甘地印度餐廳 (Closed)

由於小妹住東涌關係,,所以去東涌食野係好方便~~反而辛苦了朋友特登入黎東涌食,,點解食呢間,因為睇左openrice既食評,,見到咖哩蟹極之吸引~所以就去一趟了~~~~呢間餐廳好好的,有專車係mtr站接送~~只要到前講定,到左再打去就得去到,,,真係冇乜人~~~得隔離1枱白種人~~一坐低就會feel到間餐廳冷氣唔夠!熱底人底一定流汗,,,,再坐多陣都唔會feel到涼~~裝修比較簡單~有格仔枱布,亦有露天座位,,,都幾郊外feel~~~咁3個人就叫左個3人餐啦!~(都幾多野食揀..)一黎就胡椒薄餅~~本人好鍾意呢個,辣辣地,好似薯片~~之後就黎d 醬,3隻味,大概分別係,甜,辣,酸3種味!!但我唔太明點揀,點點野食...(我覺得佢會教下我會好d~)之後黎咖哩角,肯定係自己包,,個皮頗為厚,感覺勁似新年食既角仔之後仲有鐵板上既"串燒免治羊肉卷"...口感麻麻~可能因為免治關係,,,整成卷又麻麻地~唔知點形容,,但配埋d洋蔥食,好惹味~跟住d野食就開始上得快d~之前都上得好慢...之後食我清晒既咖哩雞~我再黎食既話一定叫返佢!因為都幾辣既~好入味~好送飯呀.....正宗紅咖哩咪呢個囉!!!!

We were keen on a feed but wasn't keen on staying in the Tung Chung air conditioned malls for a feed, so we gave Indian food a try. This is not the first time we have tried Indian food; however the last decent Indian joint we ate out at was on the other side of the world and served southern Indian cuisine. This joint serves northern Indian cuisine, which is more or less a different style of Indian cuisine - imagine the difference between Sichuan and Cantonese cuisine, for example. Anyway, we cau

住左喺東涌一段日子，要去試下喇佢有車接送，幾好一入到間鋪頭就知道堅印度，（好勁印度味我朋友頂唔順要坐出ｏｕｔｄｏｏｒ）等左一個鐘，有得食喇個咖哩角，同薄餅超得，其他都可以好正宗既印度菜有時間的話，可以一試

20.2搭車黎呢間評價不錯既甘地印度餐廳去到真係唔會覺得呢度係香港事關所有staff都係印度人, 得老闆識廣東話周圍啲客人9成都係老外嗰日去到得一圍客係hk人講下個餐先一開頭會有啲胡淑餅, 有3隻醬, 3隻味道都唔錯, 但我最鐘意係綠色嗰隻spring roll油多左少少, 皮就比中式既薄, 炸得很脆很香口鐵板免治羊肉羊肉味很夠, 夾埋啲洋蔥食, 正呀!咖喱系列細細碟, 撈飯之選! 蝦嗰個咖喱汁唔算辣, 啱哂我地!牛肉不錯夠淋~但個汁就辣左少少, 不過都好味~蒜蓉烤餅呢個油又係多左啲, 不過烤得夠香又夠脆~飲品加錢要左個芒果乳酪, 呢個味道適中, 芒果味夠, 好飲~但另一個rose milk就太濃味, 好似飲緊香料咁-.-隨餐有soup同甜品, 個甜品只係一忽布丁, 不過冇乜所謂, 因為已經食到好飽~=]ps. 食野嗰時成日比隔離兩個老外姊弟望, 唔知佢地望啲乜?最好笑就係望番佢地個家姐就回避, 細佬就微笑XD

去東涌睇戲, 順便去試吓此餐廳。有專車接送, 車新凈, 舒服, 車到前來電 re-confirm, 準時在東涌地鐵站接客。招呼很好, 識講廣東話, 有好多外國人幫襯, 香港人一家大小都有, 見佢都幾多熟客, 地方細細, 但坐得好舒服, 可坐露天門口位。可叫外賣, 自取或送上門都得, 吃完可送你回東涌地鐵站3人套餐 (每抬有3款醬汁拌吃) :-~ 是日餐湯 (栗米忌廉湯, 我們4人, 佢送多一碗俾我o地, 每人一碗, 好細心)~ 胡椒餅~ 羊肉腸~ 薄餅 (原味)~ 咖喱蝦~ 鑊仔雞 (肉比較o鞋)~ 咖喱粟米蘑菇~ 白飯~ 甜品 (椰果芒果布甸, 好多椰果肉)~ 飲品 (汽水, 凍印度奶茶, 加十元轉了一杯芒果乳酪)另加 :-~ 洋蔥薄餅 (洋蔥切碎均勻夾在薄餅中央煎香,食落好香洋蔥味)~ 香蕉乳酪~ 印度沙律(應該用乳酪汁撈, 好多蔬菜, 睇落好細碟, 食落份量唔少)~ 炸芝士(口感似吃炸豆腐, 有6件 - 1-1/2" x 1-1/2")以上整體都好味道, 唔辣, 我的小女用咖喱汁撈飯, 食到唔停口, 連加一都係HKD360, 非常抵食

知道地址，但在東涌找不到藍的，再打電話去，老闆話有車接送，原來東涌好多小食肆有 shuttle bus 於地鐵站側接送，等了約十五分鐘有車到，店舖唔算大，家庭式感覺幾舒服，而食亦唔錯，不過我個人比較喜歡辣，就覺略有不足，下次再幫襯，點菜時要叫加辣。Tendoori Chicken 唔乾，味道亦夠，羊最得手，味道夠濃，相信最弱是牛，基本上可以毋須點牛類，Naan 類亦做得好好，整體味道唔錯，是一間可再幫襯的食店。

小弟同老婆住響東涌，都知道呢間野好耐喇。不過由於要去果度要坐佢\\\地ｄ專車，覺得好似唔係好方便咁，所以一直都冇去，只係有次唔想出街食，響屋企手到拿來佢\\\地張ＤＭ，叫過一次外賣。好地兩公婆心唸就黎要搬，又見佢\\\食評咁好，所以一於坐言起行去試吓。仲有另一個原因，就係因為我老婆係蟹精，佢\\\話果度Ｄ咖哩蟹聽講好掂喎，所以果晚嚷著要去試試．．．唔見佢\\\架車響小巴站，我就call去，幾分鍾就有車來pickup喇。雖然去果時已差唔好９點，但同車仲有另一個家庭，佢\\\地都幾旺喎；架改過ｏ既van仔都幾舒服。好喇，一坐低就梗係即刻叫個炒蟹啦．．．好可惜，由於果晚太夜，已經冇都叫喇。個識廣東話個老闆話，佢\\\地只係賣新鮮蟹，魚檔收左就冇喇．．．換言之，如果早ｄ有人叫就會飛車出去買，咁都幾有heart喎！結果，我地除左叫了雞串燒、咖哩牛，瑪沙拉羊架同plain naan外，仲叫左個燒大蝦。好大驚喜就未算，不過不失啦，係ｄ蝦細隻左ｄ啦（因為叫時以為係亮蝦）；d 新鮮出爐o既naan真係好好食。

第一次去呢間食~5個人食左個4人既set dinner~入面既員工全部都唔係香港人~但好在老闆識講英文~nice!好多外國人食~我覺得最好味係d薄餅+咖哩~食左咖哩羊~咖哩牛~咖哩雞~同咖哩蝦~好味~同埋幾有風味啊!

朋友搬了去東涌, 我們一行五人趁著周末走了去作一個遲來的house warming.由於朋友不喜下廚, 午晚兩餐當然就要往外跑了. 午餐於東薈城的"嚐越", 或會另文再談, 而這個是遲來先上岸的印度菜晚餐食評.這間甘地印度菜館位於較偏僻的村屋地區, 交通不太方便, 最好當然是自行駕車前往, 否則可要求店方安排專車接送往返東涌, 不另收費.小店格局, 室內只可坐約二十多個人左右, 從服務生到老闆清一色印度朋友, 但老闆操流利廣東話, 且友善非常, 溝通絕不成問題.我們自攜了兩支餐酒, 每支收開瓶費三十, 有足夠酒杯提供, 十分合理. 我們要了以下菜式: 瑪沙拉咖喱芝士球, 咖喱汁香甜味濃, 芝士粒則味道輕清, 整體上跟我們帶去的Riesling Spatlese甜白酒相當配合, 吃得開心. 蒜蓉炒菜, 以椰菜為主, 炒得夠香, 一碟不夠後來再加, 但再來的一碟略鹹, 不過也被我們掃清.Tendoori Chicken鐵板烤雞, 醃得相當惹味, 加上鐵板的熱力, 未吃已先聞到香味十足, 肉質亦尚算嫩滑, 水準很高, 絕對值得一試.雜錦串燒, 依然是雞串做得最好, 豬肉味道不錯可惜口感略硬;

睇食評話呢間印度餐廳出品唔錯,咁咪專登去試吓,去到見環境都幾乾淨, 招呼都非常週到, 叫咗個'咖哩羊' (大辣), 同行果個食唔到辣,老細介紹叫咗個'蛋汁香燒雞件' (唔辣),再叫兩杯酸乳酪, 一個白飯同埋一客薄餅.等咗差不多半粒鍾, d 主菜先到, 老細話因為即刻做嘅關係, 所以就係耐咗少少, 但係客人一般都會等嘅.一試d '咖哩羊', 真係唔錯, 汁料香濃, 羊肉新鮮嫩滑,真正印度風味..................最出乎意料嘅係個'蛋汁香燒雞件', 成日諗住食印度嘢唔食咖哩好晒,又諗住話明燒雞件, d 雞肉梗係好(鞋),但係一試, 真係好似日本卡通片裡便d 食神咁嘅反應----- 好好味呀!d 雞肉好嫩滑, 配埋d 香草醃料..................真係好好味.當晚座無虛設, 但全部都係老外, 得我地呢枱係中國人.埋單都只係佰零蚊, 仲有專車出東涌地鐡站添.

我在青衣打電話到甘地問有無車接送. 佢話有, 仲講埋車牌. 佢話如果無車就再打電話比佢. 我出到MTR station 有甘地的Van仔. 車程3mins.左右.入到甘地, 未有其他客, 只有我和老公.镙 老闆識廣東話, 可叫他介紹一下各餸菜, 可辣/唔辣.我o地叫o左二人餐, 只係HK$158.00. 有湯,胡椒餅, 咖喱角/春卷, 香蒜烤餅/洋蔥薄餅, 串燒雞/雞亦, 鑊仔咖喱(羊/雞/牛), 白飯, 咖喱薯仔椰菜花, 甜品, 飲品.雫 我o地又試o左香料炸魚件(HK$45.00), 飲o左1杯生啤(HK$25.00), 2枝細青島(HK$18.00), 埋單HK$270.00.走時, 另有2檯客. 走到出門口, Van仔已準備載我o地返東涌MTR station.甘地藉得一試的印度菜.

Very delicious, expecially garlic nan, kashmri nan, mutton dishes....Good quality of customer service!

為何會有這種服務態度?我跟朋友曾到東涌食好味咖哩, 認得路, 卻忘記了店名, 於open rice找到了此店, 打去問下位置, (check下是否我們曾到的店鋪?) 他說東涌只有他們一家咖哩, 叫我馬上book位, 所以亦book了昨晚12人. 我一直都認為那一間就是我們曾到的好味咖哩. 怎知我們去的好味咖哩是在2x號地下(不是8號甘地,被騙了!!) 當然沒有去甘地!昨晚我朋友已經電話說不好意思不來了!今天竟然甘地打黎, 鬧我, 問我為何不去? (我當然沒有說去了另一家, 我說朋友已通知不來了! 他說好彩不是星期5,6, 會阻住佢做生意! 我再說不好意思! 他還繼續說!! (激死我!) 我話以後都唔會去, 佢話多謝你以後都唔黎!! 收線!邊有咁既態度架! book左,不可以取消的理由嗎?

Set Lunch我叫了一個咖喱羊肉套餐,可惜我唔記得叫加辣,但都幾好味,個餐超豐富,而我當然食唔晒喇,薄餅可改為白飯,涷飲又不用加錢,而我就叫了杯涷咖啡,點知內裡有隻大蟻,我梗係叫老闆換個杯喇,可是杯野就勁難飲.粟米湯: 味道麻麻地,很淡.超巨型咖喱角: 剛炸起夠熱,幾好味,但皮太厚食完已有點飽.胡椒餅: 好薄好脆薄餅一大塊(已切成3件)咖喱羊肉: 好好味飲品一杯: 涷咖啡好難飲最後不需加一,合共$42 (抵)

一家人來東涌, 難得老人家不介意食印度菜, 一行七大一細七點前來到, 只見有一檯四人的食客; 原以為地點偏僻兼食材另類沒有太多人會來, 怎知到八時多開始已座無虛度, 門口還有一些情侶在等位呢! 由於似是家庭式經營, 由樓面到廚房只有三、四個人, 似乎人手不足, 因此上菜較慢。是晚點了十多樣東西(連飲品)都只是盛惠六百大元, 的確抵食! 雖然大部份的菜名已忘記了, 但總括而言各樣都頗好味的, 再加上一些印度醬汁….甜的、咸的、辣的、酸的、澀的也有, 很久沒試過吃得這麼過癮了!! 尤其烤餅一叫再叫, 回味無窮! 飯後來一杯不錯的凍香蕉奶酪, 醒胃之餘亦可解辣。雖然他們沒有甚麼笑容, 卻又不太介意, 仍然是很值得再去的一間餐廳!