快樂餅店 (Moved) New Location

喺大財團被侵佔嘅香港，係香港要搵到舊式嘅店舖已經小之極少，正正係灣仔有一間屹立四十幾年嘅舊式餅店，賣嘅都是香港人童年回憶，每日都吸引咗唔少人排隊，大家都想保留返古有嘅香港🇭🇰紅豆沙翁（🌟88.23/100）💲8麵包咬落去好鬆軟，餡料嘅紅豆已經煮爛，但依然見到許多紅豆衣，面頭果上滿滿嘅砂糖，餡料偏甜，但依然食到紅豆香味，愛吃甜嘅螞蟻人🐜相信會愛死忌廉筒（🌟86.78/100）💲9香港已經極少餅店賣忌廉筒，忌廉筒細細隻，拎上手好輕身，內裏注滿左滿滿嘅忌廉，酥皮十分鬆化，食到香濃嘅牛油香，奶油味道極香濃，而且好香滑味道偏咸，但係食一啖已經好膩，最好有朋友仔share☺️

週五為stay home嘅weekend做準備一訪老餅店隨便買一點餅食竟然見到門口有傳統奶油筒真係好難搵梗係要入手！估唔到都差不多收舖但仍keep到香脆甜咸平均😋聽說全香港得返錦田勝發同埋哩間灣仔快樂仲有做奶油筒我都有幸試過了實在太幸福！感覺哩間做得更出色餅榖除左鬆軟有層次亦hold得住外形唔會一咬碎開奶油份量亦唔吝嗇爆料紅豆餅夫君回味無窮雞批就略嫌太咸愈食愈覺又甜又咸不過好足料嘅滿滿一盒6件餅才$50大洋好高興！

奶油筒已經好難係香港揾到，由於做法複雜，所以好多已經冇做啦😭上網見到全香港好似得返兩間有，一間係灣仔，另一間係元朗！如果大家見到其他地方有，話比我知啊🤩🍴奶油筒 $8 細細隻，細過手掌，拎上手好輕身亦好易碎，食嘅時候輕輕拎住就好，碎咗就冇咗啲酥皮🤭 第一啖咬落去，酥皮極之鬆化，超香濃牛油果，真心係食過最好食嘅酥皮，奶油亦好飽滿，啖啖都食得到，都好濃郁，但少少偏甜同膩，好有舊餅店味道！推薦指數: 9/10真心值得試下，好食！

舊式既餅店其實已經買少見少。聽講呢度都係出名係蛋撻食完Lunch 行過，見小店有自家製既月餅同埋豬籠餅呢d比舊既餅食🥰我都係近來先知原來仲有鯉魚餅、佛公餅、石獅餅，不過其實只係一堆麵糰既無餡月餅十元八塊一個買來應應節都好🤟🏻🤟🏻🤟🏻呢度仲有少見既奶油筒，都只係八蚊買左個餐肉旦包，唔係空心包黎，食完一個都飽晒。💯雖然味道一般，但食落就有一份情懷，總比連鎖感覺好得多。同埋價錢都係好親民，抵食又飽肚，希望小店唔會咁快消失啦🥲🥲🥲

同事想食蛋撻所以搵有邊間出名，見到呢間原來已經屹立灣仔40幾年既老字號，所以就黎試下🖖🏻。一行到去已經覺得好少見咁舊式既麵包舖，仲有好少地方有既奶油筒。不過目標都係蛋撻！咁啱酥皮同曲奇皮既蛋撻都新鮮出爐，但個人鐘意曲奇皮，所以忍唔住買左四隻🤤。🔅曲奇皮蛋撻 ($5)首先新鮮熱辣點都加50分先！雖然睇個樣個蛋撻其實無乜特別，但曲奇皮好脆好香，但又唔會一咬就散晒。蛋漿就好香蛋味，好滑，焗到啱啱好🤤！不過佢唔係成日都有晒2隻蛋撻，好彩黎過幾次都有曲奇皮😝。同埋灣仔區原本以為會賣貴啲，但都係正常價錢，$5隻真係抵食😋。💬溫馨提示買半打以上先有盒。同埋分享埋蛋撻葡撻類凍左可以用氣炸鍋炸番，唔好用焗爐，會焗到蛋漿唔滑。氣炸鍋就可以整番熱同保持到新鮮出爐咁差唔多，所以買番屋企俾家人食都得擺👍🏻。

係灣仔經營左四十年既麵包店快樂餅店 聽個名簡單直接好快樂😌鋪面好懷舊好有feel 係傳統舊式既麵包店唔好睇佢麻雀雖小 真係五臟俱全 有好多款包~尋找大麥包 Omg $9 之前見過最平係$10呢到竟然係$9 好驚喜!Omg 重要無包裝 可以裸買 so happy~（通常都會有個透明膠袋裝起左）姐姐主動問我駛唔駛幫手 夾入我個袋! So nice!嘩重要係暖暖地 可惜戴住口罩唔可以係街到食真材實料 啖啖包 唔係咬落去一陣風咁~CP值極高 下次買多幾個包食先！

灣仔行過呢一間餅鋪畀佢嘅外觀吸引咗，因為喺港島可以搵到咁懷舊嘅餅鋪真係少之又少。望下啲明星相見到小儀，見有人報道過就望多眼。e?咩黎架真係未見過呢個叫奶油洞既野，所以即買咗一個，個酥皮比望落去淋同重牛油味，中間嘅忌廉冇我想像中咁凍，但滑既，唔太甜。 $8 買個期待 ok wo同時有都買咗個大大既雞批，鬆脆嘅皮，雞肉有比較鞋，但餡料味道足夠。係市面上其中一個味道比較好嘅雞批。好多人幫襯佢架，雖然我覺得味道一般，但我支持小店。當佢保留著傳統味道，可以嘅話我都想幫襯之前佢哋繼續經營落去。

先勿論藍黃,第一待客已經奇差,買一堆麵包,返到公司先發現蛋沙律執錯左做蛋撻,打電話話想返去換返,第一下就話我睇住佢夾果陣唔講,頂佢個掣丫,去買麵包落order點會牛咁眼望住你執呀?你唔係應該熟過我咩?之後佢叫我下次再買返,因為d蛋撻唔擺得,喂, 你執錯左俾我,唔擺得你收返之後點處理閣下既事啦?我又唔係貪你果幾個蛋撻, 係你俾錯野我呀, 阿嬸!仲會有下次?個蛋撻長命過你呀.收你錢果陣佢就快樂,食著S果陣, 唔快樂係自己受返!*佢只係平, 唔係特別好食,真心唔駛特登走過去,好似我咁, 就朱茜左*

很喜歡打卡這樣的老式餅屋，雖然裝修等等都很古樸，但是別有一番滋味，點了推薦的奶油桶，雞批，墨西哥包，奶油桶的奶油是老式的口感，墨西哥包略失望，雞批水平在線，很想試試莎翁，可惜當日賣曬了

下午時段放工後特意來到灣仔的【快樂餅店】來食麵包及蛋糕，見間鋪的裝潢都知好多年歷史，原來屹立了灣仔四十幾年歷史老餅店，在1979年已經開業了，枱頭一看已見到大大個紅色的招牌，還有花磚牆、古典綠白色格仔紙皮石的地板及玻璃趟門冰櫃等.....樸素的裝潢的老字號餅店，見証時代的變遷，經歷了年月的洗禮，仍保留了70年代的風味。想起中學時放學都經常都會去一些老餅店買麵包食，因為價錢便宜又抵食飽肚。長大後我也鍾情食舊式的麵包及蛋糕，特別是沙翁及紙包蛋糕 ，我排隊買包時，有個伯伯讚此店紅豆沙翁好食，特意揸車過來買，一口氣買了3個沙翁，聽到我都心動店中攦放了不少好金黃色的麵包、蛋糕等......燻黑了的焗盤盛裝起飽滿的麵包，款式不會太花巧，洋溢出懷舊情懷。鋪內有瑞士卷、椰撻、沙律卷、合桃酥、蛋撻、蝴蝶酥等.....可惜我都是眼寬肚窄，買番自己鐘情的麵包先。於是我也一口氣掃了菠蘿包$7、奶油筒$7、紅豆餡沙翁$6.5及紙包蛋糕$5.5，真是好滿足，菠蘿包味道一般，雖然大大個，麵包都鬆軟，但菠蘿皮晤夠脆，不過一讚就是菠蘿皮不會一咬就散。舊式奶油筒的水準比較出色，蓬鬆的酥皮食落都好脆口，而且牛油香氣比較香濃

琴日路過灣仔比佢古舊嘅門面吸引📍見到好多舊式嘅港式包點 有沙翁椰撻等等 依家已經買少見少絕無僅有🤔大部分嘅嘢都係$10樓下 唔會好似連鎖餅店咁鬼死貴🤩我自己就買左幾個忌廉筒 👍🏻手掌咁長嘅佢係有層酥皮包住一大堆忌廉🥳層牛角包酥皮鬆脆可口 有陣陣焦香🤤厚厚嘅夾心忌廉(就好似捲蛋中間嗰隻咁) 比西式蛋糕嗰隻更純滑 自己比較鍾意港式哩種🤤個人非常推薦比各位大朋友小朋友 一來可以回味童年嘅味道 而來可以比小朋友知道香港嘅「古早味」係咩一回事!⭐️但佢都係有本土老牌子嗰種串串貢嘅收銀...👉🏻👈🏻When you walk along the Queen's Road East, the 1980s appearance of the bakery would catch your eyes📍They sell many traditional Hong Kong style pastries, that are going to extinct, under HKD$10, like coconut tart, Hong Kong style donut etc, which is really

灣仔, 你總會發現小時候的香港, 那個曾經的香港。美輪美奐的餅店, 什麼什麼國家來的過江龍, 比比皆是。要找到這麼舊式餅店, 只能在這些地鋪找到。快樂餅店, 完全沒被時代巨輪輾過, 東西都是那麼懷舊, 那麼樸素, 那麼貼地。以前從沒有光顧過, 但今天中午經過, 想起朋友提及這家還在賣忌廉筒的店家, 走入去想點個忌廉筒, 但最後吸引我的卻是這個肉鬆蛋卷 ($8)。滿滿肉鬆面和沙律醬, 中間夾著的是蛋沙律, 平實的生菜和蕃茄, 沒有花巧的材料, 甚至有點奇怪的組合 (蛋卷夾三文治餡)。一口一口的肉鬆, 你以為自己在吃肉鬆包, 卻有微微蛋卷的蛋香和甜味, 沙律醬, 蛋, 生菜和蕃茄的那一口, 是那三文治嗎? 不, 那是蛋卷的軟熱。美中不足的是有一邊的一口, 有點乾, 是風乾那種乾, 是否放了良久才有這個問題呢? 整體, 很好味嗎? 沒有, 很有驚喜嗎? 沒有, 但那份簡單快樂, 我找到了。連膠袋也是十分簡單。設計也是停留在八, 九十年代。灣仔區$8一個小小的下午茶, 我收貨了。笑臉給了那份懷舊的味道。

話說前幾日要去灣仔做d緊要野...... 考試當然唔放過過海既機會睇下有咩好食Lunch 揀左間法國Crêperie 食，一落樓見到好多人係依間懷舊麵包店到排隊買野。我依d咁為食既梗係唔放過食好野既機會啦，見到一檯滿滿新鮮出爐既麵包，橱窗有我兒時既糧食.... 紙包蛋糕.... 老實講我唔太鍾意cream。旁邊有一小包一小包既蛋糕仔曲奇餅。林林總總花多眼亂，一下子都唔知買咩好，好想買雞批，但今晚又要出街食飯，免得壞左就浪費食物。係無時間之下，快速揀左菠蘿包同雞尾包。攞起手熱辣辣真係好開心，可惜最後比人食左個菠蘿包。而個雞尾包絕對有兒時回憶，隔日番叮都好好食，左面既椰絲勁多，真係推介👍👍😋

這天純粹路過 眼見是小B仔下午茶時間 佢鐘意蛋撻 買個回家俾佢食 自己鐘意食菠蘿包 就買左二樣回家吃雖然坐完程巴士 返到屋企都凍左 不過仍然驚喜 因為個曲奇餅皮嘅蛋撻 依然咁鬆 依然充滿牛油香氣 菠蘿包大個不在講 個皮好脆 個麵包好軟身 就係咁我同我個未夠二歲嘅B仔 有個好滿足嘅下午茶 上黎一望 後悔冇試佢嘅 熱狗 肉鬆包 同糯米滋 希望下次可以帶埋小朋友黎 食新鮮熱辣辣嘅 期待 期待！真係又好味 價錢又相宜 一流嘅懷舊麵包舖希望佢可以一直保存落去！

『香港舊式餅鋪值得被記住的味道』☘︎ 𝐻𝑎𝑝𝑝𝑦 𝐶𝑎𝑘𝑒 𝑆ℎ𝑜𝑝, 𝑊𝑎𝑛 𝐶ℎ𝑎𝑖⠀⠀ ꧁奶油筒꧂⠀⠀誰 知 道 這 種 傳 統 又 邪 惡 的 奶 油 筒 呢⠀酥 脆 的 酥 皮 成 了 筒 狀⠀裡 面 唧 滿 了 鹹 鹹 甜 甜 的 「 奶 油 」⠀真 的 好 好 吃 ！( ˘ ³˘)♥︎⠀⠀第 一 次 吃 的 時 候⠀我 一 個 人 輕 鬆 解 決 了 一 整 個⠀之 後 才 有 人 告 訴 我⠀原 來 裡 面 蓬 鬆 又 香 氣 十 足 的⠀是 打 發 了 的 牛 油⠀而 不 是 奶 油 (;´༎ຶٹ༎ຶ`)⠀⠀除了奶油筒，⠀個人也很推蝴蝶酥和咖哩牛肉酥！⠀大家偶爾想吃傳統香港包點點心的話，⠀不妨幫襯一下這些小店呢。⠀⠀𝖶𝗁𝗈 𝖺𝗅𝗌𝗈 𝗅𝗈𝗏𝖾 𝗍𝗁𝖾𝗌𝖾 𝗅𝗂𝗍𝗍𝗅𝖾 𝖼𝗎𝗍𝖾 𝖼𝗈𝗇𝖾 𝗌𝗁𝖺𝗉𝖾𝖽 𝗉𝖺𝗌𝗍𝗋𝗒 𝗐𝗂𝗍𝗁 𝖻𝗎𝗍𝗍𝖾𝗋𝖼𝗋𝖾𝖺𝗆 𝗂𝗇𝗌𝗂𝖽𝖾?⠀𝖲𝗈 𝖾𝗏𝗂𝗅, 𝗒𝖾𝗍 𝗌𝗈 𝗒𝗎𝗆𝗆𝗆𝗆𝗆𝗆𝗒!⠀⠀𝖦𝗈 𝗀𝗋𝖺𝖻 𝗈𝗇𝖾 𝗂𝗇 𝖧𝖺𝗉𝗉𝗒 𝖢𝖺𝗄𝖾 𝖲𝗁𝗈𝗉 𝗂𝗇 𝖶𝖺𝗇𝖼𝗁𝖺𝗂 𝗂𝖿 𝗒𝗈𝗎 𝗁𝖺𝗏𝖾 𝗇𝖾𝗏𝖾𝗋 𝗍𝗋𝗂𝖾𝖽 𝗍𝗁𝗂𝗌 𝗍𝗋