合益蜂場

Open Now

Now Closed

週末得知荔枝窩有農墟，專程坐船入去睇吓。回程就經山路走，回烏蛟騰終點站。逛完墟市，起程行去三椏村中心點補給。途經合益蜂塲，走入去幫襯下冷飲。老板介紹了自家製嘅柑桔蜂蜜，嘩！透心亮，不甜膩，好好飲，消暑又解渴。見有點肚子餓，點了碟家鄉炒米粉，真係好地道，夠鑊氣。材料非常豐富，芹菜，洋蔥，木耳，蛋絲，叉燒….......…. 米粉炒得乾爽，大大碟，價錢又合理，好味。食飽飽又要繼續餘下嘅行程了😭炎熱🥵

遲咗寫食評。1/1影紅葉，入三椏村食好西。行山客有口福，三椏村各間食肆都高質！食得多福利茶室，今次一早訂枱，轉移去合益蜂場有驚喜！黃酒雞必食，冬天食更暖身；蒸蠔夠大隻夠鮮！木瓜魚湯好飲！蠔餅足料，客家炆豬肉具水準。還有惹味椒鹽鮮魷、客家釀豆腐都好食。我冇食豬手未能評論，只係白灼鮮魷較一般。買埋蜂蜜，老闆見我哋咁幫襯，送咗頭盤醃蘿蔔（夠爽）和木瓜，還有飯後甜品花生餡糯米糍。十人食攤分，性價比高，完美的一餐😋

颱風過後，秋意漸濃，天氣清朗，適合郊遊。今天三人輕走印州塘郊遊徑，途中在三椏村蜂場午餐休息下，吃了幾個清淡客家菜。木瓜雜魚湯一大窩，材料有十多條手掌大的小魚，豆腐，木瓜，十人份量三個人真的吃不了。老闆話魚是晚上放籠，早上捉回來，所以很新鮮，魚沒腥味，喝了濃湯，魚醀上豉油也很好吃。客家咸雞咸雞半隻，皮爽肉咸香，有質感。老闆沙頭角入貨，現在疫情，不能過關也可以吃到大陸雞味道，不錯。白灼大尾魷魚魷魚也是老闆自己釣回來，新鮮爽脆，配合芽菜香芹很鮮。家鄉炒米粉配料有咸肉絲，木耳絲，韮菜，蛋絲，炒得乾爽不油膩，做单尾，填填肚子也不錯。

06/06、全日雨不停，勇字行頭決定繼續計劃好的行程，身心疲累之際，一行四人來到合益，老板娘coolcool哋但原來好好人，借電話報平安（烏膠騰開始己冇信號）原本叫杯水欲叫人冲壼靚茶來... 👍 好啦講返餸菜，叫左Xo 醬招牌炒飯，白灼水釣大尾魷，家鄉炒米粉，自家制咸柑桔蜂蜜，蜂蜜冷粉（抱歉，行程匆忙忘記影相🙏）簡單餸菜欲極之好味，彈牙鮮甜，唔油膩唔渴喉，一個字「正」仲有魚湯及其他想試，會再來😋😋

☀️天朗氣清，是行山好日子，今日挑戰耐力，由烏蛟騰停車場行入荔枝窩，原本想在荔枝窩吃午餐，但原來已經面目全非，食堂已被取締了！回程行至三椏村已是二時了，就在這裡吃點東西。不過這裡似食店多過似蜂場，我反而想知有甚麼可吃一張餐牌，底面兩面，所有菜式收錄在其中。香煎土蛋蠔仔餅，蛋味香濃，煎得香口但不油膩裡面充滿不同的料頭，蠔仔爽脆鮮甜美味客家燜豬肉，燜得入味，豬腩肉肥瘦適中，下了很多的木耳和唐芹，還有咸菜和炸豆腐減少肥膩感，也很有風味，送白飯一流！客家白切鴨比較失望😞，鴨味啖，蘸料是檸檬配蕎頭，欠特色，輸了鹿頸松記的客家醋鴨成條街不過XO醬招牌炒飯和清炒菜心郤挽回不少面子，炒飯料頭豐富，不油不咸，菜心清爽甜美，健康有益雖然走了很多路，但吃完這頓飯，總算值回票價，增加了不少能量踏上歸途👣👣👣

這天跟一位小學同學"東東"到烏蛟騰hea行半日遊, 天色雖不是陽光普照但也可算春光明媚, 以好悠閑的心情慢行出三椏涌再慢轉出三椏村途中經過一排小村屋, 那裡就是” 合益蜂場”了, 餐廳是開放式的, 夏天來的話就要預咗無冷氣了, 當天氣溫剛剛好在20度上下, 完全適合在外用餐, 這裡廚房在餐廳的一邊但又無好大油煙喎! 我們看見有員工在洗蠔, 不過他們做的是”原隻蒸石蠔”$85/10隻,而非一般的開生蠔者蠔仔粥, 煎蠔餅就有, 我們當天叫咗:走地雞半隻 , 肉質真的幾似在大陸食到嘅瘦雞, 皮下脂肪甚少, 肉質幾結實下!雞嘅調味偏淡嗰隻但又不會是淡而無味!香煎客家蠔仔餅$90 基本上是一片薄蛋餅, 蠔仔数量不多, 煎得有點乾, 可以講係健康版的煎蠔餅, 但這樣口感又會是比較削身, 蠔味不特出, 蛋香亦欠奉, 以90蚊來講似乎有點不值家鄉炒米粉 $55 這個炒米粉起碼材料豐富, 顏色看上去十分之多,調味亦是偏淡口, 不過份量相當夠!XO醬招牌炒飯 $55 同炒米粉一樣, 料頭豐富味淡但又剛剛好, 但XO醬就似乎唔多覺, 都可以理解嘅, 50幾蚊的炒飯, 用得幾多XO醬呀!淮山雙芹炒勝瓜$68

今次鳥蛟騰行山之旅其中一個目的就係要去合益蜂場食晏，雖然捃定電話地址，但原來果頭手電係接收唔到，行到好攰又要捃一輪先捃到在十字路口時都唔係咁覺眼有個指示牌有一顆木瓜樹企響樹歡迎我地，仲有兩三條狗...... 當中有一頭狗伏在石欄內向我勁吠，嚇到我半死，老闆解釋可能我有染髮，因那頭狗專向外籍人士吠...... 就係依樹，急不及待衝入去坐低休息，可能過晒午餐時間，內裡靜靜的，已沒有其實遊人；己經下午三點，老闆們話如果我地遲多五分鐘，佢地已經出咗去釣魚喇。地方不算大 ，室外有一個小小的蜂場和少少農地在荒山野嶺地方居然有咁多選擇，真好!先來解渴冰飲鹹檸七和鹹檸樂 (本來係ORDER檸樂，但這兒只有鹹檸檬，故有些改為鹹檸七)鹹檸檬係老闆佢地自己浸的。先來半隻客家咸雞，我覺得可以再咸番些少，上檯時雞是暖暖的，應該係有客人ORDER再輕輕翻熱，肉質不算嫰滑，但水準也不錯!這碟家鄉炒米粉很足料，一點也不油膩，非常好 ! 最後老闆捧上一碟石蠔，ORDER前老闆已老實說今次D石蠔唔夠肥美，但很鮮甜，所以我們也叫了十隻。聽聞這兒的石蠔是來自附近的印塘洲 。老闆親自教我地開蠔，仲話我地知蠔殼上依附著不多不少的

二零一二年的一月五日，正值冬季，天氣本應寒冷乾燥，但這天剛好相反，氣温不算很凍約十五六度，不過天氣就似回南天多過冬天，十時半在新娘潭仍像下濕霧似的，不過其實是下雨，因看了友人行山網頁對此蜂場的推介，所以我和另一友人一行兩人，雖然下雨，仍甘冒雨走入三椏村一試。因為在雨天走入來，所以入到去合益都只見兩枱行山朋友在開餐，我們也急不及待叫了食物，不過因為只得兩人，所以只叫了三個餸…… 先來半隻客家咸雞，一吃就知道是做足運動的走地雞了，雖說咸雞但咸度剛好，夠雞味，又沒有肥肉，連雞皮也不肥而且爽口，難得的好雞，友人話比橫琴走地雞及紅街市的龍華蔥油雞更正，不知是否自養的走地雞呢？樓下的食評說是內地送來的雞，如真的是內地走地雞，這雞就真的處理得很好了。 第二道的是煎蠔餅，煎得夠脆，但和潮州檔煎法有些少分別，這裡煎得不太乾，蠔餅內的蠔仔仍很多汁，蘸一點辣椒豉油，鮮味到不得了呢 最後上桌的是砵仔蚊五花腩，蚊好的五花腩層次分明，亦是不油不膩，連肥肉都可以蚊到爽口，甚至連料頭像咸酸菜也很入味，真是一絕！我們吃了一半才發覺未叫啤酒，勿忙叫了一支，老板從雪櫃拿出一支發了毛的青島，夠晒凍，只售十五蚊，抵到爛！夏天再

五月三十一日三小時腳程後．．．甫入石傳大宅，靚姐同老闆曾生是當地人士，健談又好客，要半隻三杯鴨他說吃不完的，例牌吧，鹹雞打壹隻（廚友在路程中見愈來愈多行山人士，暗叫不妙，連打兩個電話確認要留壹隻雞哈哈！），炆豬腩一客一砵無散叫的，廚友想吃的石蠔這裡亦長年供應，七十元一客廿隻，最後四十元打了十幾隻回來，見有包公魚，八十八元，大有機會是養的，但未試過也就試試吧。先來砵仔炆五花腩同三杯鴨，前者用上麵醬、醬油炆煮，味道夠濃有麵醬的甜香，豆卜已索盡其味，腩肉件件切成丁方炆得夠味鬆化，肥的部分亦不膩，加上唐芹同蔥的香，還有極富特色的木耳，是市區難吃到的鄉土味道。三杯鴨見夾有斬碎鴨頸，在鑊頭煮時還以為是炆大腸，走酸甜路線，有老薑同花椒八角的藥料香，鴨肉煎過再炆，肉雖然老了一點，卻集甜、酸、辛、鹹四味於一身，味道不胡混，是有特色的農家味道。鹹雞，靚姐也老實相告是內地來的，看皮薄色淡樣子，比起碼頭側興利士多所賣的肥黃油雞更吸引，雞用粗鹽醃後，有客叫再翻蒸，在沒有雪櫃年頭，中午吃不完晚上也可以吃。鹹雞帶薄薄雞味，醃的功夫沒客家好廚那麼出色，鹹味似有還無的嚐過，雞背的位置很滑皮有微微彈性，不油，雞髀對上肉厚

2008年8月大家一齊由烏絞籐行至三椏村, 見路邊有間村民開舖仔有"冰凍"蜂蜜, 就坐低稍為休息及降降溫~~ 原先諗住飲杯蜂蜜就再繼續行, 見隔離對夫婦點左蒸魚, 睇落又好似唔錯, 而其中一名"為食鬼M"亦開始口水流~~~~ 夫婦玩還對我地講, 真係好食架, 試唔試下, 另一個"為食鬼E"就話, 係咪架, 咁我黎試架喇~~ 對夫婦真係好 NICE, 比左條我地試, 嘩~~~真係魚有魚味, 好鮮, 係海魚黎丫~~~大家就即刻揀幾條黎蒸啦, 順便蒸個茄子, 對夫婦仲介紹我地食埋炒米粉添 !!! 米粉絕對唔油膩, 用蔬菜如木耳, 椰菜等同炒,簡單得黎好味 !! 便宜有好食 !!食飽飽~~~又繼續消脂去 !!PS~~

五月卅一日絕對不是行山愛好者，是日卻花了兩小時腳程，與三位食友專程由大埔新娘潭行入沙頭角區三亞村．．．走到烏蛟騰，之後有唔少的人交差點，回頭路也走了好幾遍，是有點茫然亦帶點無奈，打了五、六次電話問店方點行，美味的炆豬腩源動力下，終於捱過艱辛的旅程．．．由山林蟲聲到聽到熱鬧開飯聲，如重見天日！走到合益蜂場，同幾位食友一樣，第一件事不是點菜，而是來杯凍檸蜜消消暑！兩位廚友已醒目地坐在對著蜂場的露天位置歎蜂蜜，當地採當地吃，風味甚佳，純天然蜂蜜開的鮮檸蜜，老實的蜜甜是出面喝不到的，尤其在大汗淋漓的大熱天，沒有比此更透心涼了，一杯過後，胃口開始返來了～是杯正重得不得了的檸蜜，走前又買來一瓶蜜糖，六十元，唔平的，勝在無添加，多作手信拿回家作蜜糖脆多，效果唔錯。