快樂．順景

Open Now

Now Closed

上環懷舊麵包冰室(快樂 • 順景)，叮噹上身人人期望可達到快樂順景😆，舖面玻璃櫃放滿懷舊麵包相當吸引，店員好親切和有禮，卡位也很寬敞好舒適。❣️XO 醬特濃滑蛋牛肉飯使用日本4.3特濃牛乳滑蛋，口感香滑豐厚，牛肉軟嫩多汁，配上濃郁的XO醬料，層次感極豐富❣️黑椒牛扒餐牛扒香氣撲鼻，肉質鮮嫩多汁，黑椒調味恰到好處，薯條金黃酥脆yummy❣️ 吞拿魚沙律香脆牛角包香酥牛角包外皮酥脆，內餡蓬鬆鮮嫩，吞拿魚沙律濕潤鮮甜惹味，風味獨特，兩者完美融合。❣️ 懷舊菠蘿包香甜軟糯的菠蘿包，面層金黃酥脆菠蘿皮😋，內裡蓬鬆鮮甜香，撫慰人心的美味，令人懷念往日的滋味。

週末同朋友一齊嚟咗呢間港式餐廳食個 early dinner 🤣$66「香蔥櫻花蝦叉燒特濃滑蛋飯」：滑蛋夠滑，叉燒薄切幾好食，櫻花蝦脆脆哋，全部一齊要來撈飯食幾夾🤣$68「蔥油香茅豬扒🐷🥩煎蛋飯」：蔥油夠晒鹹香🤣，豬扒🐷🥩薄切煎炸得好香口😋，太陽蛋好太陽🌞，全部一齊撈飯食又係幾夾🤣$9「牛油皮蛋撻」：要咗兩個，甜甜哋🤣跟餐 凍特飲+$12，要咗「凍檸 無糖可樂」：凍檸樂就梗係好飲啦🤣跟餐 凍飲＋$3，要咗「凍檸水走甜少冰」：相當健康🤣

灣仔快樂x順景懷舊茶餐廳係上環開左分店啦❣️1. 瑞士汁雞髀撈公仔麵常餐 $60呢個常餐好抵食 有隻大大隻嘅瑞士汁雞髀 食落咸咸香香@多肉又多汁 個撈麵煮得啱啱好 乾身 咬落又彈牙 撈埋個汁甜甜地 好好食 仲有個炒蛋 佢係牛乳整 所以更滑身 而個餐包係迷你菠蘿包 超加分 個皮仲好脆+$12 雪糕紅豆冰懷舊飲品 超多紅豆係個底 仲有個雲尼拿雪糕溶住食 好正2. 叉燒蝦仁特濃滑蛋雙拼飯 $68大大碟 分量十足 個蛋十分滑 蝦仁爽口彈牙 叉燒軟腍又甜蜜 個飯軟硬適中 仲有啲蔥花係面調香佢 正+$12 檸檬利賓納好耐冇飲 酸酸甜甜 好解渴3. 蛋撻 $9果然係餅店 曲奇皮牛油香十足 咬落酥化 厚度適中 熟度啱啱好 上色幾靚 中間蛋香都十足 唔太甜 呢個價錢對比呢個質素係物超所值📍快樂．順景 上環蘇杭街19-25號永昌商業大廈地下B號舖

嘩！今日嚟上環呢邊發現人氣茶餐廳開咗過嚟！前身係餅店，所以懷舊包點睇落就好好食～常餐、午餐六十蚊左右超抵食，好好味😋！黑椒牛扒餐🥩 因為唔想食咁多澱粉，所以點咗個扒餐，兩大塊嫩嫩嘅牛扒加埋脆卜卜嘅薯條～真係好正！懷舊紅豆冰🫘 紅豆好多，煲得好軟爛，好唔錯～本來想試下咖啡紅豆冰嘅，突然點餐時唔記得咗😅，仲好經典嘅永遠無錯哈哈哈哈忌廉筒🌿 呢個都好好食！忌廉唔係好甜膩嗰種，而係鹹甜鹹甜嘅，難怪人哋話呢個係必點嘅！作為飯後甜品真係好正！BTW呢間店雖然新開，但係午餐時間好火爆，要有耐心等一等，不過老闆非常和善，加埋翻桌得好快～可以等！

返工路過上環蘇杭街，見新開咗快樂順景，灣仔嘅快樂餅店同埋順景茶餐廳 crossover嚟見新鮮麵包櫃，加分！仲見到有邪惡嘅忌廉筒，於是決定入去試下佢嘅早餐。港式早餐揀咗沙爹牛肉麵，沙爹濃郁又夠花生香，牛肉嫩滑，叫咗爽麵都做到佢唔係配普通嘅方包或者多士，而係一個特式餐包，開盲盒嗎😂最後係迷你菠蘿包，個皮好脆，甜甜地，配炒蛋唔錯。最期待嘅係忌廉筒！一咬落去已經覺得好脆～ 內裡嘅忌廉有少少鹹，但係非常輕身，食落唔會覺得漏。原本仲擔心食唔晒，點知成個筒都俾我食哂，一早勁滿足。🙂‍↕️

一向都好鍾意食快樂餅店嘅麵包，之前佢灣仔舊店關閉咗嘅時候仲，特登去排隊買咗一大袋包返去同屋企人share，好彩佢哋之後開咗新鋪，最近仲喺銅鑼灣同上環開設左佢哋嘅茶餐廳，而家唔使特登去到灣仔都可以食到佢哋啲麵包啦～.🍽上環店新裝修環境寬闊好坐，牆上有好可愛嘅壁畫，成個裝修好溫馨舒適。.首先叫咗個常餐同埋全日早餐同大舊Share。雞白湯叉燒湯烏冬嘅湯底非常之濃郁，叉燒偏瘦，唔會感覺好肥膩係，比較健康家常。餐點搭配埋火腿、煎蛋🍳及特色餐包，當中最有驚喜就係非常之鬆軟嘅迷你菠蘿包，果然快樂餅店嘅包係唔會令人失望嘅，外脆內綿密，熱辣辣配上一杯邪惡有大量cream嘅西班牙咖啡，吃完令人整天都充滿能量🔥。.全日早餐嘅秘製他他醬炸魚柳🐟超級大條，特濃4.3牛乳炒蛋裏面加入咗黑松露黎炒，滑嫩而且好香黑松露味，法蘭克福腸幾juicy加埋香口煙肉、茄汁焗豆同迷你菠蘿包，$64個人覺得好OK，而且有連埋餐飲。.最後再試左佢哋嘅🧈牛油皮蛋撻，不得不說雖然佢哋整包整到出曬名，但係其實蛋撻質素唔輸麵包，質感好滑溜，牛油皮亦都好鬆化，幾值得一試。.快樂．順景 (上環)上環蘇杭街19-25號永昌商業大廈地下B號舖