花見山下日式料理

Open Now

Now Closed

住左係西營盤好耐，但一路都冇入黎試。今日朋友生日，決定同朋友試下。 聽街坊講呢度最出名係佢地d日本魚生。我地叫左佢地精選十款壽司，牛肉壽喜燒窩，明太子玉子燒。壽司好新鮮，最值得一讚係佢ge 大吞拿魚腩，入口即溶。壽喜燒窩入面有好多蔬菜同菇，配埋牛肉同日本蛋真係好正，天氣凍凍地食真係好正明太子玉子燒煎得好香，估唔到明太子咸咸地辣辣地味道咁夾，玉子燒即制熱辣辣總結，味道，環境氣氛，性價比，服務都好好，必定會再黎幫襯！！

每次黎花見山下日餐總會叫佢地d吞拿魚、三文魚、鯛魚，每一種魚都好好食。我比較鍾意三文魚，油脂分佈均勻。吞拿魚魚腩真係好正，口感極為鮮甜同肥美，入口即溶，有一點點海水的鹹香。有時佢地會入d時令生蠔，味道好，價錢又唔係貴，性格比高。佢地店舖唔算好大，但裝修環境真係好有氣氛，係附近揾唔到同類型鋪頭。未食過的話，強烈建議要試下！！！Strongly suggest you guys to try this great Japanese restaurant

我好小打評論去推薦一間餐廳，但呢間日餐我覺得幾好，一個月大概都會食2，3次，有幾款野食我覺得要推薦比大家試下。😋😋☺️☺️首先係玉子燒，基本上每次黎都必點的。佢地有好多味，試過幾隻之後，發覺最啱我口味係明太子玉子燒。餐牌上面寫需時20分鐘，即叫即制。難怪每次食都係熱辣辣。味道調教得好好，我個囝每次都食到好開心。我自己就最鐘意食佢地d午餐set。性價比高，選擇多。壽司刺身。三文魚，油甘魚，吞拿魚，赤蝦都係我最愛。埋單每人$100 有找。😋

見到裝修唔錯 就同朋友黎食 點知…1.熱食好凍。朋友點了個豚肉飯定食，一送來已經是凍的，好難食，有冇搞錯，令我想起這個飯究竟整好喺度放咗幾耐，不明白這間餐廳的衛生條件是否達標？2.定食個魚湯好重腥味，唔好飲，好似飲緊餿水，建議重新調整改良，或者下架此菜式。3.收費離譜，這間餐廳收服務費算法是每客菜品都加服務費，而平時一般的餐廳是用總數計算服務費，真係重未見過，結帳時看到帳單的收費令我十分疑惑。4.服務一般。叫服務員斟水，等了15分鐘都冇斟水，建議這種服務水平，就不要加收這種令人疑惑的服務費了。

首先，這間餐廳嘅環境真係值得讚，裝修得幾靚，令人感覺好舒服。不過，我點嘅定食餐真係令我好失望。雖然玉子燒仲可以，但其他嘅菜品，比如飯，湯同埋蒸蛋，真係難以接受。首先，玉子豬肉係凍嘅，飯都一樣冰冷，根本冇辦法享受食物嘅溫度。至於豬肉嘅味道，感覺就好似隨便烚過嘅味道，份量又好少，完全唔符合我嘅期待。蒸蛋嘅口感又好普通，冇任何驚喜。另外，魚湯仲有重重嘅腥味，真係難以下咽，價錢又唔便宜，實在令我覺得物不所值。更糟糕嘅係，每道菜品仲要加收10%嘅服務費，呢個我覺得真係唔合理。而且，叫人斟茶等咗好耐，服務都令人唔滿意。總括來講，今次嘅用餐體驗真係唔值得推介，令我好失望，仲係朋友生日特登佢過嚟。希望餐廳可以改善呢啲問題！

好少出到咁遠搵食今次趕時間，是但入咗去拉麵係濃濃嘅豬骨湯底配兩塊大大嘅半肥瘦叉燒叉燒出嚟香噴噴 咁肥瘦啱啱好烏冬都係好好食茶漬味好濃成餐飯食完完全唔會覺得好鹹，口乾姐姐服務態度超級好

8號風球經過見到花見山下尚在營業，決定食返啲好西先返屋企睇左好耐唔知揀乜好，通常午市光顧午餐今次試啲唔同野，因為想大滿足刺身，壽司，熟食都好想食哂可惜新鮮赤貝無哂，於是食我第二最愛嘅生蠔$78 （兩隻）舖頭細細都有兩款揀，想食creamy 啲，揀左兩隻姬路姬路的確帶有少肥美，蠔邊爽口，蠔身濃厚食過幾次呢度嘅生蠔質素都keep 到好fresh唔錯想食壽司又覺得花見十貫$328太多有點貴最後揀左5件嘅壽司mix(唔記得叫乜野名）$188／5件聽落有少貴嘅，點嗰時有少少猶豫但佢包左大拖羅，中拖羅，赤身，金目鯛同埋拖羅蓉海膽三文魚子，全部都係好野，一人前食哂咁多款吞拿魚又真係大滿足好彩無失望。當然大拖羅係最肥美甘香，中拖就啱啱好，赤身就食個軟糯口感，金目鯛我覺得普通嘅，大堆頭拖羅蓉海膽三文魚子就貪心啲乜都食，$188嘅滿足，對得住呢個價錢另加左兩件火灸一件燒左口魚邊$18，另一件唔記得左$22左口魚邊好味呀，燒完啲魚油爆哂出黎，決定下次再黎都要encore另一件燒完無乜魚油，可以不提🤣熟食揀左明太子玉子燒呢度嘅玉子燒偏甜身，比想像中熟明太子擺側左一邊都幾好味嘅，諗唔到食乜野熟食就可以揀呢樣食完

今日同囝囝過黎呢頭參加活動，平時黎西營盤都係是旦去附近d 茶餐廳食野。見今日天氣咁好，就係OpenRice search 睇下附近有咩野好食。 係OpenRice見到呢間鋪d評價幾好。於是就同囝囝過左黎食lunch黎到果陣見到好多人，好彩我地只係等左一陣就有位，佢地中午有lunch set，我地叫左芝士吉列豬扒飯同燒肉汁安格斯肥牛飯。芝士豬扒真係好正，d芝士湧出黎，吉列豬扒又炸到好香口，牛肉飯都好正，燒肉汁個味調教得好好。下次黎食會再試其他野！

住呢度附近，一路都有幫襯呢間壽司店，朋友最近生日，即刻諗起呢間推介十貫壽司，明太子玉子燒我地兩個人分別叫左兩個十貫，每件壽司都好鮮美。特別是大拖羅，食過係食唔返出邊果啲所謂拖羅，基本到油甘魚、三文魚都好好味。玉子燒好香蛋味，加埋明太子鹹鹹地同少少辣，非常好味😋😋😋😋鋪頭會有幾款時令海鮮，果晚諗住食原隻海膽，但可惜佢地晚上太多人，我地又晏到，原隻海膽已經賣哂，唯有下次先再去食。店鋪環境都好好，色彩繽紛，音樂好聽，女侍應親切有禮，食物質素，性價比極高👍

我在這家店點了外賣，雜錦魚生丼，味道一般，魚生比想像中為少，飯似白飯多過醋飯， 而且口感偏硬。。。。＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿但吃到一半的時候咬了一塊玻璃。如果我不及時吐出來，相信我就會死掉。很難想像如此驚嚇情況會出現在港島區的日本餐廳，勸大家考慮清楚才下單！＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿希望店家真係會認真處理。。。。。衛生同食物品質維護係十分重要的，亦希望日後唔會再發生同類事件！！

首先，價錢唔平，但質素好一般。我真心唔明點解有咁多好評。我叫咗呢個$268嘅set 廣告上清楚列明有拖羅有海膽，所以我都期待佢係一個比較質素好啲嘅set到壽司嚟咗嘅時候，驟眼睇賣相還可以，但我第一個疑惑係，我件拖羅呢？於是我問一個女仔嘅侍應，佢話紅色嗰舊係拖羅。 我即時反應係：What? 咁紅嘅拖羅？睇落好似赤身喎。侍應嘅回答係：新鮮嘅拖羅係咁紅嘅。 Ok, 你咁堅持我都冇辦法⋯心諗：我想話我唔係第一次食拖羅囉！我又唔信你d貨會新鮮得過我直接喺日本食果d囉⋯ 直到我放件壽司入口，一d魚油都冇，我可以肯定，佢係赤身扮拖羅！另外，除了有搵笨之嫌疑之外，不得不提壽司師傅嘅功夫亦令我大開眼界。有啲魚切到穿咗都仲可以扼成壽司攞出嚟俾啲客。仔細睇吓上圖，魚嘅中間穿了個窿露出飯粒，除咗不美觀之外，口感亦差。 總括來說：好伏！

🙆🏻‍♀️ 小編依日專登畀自己放半日假去西營盤行下、打卡同睇展覽，當然唔少得去發掘未試過嘅餐廳小店啦～🍱 燒汁安格斯肥牛飯定食 😋😋😋😋炸蒜好香口，撈飯食幾唔錯，肥牛稍為燒煮得比較乾身，多返少少肉汁會更好 🤔 麵豉湯好濃郁，配有兩小份前菜，依份定食一定夠女生！午餐 💵💵 約港幣$80/人💁🏻‍♀️ 喺西營盤食到依個價嘅日本set lunch幾唔錯，而且前菜唔係畀一般嘅中華沙律 😆 係佢哋自製嘅醃漬物，又有一小口甜品～ 算好有心思呀～ 仲有好靚嘅日式紙傘佈置 😍最後，喜歡嘅話，歡迎follow @foodirectory.hk！

𝓕𝓻𝓸𝓶 𝓼𝓮𝓪 𝓽𝓸 𝓹𝓵𝓪𝓽𝓮西營盤呢間日式料理小店，貼地嘅價錢但有高質食物，有驚喜，店員態度都好好，整體不錯！日本松葉蟹肉牛油果沙律大大份沙津鋪滿極多新鮮蟹籽蟹肉配合鮮甜爽脆田園沙律雜菜同牛油果 加上香口胡麻醬。食完都飽。壽司定食(鰹魚湯烏冬，前菜，麵豉湯同甜品)魚生鮮甜好食，壽司飯已經混合咗豉油同醋 所以唔太需要再加鼓油壽司有吞拿魚，油金魚，三文魚，北寄貝 ，甜蝦 &蟹肉蟹籽壽司

今次係🐻仔話bookmark咗一間好似幾好食嘅餐廳🤭，咁啱我哋會去開嗰到附近，梗係要試吓好唔好食啦🤭！我哋叫咗一個午巿套餐同一個鍋物，因為怕食唔曬，所以冇試到佢最出名嘅玉子燒🥺。-🍴日本廣島蠔🦪拼溫泉蛋安格斯牛肉🐂(+$15 轉手打烏冬) - 餐牌上有寫明附有菇🍄、豆腐同雜菜，牛肉都唔少🤤，廣島蠔有兩隻，超多料！個汁就類似壽喜燒，甜甜哋。個手打烏冬幾大碗，同埋幾彈牙，都幾好食😝！幾推介佢嘅手打烏冬🤓。-🍴拉絲芝士豬扒飯定食🧀 🐖($78) - 定食係午巿套餐，會包括埋湯品🍲、兩款前菜同埋日式甜品，都幾大份。兩款前菜分別係海蜇同埋木耳絲，湯品正常，中規中矩。豬扒🐖中間好多芝士，真係可以拉絲🤩！味道都幾好，再點啲沙律醬食會冇咁膩。

餐廳是一間位於西環的日式居酒屋‼️🏮地鐵站一出的對面就可見餐廳的蹤影，交通地點非常便利‼️👏🏻 ▫️❥$𝟳𝟴 日本姬路生蠔 (𝟮隻)❥$𝟳𝟴 日本兵庫縣生蠔 (𝟮隻)鮮甜又爽口，很喜歡‼️▫️❥$𝟱𝟴 原味玉子燒除了原味外，還有鰻魚、明太子、黑松露等五款可選擇‼️甜甜的玉除燒口感扎實帶點濕潤，份量也很多‼️▫️❥$𝟮𝟴 茶碗蒸每一口都熱乎乎的，很喜歡‼️🧡 餐廳很用心的在茶碗蒸中放了一隻可愛的小熊，驟間變得很有童真‼️▫️❥$𝟱𝟴 炸蝦卷壽司飯中包著香脆的炸蝦，再撒上蟹籽，份量很足呀‼️▫️❥$𝟯𝟴 雞皮串 (𝟮串)烤得乾爽脆口，有「咔嚓咔嚓」的聲響‼️▫️❥$𝟯𝟴 免治雞肉棒 (𝟮串)表面塗了甜甜的醬汁，不錯呀‼️▫️❥$𝟮𝟲𝟴 極尚花見十貫壽司看到不少人都ᴏʀᴅᴇʀ，所以跟朋友也點了一份‼️壽司飯量頗多，上面覆蓋著不同的刺身，一整盤很吸睛‼️所有壽司刺身都很新鮮(略嫌當天的海膽帶有苦味)‼️▫️❥$𝟳𝟴 鐵板燒安格斯牛肉廣島蠔卷 (𝟮件)安格斯牛肉加了乾蒜片，相當滋味‼️中間包著鮮甜多汁的廣島蠔，整整一大卷要分幾口來品嚐‼️