鍋處

Open Now

Now Closed

晚餐同朋友離左呢到打邊爐印象最深係兩樣野1） 蔬菜新鮮又靚2）雪糕好正我地揀左最平果隻肉90分鐘任食plan 我今次試左龍蝦湯底 朋友食壽喜燒湯底我個湯底唔錯 好香濃！ 呢到蔬菜選擇有驚喜！ 可能我中意食菜😂有羽衣甘藍有花生苗皇帝菜雖然種類唔係話特別多 但係勝在排列好整齊同埋新鮮無爛無黃既👍🏻👍🏻👍🏻我係出面都拎左好多蔬菜離食😂至於雪糕方面 ， 除左有Mövenpick 雪糕，仲有本地生產既雪糕係海鹽味雪糕呀😍 天藍色已經好吸引，味道仲要好！ 好香濃既奶味加上淡淡既海鹽味，無得輸

過左「立冬」，天氣又真係開始凍凍地，最啱就係打邊爐喇👅去開東涌，朋友推介呢間「鍋處」邊爐放題，見佢有好幾款唔同價錢嘅牛揀，仲有movenpick雪糕🍦，就一於試下啦！————————————————👅嚴選美國牛肉（$208）90分鐘放題任食，揀左第二平嘅美國肥牛，初初上嘅4盤肥牛肉好靚，但之後再叫果幾碟就一般左d，所以最後食左8碟就算🤣野菜吧選擇唔算多，質素正常無乜特別野飲任飲都多款，不過可惜得百事，無可口可樂🥤唯有食多d movenpick啦，每隻味食一杯就啱ga喇😝————————————————📍 鍋處: 東涌達東路20號東薈城名店倉3樓317號舖

疫情久久未退，隔離政策終結無期，好掛住日本，心願何時了。今日趁著閒日，遊人稀疏，兩公婆去去東涌Outlet逛逛，老婆買了兩個名牌包包，我都吾執輸，兩對波鞋，午餐就來兩位日式牛鍋放題，以解冇得去旅行的鬱悶。第一次吃「鍋處」，點了最平的牛肉限量放題，牛肉限食每人兩碟（4大塊），汽水及雪糕各一，其餘的丸類菜類等就任食。牛肉吾錯喎！埋單才發覺我們點錯了澳洲牛肉，吾怪得咁好味！丸類蔬菜類好新鮮，款式多。驚喜位是有菜苗和羽衣甘藍，屬貴價菜，但羽衣甘藍就麻麻地了。另一驚喜位是湯底，很少火鍋店有龍蝦湯底的，配上拉麵，非常好味。瑒地衞生算乾淨企理，店舖面積一般啦！午餐人少不覺得擠迫。招呼不過不失，60分鐘放題都會主動加湯(非加水啊！)。我們兩老習慣吃飽飽午餐當埋晚餐㗎！祝願香港早日通關，大家吾使困在香港啦！

日式打邊爐大多數都一人一鍋為主，大部分配料及飲品都會放在自助吧給客人拿取。今次介紹既係東涌東薈城—「鍋處」以多款級數牛肉套餐任你選擇，最高級別定必「澳洲純和牛M9+」。除了90分鐘放題任點任食之外，更會有定量套餐給女仕們或胃口較少的客人選擇。日式火鍋的關係，更會有咖喱汁配白飯大胃王既你萬勿錯過。湯底方面會有七種選擇包括：壽喜燒、九州豬骨湯、塩靆野菜湯、龍蝦湯、昆布鰹魚湯、泡菜味噌湯及飛鳥牛乳湯。若然正值減肥既你，定必挑選昆布鰹魚湯，低卡又健康之選；另外飛鳥牛乳湯又係唔錯之一。牛肉方面有上選牛肉、嚴選美國牛肉、澳洲安格斯牛肉、美國極黑和牛及澳洲純和牛M9+，價錢$188-$338不等。喜歡食牛的朋友，個人定必推介「澳洲純和牛M9+」，每一板和牛薄片又大塊紋理勻均，牛香濃郁而有嚼勁。$338 任食來說抵食又超值。配料方面有二十多款，一半以蔬菜類為主，另一半以丸類、豆品或麵類為主。其中特別有火炙豆腐，放落湯底之中入味無比吸收和牛的精華油香。甜品區都比較乾淨又衛生，除了雪糕或雪條之外更會有芒果布甸、杏仁豆腐及麻糬等。各式各樣的任飲任食，無論服務及食物質素都唔錯，性價比高，值得再來。

本應見佢係mr steak集團就覺得無死啦，佢的牛應該好味，點知中伏😪😪晚市揀咗有上選牛，同相片不乎，牛肉肥到無朋友，肥油多過肉，幾枱客包括我哋都不約而同要搵經理講，最後我哋要加錢升級嚴選牛先叫做食得落口，不過切到好大塊又厚，牛扒size ，好鞋，都唔知係咪食緊日式火鍋😢另外，啲菜唔新鮮（皇帝菜、溫室豆苗、唐生菜），應該係全日吽咗好耐，我夾開中間見到唔少有爛到梅咗嘅菜，調味bar啲莞茜又係好多黃又好多爛，完全夾唔落手🤢

無論打電話去定店面招待嘅員工都好冇禮貌態度好差，打電話就會cut人線，店面既冇表情又呼喝啲客，咁唔鍾意就唔好做啦。食個飯都受氣真係搵鬼食！等位方面又做得差，人地已經有app俾你睇到捱到幾多號，好心先進少少啦！最好笑係冇得預訂位，明知自己等位方面做得幾差架la🙄講真日式火鍋放題店好多都抵過你又好食啲而且服務又好過你，唔需要黎你到囉，計我話快啲執左去比其他鋪啦！真係no next time! 大家千祈唔好幫襯！

性價比算高，最平148起嘅放題，食90分鐘其實好足夠，再加上自取嘅配料同飲料選擇頗多，服務亦唔錯，所以整體都是贊唯一可以改善嘅係牛肉太肥，基本上係1:1，我哋真係食唔落….另外，睇餐牌仲以為有zero可樂…不過有菊花茶同豆漿都有驚喜嘅。

聽朋友講呢到打邊爐幾正所以父親節就請爸爸黎食同佢過父親節，等位預左等半個鍾以上之後入去坐低會上左4牛1豬先，一人一個鍋係幾好食。特別啲牛！入口即溶咁，但可能太大块食左幾碟就飽了🤣最後食左個雪糕。正呀

我同女朋友，住就住港島，番工就尖沙咀，點解冇啦啦放工山長水遠入東涌呢～全因呢間鍋處！之食過銅鑼灣嘅Hana華小料理屋，鍋處係佢嘅姊妹店，主打平民價錢嘅日式壽喜燒火鍋放題，當然要黎試啦！ 放工後我地大約7點9先到東涌，鍋處位於東薈城嘅新建部分，啱啱好拎得切飛，5分鐘後仲有客人想攞飛已經截龍喇，好彩～ 餐廳門面掛住唔少日本和牛嘅Q口麥認證餐牌主力提供90分鐘放題套餐，價錢相宜，食到澳洲M4和牛都未洗$300==============================嚴選美國牛肉放題 $198飲品櫃同蔬菜吧都係自助形式由於女朋友唔鐘意食太肥嘅牛，所以我地就揀左比較瘦嘅美國牛肉。一黎已經上左四碟牛一碟豬俾我地，牛肉比較厚切。壽喜燒嘅煮法比坊間其他日式火鍋放題有啲唔同，唔係壽喜燒湯係汁嘅形式，更似正宗壽喜燒做法落好多菜去煮壽喜燒，正！ 鍋處📍東涌達東路20號東薈城名店倉3樓317號舖

兩公婆行完山巧肚餓(lunch都未食)，行到東涌只係諗到要勁食dinner補返😅即時諗起鍋處，已經第N次幫襯，幸好5點過來不用排隊，一人一鍋要美國牛、昆布湯和壽喜燒。呢間在Mr Steak旗下嘅火鍋店只此一間，牛肉係小妹暫時來講食過最厚嘅火鍋牛，好🈶️咬口！今次兩公婆食左8盤肉，全日正經食呢餐都算係咁啦！Buffet枱都🈶️好多side dish、飲品甚至甜品選擇。唔知係咪Dinner所以有Movenpick，也好鍾意醬料區嘅配料，果子醋和辣蘿蔔蓉感覺可以解油膩呢！除左罐裝飲品，有兩款自家製豆漿和龍眼菊花，微甜好好飲吖😋咁啱坐在一部空氣清新機旁邊，感覺非常舒服！

早前食過「華小料理屋Hana」嘅壽喜燒牛肉嘅質素唔錯，試吓佢嘅姊妹店，位於東涌東薈城嘅「鍋處」。整體來講，牛肉嘅上菜速度合理，質素亦可以，相隔差唔多一年再嚟「鍋處」，壽喜燒嘅湯底比以前淡同稀，有少少失望。喺等位嘅時候，見到店員八點左右停止派飛，想試嘅朋友要預早少少。準備入去嘅時候，店員會先詢問食邊一款套餐，我哋揀咗嚴選美國牛肉嘅任食放題套餐。=========================嚴選美國牛肉(90分鐘任食放題套餐) $198壽喜燒醬汁依然用上扁平鐵鍋，不過鍋內嘅醬汁比以前稀得多，之前醬汁如日本當地食到壽喜燒般濃厚香醇，今次嘅好似任食邊爐嘅壽喜燒湯底，淺啡嘅顏色味道淡淡嘅，可能淡口比較適合香港人口味吧。牛肉切得比較厚，淥得容易較熟會有少少鞋。美國豚肉自助區嘅蔬菜新鮮，品種多幾豐富。不過壽喜燒醬汁唔同咗，就唔值得坐45分鐘車嚟呢度食啦。=========================鍋處Hana📍東涌達東路20號東薈城名店倉3樓317號舖

呢度嘅壽喜燒涮涮鍋午市鍋物好出名 一到午餐時間好似就變咗機場職員嘅飯堂咁😆佢有定量套餐同90分鐘放題揀定量都食得超級飽上選美國牛肉及豚肉 壽喜燒定量套餐 $88位🐮一份牛肉一份豚肉🐷🥘火鍋配料放題任拎🥤罐裝飲品一罐🍵熱茶任拎🍦精選甜品即係雪糕一杯🍬其餘甜品任拎🥩牛肉啲雪花都幾靚分布得幾平均🐷估唔到佢個豚肉都幾好味口感好軟熟抵讚嘅係佢加湯嘅時候都係加返壽喜燒嘅汁火鍋配料任君選擇 種類都幾多🥬🍅🌽🧅🧂亦都有醬料俾你揀其他甜品仲有和果子🥠芒果布甸🍮同埋滿月堂🔴全部都好出色唔會太甜😚聽到呢度都覺得超級抵啦平時喺東涌食嘢都要呢個價💸⚠️ +1服務費📍鍋處 (東涌)東涌達東路20號東薈城名店倉3樓317號舖

今天同我公主大人去東涌 outlet shopping,  行到 肚饿饿地， 行行行， 行到去另一邊見到有間吃火鍋， 价錢都ok , 因我不吃牛的, 所以叫了個最平的餐.  1豬 1牛 & 蔬菜, 我揀了個龍蝦湯底.湯底都 是龍蝦西湯味,  豬肉片一般啦, 因是平餐, 但牛就真係唔得到極點, 平日去那些 牛X ， 最平那些牛都 OK 的，但這個真唔掂啊， 又鞋又韌（我公主說的），最後只能放晒下去來澀湯。差。蔬菜位比較少.其他甜品有雪條,  雪糕. 但令我有驚喜的就是這裡竟然有 '麻辣' 味,  唔洗講, 一定要試啦下話.味道OK 禾, 少少痲味 (花椒味), 當然不辣的, 話晒都是甜品, 平時我不會吃整杯的 , 這次吃晒, 幾得意.我公主吃海鹽味， 鹹鹹地，味道跟沖澠吃的差不多。這牌子的雪糕都幾特別。

東涌行完山就好想食邊爐，見到呢間可以任食嘅壽喜燒，非常之吸引，咁就一於食呢間啦。餐廳裝潢都坐得幾舒服，感覺都幾乾淨企理。而且張枱都幾大下，可以放到好多野，咁就唔幫拎完啲野食無位放。首先職員都會比左一set肉，食完可以再order，落完單啲肉都好快送到嚟。牛肉嘅質素就可接受，唔算太差。除左牛肉，出面自助區都有好多野揀，有蔬菜，丸......都幾豐富，仲有好多飲品揀，有菜有汽水。職員見到你唔夠汁都會主動幫你加，幾好。

去完街同男朋友黎東涌搵野食，男友話以前食過幾好食，一於試下佢～係等既時候～見到餐廳掛左「暫停供應」日本黑毛和牛～ 諗住食其他算啦。但坐低一問，原來又有～ 奇奇怪怪90分鐘自助放題，我地簡左麻辣湯底同壽喜燒湯底，但好可惜，個麻辣係唔好食，死咸既味，真係可以唔試。壽喜燒我就覺得正常發揮啦，男友略嫌不夠燶。上牛既速度都好快，基本上唔洗點等，店員收碟時都會問一句洗唔洗加牛，呢一點係值得讚既。但係個牛真係⋯出晒事。望落去個外觀係靚的，但碌一碌食落口係好韌又鞋口，完全唔係日本和牛應有既口感早前食了同一集團的buffet 既燒和牛係入口即融，油脂滿溢，牛味久久不散係口腔徘徊架喎。點解同一集團下既牛可以差天共地。最後我地試吓再碌短d時間，比之前好左小小 但都係韌既，真係唔知係味真既日本黑毛和牛定還是呢批牛既質素咁橋唔靚呢除咗肉類之外，其他配料都係自助式既，都係大路野丸類、菜類、菇類等等無咩特別。飲品櫃亦唔算多種類既飲品。呢個價錢呢個食物質素，以後都不了不了