花見日本料理 (Moved) New Location

心情悶悶不樂，相約幾個好友去談心。朋友選了一間日本餐廳，近地鐵站。裏面十分寧靜，適合大伙兒傾計聚會。呢度的菜式好特別，好少係出面的餐廳食到。第一度前菜安鱇魚肝，味道鮮甜吾會有魚腥味。個人幾鈡意第二道曹以薄切，先吃海草清新味蕾，配上黑松露酸汁，捲入日本香蔥。魚肉嫩滑加上沒有根，成個感覺很清新。剌身當然保持住應有水準啦。所有材料都好新鲜，其中鮪魚腩剌身係第一次食，加左炸蒜令味道得以提升。上菜次序很講究，中間上了些熱辣辣的燒物。燒雞翼的皮好香脆。鈡意食內臟的可試試燒雞肝，並不是一個熟透的狀態，但外皮燒得很香。海膽好新鮮，平時吾感興趣的我也覺得美味，時令的吉備奈子壽司也值得一試。我期待己久的燒三文魚頭果然不負眾望，保留魚肉本身的肉汁。相比之下，我更愛汁煮油甘魚鮫、魚頭。配珍珠米一流。第一次吃燒金針菜，一試愛上。整體來說，餐廳的食物和服務也不錯，下次有機會想試下lunch set,我見餐牌價錢幾實惠。

又到一年一度姐妹聚餐。我們講求貴精不貴多。要新鮮精緻美味集於一身。於是我們尋找一間日系餐廳。以黑色做decorations, 富有神秘色彩。前菜：安鱇魚肝，配上清酒、蘿蔔蓉、檸檬汁、小蔥花烹調而成。食落酸中帶甘香，尤如食鵝肝質感，完全冇腥味道，而且這是時令的美食,到冬天先可食到肥味魚肝。另一碟前菜是曹以薄切魚片，黑松露酸汁加上檸檬汁及小蔥捲起一齊吃又另一番風味。到女仕們期待已久的刺身拼盤。牡丹蝦、鮮味帶子、鮪魚腩、三文魚、赤貝及鰆（鮫魚）。非常鮮甜及有質感，尤如置身於日本.鰆魚表皮有火焰燒過加上炸乾蔥、紫蘇又美味可口。到炸物la,日本炸雞翼，香脆肥美又多汁，吃多幾隻再加啤酒非常配合。到我們之愛壽司篇，分別有蟹肉蟹膏壽司、海膽壽司、炙三文魚壽司及時令吉蒲奈子壽司。最為驚喜是他們海膽鲜味十足，非常creamy!到汁煮油金魚魚頭再加上白米飯一齊起又有益又鮮味。當中鼓汁不能看輕，非常美味，魚油脂度高，真是非常滿足一餐。我其實係銅鑼灣一帶番工，見到他們lunch set menu 都不錯，等新年團年飯會同公司同事一齊食lunch 係好選擇！

今日係我地相識周年紀念, 呢間餐廳係有2種唔同叫法既, 有餐牌鍾意食咩叫咩食, 有廚師發辦既型式食, 我地選左廚師發辦的那種, 因為覺得咁樣好有新鮮感, 哈哈….首先大廚為我地送上頭盤有煙燻日本雞肉沙律, 呢個菜色真係好特別, 煙燻雞肉一般係出面都好少會有得食, 而且呢到整得非常特別, 感覺好似食緊魚生似的, 一D都唔似雞肉會有鞋口感, 再加埋D沙律菜一齊食增加口感.呢款係黑松露酸汁薄切魴鮄魚, 卷埋D蔥粒點下黑松露酸汁一齊食好開胃, 大廚刀功勁切得簿簿, 可令到魴鮄魚口感爽口.跟住黎個熱食小食, 蒜片雞肝, 呢個炒得香口, 我地叫左支清酒, 用黎送口感覺超正.頭盤黎啦, 刺身拼盤, 所有刺身大廚都會將呢段時間最靚最正最鮮的都會為我地送上, 有超大隻爽口鮮甜既牡丹蝦, 啖啖肉呀真係, 如果唔食個蝦頭大廚仲會拎黎整個蝦頭麵豉湯比我地TIM, 不浪費, 讚!! 跟住仲有鮪魚腩, 入口即溶既感覺超正, YUMMY YUMMY, 另外仲有原隻響螺, 超鮮甜爽口, 仲有一D平時都會好少會食到既刺身, 有大口血引, 羽太, 曹以, 鰤魚腩, 有D會係爽口鮮甜, 有D會係入口即溶, 一D都唔會醒,

自11月從日本回港後都無再吃過日本菜，適逢朋友過來港島搵我食晚飯，我就大膽提意永遠在減肥中的朋友來  。 聽說來花見的以熟客較多， 自然口碑也相當不俗。 一入門口的左手邊是廚房，右邊是用餐區，用餐區不算寬敞，但無壓迫感。我們點的食物不多由 $320 開始六款剌身分別有赤身、油甘魚、厚切三文魚、真鯛、 赤貝、 甜蝦等先由白身魚開始吃，薄透、爽口 。 接著是魚味濃、酒份小的赤身；油脂感重的三文魚和令人齒頰留香的油甘魚， 亦是我最喜歡的剌身。 整體來說剌身新鮮度滿分 , 鮮甜度也合乎預期。 鰻魚炒飯 $148 價錢比較貴, 份量精緻。但質素相當有水準，鰻魚炒飯隨便可以食到， 就算有些茶餐廳亦有供應，但是一碟靚既日本炒飯和港式則有很大差別，因為鰻魚炒飯會加入鰻魚汁炒, 所以入口較為濕潤同時用上日本珍珠米也較難炒得好。 而這碟炒飯不但較為干身, 不黏口; 每粒飯也被鰻魚汁重重包圍，咸味、甜味平均。 鰻魚粒和蔥粒比例雖然不是太多， 但令人相當滿足。  食物雖好, 但令我最深印象反而是這碗 $48 因為第一次漏單已經等了大約半小時， 第二次追單服務員稱因為廚師蒸得唔夠靚所以由頭再煮過，她還不斷S

假期前工作分外忙碌，臨近2017年收爐，為了獎勵一下自己辛苦了一年，一於食餐豐富的午餐久聞同事之間對花見的好評，終於有機會去看看位於美食云集的銅鑼灣百樂中心，全層都是同一餐廳，一出𨋢就有鳥語花香的佈置中午的選擇都有好多，有十多款定食可選，另有較豐富的御膳套餐因為係我首次到訪，樣樣都想試下，於是就一次過滿足所有願望了！首先送上的前菜已經好有氣勢：自家製漬物、沙律、菜碗蒸、麵豉湯自家製漬物係師父自製的泡菜、吃了暖笠笠的菜碗蒸、麵豉湯後，仲有沙律清空味蕾迎接刺身壽司，是很細心的安排刺身壽司各三款，充滿驚喜！雖然係午餐，但餐廳用料都好闊綽估唔到會有海膽、帆立貝！仲有師父特選的時令魚生、同埋：拖羅！好肥美的拖羅而且分量都不少油脂分佈均勻味道極之鮮甜留在口腔久久不散口感接近入口即溶在香港食到都幾難得另外值得一讚的是師父細心地為不同的魚生配上特色配料：有青檸、柚子、紫蘇，為一般我豉油同芥末以外配上格外的層次，心思同誠意十足天婦羅盛合想不到天婦羅都會有彩蛋炸蝦用上了新鮮海富蝦口感彈牙，肉質新鮮可見餐廳用料上盛季節定食可選日式燒牛肉或燒鯖魚我選了後者鯖魚外皮燒得金黃外脆內嫩配上特製柚子醬汁魚的鮮甜就更加

今次已經係第二次嚟花見食啦。第一次嚟，真係食過返尋味。事隔咗幾個月，我味蕾已經肉罷不能，開始掛住花見嘅刺身壽司，諗起都開心。 今次就唔介紹環境裝修。即刻睇睇有乜食啦。中午都有唔少嘅定食以供客人選擇。一如既往，花見都會提供一啲當日嘅事令魚畀客人選擇嘅，而手寫嗰幾款就係今日嘅時令魚。 食花見當然唔少得佢哋嘅前菜啦!前菜包括咗沙律,同埋 今次有師傅自己醃製嘅泡菜，除此之外，仲有燉蛋同麵豉湯。沙律菜新鮮同埋個汁都好好味，而泡菜呢我覺得仲好食過韓國食嗰啲呀～家因泡菜整得冇咁辣同鹹，啱曬香港人口味。燉蛋同埋麵豉湯都保持咗水準。 唔同上一次，今次lunch set揀咗刺身丼,刺身丼好新鮮好豐富。除咗必有嘅牡丹蝦之外，入面仲有三文魚子同埋好多時令嘅魚。成碗都好鬼足料。另外一樣要讚嘅就係嗰個糙米飯，糙米食落軟身亦有陣陣嘅糙香，令人食慾大增。 今次重點係個好正嘅鰻魚丼。嘩! 一睇個鰻魚就知正呀! 個鰻魚下層煎得好香脆,但係唔燶先至好嘢。 上層鰻魚肉質鮮嫩，食落甜甜既鰻魚汁配上淡淡暖身既鰻魚，人間極品。 今次仲加咗個小食-汁煮牛脷。本身食咁大條牛脷都驚驚哋。點知條牛脷醃製到好林好林，聞落去有好甜香，咬落去我

好食既野梗係要再食多次啦，Menu依舊各式各樣料理，今次簡既同上次唔同，但滿足既lunch又再來臨啦。定食前菜🍵麵鼓湯唔同出面沖粉味精湯，清清地我超級鐘意，好想再飲多碗。🥗沙律菜新鮮，泡菜係師傅親手整架，酸甜好味，仲好食過平時食既韓國泡菜。🥚茶碗蒸口感好滑嫩，美觀又美味。🍣雜錦角切魚生飯 $168混雜左唔同既魚生刺身，魚生粒粒分明過、份量足，味道好豐富。簡單配芥未、白飯，鮮味取勝。🍱鰻魚飯$198一打開便當盒香味撲鼻，引人食欲。鰻魚肉質鬆軟，外脆內軟，非常好味。但一口好食既鰻魚飯得來不易，經過好多工序，蒸左好幾次到烤煮都十分花心機。而作為綠葉既珍珠米同蛋絲，將鰻魚汁充分吸收，正到不得了。另外可自行加上生椒粉提香，更令整體味道提升。🐂汁煮牛脷牛脷煮得非常入味，食落好軟淋。🍬甜品定食除左跟前菜外，仲有埋甜品食添，桂花糕合併椰汁糕，微甜帶香，食多幾舊都唔怕膩。🍋香桃熱檸水檸水加左蜜桃蜜，未飲聞落已經超香，相比一般檸水再多一份清香、清新感。

朋友生日，想食日本嘢，之前來過lunch，今晚就試omakase，每人$700梅酒呢到嘅日本酒有好多款式，有特別純米、純米大吟釀、大吟釀、梅酒等，呢間餐廳仲有自製嘅梅酒，係由福岡小梅子釀製而成，同另一款梅酒溝埋一齊，甜甜哋，易入口，梅味比只得一款梅酒重豆腐芝麻沙律唔係一般餐廳咁細細碟，份量好多，豆腐係長野縣產，又滑又豆味濃，仲有芝士粒响入面，加埋芝麻醬，好開胃鮟鱇魚肝兩片鮟鱇魚肝，加少少蔥花同蟹籽，配上少少醬汁調味，入面即融，又好野味薄切目鯛配黑松露酸汁賣相好吸引，隻碟係手工做，好靚，刀工一流，每一片魚都晶瑩剔透，魚上有黑松露，旁邊伴上蔥花食嘅時候就將它們一同卷起，再點少少秘製酸醋、生蔥及黑松露，配合得好好，好平衡，又層次分明鵝肝多士喜歡食鵝肝，但係又知年紀大，唔可以食太多，呢到份量啱啱好，鵝肝煎至外脆內軟，無臊味，配上醋，沒有油膩感覺，食完再食埋伴碟嘅沙律菜，一流茄子田樂燒燒茄子，看似簡單，但看出心機和功夫，又炸又烤，外皮仲能夠保持深紫色，配赤麵豉醬，帶出茄子嘅清甜燒活鰻好多餐廳都係急凍鰻魚，其實新鮮嘅日本活鰻肉質嫩，仲有豐富嘅膠質，外皮薄，又燒得好脆，加少少鹽調味，鮮味非常突出朝鮮

平時同朋友行到黎時代廣場後面哩條街食糖水，就見到百樂中心成幢野有好多出名餐廳，今日終於有機會黎試下啦。今日要食的係花見日本料理，個門口都已經非常有日本地道居酒屋的味道。餐牌都係分晒刺身，壽司，前菜，燒物等好多款，任揀，餐廳老闆娘仲專登推介我地試下佢地的日本酒，好多唔同類別，不過我地唔飲清酒，就望下算啦燒白飯魚干，份量雖然唔多，但整得好有心機，烤得好香脆，又保留到白飯魚的味道，適合送酒安鱇魚肝刺身，魚肝一啲都唔腥，入口即溶，好香，個汁都濃味，點黎食好夾鹽焗銀杏，銀杏即係平時香港人叫的白果，營養價值高，健康食物，味道都十分清甜，帶有少少鹹味牛鰍魚薄切，刺身晶瑩剔透，魚味新鮮，跟傳統酸汁，可以用3片魚包名荷卷成一團點酸汁食六款特選刺身，牡丹蝦，活赤貝，笛吹，三文魚，油甘魚，赤身，嫩滑，淋身，新鮮，油甘魚同赤身好厚切，活赤貝同甜蝦特別甜美壽司拼盤，有8件，海膽軍艦新鮮，海膽仲有海水味，筋子壽司筋子份量多，每一粒都好飽满，皮一咬就爆，好脆，蟹肉蟹膏壽司，蟹膏鮮甜，地金目鯛壽司，地金目鯛係目鯛最好味的一種汁燒牛脷配特式香飯，牛脷好似煮足一日一夜咁，好淋，又超入味，燒汁香甜，味道一流，香飯係用上等日

今晚放工自己一條友想食下日本野去左cwb花見試下店員好有禮貌安排左我入坐就俾左餐牌我睇望完好似樣樣都唔錯咁,問下店員有冇推介先店員話不如食set,佢地安排下,好就咁決定日本豆腐芝麻沙律--佢入面有芝士粒好正,豆腐幾香連埋麻醬一起食好清新既感覺刺身有安鱇魚肝,赤貝,黑鮭(包芽蔥),鮪魚腩壽司有海膽,炙左口魚魚邊,筋籽,碎吞拿魚安鱇魚肝--隻味好香好濃,入口即融再流在口中慢慢融化赤貝--鮮甜可口黑鮭(包芽蔥)--新鮮魚香,加埋芬蔥更加帶出魚香鮪魚腩--新鮮香香既魚油味道海膽--鮮香,唔會有唔新鮮既感覺,因為海膽必須食新鮮炙左口魚魚邊,碎吞拿魚--同樣新鮮好味筋籽--店樣介紹係新鮮師父自家制,隻味真係唔錯,幾特別燒羊扒--用左好多香草去令到羊入味再燒返羊原本既味出黎,用鹽同香草黎配合做得好好燒冬菇--香冬菇味又唔會太乾什錦天婦羅--炸物有魚,蝦,菇,茄子,南瓜佢個炸漿唔會太厚,炸出黎唔會好油應該油夠熱迫返d油出黎,外脆內熱,幾好食鱈魚腩什菜煮-入面有鱈魚腩,秋葵,冬菇,金菇,草菇,南瓜,大蔥,豆腐鱈魚腩--超滑同充滿魚油香味,咬落既有口感亦有魚油香味秋葵,冬菇,金菇,草菇,南瓜,大蔥,豆腐-

店門裝潢低調而日式，感覺舒服簡單，比較像日本的居酒屋。餐牌架有別於普通餐廳掛上menu供客人參考，而是掛上其中一個推薦。餐牌選擇很多，刺身、壽司、沙律、前菜、燒物、飯麵應有盡有。前菜: 燒白飯魚乾魚乾條條鮮明清晰，魚香撲鼻，口感脆，魚味鮮而出，配上沙拉醬，送酒恩物。前菜: 時令-鮟鱇魚肝刺身魚肝質感幼滑細嫩，入口即溶，味道甘香濃郁，魚香鮮而香醇，配上清爽帶點蘿蔔香的汁，陪感幸福還富有豐富膠原蛋白。前菜: 鹽焗銀杏熱騰騰上桌，剝殻時小心燙手。銀杏肉口感軟糯，味道清甜，甜中帶甘。銀杏營養豐富，葯用價值高。牛鰍魚薄切配傳統酸汁牛鰍魚晶瑩剔透，肉質彈牙爽滑。老闆娘介紹刺身吃法: 檸檬汁平均灑在魚片表面，再用3片魚片包香料-茗荷卷成一扎，點酸汁品嚐。清淡的魚肉配上甘香茗荷及酸汁，令人異常開胃。刺身: 次序按排序品味牡丹蝦: 蝦肉豔麗、口感爽滑帶膠質，蝦味特濃帶甘甜。蝦頭帶膏，膏香濃而味鮮，沒丁點腥味。活赤貝: 橙紅外表，配上爽脆外層，貝肉鮮嫩。笛吹鯛: 銀白色魚肉帶點鮮紅，肉質軟嫩三文魚: 肉質彈牙，肥美帶魚油香油甘魚: 顏色分明，白中透紅，彈牙爽嫩幼滑，甘甜而油香不膩赤身（呑拿魚）: 爽而滑

早幾天來到銅鑼灣樓上的花見日本料理吃晚飯。雖然menu上的食物選擇很多，但我們還是決定讓厨師發版。第一道前菜是日本番茄沙律。清新爽脆的椰菜絲配上番茄，再淋上日本芝麻醬，健康又好吃！第二道是羽太薄切。羽太即是石斑，薄薄一塊但卻頗鮮，包上葱末和黑松露再點上酸汁一起吃，味道十分豐富。第三道是白飯魚乾。這款白飯魚乾弄成一片片脆片，鮮甜無比。而且真的很香脆，沾上沙律醬一起吃很好吃，味道也有點像燒魚翅呢。之後來的便是師傅發版的刺身拼盤。不多種類的刺身擺放得很好看，而且看上去都很新鮮。師傅由較淡味的刺身到最肥美的刺身依序排放，很貼心。分別有牡丹蝦，赤貝，鲂鮄，金綫鯛，目仁奈，黑鮭，拖羅。全部刺身都很新鮮，很鮮甜，尤其是牡丹蝦和赤貝，又爽脆又極鮮！最愛的拖羅也是相當肥美，入口即化，很滿足！另一道是師傅發版的壽司拼盤。分別有蟹肉味噌，海膽，火焰左口魚邊，吞拿魚蓉，筋子，真鯛，依佐木，鰤魚醬油漬。和刺身拼盤一樣，魚生同樣也是相當高質新鮮。當中筋子最深印象，和一般的三文魚子不一樣，這裏是整抽上的，而且也有腌過，口感很特別。第六道便是熱食了。先來了燒物-燒羊鞍。沒想到這裏連燒物的質素也不錯。這份羊鞍燒得剛剛好

今日係我地周年紀念, 所以要去食好D, 哈哈, 要好好享受下, 所以我地選左呢間日式餐廳, 原因係呢到係由廚師發辦的, 一來唔使諗食咩, 二來覺得咁樣好有驚喜&新鮮感. 一入到去有個壽司BAR, 見到師父認真的容貌, 相信今餐都必定會滿載而歸, 師父交比你啦, 哈哈….係上菜之前我地叫左支津島屋純米大吟釀, 味道帶點蜜瓜既香味, 容易入口, 不過都有45%, 最佳品嚐之作.大廚為我地送上了幾道前菜, 用黎送酒一流, 首先有烟燻日本雞肉沙律, 呢道菜我真係第一次食, 好有特色, 相信唔係咁多地方會有得食, 食落味道有D似食緊煙三文魚, 口感就比煙三文魚煙靭少少, 原全唔覺得自己食緊雞, 哈哈…..另外仲可以加埋沙律菜一齊食, 好開胃.跟住有呢個蒜片雞干, 蒜片也經炸過, 再加埋自家制醬汁一齊炒好香口, 用黎送酒真係一流.仲有呢個薄切魴彿魚配黑松露酸汁, 有禮的老闆娘會介紹食法, 先將少少的青檸汁加在魚上, 再用2至3塊魴彿魚連蔥卷埋一齊食增加口感, 食落好鮮之餘, 還帶點黑松露既香味再帶點酸酸的.跟住呢個燒白飯魚干又係送酒一流, 好得意架, 堅用白飯魚壓成一片片, 見到好多魚眼仔同我SA

實在太喜歡這間小店的出品，已經是第三次來花見，連店員都開始認得我，主動和我聊天。和店員聊天才知道原來這兒亦有廚師發板，給予餐廳budget再由師傅發板。難得這天有新鮮日本到港的食材，我也不作多想，直接交由餐廳安排，這晚就只需做一件事－－等食！日本蕃茄沙律蕃茄用料新鮮，爽甜好味，配胡麻醬，惹味又開胃。薄切羽太羽太屬於石斑魚，比較少見，一般吃薄切魚都會配酸汁和香蔥，但這兒特別的地方是加了慷慨的黑松露在魚身，味道意想不到地配合，吃來魚味更香。鮟鱇魚肝想不到今晚竟然有鮟鱇魚肝，太開心了！魚肝質地像鵝肝般香滑，魚味甘香，入口即溶，正！刺身拼盤刺身拼盤非常豐富，全部交由師傳發板，挑選最新鮮的食材。今晚有牡丹蝦、赤貝、魴鮄、金線鯛、目仁奈、黑鯥、拖羅七款之多！魴鮄、金線鯛、目仁奈、黑鯥都比較少見，原來都是現在時令！廚師發辦就是這樣好！刺身全都厚切又新鮮，我特別喜歡魴鮄魚，魚味十足，油香四溢。牡丹蝦大隻爽口，蝦身彈牙有鮮味。赤貝非常爽脆。鰻魚蓋飯雖說廚師發辦，但這個是我惟一主動要求的。之前吃過一次驚為天人，今次再食，水準依然，暫時仍是我心目中香港最好食的鰻魚飯！鰻魚外皮燒到香脆鬆化，皮下魚肉爽彈有勁，