花千樹 (Closed)

多次請哥哥吃飯都未能令他吃得飽足, 有時他要再去食宵夜或回家途中篤串魚蛋, 皆因我慳住荷包所致, 有時都覺得不好意思, 所以今次決定跟他吃自助餐或放題, 任食就不會吃不夠啦! 二選其一, 他最終選了好耐沒有去過的放題。沒有特別心水, 那便選了近他位置的一個放題餐店, 星期五六日兩小時$238 , 而3小時則$298, 價錢都很合理, 就此決定吧! 開放式的門口, 一眼便看到整間餐店的環境。以油木色為主, 環境光猛, 沒有特別的裝潢, 亦沒有花巧的擺設, 設計簡約平實。地方不算大, 但挺喜歡內裏的間隔, 分間為三個區, 不會將所有食客集中一起, 故即是全場爆滿都不會感到太嘈雜, 設有四人卡位和六至八人的普通座位, 位與位之間有一定空間, 讓客人坐得挺舒服。******************************滿頭大汗的哥哥一坐下便馬上點一罐冰凍啤酒解暑, 餐店是供應韓國啤酒, 挺特別, 而我對各款汽水都沒有興趣, 細看點選紙上註明有特別飲品, 果汁或日本汽水供應, 原來只是每位+$15【飲品/甜品】項目上的樂天檸檬茶、樂天芒果汁和樂天忌廉溝鮮奶, 很失望, 故還是喝熱茶吧!****

單計荃灣亦有唔少日式放題，但說到質數方面，這間花千樹算是很不錯的，因為在悅來酒店下層，環境清潔乾淨，係商場內冷氣夠足，由其是夏天一定選坐位夠寬闊的，可以多坐一下～當然，食物先係最重要啦！我地係門外已經見到點菜單有成十多張，單說款式已經非常多選擇，而且價錢亦唔算貴～平日６點黎到重有位置，一到７點左右人流就開始湧入。先點了些開胃沙津，田園沙津非常清新，沒有草青味，特別在於用了柚子汁調味，酸酸甜甜，加上天婦羅脆脆，小朋友都喜歡吃！刺身方面非常新鮮，數量亦夠足，點１０件來１０件，最推薦三文魚和甜蝦，非常鮮甜，甜蝦亦沒有黏附蝦腸，吃得更暢心。蒸蛋非常好味，好滑溜的口感，溶化在口腔中。毛豆暖暖的，有啖啖的鹽味，不知不覺就吃下整碟了～壽司方面飯量少，可以多吃幾款不怕飽，雖然沒有太花功的外觀，卻實在好吃～另外我也喜歡吃海膽，但只有手卷有，所以點來試試看～ｓｉｚｅ原來比壽司的飯來多一點點而已，喜歡紫菜的脆口感可以選擇。薄燒牛肉真的很利害，第一口下去有眼前一亮既感覺，用卷的方式燒，把牛的肉汁完全鎖在裡面，外層灑了黑椒調味，非常嫩口好吃！牛肉粒同樣出色，加上炸蒜更加香口！相比之下，薄燒比較新嫩，而切粒比較野

有好多節日都話要慶祝，其實大家只係想搵個借口去食餐好。今日係我地既拍拖周年紀念呀，記得當年我地係去食壽司，過左咁多年，今年就食放題應下節啦。今日係公眾假期，我怕油麻旺人會多，所以選擇了荃灣，哈哈，順手俾機會我行下街。早幾日我就打左去熊貓酒店既花千樹訂位，諗住話晒都係酒店入面，服務同食物都會好d。訂左六點，我就六點準時到左，已經見到有人排隊等入座。太好啦，被安排左係卡位，兩個人，坐得好舒服，一開始就拎晒d order紙出黎睇，款式都好多，差唔多有一百款。我地仲加左每位$15飲指定飲品同食甜品。好啦講翻呢個238蚊一位既兩小時任食放題先，刺身有12款，樣樣都好新鮮，叫左兩轉，發現三文魚，油甘魚等既刺身都係厚切。特別係三文魚，又厚切又肥美。象拔蚌好爽口，海螺彈牙。深海鯨龍好鮮味，八爪魚出奇地甜，同埋一d都唔硬。另外仲有希靈魚，吞拿魚，鮑片，北寄貝，馬刀貝，甜蝦都表現正常。鍋物我就叫左雪花牛肉鍋同清酒煮蜆，前者既牛肉唔肥而且好濃既牛味，仲配左好多雜菜，由於個湯好甜，所以d雜菜入晒味，好正。後者一黎到就已經聞到佢既清酒味，而且蜆肉無沙，肉都好嫩。串燒方面都好有質素，翠玉瓜串，燒完仲好多汁，好鮮甜

看到開飯的介紹，食評不錯(可能做假吧)，一心約了3位朋友食番餐，大失所望及尷尬！食物惡劣不在話下，坐位安排又差，明明有3/4空位，奈何店長將7枱人迫埋兩邊，就是不讓我們可以放鬆食番餐！比附近同類餐廳貴了百多蚊，以為可以坐得舒服D及食好D。Sigh... 朋友一路食一路彈，因是我請客，所以很尷尬。浪費了一個晚上...這麼薄切的魚生，很久设見了，D蝦又細隻，天婦羅又淋，最鍾意食嘅酒煮蜆－又無清酒味，蜆又細粒，牛肉好似橡膠咁，無樣好食(有，田園沙律都算新鮮)，四人埋單要$960！服務又差，一句講哂「冇下次」...

今日難得去迪高打完保齡球，原本諗住同女朋友去悅來下層間薩莉亞度食，點知最後太肚餓，走左去食放題食盡佢 6點半左右去到，唔使等位，服務員帶左我地2個坐卡位，環觀間餐廳啲位好闊落，真係坐得好舒服自在。由前菜，刺身，炸物，燒物，天婦羅等等分哂類要睇食咩好簡單，種類好多，同女朋友每樣叫1件，2件咁都食到飽，最後我好想試嘅雪花肥牛煲同冷烏冬都冇食到 飲品主要有汽水，我地就+15蚊飲特別嘅芒果汁同忌廉鮮奶（罐裝嘅樂天果汁）同任食甜品上菜速度都幾快，唔經唔覺成張枱都係野食，特別一提侍應服務好好，收碟之前會問你仲要唔要，上菜唔夠位時又會幫你執整齊先放低，而且又冇漏單，真係好細心 雖然價錢可能比一般放題貴啲，但有咁嘅環境同食物質素同種類算係值得 下次黎荃灣可以再N歌

是日細妹生日，BOOK左6點，一行五人準時到場，待應安排近門口第三張長枱，以為近門口會好多人出出入入，好騷擾，又吾係喎，感覺尚算OK。食放題，第一件事當然係叫剌身，款式都有十多款，叫幾多俾幾多，魚類有三文魚、吞拿魚、深海鯨龍、希靈魚等。三文魚尚算肥美，吞拿魚油香不俗，深海鯨龍的魚肉既爽身又實，沒有叫希靈魚，可能覺得吾好食，還有北寄貝、海螺、象拔蚌、馬刀貝和甜蝦。全部都肉質爽口，特別係甜蝦，非常鮮甜。壽司類對沒有叫太多，只係叫左火焰鰻魚，同火焰三文魚，燒得頗香，一口大小，吃後不會很飽。燒物類的款式不算多，只點了串燒豚肉、鹽燒海蝦和牛舌。豚肉不會太硬，牛舌味道剛剛好，回味又回味，但海蝦就一般，吾夠入味。芝士焗蠔，芝士味尚算濃，但蠔肉也很瘦小，一般。燒羊架，望落好JUICY，但食落好硬，食兩啖就放棄。天婦羅類，大部份都係基本嘅海老，南瓜，蕃薯等，最特別有松葉蟹棒，入口香脆不油膩，吾錯。蒜片牛柳粒，吾會太硬，夠入味。日式珍寶餃子，可能煎得太耐，所以有點硬。但可接受。清酒煮蜆，份量不多，蜆比較細隻，但肉質尚算肥美鮮甜，湯底也帶有淡淡的清酒味。另外叫左芝士年糕，一口芝士魚餅，南瓜芝士餅和吉列廣島蠔

同多年無見既同學相約見面, 想搵個地方坐得舒服D, 可以傾到計. OP見到呢間D食尚算不錯,於是BOOK左呢間. 估唔到有驚喜, 真係要比個LIKE佢地首先, 一定要講佢果環境, 真係好好坐, 坐得好舒服, 一D都唔逼, 平時食放題坐到好似沙甸魚咁, 夾D野都驚撞親人咁. 另外值得一讚係個度唔會好嘈, 岩晒我同個朋友傾計, 唔洗喊破喉嚨先聽到.跟住野食, 都OK. 雖然款式比起旺角個D 無咁多, 但勝在有質素. 特別係D刺身好新鮮, 係厚切, 有質感，　但有部份就切得細粒左Ｄ... 野食都算出得好快, 而且冇話HOLD起刺身遲上, 同埋冇漏單.  燒物都就麻麻地... 味道唔錯, 但就燒得有D 太乾身, 無咩汁. 其次, 我覺得沙律雖然食落新鮮, 但份量比較細, 款式就無咩特色.我今次的最愛推介係天婦羅, 炸得啱啱好, 望落D色唔似做千年油去炸. P.S. 在此要多謝 D waiter! 服務好好, 笑容親切:-)

前幾天與老媽到荃灣辦點事, 搞妥後已經差不多六時. 老媽說想吃放題, 於是在openrice找尋器找到這間就近的日本料理店. 到達時店子仍在準備中, 不過已經有人在排隊. 店子雖然位於酒店內, 但舖面不算大, 枱之間也有足夠空間, 不會很迫.放題的點菜紙已經將食物分類, 十分方便. 我倆都是眼闊肚窄之人, 所以決定盡量多試一點不同的食物. 刺身類有超過十款, 不過由於老媽不愛吃刺身, 所以只是點來一些淺嚐. 魚類點了三文魚、油甘魚、深海鯨龍、希靈魚. 三文魚肥美;  油甘魚油香不俗; 首次嚐味的深海鯨龍的魚肉既爽身又實; 希靈魚魚子脆卜卜, 質素都是滿意的.貝殼類點了北寄貝、海螺、象拔蚌、馬刀貝和甜蝦. 各種貝殼類刺身都肉質爽口, 不過部份切得較細碎, 如果可以切得大片點會好些. 甜蝦也頗鮮味, 不俗.串燒類的款式不算多, 點了雞軟骨、豚肉、翠肉瓜、鹽燒雞翼、鹽燒海蝦和牛舌. 雞軟骨爽脆; 豚肉燒得不太硬, 仍然有點肉汁! 海蝦雖然爽口但沒有鮮味; 雞翼和牛舌則燒得又乾又硬; 總的來說鹽下得偏重手, 味道偏鹹.燒物類也點了不少食物試試:荔枝煙肉卷, 荔枝味道清甜, 煙肉也不會很肥, 如

荃灣Panda hotel 中文叫悅來酒店, 但酒店外牆印上大大隻熊貓,一出地鐵遠處都看到大熊貓, 我慣了叫他做熊貓酒店!除了自肋餐, 酒店內有間日式放題叫花千樹,我想起了容祖千兒同名歌曲, 歌詞意思是:不想放棄一片森林, 但眼前的花就是最合適的的人,套用在放題身上, 寓意教曉種類太多要目標明確地挑選,快狠準是放題策略, 找到點菜單,看到自己愛吃的不遲疑就寫上木台號及數量。放得很整齊的食物紙，一目了然來放題都是衝著刺身來番本,刺身有十多款,包括必備的三文魚、吞拿魚、甜蝦、魷魚，油甘魚，北寄貝，海螺，象拔蛘，素鮑片，馬刀貝，深海鯨魚。色澤嫩紅,肉中含水份沒有在空氣下抽乾水,肉質入口柔綿有油脂。田園沙律同蕃茄沙律，個蕃茄是細心去了皮，加上唔嗆口的柚子醋，甜中富柚子香，大力推介。接下也點了幾款壽司，有鰻魚，炸軟殼蟹反卷，蟹子軍艦，燒物出面食日本串燒一串計好貴，來到當然要吃過夠。雞軟骨，豚肉，翠肉瓜，冬菇，鹽燒海蝦，深得我心分別是雞軟骨同海蝦，首先雞軟骨有嚼勁，邊位是帶小小肉而且沒有黃色的雞脂肪，鹹香惹味。海蝦燒好灑上鹽巴，不乾身也吃到是新鮮生猛燒製，但燒蔬菜類就略嫌乾身。沒有燒粟米就點了甜粟

今日阿叔從廣州落黎香港玩, 入住左荃灣個間熊貓酒店. 咁我一放工就去左揾佢食飯, 到左酒店樓下, 見到間日本放題店好似幾寬敞舒適, 價錢又唔貴, 咁我哋就入左去坐. 阿叔係大陸少食日本野, 見到餐紙上有咁多好野食, 一坐底就當然係咁叫, 係咁食啦.本來都以為係俾錢食個裝修同環境, 諗住D野食都係同平時D放題差唔多. 點知食左幾碟之後, 發覺比其他放題有一些比較出色的地方, 就係刺身夠新鮮同埋上菜上得快, 唔同等好耐都未黎. 同埋, 估唔到除左刺身外, 連D天婦羅都一樣咁新鮮, 新鮮炸起, 咬落D炸粉好薄, 唔會覺得太油膩.    另外, 印象比較深刻的食物仲有豬軟骨, 煮得好入味, 雪花牛肉鍋, 芝士年糕, 同埋燒羊架.    羊架燒得燶左D，但肉質嫩滑，夠入味又無咩羊羶味都唔錯! 不過, 間餐廳的蟹粥就好細碗... 以為會有蟹食點知只係用蟹柳煮, 好失望.  另外, 叫左個牛油帆立貝, 一大碟都係菜, 只係得一粒帆立貝有D失望... 

事緣小弟食量都驚人，所以一星期都有一次同朋友去周圍去放題 韓燒 自助餐咁，今次就誤大誤撞搵到哩間好野。廢話唔多講直接入正題話你知有幾好。環境 : 由於係位於酒店入的日式放題的關係，乾淨整潔，而且內部裝修雖然唔係豪華但勝在簡潔得黎又有日式風味，不會令人擁擠。服務 : 由門口的姿客小姐到店內的侍應生 及至經理都十分健談，及有求必應 尤其是追單更係快手到冇人有。讚!!!食物:晚午時段原來除了自助放題亦有自選單叫食品，依家仲推出左個類似西式的頭湯大甜的Set Dinner 比我地簡，但我地哩D食物焚化爐又點會岩哩一味。可能係為左酒店內的情侶顧客提供多一個選擇，唔錯唔錯。雖然係放題，但由於哩間的規模算係小型。但麻雀雖小，五臟俱全。需要有既佢地都有提供，只見小小一個餐牌座都插左A - O 個大Items 內又細分幾個細Items，可以話係都滿足到量的需求，但質卻係超班。刺身新鮮肥美之餘，廚師仲唔會孤寒地叫十份黎五份的情況，我地2個人就可能叫唔多，但隔離就有張6人枱叫幾多黎幾多，係出面其他同類放題可以做到。壽司方面 : 舊飯唔會大舊過上面既魚生，而且亦夠實井，唔會一夾就散。而最好味既就係火焰三文魚及

由於星期三的關係，同家人一齊六點幾來到花千樹就有位啦。 環境唔錯，空間寬敞，不會感到阻手阻腳，寸步難行。一來都第一時間當然是點飲品啦。原來任飲要加錢。 罐裝汽水要加$12，特別少少的飲品加甜品就要$15。可能由於是星期三，人比較少， 刺生點了不到幾分鐘就上來。全都很新鮮，三文魚等魚生都是厚切，頗有口感。而八爪魚等反而會切得細薄，不會感到很韌。比較特別的是荔枝煙肉卷，荔枝的清甜使煙肉不會太過肥膩。除此之外，其他日本料理也是很不錯的。雖然壽司的種類比較少， 但我想其他來吃放題的人都不會太在意的。 總括來說服務質素可圈可點，作為一間日式放題餐廳，倒是一間不錯的選擇。

我本身唔識這間店的,今日都係跟住家人食晚飯先認識左佢。因為.覺得d食物和員工服務質素好,所以上openrice 讚賞下!我第一眼望這間店時感覺好細間,但後期發現細間有佢既好處。因為.由落單到菜送上都只係等佐5分鐘,而且唔洗出聲叫員工收碟,佢地好快就幫我地清走d碟。而且菜既款式都好多,我覺得最特別既係 燒物:荔枝煙肉卷 ,咬落去清甜,可掩蓋煙肉既油膩,絕配! 另外當然唔少得 刺身:象拔蚌,馬刀貝 好爽口！我仲落佐幾次單都係食佢!好新鮮又好厚身,好味。最重要係佢地既食物都唔太咸,唔會飲水飽,可以食好耐。下次會再食多次。

之前係Open rice 見到這間店入圍左熱店, 早就想試, 所以琴晚放工就專登同男朋友黎左試下D野好唔好食. 我哋未夠7點就黎到, 但入面都已經坐左唔少人. 好彩都仲有位, 唔洗等就即刻有位坐.食物: 食放題, 就緊係要食刺身啦! 我哋一坐低就即刻叫左一大碟刺身! 可能因為今日係平日, 只係等左5分鐘D刺身就黎左啦, 勁快, 好抵讚. 食落都幾厚身, 好新鮮, 但係就好似唔係好夠涷… 黎既刺生數目同我寫既都一樣, 唔似其他放題咁, 每次黎既數量都俾少好多…要不停落ORDER. 之後又叫左天婦羅, 食落好脆口似係即叫即炸咁! 個清酒煮蜆都唔錯, 食落真係有酒味…出面大部分D放題, 都好似只係用滾水煮…無咩酒味.. 另外, 鐘意食串燒既朋友記得試下個牛舌同埋冬菇串燒. 牛舌好厚身, 咬落有質感. 但係佢哋整既雞翼只係表面用鹽燒, 食到入面就無咩味…有待改善… 最後值得一讚既係個和風狂想曲, 熱辣辣, 咬開D朱古力醬湧出黎, 心都甜埋.飲品: 我去過唔少放題店都只係供應百X, 而依間就有可口x 樂. 仲有我鐘意既韓國牌子忌廉溝鮮奶同埋啤酒Hite. <3 (P.S. 要另加$12先

第一次寫,寫得唔好,唔好介意!!琴日同D FD落左荃灣行街!!行到好鬼肚餓,想去食放題。有朋友提過呢間,都上黎睇過D食評,有好有壞...膽粗粗就試下啦~八點幾去到門口,都見到幾多人等緊,原來第2節八點半,八點半先安排入座,咁等陣啦 ,,,我地3個人想坐卡位,無BOOK竟然都有!!!不過個接待姐姐話如果2個人就未必安排到。價錢方面因為紅日,要238加一, 我地仲JOIN埋個汽水任飲PLAN tim~加多12蚊。坐低左,第一時間緊係叫刺身先, 好快到!!三文魚同油甘魚都厚切,仲幾新鮮!!果張壽司紙,有我最愛既火炙比目魚!!!我當然即時點黎食LA!!!好正!!!朋友鍾意食蜆,就點左個清酒煮蜆!!都OK 呀!!仲有野菌炒帆立貝^^跟住我點左D天婦羅同串燒~~~天婦羅我淨係蝦,因為我鐘意食蝦!!d蝦炸得都唔錯,無油淋淋!!幾鬆化最後當然唔少得焗蠔啦!!!!有d紙我地係咁點係咁食,最後當然係食飽飽啦~