石澳樂園 (Under Renovation)

Recommended by a friend so finally take a trip to Shek O for dinner. Arrived at 7pm and luckily we have a table in front of the stall as there's no air con inside. After glimpsing through the menu for few minutes, we have ordered:- cabbage with vicemille and dried shrimp (NICE)- Wet fried Hor Fun with pork (too much sauce and not much taste)- Curry with softshell crab (a bit salty and good portion)- 1/2 dozen satay of mixed lamb and chicken (very tender and the satay sauce is good)- 2 large bo

嗰日同事突然話想去石澳食飯,佢地有車車去,咪去試下,落車日頭哂到暈,又冇冷氣.熱死啦,重要下層滿哂,要行上二樓,點知二樓嗰層有海風,重正過冷氣食物大家叫咗特價午餐幾碟飯分,海南雞飯幾好青咖哩雞又夠香,唔太辣,炒河(唔記得炒乜)都OK每人$37-,抵如果有車,抑或去石澳游水,值得去

係OPENRICE睇到呢間石澳樂園幾好評語, 所以行完石澳, 晚餐都留係到食, 6點左右去到唔駛等位, 入到去差不多9成都係外國人, WAITRESS都睇落都似係泰國人。兩個人叫左4樣野:青咖哩雞 - BF一早已話好想食的青咖哩, 嘩~味道真係剛剛好呀~不會太辣! 唔係好食得辣既人又鍾意食咖哩最O岩! 叫係連炭爐上, 好有特式!薄餅 - 油左少少, 不過即叫即整, 熱哄哄的, 都好好味!泰式炒通菜 - 味道都剛剛好, 不會太咸! 分量都好足夠兩個人食。:串燒半打(雞 + 羊) - 呢個我最鍾意, 食得出不是去油炸! D肉都好夠味, 就算不點沙嗲醬都好好味! 雞同羊比較, 雞會好D, 因為羊食落去好似牛咁, 無咩羊的酥味, 如果怕酥又想食羊肉既都可以試下。總括我地好滿意這次的晚餐! YUMMY~! 仲要同BF去, 食得好開心~!!

一行四人星期日夜晚約7:00到, 之前卜了位所以不用等位, 但基本上這個時間也不用等位, 我們點了5個菜加一個甜品.第一味是咸魚炒芥蘭---味道較咸, 但尚可接受.第二味是金柚子沙律---好特別, 酸酸甜甜, 頗開胃.第三味是波蘿炒飯---頗香口第四味是無骨海南雞半隻---頗有雞味, 不錯第五味是沙爹串燒(豬肉+羊肉)---最好味, 特別是豬肉一個甜品是芒果黑白糯米(見到黑白糯米加椰汁, 開心得滯吾記得映)---第二好味埋單$350, 朋友話中午已在愉景灣吃泰菜, 但無論價錢和美味程度也不及這間. 其實, 石澳樂園頗近海灘, 吃飯前後去海灘玩玩也是不錯的選擇.

J小姐舊年介紹我入石澳食泰國菜，真係無介紹錯。 食咗2次，依然咁好食。 入到石澳，坐在半開放式的餐廳裡，好似去咗泰國，輕鬆寫意啊。 我們四人點了金柚子沙律,香茅中蝦,紅咖哩鴨,蒜茸包,豬頸肉炒椰菜苗,泰式炸雞和泰式炒金邊粉。 由於樣樣都好似好好味道和價錢唔貴，所以食咗好多。金柚子沙律 - 看似沒有什麼特別，但味道好好，而且好特別，係我食過最似泰國既味道(在香港)香茅中蝦 – 整條香茅串住幾隻中蝦，蝦鲜而沒有遮蓋淡淡的香茅味，不錯!紅咖哩鴨 – 濃郁的椰汁香加少少咖哩辣，配以熱辣辣的蒜茸包,一絕!豬頸肉炒椰菜苗 – 無論豬頸肉、椰菜苗或是汁都okok，我朋友仲叫多一份外賣!泰式炸雞 – 本來想叫無骨海南雞(因為上次食過正)，點之無，叫咗泰式炸雞，都好味，唔油膩亦唔 “鞋”，相當嫩口!泰式炒金邊粉 – 料多，炒得唔油，大碟甲底食，下次都要encore!逢星期六、日及公眾假期要加一，平日不用。 我們食咗咁多野(連幾罐可樂加兩碗白飯)都係$500左右，okok!

某天放工後想試試特色泰國菜,從網上搜來了這間位於石澳的,遠是有點遠,但反正駕車去也用不了多少時間,所以還是去了試試。晚上 8 點半左右到達,沒什麼客人, 2 個人, 點了 5 樣菜式:1. 泰式生蝦非常好吃, 是吃過的之中做得最好的, 蝦有 8 隻, 大大隻, 蝦很新鮮, 非常爽口,另外那個汁亦很出色, 辣得來卻更能帶出蝦的鮮甜。2. 海南雞半隻雞夠雞味, 肉亦夠嫩滑, 在云云海南雞當中算是中上, 個人覺得比名店「好時沙嗲」好吃得多。3. 海鮮湯河 (冬蔭公湯底 + $10)海鮮不算多, 都是普通料如青口、魷魚等, 河粉夠滑, 最出色是冬蔭公湯底, 味道正宗, 香料十足, 夠香又夠辣, 令平平無奇的一碗粉即時「升呢」不少。4. 青咖哩牛腩 + 法包一客青咖哩香甜而不辣, 牛腩亦夠「淋」, 但整體未算十分出色, 可說是中規中矩。反而法包即叫即烘, 配咖哩汁吃香脆可口, 挽回不少分數。5. 馬拉盞炒通菜又一出色之作, 菜夠嫩, 亦炒得夠香口。另加了珍多冰一杯及白飯一碗整體來說是很出色的一間店, 以這樣的價錢來說更可說是超值,就是專程入來吃也是值得。

喺香港試過好多唔辣泰菜, 所以有D陰影今次門口喺見有泰籍待應, 應該信得過冬蔭功有炭爐煲熱, 抵讚, 味道亦正宗椰青海鮮焗飯 第一次食, D飯好似用椰汁煲, 好杰; 椰青好食到唔停得口, 正巴提雅牛肉, 燒得幾香, 仲有少少辣吊味海鮮炒翠肉瓜, D瓜有D苦, 海鮮OK冬天無乜人, 尋晚又唔凍, 食得幾舒服

晚上九點入到石澳食晚飯，沙灘工程所以今晚的石澳特別寧靜。樂園已是我必光顧的石澳食肆，今晚與朋友仔兩人來好像起整間餐廳一樣。1. 馬拉盞炒通菜明顯是即叫即炒的，聽見廚房裏的鑊氣聲…熱騰騰的通菜，一碟的份量也不少。椒絲和蒜蓉都炒得很香，通菜很入味，我和朋友已經搶食～ 2. 菠蘿炒飯朋友不吃辣，於是叫這個炒飯，不辣但很惹味。其他的炒飯部份是辣的，泰式炒／香葉炒（香葉炒最辣）菠蘿炒飯也好大碟，好豐富。真材實料的它用了很多材料，菠蘿、蝦、雜豆、青口、腰果、肉鬆、臘腸的確好抵，60幾蚊大大碟。3. 香芒炒雞柳仍然都是大大碟，顏色不錯。雞柳輕輕拖過油，肉還算嫩；醬汁有點酸，但芒果肉很甜，總括來說味道也很香。還有洋蔥、青椒、腰果…等配料。一點也不馬虎，讚! 樂園的環境不錯，服務也很好。幾位侍應也不斷斟茶，冬季去食肆有熱茶飲也是一種細心。值得讚!一直都保持水準，又不偷工減料。仍然維持在石澳的可靠形象! 推介～

趁早少人食晚飯…叫了個醃鳳爪沙津（$45）做得很快，來到望見汁不多，以為無味，原來真的是醃過，好有味，辣得起! 不像劣貨用好多辣椒油浸住果隻，真係好食!同埋D洋蔥，芹…好香~份量也不少，鳳爪起碼都有廿幾舊左右。抵! 另叫一個半打沙爹串燒，（$48）選羊＋牛（另有雞，豬可選）不用說，好味，沙爹醬夠味。可惜有一兩口肥膏多左D…煎薄餅（$26）不夠鬆軟，可能不是印度式的=P但都算幾香幾好味。3塊，切開共12件。=) 飽。服務仍很好! 不斷幫我加水…PS.若叫了冷盤，可以叫佢遲點上熱食，太快到會凍左…

上次同朋友十幾人一起慶祝中秋、生日，十幾人吃了十個餸有多，大家都吃得開心。今次自己來石澳，又是下午茶當lunch。誰知再來樂園一次，仍給我很滿意的驚喜。有下午茶餐，不算貴，20-30都有。有炒金邊粉、公仔麵、河粉、串燒…我叫了個炒公仔麵，送野飲（汽水、檸茶奶茶一類），佢寫得咁單調，於是再叫了個泰式拼盤細（$65）。一來了炒公仔麵就驚喜，30蚊但很大碟。擺明係剛剛整好，但炒得不算油，不會成攤油0係碟度，料好足：青椒、香葉、芹、紅椒、菜絲、洋蔥、雞肉絲（而份量也不少!）炒得好香好好味，讚! 麵的份量也起碼一個半公仔麵了。食完都很飽。拼盤來了才知食唔哂。兩個人share仲好。有4件蝦餅：這個我鐘意，口感幾彈，味道好。炸得不過火。4件魚餅：這個的香葉味較重，也幾好食。4件春卷：外脆內軟，一般泰式春卷味，點埋汁好味D2件香葉包雞：這個不夠好，雞肉質地唔好，又炸過龍，又乾又硬。但總括幾好，服務好，環境好。（裝修過後更靚了）石澳推介!不枉入石澳食返餐!

昨晚兩口子去了石澳走一走影影相, 黃昏後, 又是醫肚的時候...本來打算去BLACK SHEEP, 不過知道它貴, 吃一餐起碼要四,五百元落樓, 所以還是打消了念頭.在面對海灘的大街上, 見到這間HAPPY GARDEN的泰菜館, 看了看價錢都很合理, 所以入去試試, 誰不知吃出了驚喜!冬蔭功很夠辣, 又有濃郁的香茅以及蕃茄, 不過配菜的墨魚丸口感不好, 不夠彈口...香葉肉碎炒飯好好吃, 炒飯夠乾身, 加上下了蒜粒炒, OUR FAVOUR~豬頸肉炒芥蘭苗, 從來都很愛吃芥蘭苗, 這裡的芥蘭苗還不錯, 很新鮮, 不過可能油有點重, 油味很濃, 感覺菜都泛著豬油味, 豬頸肉不過不失沙爹串燒, 燒得乾身又好吃, 還好沙爹另上, 很怕有些餐廳將沙爹一早為客人倒在串燒上, 這裡就沒有啦~ 自己來, 份量隨自己控制, 多好.最正就是龍眼冰, 好好飲呀! 不過$23來說, 貴了點, 但好飲就算啦~餐廳裝修略帶泰國STYLE, 店內很多都是泰國的服務生, 他們的態度都很NICE又FRIENDLY, 又夠禮貌, 起碼自動自覺識倒水...地下沒有冷氣, 心想大熱天時只靠風扇行嗎? 店子好像有二樓的,

天氣酷熱之下,去石澳湧浪,當然玩之前要填飽個肚先啦。去之前賢淑女朋友已經係openrice 搵定資料,話要試呢間泰國野。一落車就搵到,價錢雖然貴過其他食店,不過都試下啦,因為熱lala真係好想飲個椰青呀。見到好多人到食菠蘿飯,搞到我都想食,原來菠蘿飯有分炒同焗飯,想要原個菠蘿既就要記要叫菠蘿海鮮焗飯($78),因為淨係睇唔食都覺得開心啦。然後食下個飯,真係好好味呀~~~而且配料又多,有肉鬆、腰果、魷魚、蝦、青口,食飽仲可以玩下個菠蘿,仲開心過食kinda出奇蛋呀,本人真心推介。除此之外,個泰國金柚沙律($68)都唔錯,原本想叫木瓜沙律,但無晒,問下waiter介紹先至點呢個沙律,佢都無介紹錯呀,好好食。柚肉同蝦撈埋d醋到,仲有些些紅色既辣椒碎,賣相唔錯,食落又多水份,酸酸甜甜,幾開胃,仲有3隻蝦,餐前食一流。椰青都好味,夠曬水,d肉仲好厚,可以慢慢食,一路飲住個椰青,一路望住三十幾度既石澳,因為佢無冷氣,感覺就好似係泰國食緊餐飯咁,好enjoy呀~~如果平日得閒來仲好,因為唔洗加一。服務也好,勤加水。

好耐冇去石澳, 朋友話強烈介紹呢間泰國菜, 試左真係唔單只唔錯, 覺得好有泰國味道, 好spicy, 但係好香, 好正! 叫左:- 炒金邊粉(order唔辡, 但係都有辡味)- 冬陰公(super spicy, 但係好爽)- 焗釀鷄翼(唔spicy, 一碟只得3只)- 馬拉x炒通菜(spicy, taste ok)- seafood salad (super spicy)- 蝦餅 (唔spicy, 但非常普通)- 炒河粉(睇唔spicy, 但食落, d spicy 慢慢湧上來)- 菠蘿炒飯(ok, 但始終冇泰國街邊炒得咁正!)再+數枝啤酒, 9個人, $860埋單, 比起九龍城, 味道高一級, 不錯不錯,如果去開, 我會再食, 但唔會專登去, 都幾遠!

裝修不算太精美, 但味道很出色o我們點了豬頸肉, 肉質很彈牙, 肉碎包生菜, 肉碎是帶點辣的, 好味.........點了青咖哩雞及薄餅 一起吃, 很配合, 一些汁都沒有浪費, 點了菠蘿炒飯及泰式炒飯, 前者比較出色, 後者一般, 但份量很少, 每人只能吃少少o 還有我至愛的冬陰公湯, 有很多蝦頭, 很鮮味, 還有點了馬拉盞炒通菜, 不過不失, 總括來說, 各樣食物都幾好o

係沙灘曬左一日太陽, 睇哂D magazine, 同埋2個外藉fd 就開始想搵野食~佢地嗜星馬既野食~ 咁我話呢到好似有間泰國野~不如就係到食啦~咁我地叫左, 一個蝦卷~我見佢地食左一舊就冇食.. 唔.. 我見就好油, 所以冇掂一個fd叫左個mango pork同肉既菜..佢地以為會係好似sweet n sour pork咁~點知..隨左甜就係甜..勁好笑~'it is more than sweet!!!'另外一個叫左個patai.即係炒粉.. 佢話OK, 又大碟而我就叫左個湯河. 好大碗, 味道真係好好, 好似我係披國街頭食o個到咁.. 每人仲叫左個椰青. 好凍好好飲~d肉又好食~$25@整體黎講~ 如果佢刈冷氣會好好多~我地一路食, 一路比d熱風吹...好辛苦佢地d野食真係唔錯, 服務都好好 我地比番自己叫左既野既$ 所以我就比左70