前家樂餐廳火鍋店 (Closed)

上星期出街，同行者話好想打邊邊，結果一行兩個人就行左入去前家樂祭一祭五臟。老板見我地兩個人，但叫到好似六合彩全餐咁，所以都本住良心咁同我地講:多謝支持，但最好食幾多叫幾多，唔夠先再點都得咖。起今日碟碟計既餐廳裡面仲聽到老板既忠言，老實講，心入面都打晒底。講返食物，餐牌上五花百門，有招牌，有辣雞，有芝士雞，仲有平時好少見既椰子雞Bo。另外仲有唔少魚Bo選擇，真可謂“百貨應百客”。老板推薦食招牌雞Bo，話最多人點。點完菜，15分鐘後雞Bo出場。香，惹味。隻雞唔知醃左幾耐，都幾入味。雞肉都仲係嫩嫩的，仲有些微皮下脂肪痴住，當堂令個Bo再錦上添花。美中不足係配菜唔太多，我地都喜愛乾蔥同芫茜，可惜就偏少，可能太多會俾人覺得喧賓奪主卦。食左半個鐘，雞肉依然未到“鞋”既境界，相信可以一讚。之後點左唔同配料變相打邊爐。食材還算新鮮，牛栢葉好爽，木耳都新鮮。不得不提既係，佢地竟然有秋葵。平時已經少見，打邊爐更係第一次。但種類選擇唔太多，想要多幾種都唔得。可能人數都係少，可以裝既食物真係唔多，見到隔離檯班後生仔叫到通檯都係，講真，真係想痴埋一齊坐一齊食多D。中後段時，見到有個阿叔企左起度同客人吹水，原來係

搵食搵到大角咀我們去了一間叫前家樂火鍋店, 唔知係未錢家樂開既呢哈哈應該唔係, 店不是太大, 到達時還不是太多, 坐近門口, 對住個電視已經上openrice 睇左一些介紹, 所以我們已鎖定目標叫了麻辣雞煲, 烤海鮠魚鍋(大邊), 一枱放兩個鍋 好似好誇張, 另一旁邊烤煱店員就加緊湯落個平鍋, 魚上面佈滿了芫菨, 先講下個麻辣雞, 斬好了一件件雞, 好多好大煲, 嘩勁濃嘅麻辣一陣陣放出來, 睇見都流口水, 一食雞好滑, 好入味, 一開始時不覺太辣, 但食下食下, D麻辣就慢慢係口中了, 咀也麻麻痺痺地,真係麻辣種味道會令人上了忍, 不停係咁食, 要食個烤魚了, 撥開了芫菨, 整整一條鯇魚就在了，有幾種配料, 莞茜, 豆卜,  慢慢滾了, 魚皮係烤過的, 因此好香口, 肉質嫩滑, 加上勁多莞菨香味, 忍唔住要飲下個湯 因為有以上兩個大鍋都很飽, 但沒理由單調, 都要叫D, 我們叫了牛柏葉同一碟手切肥牛, 牛柏葉放埋落麻辣雞煲, 好正, 好似食街邊小吃加左勁辣汁, 來吃好正, 肥牛放在魚湯清清地食, 如下次叫多幾個人就可口叫下其他火鍋配料, 因見都有好多選擇

去左大角咀搵食 雞煲不錯麻辣雞煲 半隻 $128⭕️雞肉非常嫩滑😋 煲得耐都無變老⭕️麻辣好香口 麻辣味後勁未算強 但我本人幾鐘意 因為太強會影響之後食物味道Ps. 可以先叫微辣 唔夠可以再加辣⭕️紫洋蔥好甜 又夠多芹菜❤️❌相對於其他雞煲 佢已經好夠味 但係無蒜頭 相對於一品雞煲唔夠香口羊肉片 $58⭕️唔會太騷 份量都幾多 不過不失蔬菜拼盆 $38⭕️多款式 又夠新鮮 good good雙拼滑（墨魚 蝦） $98 ⭕️蝦滑好好好好味 夠彈牙又夠鮮 入面仲有啲未打散既肉 好有口感❌墨魚滑相對地滑無咁彈牙...由於我同朋友兩個人食 唔係點到好多 但呢間打邊爐真係好高質 雖然未叫平 但每一樣餸都好好味 亦都好適合帶屋企人來食 因為有海鮮 又多款 不過同大食朋友就要諗諗過🤔

記得初初食前家樂既時候，因為係由朋友介紹就咁聽個名，我以為係錢家樂開既，但原來唔係，係由一個年輕人創佢個宗旨係想比到個家既感覺食客。聽佢講佢地個麻辣醬係自己整既，的確係好惹味，好過引，d雞唔會好老，我地兩個人食食哂成隻都仲想encore之後每次去一直都係食麻辣雞煲，但直至有一次我地就試左黃金芝士雞煲，佢好足料好多芝士，濃濃既芝士味都拉到絲架,都係一個唔錯既選擇！但我都係比較鐘意食麻辣，因為比較刺激惹味d。

諗唔到食乜，所以就跟住啲舊食評去試下...人家都寫到好好味 好難得咁去食，即管一試。晚上八時的黃金時間，全店有一台客，三位少女,一入去 還以為全店休息😓。一睇餐牌 就唔會覺得奇怪，因為跟對上一次更新的餐牌，價錢漲了30%。花膠由$68 up to $98😵墨魚滑up to$108...老實說 呢個價錢，响大角咀打橫掃三條街，數埋都有四五間雞煲差唔多質素 但價錢會一段距離囉⋯論湯底 它不是特別出色 論汁底 它不是特別好味論雞肉 它不是特別滑（骨蠻多 肥皮蠻多）有驚無喜的一餐 再加 很失望

今晚同細豬撐枱腳，佢話問過幾個朋友都話呢到好食，加上貼心既豬仔知我鐘意食魚，而呢到又有烤魚，所以特意帶我黎食，仲話我一定會好滿意 。我倆都係第一次黎，估唔到餐廳裝修都幾好，而且望落環境都好整潔。坐底睇睇餐牌，除左烤魚仲有麻辣雞煲，雖然一心係黎係烤魚，但見到好多枱客人都食雞煲，應該都好正，有d心郁，最後無謂浪費豬仔既一番心意，所以都係揀食烤魚，下次再試雞煲吧。我地點左個”烤海鯇魚鍋”魚鍋黎到未食都已經聞到好香，連隔離枱食雞煲既客人都吸引住，忍唔住要偷望吓 。鯇魚最正係魚腩既部位，識食當然係向魚腩落手，肉厚肥美既鯇魚，口感滑嫩鮮甜，加上表面明顯煎過食落更香口  大量芫茜、洋蔥、蒜頭等配菜做調味，個底湯好濃郁鮮魚味之外，仲好香芫茜味。齋食魚好寡，所以叫多2樣配料，條魚都好大條下所以冇叫太多，驚食唔哂。金菇吸盡湯汁精華，鮮甜爽口，打邊爐必食 。厚切既午餐肉很有驚喜，食落知道唔係劣質餐肉，同樣好食。今餐真係極度滿意，我會再黎食嫁 。走既時候發現門口貼著會員招募既poster，我諗返去要諗下係咪應該join member，因為仲有好多唔同款式既煲未試過 

大角咀其實係旺角附近，係個舊城區，平時真係比較少黎，因為由旺角行過黎都要一段時間。無原因，就當然唔會專程過黎，但朋友向我地推介呢間餐廳既魚鍋，仲幫我地BOOK埋枱，講到咁正，好! 就黎試下拉 我朋友話呢到既魚好新鮮，醬汁夠惹味，烤海鯇魚鍋既魚肉好滑、仲相當有魚味，唔腥！湯底唔係麻辣魚鍋果類，可以見到落左好多香草配料，所以無蓋過魚既鮮味 咁正既湯底當然要配返索味既配料，芋絲當然少不了芋絲彈牙，吸哂湯底入面魚既精華，真係有種鮮甜味 而呢個麵既掛湯能力都唔差，質感比較硬，同有口感，唔係同時打邊爐成日見到既烏冬、公仔麵 食完麵就真係夠哂飽，我見格離枱都有唔少人打緊雞煲，不過朋友就未食過，要等佢食完再向我地匯報

不論熱同凍都會去打邊爐, 常常都是, 今次去了前家樂火鍋店, 見到個名諗起家樂盈盈一家食店環境簡單裝修, 不是很大地方, 但舒適不會迫迫的 😊😎沒有叫雞煲, 叫了個烤海鯇魚鍋(大邊）未試過食烤魚, 要試試, 不常常都是吃正統火鍋一個烤平平的盤放了大大的烤鯇魚，有一些配料(鮮腐竹, 莞茜) ，煲下煲下大大條烤嘅鯇魚, D皮煎得焦焦地, 好香口, 皮都食埋可以, 肉好真係啱我呢隻貓, 好鍾意吃魚配上清清的湯底，加上莞茜香味, 好香味, 最喜歡莞茜嘅我就當然係越多越好, 嘻嘻但唔喜歡嘅就一定撥開晒....不少得嘅火鍋配料, 鳳城水餃，鮮蝦雲吞。好新鮮，皮薄，雲吞裡有蝦，蝦肉十分爽口。手嫩手切肥牛, 好嫩, 好有牛味, 火鍋都必要了, 炸魚皮同炸響玲, 好脆, 鮮蝦滑新鮮, 收貨綜觀各樣火鍋都不錯, 不是馬馬虎虎的水準, 最重要新鮮

大角咀有好多間出名既食店，前家樂就係其中一間。朋友話呢間食店尤以雞煲最為出名，出名香料又香，雞肉又滑又入味，不過，其中一位朋友不吃雞，所以今晚就揀左打邊爐。麻辣(少辣) /香茜 湯底麻辣味好香，亦都夠麻，少少辣，辣味啱啱夠；香茜好清香，香茜味都夠，不俗。雪花肥牛脂肪又夠又均勻，烚一烚，喺湯底揚一揚，食得，牛味夠，肉質夠滑，味道可以新鮮淮山/秋葵/芋絲唔係間間火鍋店都有新鮮淮山點，呢間就有!新鮮淮山營養豐富，而且其黏液有美顏功效，又爽口，本身淮山味道較清淡，打邊爐有少少味道，又唔會太濃味，啱啱好! 一向好鍾意食秋葵，通常食炒秋葵比較多，今次試下烚秋葵，原來打邊都幾好食，一樣咁爽囗，黏液一樣咁多，黏液對個胃好好，我之前成日胃痛，食多左秋葵之後，胃痛都少左，而且好爽口，所以好鍾意食。竽絲好彈牙爽口，卡路里唔高，適合對於著重體形既女仕餐廳位置不算太方便，但食物質素不俗，下次一定會食佢個雞煲

好少黎大角嘴依頭 今日咁岩約左朋友平時響旺角朗豪果頭行去奧海城行街睇完戲之後就同朋友搵下附近有咩食找尋到有雞煲！ 仲有芝士雞煲好出名雞煲又岩晒幾個人食share所以行左黎依度雖然我係芝士怪但我朋友其實唔係勁鐘意芝士 所以叫左花彫醉雞湯底有好多藥材紅棗杞子等等夠滋補花彫雞夠嫩滑 可以落埋落湯底落埋落去勁多料少少雞油加埋就夠晒香酒氣濃郁 好吸引魚片夠厚豬紅我勁鐘意食！份量好多 加埋落去同湯底幾夾丸類都好彈牙！推薦！

去朋友家, 帶了我們去樓附近打邊爐, 叫前家樂火鍋店, 咁得意, 有冇咩意思呢朋友說要叫烤魚, 話好食好香要試, 一個長長型烤盤, 不是很深, 不是我們平時打的邊爐煱, 成條大烤魚，加上多多嘅配料, 莞茜, 豆卜, 鮮腐竹 , 等一陣慢慢滾魚皮烤得濃濃地, 烤得好香, 食埋魚皮, 魚肉質嫩滑, 不會是那種淋姐姐個湯底清清地加上有魚湯味, 鮮甜再加上莞茜香味, 叫了店員比多D, 因為香好多, 豆卜滲透晒魚湯味道, 好好味, 好好味, 再叫了一些火鍋配料, 鳳城水餃，鮮蝦雲吞, 丸, 腸仔, (餃子不錯, 裡面包的用料新鮮, 不錯, 絕對不粗糙炸響玲, 好脆, 放一陣湯落滲下, 即刻要攞上來食, 正,  鮮蝦滑新鮮,彈牙, 未試過用烤魚煱咁樣打, 唔同平時一般的, 覺得冇咁肥膩, 下次再來  

見餓餓地，就一家人去左大角咀食野。呢間火煱雞煲第一下最吸引人既相信就係佢個名──前家樂。一開始既客人唔算多，加上間餐廳係以家為主，希望客人可以有家的感覺，所以老闆好熱情咁同我地推介唔同既食物同埋同我地傾計XDD但食到7點幾8點，就開始慢慢熱鬧起黎，老闆都要忙住招呼唔同既人客，而我地又要繼續忙住開餐啦。今次叫左個烤海烷魚煲(大邊)同花雕醉雞煲(一隻)，都幾有驚喜。老闆話海烷魚係咸淡水交界(如果冇記錯XDD)，冇泥味，於是就叫左個烤海烷魚煲(大邊) (老闆話即係有魚骨個邊)，大大條，原本以為會好“鞋口”，但原來都幾滑，加上師傅只係烤到條海烷魚5成熟左右，之後放係我地面前慢慢煲，咁就確保D魚肉唔會因為我地係咁煲而令到D肉實曬。而個湯底係蕃茄薯仔湯(岩曬唔食得辣既人)，本身都擔心清得滯，但師傅又落左D面豉醬去個湯底定條魚度，令個湯變到好濃好香。而花雕醉雞煲(一隻)個湯底亦非常足料，加上醉雞係自己落去個湯底度，一熟即食，酒味又濃又香，雞又滑。食完雞仲叫左D蝦滑墨魚滑、菜、竹笙等等，真係超級飽，又超級滿足!!! 

舊同事約聚餐，今晚由我選點，於是我帶佢地黎呢到食烤魚+火鍋。之前食過覺得好食，所以先敢介紹比佢地。坐底之後點左個” 烤海鲩魚鍋”大既，同埋知打邊爐會好熱氣，所以預先叫定罐涼茶，原本想叫王老吉，但呢到只有加多寶，不過都唔緊要反正功效都一樣之前黎食雞煲，烤魚鍋都係第一次食，黎到發現都真係幾大鍋吓，鲩魚已經煎香左外皮，睇落好吸引。新鮮又大條既鲩魚好厚肉，食落鮮甜又嫩滑既肉質，非常好味，魚腩及近魚尾既位置尤其嫩滑且少骨，個湯都值得一讚，用左蕃茄、豆腐、薯仔煮成，加埋大量芫茜，非常香口加埋鲩魚鮮甜，勁正。食緊魚既同時仲點左肥牛、雞子、雲吞、鮮蝦滑等火鍋料一齊食， 打邊爐肥牛唔少得，色澤鮮色丶肥瘦脂肪分布均勻，牛味香，份量亦算多。另外鮮蝦滑亦唔錯，爽口彈牙既口感，非常好食成班食量驚人，再加碼叫左碟肥美既生蠔，大大隻好多汁，鮮甜蠔味香。打邊爐材料新鮮加埋湯底正既話，就係正上加正啦

和一班老友記慶祝生日，老友想吃雞煲，上網找了好耐，一般都有限時制度，尋尋覓覓終於搵到一間雞煲火鍋店-前家樂。平凡簡單的店舖，座位不多，但晚上卻擠滿前來吃雞煲的人。我們一共8位，共點了2個雞煲，分別是麻辣雞煲和特色椰子雞煲。麻辣雞煲很香濃，辣得來不會太油。椰子雞煲出來的效果十分有驚喜，椰子很香濃，預雞也很滑溜。食完雞煲後，也點了肥牛、水餃、墨魚滑等火鍋必備配料；樣樣也很新鮮好味。而老闆也很親切友善，不會趕着要人交枱，十分推薦的火鍋店舖。

傳說中獨特的麻辣味既雞煲，在朋友的口中相傳，今晚約好朋友一定要黎食下。雖然第一次，但都好期待滑滑口感的肉質，我地4個一坐下，就揀好麻辣雞煲一隻，服務員介紹微辣適合所有人的口味，當然信任他啦。終於都上煲啦，先煮一陣，等候滾起就食得，咁我地就傾下旅行同周圍玩食既話題，朋友話這間店用的雞係最優質既雞種，試下就知龍定鳳啦。滾啦！可以食啦，哈哈yeah~原來真係好好味，麻辣味讓我越食越想食，味雷充滿刺激感，質感真係好滑口，用文字未能盡表達，我地每個都食得好滿足。之後叫左肥牛，響鈴，生菜，墨魚滑，十十下就大約十左一個半鐘，開心既時間過得特別快，埋單時服務員重關心我地好唔好食，嘩，真係窩心體貼。我地話好好味，感謝介紹人推薦這間雞煲。