千樂燒味餐室

Open Now

Now Closed

話說一早用OpenRice order咗兩個餐，兩個都係榨菜肉絲麵，再配方包同奶茶，但一個配火腿蛋，一個配午餐肉蛋然後screenshot 個order list俾工人姐姐，叫工人姐姐落去攞姐姐話攞嘅時候得一個餐，佢話佢問過個夥計，個電話寫住兩個餐喎，你淨係俾咗一個餐喎，但我工人姐姐細膽，冇同佢爭執返嚟先同我講然後我又要落去問佢，個夥計就即刻好冷靜咁講：「哦，留咗邊個俾返你囉」，然之後叫廚房「急起」我攞咗個餐之後，我問佢我工人姐姐問過你個喎俾咗兩個餐錢點解你淨係俾一個餐佢？佢答咗我啲九唔搭八嘅嘢，話咩個大單都係咁㗎啦，然之後我就走咗啦我話我姐姐問過夥計個喎，你哋叫佢走明明張單個orders 個夥計用好閃縮嘅眼，答我「我唔清楚喎，唔係我跟，我去咗廁所」我話以前幫襯你哋都唔係咁㗎，做乜而家搞成咁？！之後就走咗啦無啦啦要白行一趟😂

千樂位址喺後街，附近都有寫字樓同唔少住宅… 餐廳開業可能1、2年，裝修都幾新淨，座位都算闊落….食咗幾次晚飯，食物質數唔錯….乾炒牛河唔油，牛肉唔柴亦冇明顯鬆肉粉痕跡，河粉可口，芽菜蔥段有鑊氣叉燒旦飯叉燒竟然係暖，肉質味道唔錯，少肥多瘦… 正…. 而炒旦係啱啱起鑊… 仲熱辣辣蠔仔粥以茶餐廳嚟講係水準以上… 蠔仔肉碎梅菜仲有芫荽，簡單配搭味道頗佳龍躉套餐味道佳，龍躉彈牙新鮮，炒西蘭花有鑊氣，蒸龍躉伴粉絲木耳係點睛燒味相當出色，夜晚9點去到，啲燒味出嘅餐係仲熱同脆…燒鵝叉燒happy set，配有驚喜嘅涼拌青瓜同唔hea 嘅例湯燒味拼盤貪心一次過試晒，樣樣俱佳，燒鵝皮少脆仲熱，燒豬皮脆卜卜，叉燒油雞唔失望貴妃雞整體唔錯，肉質嫩冇雪味，食落啖啖肉蜜薯牛柳粒甜蜜蜜，味道唔錯，可惜牛柳粒今次有啲over cook梅菜蒸肉飯，家常嘢唔錯，梅菜食得出係靚梅菜，肉餅都算有口感，茶餐廳水準之上餐廳員工都算友善同helpful，8:30晚飯時間後去，都近9成客滿… 餐廳收11:00，晚飯宵夜不防試試

聽同事講呢間餐廳啲人好“醒”，之前唔明，而家終於明喇。話說收工前打電話去落單，喺電話講過兩次係唔係有兩個飯，分別要‘’西炒飯‘’同‘’粟米斑塊飯‘’，對方答係，即電話已經確認左，亦清楚講左要兩個飯。係我衰，趕住返屋企，拎外賣嗰時冇睇清楚，結果對方就淨係落咗一個粟米斑塊飯，返到屋企一家三口食一個飯，冇仇報。呢個故事教訓我哋千祈唔好信人呀，無論電話講幾多次都好，一定要自己睇清楚，因為做呢間餐廳啲人通常都係好“醒”嘅，電話講幾多次都係冇用，要游魂嘅始終都係遊魂，返屋企食空氣嘅話都係自己負責。個斑仲要好乾好柴，多謝

今天去北角辦事，諗起千樂，吃午餐叫了梅菜蒸鯇魚飯，魚腩新鮮大大舊，我本身胃口小都能夠清碟! 唔記得打卡添🤪。臨走仲order咗一個外賣做晚餐：鹹蛋蒸肉餅飯，鹹蛋淡口，飄著淡淡的鴨蛋味，送飯一流，就算只吃鹹蛋也不會覺得鹹。肉餅肥瘦適中，鬆化而不鬆散，不鹹有肉味，很久没有吃過這樣高質的肉餅了。等外賣時，唔覺意聽到鄰桌顧客講：「嘩，义燒咁厚，簡直是別家的一倍，不鹹有肉味，把碟上的醬油澆在飯裡，這個最精彩，只是义燒太多，否則定會吃多一碗飯。」真係咁好味？搵日試义燒至得。

今日突然間好想食茶餐廳 就諗住試吓呢間。叫咗個沙嗲牛肉麵，幾足料，好多牛肉，公仔麵都好食。 至於炒蛋同包正常嘢，價錢嚟講算公道，凍飲加$3。下午茶時間都幾多人，入邊唔算大，但坐得幾舒服。

普通粗嘢，食物質數一般，咖哩不知所謂，D汁都唔知似乜，極品垃圾，食一次就不想再去。冇乜嘢值得表揚，最讚賞係D員工，態度夠差夠西面，令你去完就唔使唸住再去嘅餐廳。

🐖半斤半肥瘦叉燒 $75放工時間去斬料加餸唔算太多人，唔使等位半肥瘦叉燒變瘦叉，超級厚切🤦🏻‍♀️一望以為賴嘢，食落又幾好食，真係吹佢唔脹😂不過呢個價錢都認真唔平 中規中矩

年頭食過千樂，今晚約齊飯腳再嚟幫襯，極之期待，冇失水準，兼喜出望外。每人百幾蚊，超級無敵抵食。龍躉骨白菜豆腐湯海中之龍 養顏 兼重骨膠原。邊會諗到係街坊小店飲到滋補湯水，入口鮮甜無比，果然係足料靚湯。清蒸龍躉頭腩龍躉骨熬湯，頭腩用嚟蒸最啱數，魚雲肉質最嫩滑，唔單止鮮味咁簡單，以「鱻」去形容更貼切，伴粉絲索汁，絕配。靚食材難覓，買手應記一功，眼光頂瓜瓜。西蘭花炒龍躉腩一魚三吃，各有各精彩。啖啖鮮味，肉嫩油豐，入口即感漁油膠質脂香滿溢，份量又足，極抵食。黄金茄子上回試吃，念念不忘，今天再點，沒失水準，成為必點菜式。薯仔爆炒牛柳粉上菜香氣四溢，鑊氣十足，味道一流。人氣燒鵝王在千樂點菜，燒味一向穩陣，燒鵝必點下庄，肉嫩皮脆，水準之上。脆皮燒乳豬外皮卜卜脆酥香，脆不膩口，配嫩嫩乳豬肉，忍唔住，夾完即再夾。海蜇拼青瓜未到齊人，最啱食開胃菜，青瓜新鮮，海蜇爽脆，微微地辣，開胃醒神。

(自費食評) 🥢是日特餐: 雞中翼公仔麵，配炒滑蛋火腿這塊奶油豬半塊包，炒滑蛋和火腿的賣相尚可啦，奶油豬上的有牛油和煉奶都搽得夠多，吃落夠哂味。火腿有一塊，炒蛋也可以，不是太差，整體可以雞中翼公仔麵，三隻炸雞中翼，炸得幾脆，不過公仔麵湯底比較差，冇味，很清淡，這是豬骨湯底？上湯？唔識分了。最後，要我自己自行加辣椒油調下味，才有點味才入到口。份量正常。🥢乳豬燒鵝飯，份量尚可，師傅在沒有我們要求下斬了鵝脾給我們。乳豬皮都OK夠脆。有少少菜健康少少。賣相還可以。🥢乳豬叉燒飯份量也可以，叉燒多過乳豬，這碟乳豬肥肉多，皮也脆，賣相一般。🥢蒸鯇魚飯，鯇魚滑，都幾厚。一般上班一族要求不高，可以吃

初期開張已幫襯過幾次，覺得食物水準幾好，所以周不時都會去食，今早去食早餐，件油多，揭開完全無牛油，炒蛋真係好難會煮得唔好食，今次個炒蛋好難食係無味，叉燒通粉，通粉算係正常，湯底無味都算啦！你間店係賣燒味，個幾嚿叉燒係好難食，又靱又無味，外觀睇唔出佢係叉燒，我以為白烚豬肉！未試過食份早餐，所有款式都食剩，杯奶茶就不嬲都麻麻地㗎啦！知道佢哋灣仔分店有派飯俾弱勢社群，都好想支持下呢間餐廳。其實呢間餐廳生意唔錯，但唔知點解越嚟越差，但水準繼續下滑都好難繼續幫襯。

Waking up with a feeling of enjoying my breakfast at a cha chaan ting. Went somewhere that opens early (7am). Ordered Macaroni topped with shredded pork and salted veggies, serving with two sunny side up eggs and butter bread.Macaroni was cooked in al dante, texture was exactly what I want for macaroni! It is more common to pair the topping with vermicelli but personally I prefer macaroni as they always filled with soup inside and for this, also filled with the salted veggies. Every bite was sav

嚟到啱啱午餐差唔多完，跟住下午茶，所以叫咗一個午餐-菜甫煎蛋飯，同埋兩份下午茶，幾十蚊，又平份量又足👍🏻👍🏻奶醬多 、 西多士，下午茶食呢啲真係好邪惡，但真係好味😋

這茶記初期下午茶餐很多選擇，食物質素中等，飲品合格，服務一般啦。但今午想食燒鵝米粉再光顧，行入去沒人理你，自己坐下即叫下午茶餐燒鵝米粉標配紅豆冰，燒鵝熱辣辣，湯頭味道和米粉合格，而椰汁紅豆冰剛好合格，紅豆少及細粒。服務態度真係麻麻地有待改善，否則只此一次，祝好運！！

朋友介紹 千里迢迢 大西北去北角 結果喜出望外呢間小炒王，夠晒鑊氣 yummy yummy 😋 實在太好味，寫下人生第一次食評，小店應被看見精緻必吃小炒 咕嚕肉 加咗紫洋蔥 紅黄綠椒，一上枱吸引全枱人眼球，入口鬆化唔厚粉，酸甜有至，高手師傅在民間 金銀蛋上湯豬乸菜嗌餸嗌到最後諗唔到食乜菜，店員提議食金銀蛋菜，問我哋鍾意食乜菜，話今日豬乸菜靚，不如試下。一試難忘，這配塔突出了豬乸菜的鮮甜。椒鹽鮮魷膽固醇超標 quota不能亂用呢碟鮮魷 堅好味 忍唔住夾完一嚿又一嚿爆炒牛柳粒牛柳粒炒得極嫩滑，但又不失鑊氣

頂瓜瓜廚藝 👍👍👍👍👍無有得頂咁好味價錢公道地方衛生，仲要係洗手間都咁乾淨！出菜時序體貼 負責人功力可見一斑脆皮乳豬 肥瘦適中 燒得火喉啱啱好 盡顯師傅功力黃金茄子新年必點意頭菜，唔油膩，唔鹹，食到停唔到口花菜炒肥牛辣辣地惹味菜式，冇諗過花菜配肥牛原來咁夾，師傅創意梅菜蒸肉餅食得出用靚梅頭，梅菜浸泡得鹹甜度剛剛好，送白飯一流