Video
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
呢日早咗少少放工，約咗朋友嚟太古城食飯。大概18:30踏入呢間餐廳，望到佢仲有happy hour嘅套餐😮 即刻嗌咗份嚟試吓，之後再嗌咗其他食物，食咗個好豐富嘅晚餐。Happy Hour套餐呢個套餐包括咗兩杯啤酒同埋一份薯條🍟 King in Yellow 清啤 本地手工啤5%同埋Old Blood 烘烤黑啤 本地手工啤5%，兩款啤酒各有特色🍻 個人比較鍾意清啤，不過黑啤嘅味都好香🌾 薯條方面有三款口味選擇，我地揀咗香辣芝味嘅crazy fries，店員已經預先幫我地shake好咗，調味都幾惹味。慢煮番茄肉醬溫泉蛋意大利闊條麵呢個係晚餐嘅其中一款，番茄肉醬味道唔會好酸，而且份量啱啱好可以撈晒成份意大利闊條麵🍝 闊條麵好適合我呀，因為佢好掛汁，每一啖都可以食到開胃嘅番茄肉醬🙂自選沙律一份自選沙律全日都係$68咋，見到唔少人都買外賣返去食🥗 一份standard嘅自選沙律可以揀五款配料，一款醬汁同埋菜底，菜底可以揀混合沙律菜定係羅馬生菜🥬 我呢份揀咗混合沙律菜同埋煎胡麻沙律醬，想食得再健康啲，醬汁可以另上👍🏻 如果想食得豐富啲，都可以額外加多幾款配料。自家製烤雞肉同埋德式烤豬手呢兩款肉類都好出色，雞肉唔會太乾，豬手就帶點黑椒味🐷 日本蛋沙律同埋吞拿魚沙律都係個人好鍾意嘅選擇，店員仲要俾勁多我，係食過返唔到轉頭嘅選擇🤩 烤甜粟米、紅腰豆同埋青瓜則係健康天然之選🥒 是日餐湯呢日嘅餐湯係羅宋湯，呢個帶點辛辣，入面嘅配料有洋蔥、番茄、西芹等嘅蔬菜，都算幾足料🍅甜品♦️焦糖牛乳軟雪糕芭菲呢個係幾抵食嘅甜品，勁大杯雪糕，仲要牛奶味好香濃🥛 面頭有焦糖脆餅、焦糖醬、水果乾、穀麥脆脆，更可以增加口感🍨♦️Tiramisu 咖啡味道幾香，蛋糕嘅質地雖然較企身，但入口依然creamy，更加以用優惠價加配牛乳雪糕🍦飲品期間限定冰茶同埋黑咖啡都只係加$10就可以飲到☕️ 兩款都係無糖嘅選擇，係健康飲食嘅新趨勢啊😆呢間餐廳嘅菜式選擇好闊，有好健康嘅沙律，又會有邪惡啲嘅啤酒薯條，無論係咩喜好都揀到啱食嘅嘢啦🤤
continue reading
打入cafe市場，HAND3AG THE TABLE 主打各款意粉西式主食，同樣吸引~ 🍔車打芝士安格斯牛肉漢堡•薯條除咗厚肉多汁嘅安格斯牛肉，入面仲有炸洋蔥圈及煙肉，鬆軟嘅Brioche都係亮點，漢堡入口有多層材料，豐富嘅口感不遜色專賣漢堡的店！而連皮炸薯條，有薯仔香夠晒脆口乾身。🍅吉列日本蠔.蟹肉番茄忌廉意大利飯咁樣fusion又幾合襯，吉列蠔有兩隻，夠酥脆香口。意大利飯通常食到一半就會好飽滯，但蕃茄忌廉酸酸香香的，每啖都有絲絲蟹肉，意大利飯又有咬口，相當不錯。🍫朱古力Affogato牛乳軟雪糕芭菲朱古力Affogato其實無咖啡，但有奶味滿滿嘅朱古力奶加濃厚brownie，牛乳軟雪糕芭菲有奶香，夠軟滑。🍦焦糖牛乳軟雪糕芭菲同款軟滑芭菲，搭配焦糖及Lotus Biscoff~ 💫晚餐menu可以以$10追加餐湯/ 田園沙律及餐飲，加$12更可以upgrade特飲。
continue reading
太古開咗間新餐廳，見到門面感覺好摩登，價錢又唔貴，一於入去試試佢🌟自選沙律（5款）$70份量好大，賣相吸引，搭配選擇多，價錢都幾抵，我哋揀咗自家制烤雞肉、蜜柑、烤核桃、煙鴨胸、日本蛋沙律、焙煎胡麻沙律醬、混合沙律菜💖醬汁仲可以另上😋⭐吉列和牛漢堡照燒帆立貝三文治 $80 （+$20加購洋蔥圈）三文治入面有和牛漢堡、帆立貝、芝士同生菜，口感層次豐富。吉列和牛外層酥化，咬下去嘅時候，入面好軟腍。份量好大，成份好厚，一啖咬落去都食唔曬😲🌟洋蔥圈 +$0跟三文治加配優惠價$20，份量唔多，但好食！外脆內軟，洋蔥圈嘅甜味好出😋🌟燒美國牛扒、香草燒汁、燒烤風味薯條 $110 （+$12升級至套餐有湯品和飲品）份量好大，除咗薯條仲有好大份沙律菜😲牛扒大概五成熟，肉質帶咬口，而且都有肉汁，燒烤風味薯條係粗身薯條，外脆內軟，搭配牛扒一流！另外加$12叫咗套餐，有湯有飲品😉🌟北海道產甜粟雞肉豆乳濃湯 +$0湯稠身，甜粟好濃，裡面有雞肉，有豆乳嘅濃稠感覺，好滿足☺️-⭐️樹莓熱情果冰綠茶 +$0冰綠茶嘅清爽基底搭配樹莓嘅微酸，熱情果又為整體添咗一絲甜蜜嘅果香，口感層次分明，特別適合炎熱嘅夏天享用😙-整體而言，性價比好高，真真正正嘅大份夾抵食💖-此乃自費食評
continue reading
交通非常便利太古站一個馬路就到店內裝修非常新淨好光猛 整體感覺好整潔座位非常寬敞舒適完全可以傾密計happy hour套餐非常抵食兩杯手工啤加一大包薯條完全冇想像過港島區會有抵食優惠烘焙黑啤味道剛剛好容易入口 仲飲到麥味至於清啤麥味不濃 想傾計 唔想飲到醉醺醺 非常啱飲薯仔原隻切出嚟 仲見到薯仔皮完全唔油膩 傾下傾下坐到晚市 天婦羅軟殼蟹牛肝菌意大利飯份量非常多非常多 軟殼蟹大隻又香脆 個菌汁非常香濃 個意大利飯仲有米心㗎 有咬口好煙韌 喺香好少會食到有米心意大利飯 烤三文魚柳 普羅旺斯雜菜燴 奶油薯蓉 薯蓉非常香滑三文魚一啲都唔油非常香脆 配合個雜菜會酸酸 甜甜 非常夾 忍唔住+10蚊 配餐湯同埋咖啡 +20蚊 雞槌+20蚊 牛乳軟雪糕 非常香話同埋好濃牛奶味 愉快的晚餐晚市堂食唔太多人不過都幾多人外賣港島區非常舒適嘅西餐廳
continue reading
HAND3AG THE TABLE • 太古太古城呢間西式餐廳，試完覺得食物水準有驚喜，值得推薦。除咗今晚點嘅嘢嘢食之外，我仲留意到$70自選五款食物嘅沙律，見到隔籬枱的份量幾大，幾啱我口味，會再光顧✅ 香烤慢煮加拿大豬鞍架 🐷豬鞍肉質好嫩滑，慢煮嘅方法令豬肉保留唔少汁水，肉味突出，加以少量黑椒調味。另外仲有奶油薯蓉同雜菜伴碟，好味！✅ 日式燒雞肉野菌燉釜飯 🍛釜飯入面有菇菌調味，食落味道唔單調，味道好香；燒雞肉帶啲炭火香烤味道，大力推薦！✅ 法式龍蝦濃湯 & 北海道產甜粟雞肉豆乳濃湯 🫕兩款湯都好濃郁，似係將材料打成蓉再烹調，尤其鍾意龍蝦湯，食到有粒粒龍蝦肉，好滿足
continue reading
You may be interested in