高興+ (Closed)

啱啱開返堂食 唔多人去入到去發現環境幾靚叫左個set dinner 分量絕對夠食！！！不過杯嘢飲麻麻 啱影相多啲🤣所以話Happy hour 都係叫啤酒好啲得閒放工都可以嚟飲兩杯

昨日去北角拜完年，由於開始放寬有晚市堂食，朋友提議去試吓E間餐廳。一入到去就被佢嘅一幅舊北角邨+碼頭巴士總站嘅壁畫吸引住，對於30+嘅我自然印象深刻。但由於壁畫附近有其他食客在用餐，所以就冇影到。我哋一行四人，叫咗個2人套餐，另外再散叫咗個pizza, 炸魚薯條，意粉等。2人套餐包餐湯，沙律，10安士牛扒，一個意粉或飯，飲品及甜品。就我哋所叫，每樣食物的份量都大大份，質素亦都好好。我個人比較喜歡佢嘅牛油果大蝦pizza，同套餐裡面嗰個豆腐沙律。Pizza係薄身嗰款，批邊脆而且隻蝦都好大隻。而炸魚薯條份量亦不少，好好味，但略嫌佢D薯條炸得過咗少少火。店員服務質素十分好，應我哋嘅要求，幫我哋換咗兩次碟。又定時過嚟幫我哋收拾。整體來說，我十分滿意昨晚嘅用餐經驗。

有cafe靚裝修但只係茶餐廳價錢嘅良心店。餐廳好大，一邊係懷舊風，一邊係純白簡約風。星期六下午茶有十幾款選擇，全部$50內，咖啡仲有拉花，性價比高！我哋叫咗香蕉朱古力班㦸，炸魚薯條，焗肉丸通粉。

之前去左北角呢間餐廳食晚飯, 唔係第一次去食, 不過佢轉左MEAU, 所以今次叫既野食同之前係唔同既我地叫左個小食<黑松露薯條>, 呢個係次次食親都會叫既食, 佢既薯條唔會話淋, 同埋個黑松露醬真係好好食,相信都係自己調, 而唔係買現成既主食方面我地就叫左個辣肉腸煙肉PIZZA, 本人就喜歡食薄D既PIZZA, 所以佢個PIZZA真係好岩我食, 不過佢個辣肉腸就唔多夠辣啦, 如果怕辣既朋友相信都食得到另一個主食就係法式橙醬三文魚扒, 因為有橙醬, 所以油膩感唔高, 食既時候覺得好FRESH, 不過份量就有點少, 如果大食既朋友就應該唔夠食另一個主食係牛扒, 友人話好好食, 有肉汁又唔韌, 佢配左個汁, 朋友就話加埋個汁係好食好多,到埋單個時, 佢地仲送左枝野飲!

這家位於北角Corner位的西餐廳，環境一流，高樓底，裝修好舒服，地下全透明玻璃，是這間餐廳賣點。食物質數一般，但它的飲品味道及賣相都出色，選擇很多。下午茶很抵，可加錢轉smoothies or Sparking wine，這個對我來說是亮點。晚餐沒有餐，價錢中價。如我選擇，這餐廳最適合吃早餐及下午茶。地址北角琴行街21-23號港濤軒地下1-2號舖Shop 1&2, G/F, Island Lodge, 21-23 Kam Hong Street, North Point港鐵北角站 A1 出口, 步行約2分鐘

二零二零年十月二十一日七時黎到北角渣華道高興+係外籍女士staff 大家要用英文點餐啊不過個個都好nice 好helpful 先探熱再入座華爾道夫炸魚沙律$70好大份炸魚好熱辣辣 脆卜卜沙律菜好新鮮有蕃茄仔 羅馬生菜 羽衣甘藍 青椒條 火箭菜蕃茄菠菜芝士雲吞 $72份量夠哂蕃茄蓉酸酸甜甜雲吞好包滿 爆哂芝士仲有黑醋爆珠仔 好surprise美國厚切有骨豬扒$174超厚切豬扒 揀左蒜蓉汁好match 薯條炸得岩岩好 脆到呢有埋小小沙律伴碟兩個人盛惠$335 夠哂滿足要再encore

朋友帶我去北角食lunch，入咗一間嘅高興嘅餐廳，聽個名就好老土但係佢個裝修都幾特別又精緻，呢間屬於多國菜餐廳，西餐鋸扒又有、韓式又有，意式都有，分量大而價錢抵，我食咗個韓式雞肉泡菜烏冬，難得佢用到庭烏冬彈牙又爽口，吸收左韓國辣椒醬同泡菜嘅味道，好正👍

今日路過北角去吃tea, 見到有afternoon tea menu就走入去食，叫左個迷你瑞典肉丸意粉,個送既茶好快就送到，但等左半小時都仲未見有野食，問下個侍應，佢哋話去催催，再等多幾個字，都仲未有，又冇人同我講發生咩事，由你係度猛咁等，最後要轉牛油果多士，然後先慢慢上菜埋單時個侍應先走去話個廚房焗爐壞左，話佢哋都不知情wor, 咁老實講你們係咪都應該主動提個客去轉單，而吾係就咁由人係度傻傻地等囉，內部溝通咁有問題真係好難叫人有回頭。。

坐車幾時見過依間餐廳，已經比佢個裝修吸引咗，而且每次經過都見佢有幾多人食喎。今日終於有機會你試吓啦,今日就點左個蕃茄吉列豬扒烏冬，個份量呢都幾大件嘅，蕃茄呢雖然就唔係新鮮蕃茄，你可以當係有一個用茶餐廳嘅價錢，質素亦比茶餐廳好，亦可以食到好多唔同菜式嘅食物。加上佢個裝修呢，表現出以前嘅北角情懷。而家嘅北角多咗好多新式嘅大廈商場，依間餐廳保留左以前屋村嘅磁磚地板，亦喺牆身畫出以前北角村嘅環境。我認為最大嘅特色呢就係嘢飲可以叫枝裝嘅維他奶，雖然暴露咗自己嘅年紀，但真係好好飲啊，而且唔係間間餐廳都有得叫，大家如果去到北角嘅話得閒試吓依間餐廳呀！

食物一般，但用餐感覺超差。首先我一早去到餐廳，已講左我已訂檯，佢哋冇幫我留檯，仲冇招呼，叫我隨便揾位坐。之後我坐低咗冇耐，有侍應迫我叫餐，我話朋友未到，要等齊人落單，佢話我至起碼要叫d野食/飲品，否則唔可以留檯俾我，我只好被迫叫了杯飲品。用餐後，有侍應迫我們要立即交檯，話用餐時間有限，仲好串咁講話menu已寫左，叫我們即刻還檯，但我由打電話訂檯，入座，用餐期間都冇員工同我們講過有用餐時限。最後我們只好不愉快地即時埋單走人，咁的服務態度我唔會想再去此餐廳。

今日去咗happinesssssplus食午餐，menu無論食物同飲品上都有好多選擇，環境好舒服，近地鐵站，所以都幾推薦大家去食佢都有缺點嘅，例如佢嘅上菜速度慢，我等左二十幾分鐘，不過如果係同朋友chill住食，其實都可以接受。-🍝試咗個麻辣肉醬意大利粉，冇諗過成件事可以咁夾，餐廳嘅意粉都係偏彈牙，好好食，唔會話係激辣，不過麻得黎真係好香口🍝另一個係煙肉辣肉腸意粉，蕃茄味偏甜，不過整體就唔算好驚喜🥛飲品方面我叫左抹茶拿鐵，係我最愛！預咗唔係cafe水準，不過佢有加whipped cream,所以都有加分

二人套餐前菜是普通的蔬菜沙拉，菜比較新鮮，味道正常。餐湯是酸甜口，以蔬菜為主，用番茄小米菜等調味，湯色呈紫紅色，口感一般。主菜點的是牛扒，肉質口感一般，牛肉味比較淡，黑椒汁很咸。薯條有部分炸焦了，番茄醬不錯。主食點了海鮮飯，很好吃。海鮮有蝦，花甲，青口，食材新鮮，飯伴著湯汁很鮮美。

返intern最開心唔係放工而係lunch hour可以食好野今日就黎到北角哩間cafe食好西🙈間cafe叫高興+ 聽到個名都覺得開心入面嘅裝修好特別 我估佢係想模仿舊香港嘅佈置🙈.今日食左韓式泡菜炒豬肉飯 $63佢唔同平日食嘅韓式炒豬肉用嘅唔係五花肉 而係豬扒雖然豬扒稱唔上係多汁但肉質算係幾軟冧醬汁酸得黎帶有微辣 而且仲有好多泡菜哩個價錢黎講真係非常抵食😆

無影相因成件事太突然！ 星期六一家三口去食午餐、第一次幫襯。午餐點左carbonara 同蕃茄吉列豬扒烏冬、再諗住等2:30叫多個下午茶比阿仔！ 野食唔太大問題、炸野係少少太乾但ok的！但carbonara黎到變左通粉非意粉，阿仔唔食、問清楚店員係廚房改左但無通知、所以我只能抱歉地讓他們取消、店員一開始唔太明要再轉手有個senior先處理到！食到半路、有另一枱客入黎話我知身後天花冷氣滴水、我一擰轉唔係滴咁簡單係開水喉咁、我架bb手推車全濕連帶我背囊都濕！即時起身處理通知店員！店員a隔一分鐘出現拿住支長棍上面包住抹布、意圖印下...我忍唔住話你望清楚係水柱咁喎！佢呆左唔識反應！轉個頭講英文店長出現、我要再轉channel講一次先有人拿個水桶黎！跟住我開始又好忙咁叫人拿紙巾比我抹車抹袋...無人主動問我要啲咩或者叫我換枱...外語店長返轉頭...竟然係用手機向天花板位置影相...我真係有啲嬲...唔通影相緊要過處理個客？外語店長說佢要report to her boss ...我真係多謝晒. 佢影完、我問係咪會換枱因為我個位置個地板全濕、店長指下唯一嘅吉枱叫我過去、但轉頭另一位店員b又帶左

都試左幾次叫呢間既外賣下午餐飲品野食質素都幾高汁特別鍾意個是日沙律時不時會轉款，今次係凍豆腐加芝麻醬汁同沙律菜上次試過係有煎雞扒配黑醋汁、份量仲要都唔少！製作良心飲品方面，多數都會叫latte佢味道都有好多款有green tea/vanilla/hazelnut.......同事就比較鍾意🍓🍓乳酪沙冰味道都幾濃、足料好香士多啤梨味最重要係佢地外賣落單到製作都好有效率講好左幾點去拎外賣都相當準時去拎野食個陣都仲係熱辣辣唔係hea交貨 預先整定好多咁