快樂麵麭

Open Now

Now Closed

難得經過灣仔，所以專登去重新裝修之後嘅快樂麵麭(前身係快樂餅店)睇下有乜款式嘅麵包可以買.奶油筒 $11每次見人必提嘅奶油筒睇落好細個，朋友話以前唔算好細個，而且只係賣$7~第一次食奶油筒，外面酥酥脆脆，夾埋吱咗喺裡面嘅甜忌廉一齊食，係種傳統嘅味道啊💕.原味麻糬QQ波 $10依個麻糬QQ波比坊間賣嘅大好多，應該有一個拳頭咁大！返屋企之後拎去焗，點知焗到個頂焦咗😅雖然外皮好脆，但裡面只係得兩舊好細嘅麻糬，真係令人幾失望！.芋茸布甸蛋撻 $13拎返屋企個陣蛋撻已經變哂形喇，可能係佢嘅曲奇皮焗得唔夠耐，所以有少少淋！依個雙層厚仲加咗芋茸嘅蛋撻，比傳統蛋撻更甜啊~.裝修之後嘅門面同以前完全唔一樣，價錢都貴咗唔少啊~有少少懷念以前舊式餅店嘅模樣！

10年前喺灣仔返工嘅時候食過，十年後返返嚟灣仔返工，竟然話執咗。不過冇幾耐又話會搵嗰個地址重開。開心仔。真心戥佢哋高興。恭喜晒！！！今次買咗忌廉筒，依然都係好好食。好高質，過兩日要試埋其他。有時條隊都幾長，要預多少少時間先買到。

見快樂餅店重開梗係要黎幫襯下😍，終於有得食返佢既蛋撻😳。不過夜晚去到蛋撻已經賣晒，淨係有芋頭麻糬蛋撻，忍唔住買2隻試下。第二日lunch再去就成功買埋蛋撻同麻糬波波😎。🔅朱古力麻薯QQ波 ($10)麻糬波波好食！大推！朱古力味濃🍫，中間仲有粒小麻糬🤣，加埋層菠蘿皮香脆又煙韌🤤。夾既時候仲係脹卜卜，係店員將3隻塞埋落一袋先壓扁左☹️。不過都無影響佢既味道😂。🔅綠茶麻薯QQ波 ($10)作為抹茶控，見到佢寫綠茶味本身無打算買🤣，但見到呢隻脹卜卜又大隻(大過拳頭)就順便買埋😎。綠茶味幾清香，入面都有粒小麻糬，意外地又唔錯🥺，好彩有試埋綠茶味🤤。James bon bon既偏軟身，快樂呢款就外層厚啲，外脆內軟，夠煙韌✨。🔅芋頭麻薯布丁蛋塔 ($13)芋泥唔算多，幾香蛋味同牛油味，麻糬偏黏、奶味較重，唔算太有咬口但同蛋撻幾夾。如果食厭左蛋撻轉下新口味食呢款都唔錯😋。🔅蛋撻 ($7)水準同以前都差唔多，不過貴左$2 🤣。同同事各買半打但返到去先發現佢嗰盒少左一隻…💬快樂餅店由傳統舊式麵包舖搖身一變，新舖位裝修光猛闊落好多，麵包款色仲好緊貼潮流😍，不過價錢都唔同埋🤣。但整體都唔錯，麻糬波波誠意推薦！

喺灣仔呢頭返工，之前一直有幫襯開快樂餅店，所以佢重開就即刻嚟試吓。見到佢多咗啲新嘅嘢，賣埋蛋糕，仲有其他新式嘅麵包，但係價錢比以前貴咗好多。買咗個紫薯麻薯包（$15，正常size）黎試吓，返到屋企一咬開發現啲餡偏少，有大半都係空氣，個皮都幾厚。之前一路都有買開佢哋嘅紅豆炸冬甩，印象中都係大概$6，7蚊左右，但係爆多餡又皮薄勁正，而家呢個紫薯麻薯包真係差好遠。而家新開嘅呢一間真係唔同晒，價錢比以前貴好多。好懷念以前阿叔喺度坐鎮，啲包真係平靚正。新開呢間好似用左佢個名但賣啲嘢唔同咁，下次唔會再幫襯😓

之前係快樂餅店就一直都有買泥食，而家重新出發，當然會去買！個人比較中意傳統麵包多於空心麵包，所以一開返店就去買泥食！睇下keep唔keep到。基本上價格都上調左2蚊或以上，都正常，因為而家好難會再有5蚊一個菠蘿包，而我今次就試佢個布丁！！！正到爆！！！ 可能因為人多，去得快，我咁岩買到新鮮出爐，仲熱，好正！有芋泥同埋底部有麻糬，味道好正！！！另外照舊食埋個人中意ge雞批！都係果隻味，而且一個就已經好飽肚。＊建議布丁，雞批或者蛋卡可以總共一次過買4個要個盒，如果唔係買得一，兩個只會比袋，會爛

新店將於明天6/3重新啟業前身為快樂餅店 聽日去應該要排長龍🥲⁡重現經典忌廉筒/老婆餅/皮蛋酥等幾想試佢嘅麻薯布丁蛋撻好好彩店舖能夠另覓新地點重開又可以重溫兒時最經典味道😉✌🏻

午飯時間經過，見到終於開返喇！但暫時係試業期間，唔係好多款式嘅包餅同埋收錢時有啲混亂，不過相信正式開業後會有改善。因為款式唔多，我去到忌廉筒、蛋撻都賣哂，要等20分鐘先再出爐，趕住返公司，唯有下次先再食啦🥹今次我買左麻薯布丁蛋撻（$13）、老婆餅（$8）同皮蛋酥（$8），三款都係岩岩出爐。🍮麻薯布丁蛋撻：外脆內軟，好香蛋味🥧老婆餅：外皮酥脆，內餡又唔會過甜🥧皮蛋酥：同樣外皮酥脆，內餡豐富✨3月6日正式開業✨正式開業後，我會再去買忌廉筒！！