還賣自家製的米糕及甜品，我亦買了灑上黃豆粉的米糕，返公司給同事吃。烤牛肉飯50蚊，是正宗又地道。可能吃過不會喜歡，但都值得試一試的。

店內的韓國女仕同埋婆婆都唔識中文乜滯, 咁我D韓文就用得著喇. 講下o者...指著個menu要左個泡菜豬肉飯, 原來有三碟免費泡菜供應, 好似有D重覆咁添.個飯初初食落有D似和民果個, 食真D, 原來真係似, 應該係和民似佢吧.總括o黎講, 七分啦! (梁漢文@美女廚房的語氣)

很喜歡這間小店，老闆和老婆婆也很親切，每次到這間小店，也會帶著開心及滿足的心情離開。見次次來都只是叫烤豬肉，今次就試試其它食物，我們叫了韓國海鮮辛辣湯麵和野菜炒飯。韓國海鮮辛辣湯麵- 湯底辛辣，辣度很有持久力，海鮮係雪藏貨，好在還算爽身，洋切得好幼細，麵質很像日本的拉麵，煙煙韌韌又有口感。野菜炒飯- 很香胡椒粉味，蛋煎得幾靚仔，炒飯和廣東菜的炒飯，感覺完全唔同，飯比較腍口，又很有質感，切粒的紅蘿白和生菜絲，令炒飯增加不是香味。又是一個心滿意足的回程。