喜膳燒

Open Now

Now Closed

今日去咗尖沙咀一間叫「喜膳燒 」餐廳食晚餐，餐廳位於尖沙咀寶勒巷，地理位置非常方便，採用開放式廚房嘅設計，可以睇到師傅喺廚房入面燒烤，座位屬於高凳嘅設計，具有港式串燒店嘅特色。而且餐廳每日都有唔同嘅推廣優惠，例如指定串燒半價、生啤買一送一、每人贈送生蠔一隻、每台贈送燒菠蘿等等，大家可以留意餐牌嘅推廣內容。🍊蒜蓉燒廣島生蠔燒廣島蠔有三隻，每隻嘅尺寸都好大，上面有一層厚厚嘅蒜蓉，燒得非常香脆可口，廣島蠔食落去非常飽滿，充滿鮮味🍊蒜蓉燒珍寶大扇貝珍寶大扇貝嘅尺寸好大，上面有一層吸滿鮮味同精華嘅粉絲，配搭豉油、香蔥同蒜蓉一齊燒，肉質仍然保持到好鮮嫩多汁🍊海鹽燒牛肩胛、海鹽燒王牌牛舌、日本霜降和牛串牛肩胛幼嫩多汁，海鹽可以提交提升肉味；牛舌係偏中式煮法嘅牛脷，非常厚身；和牛串嘅肉質充滿油脂感🍊 BBQ燒豬頸肉、十三香燒豬仔髀豬頸肉配上BBQ醬好惹味，口感肥美；燒豬仔髀肉質非常嫩滑，咬落去充滿肉汁，配埋惹味嘅香料去醃🍊沙嗲燒雞肉串、鹽燒手切雞腎串、沙嗲燒雞全翼雞肉串嘅份量好多，沙嗲味非常濃郁惹味，味道就好似泰式串燒咁濃味；雞腎串口感爽口彈牙，配上鹽燒嘅味道好夾；平時好少機會食到雞全翼，呢度用BBQ

燒珍寶大扇貝燒珍寶大扇貝口感外脆內嫩，貝肉鮮甜多汁🤤😋💫非常感受到海鮮鮮香，再搭配蒜蓉香氣讓味道層次更加豐富蒜蓉燒廣島生蠔蒜蓉燒廣島生蠔口感極佳，外層微焦💫🤩🦪內部依然保持多汁鮮嫩。再搭配蒜蓉香氣，令人回味無窮味醂燒魚乾燒魚乾外酥內嫩，咀嚼時候更加能感受到魚肉鮮香🐟💫再加上味醂甜香渗透係魚乾中，令口感更為豐富，既有嚼勁又不失柔軟🌟😆燒午餐肉燒午餐肉口感非常豐富，外脆內嫩😋🥳咀嚼時能感受到午餐肉香氣四溢味道。既有鹹香又有微甜，令人一口接一口🤤🤤🤤燒雞肉串燒雞肉串口感獨特🌟🥳外層微脆，內部肉質十分鮮嫩，咀嚼時能感受到雞肉既鮮美同醬汁濃郁🐥😙十分有層次感蜜糖雞中翼蜜糖雞中翼口感非常誘人🌟😙外層蜜糖醬形成一層甜脆焦糖外衣🤩😋😋內部則保持多汁雞肉，肉質鮮嫩。每一口都充滿甜香味，令人欲罷不能燒美味雞肉腸燒美味雞肉腸口感非常之獨特🤤🤤🤤外脆內嫩，外層金黃酥脆焦皮，內部則保持鮮嫩多汁充滿肉汁🌟🌟🌟每一口都充滿驚喜燒頂級墨魚丸燒頂級墨魚丸外脆內彈，非常感受到墨魚鮮香。內部十分彈性同口感好鮮嫩🥳🥳🥳味道好有層次感💫燒燒賣燒燒賣口感非常豐富，外皮柔軟🌟🌟🌟內餡鮮嫩多汁，散發出誘人香氣✨🐧每一口都能感受到肉同

餐廳每日都有唔同優惠，最抵就星期日同星期一晚市75折，餐廳唔算好大，當晚7點半左右已經坐滿，建議訂位。海鮮類🦐⭐️火蒜蓉燒廣島生蠔3隻 $88⭐️燒馬來西亞大蜆 $98⭐️燒新鮮脆皮白鱔 $72生蠔肥美飽滿，蠔味幾濃；大蜆燒得岩岩好唔會乾晒，鮮甜無沙，帶淡淡海水味；白鱔皮脆肉厚。豬雞類🐷🐔⭐️鹽燒雞軟骨2串 $42⭐️孜然燒手切雞腎串 $29⭐️燒蜜糖雞中翼3隻 $46⭐️BBQ燒豬頸肉 $29呢幾款都係唔會失手既款式，唔會燒到乾晒，其中雞翼幾好，皮脆脆地，肉質保留到肉汁。⭐️海鹽燒王牌牛舌 $58⭐️燒流心鵪鶉蛋 $29⭐️燒玉桂焦糖金菠蘿 $45⭐️蒜蓉牛油焗雜菇 $49⭐️法式蒜蓉包3塊 $24牛舌大塊同有d厚度，但食落唔會韌；焦糖菠蘿少少貴但好味，燒過後菠蘿更甜；蒜蓉包脆卜卜，牛油味幾香。⭐️白桃梳打 $38⭐️菠蘿梳打 $38兩款梳打正常發揮，味道唔會好假同好甜。

❤️《尖沙咀惹味串燒店》 - - 喜膳燒又來到星期五，梗係要對自己好啲，突然間醒起食咗好多次喜膳燒食串燒飲啤酒，佢哋嘅營業時間去到好晏,可以同朋友飲飽食醉到好晏都冇問題🤩🤩餐廳每日都有唔同嘅優惠，大家可以留意吓‼️以食物方面，睇得出師傅係好用心去燒，同食物都好新鮮😋😋首先海鮮方面，我哋就叫咗燒蟶子王、燒扇貝、蒜蓉燒廣島生蠔，全部都好好味，唔會將海鮮燒到好乾同埋調味可以帶出食物嘅鮮味😋😋大家一定要叫燒生蠔食，全部大大粒，又Juicy，食過返尋味🤣其次，串燒上枱時候會用一個熱嘅石板裝住，令到串燒唔會咁易凍，係一個好好既方法。我哋就叫咗燒山賊雞翼、牛舌、雞軟骨、雞皮、翠玉瓜、焗金菇同燒茄子，每樣嘅食物都唔會燒到過火，同調味唔會太搶食物嘅味道😋😋另外仲要推介鵝肝多士，鵝肝嘅油脂香加黑松露醬，一啖放落口，真係好好味呀‼️最後再加杯啤酒， Happy Friday😋😋☻味道：7.5/10☻環境：7.5/10☻服務：7.5/10☻價錢：7/10☻回頭率：70%☻人均消費：$300📍 喜膳燒（尖沙咀）尖沙咀寶勒巷10號地舖

尖沙咀寶勒巷一帶有好多餐廳前排去左間小店食串燒餐廳裝潢以木系為主環境氣氛都不錯好適合一班朋友聚餐燒蟶子王 $88口感彈牙鮮嫰，火喉控制得岩岩好，配上大量蒜蓉蒸，好食!燒扇貝 $78肉厚鮮甜彈牙，配上大量上蒜蓉粉絲，美味可口。鵝肝多士 $88鵝肝有份入口即溶既幼滑質感，配香脆多士，難怪係廚師推介菜式🤣!!燒煙肉鵪鶉蛋 $36呢個組合都係第一次食! 煙肉燒到微脆，濃厚鹹鮮，頗有口感。鵪鶉蛋口感軟滑，原來係咁岩😂！燒牛舌 $58牛舌都幾厚身，口感柔軟，油脂豐富。燒雞軟骨 $42香脆惹味既軟骨，好香口。燒豬肉串BBQ $29肉質非常軟腍多汁，有啲似食緊叉燒🐽🐖!燒台式香腸 $26口感紮實嚼勁十足，煙韌多汁。燒雜菇（黑松露味） $59燒雜菇份量好多，松露味香濃，我中意呀😍😍！ 燒蒜蓉茄子 $38一絲絲既茄子口感幼細軟綿綿，蒜味濃郁！巨峰提子梳打 $38白桃梳打 $38唔會話太甜，梳打亦有助解膩。

最近迷上食串燒😋今次同朋友揀咗呢間位於尖沙咀鬧市嘅居酒屋！地點方便，食物質素同性價比都唔錯👍🏻海鮮種類都算多，今次叫咗❤️蟶子王、❤️扇貝同🦪廣島生蠔，加埋蒜蓉食夠哂香口👍🏻推薦！肉類方面，揀咗🍅車厘茄煙肉卷同🐮霜降和牛串，特別推薦車厘茄，非常Juicy，配搭肉類一齊食可解油膩感！蔬菜方面都揀咗幾多款😝有🍆茄子🫛秋葵🍍焦糖片菠蘿🍠甜薯🌽粟米！私心最愛燒茄子，每次食居酒屋都必叫，蒜香超惹味讚👍🏻🍽️喜膳燒🌎沙咀寶勒巷10號地舖

是夜跟喜歡吃串燒的朋友晚膳，隨即想起屹立寶勒行多年的喜膳燒，印象良好，交通又夠方便，即訂枱開餐。星期一至六，分別有不同的優惠，甚好甚好！環境尚算理想，招呼還算不錯。點了海鮮，燒大蜆 $98，新鮮肥美，份量多，抵食 👍👍再來一份蒜蓉燒扇貝 $78，扇貝剛剛熟，完全唔韌，蒜蓉味極香，好食燒白鱔 $72，鱔有鱔味，有咬口，灑上的芝麻，裝飾之餘更添上幾分香味鵝肝多士 2pcs $88，鵝肝夠大塊，外層煎得微焦，內裏保持軟綿，加上脆口法包，完美。煙肉🥓韭菜卷 $32，煙肉🥓的鹹香及脂肪，正好滋潤了韮菜，加上韮菜獨特的香味，配合得宜孜然🌿燒茄子🍆 $38，燒茄子是大愛，軟綿線的茄子肉，吸滿了孜然的香草🌿味，百吃不厭鹽燒雞軟骨 $42，雞軟骨獨有的咬口，鹽燒正好吊出它的雞味燒肉肩胛 $49、霜降和牛串 $62、燒雞皮 $39，燒台式香腸 $26，各有特式。益力多沙冰🍧$48，冰涼清新，甜酸味深得我心白桃梳打 $38，白桃夠香，梳打的氣泡🫧口感，令人愉悅

平日收工，最好就係整幾串串燒，再隊杯啤酒。今日喺尖沙咀搵到間串燒店，個人覺得相當抵食。“喜膳燒”其實佢本身嘅價錢已經相當合理，一陣間我講就明。但佢仲有各式各樣嘅古怪優惠，令到價錢更加抵。例如星期一會有所有嘢食七五折 (以下會用返正價標示)。生力黑啤 (pint) $68一杯黑啤，份量充足，夠晒冰凍解渴，絕對夠飲一晚。避風塘燒廣島蠔三隻 $88個人覺得係最抵食嘅菜式。首先佢一客有三大隻，每隻嘅蠔肉都好厚好大啖，果然係日本蠔！日本蠔呢個價錢已經夠抵，佢仲用避風塘嘅方式去燒，燒出嚟好有風味，而且有啲辣香，非常可口。燒扇貝(蒜蓉) $78 大隻加上大量嘅蒜蓉同粉絲，食完會覺得滿足。芝士響鈴 $26一客有兩條，又一個非常抵食嘅菜式。響鈴中有芝心，夠熱又香口。燒白鱔 $72香口無比，夠晒厚肉彈牙，鱔味質感豐富。燒燒賣 (沙嗲) $22相當奇特嘅串燒。難得佢並冇將燒賣燒到過乾，啲皮都唔會硬晒嗰隻。加上沙嗲汁美味可口。燒豬肋排 $108好大份！豬肋骨肉質鬆軟。燒汁香濃，二人食相當足夠。其他值得叫嘅嘢，分別有燒麵筋(沙嗲 $24)、燒牛肚 ($29)、燒玉子 ($19)、芝士焗蘑菇 ($49)、燒肉桂焦

2024.10.22 最近真係好鍾意食串燒🍢所以今日放咗工出尖沙咀行完街🛍️就去咗呢到到食晚飯🥢呢間其實之前都嚟過嫁啦🤣因為食物種類多而且依家佢地星期一至日都會推出唔到優惠🈹好似今日係星期二就有十多款半價優惠串燒😍今日兩個人就叫咗⬇️💟海鮮類燒蟶子王 $88燒扇貝 $78💟肉類燒羊肩肉 $58/2串燒黑啤牛仔骨 $78燒BBQ豬頸肉 $29照燒雞軟骨 $42燒沙嗲雞肉腸 $26💟其他類燒流心鵪鶉蛋 $29芝士響鈴🧀 $26燒玉子🥚 $19💟蔬菜類蒜蓉燒茄子🍆$38燒虎椒🫑 $19💟甜品&飲品類今川燒（紅豆🫘）$38菠蘿梳打🍍🫧 $38上餐時間十分迅速而且食材新鮮加上調味惹味😋火喉亦都剛剛好🔥所以係食唔停口😛而飲品超清爽解膩💛甜品亦都作為完美嘅句號🔚

喜膳燒尖沙咀一間地舖港式串燒店,餐廳位於九龍尖沙咀寶勒巷10號地下,餐廳裝修以港式懷舊居酒屋設計,餐廳主打港式串燒居酒屋,餐廳每日有不同優惠,低至買一送一,服務員招呼熱誠友善。串燒燒麵筋,沙嗲味,第一次食好特別,吾錯。燒牛舌,大大塊的牛舌,烤到微微焦香,食落軟綿香口。燒蜜糖雞中翼,係我嘅至愛食物之一,廚師將蜜糖雞中翼烤生焦香,雞皮香脆雞肉仍保持嫩滑多汁。海鮮燒白鱔,烤白鱔烤至鱔皮煙煙靭靭,鱔肉嫩滑帶有鹹香味。燒魚片頭,厚切,烤魚片頭烤至表皮微焦,微鹹,食落好香口。燒聖子皇,配料有蒜蓉香蔥,炸過嘅蒜蓉甚香口,與聖子好夾。燒扇貝,配料有粉絲和香蔥,粉絲吸收咗扇貝的鮮味入口鮮甜,扇貝食落彈牙。蔬菜燒菠蘿,烤過的菠蘿特別鮮甜,酸酸地甜甜地好醒胃。燒粟米,粟米烤至微焦,食落好香甜。燒秋葵,烤過嘅秋葵冇咁多潺,新鮮清爽。手拍青瓜,配料有芝麻,香蒜,辣椒,微辣,食落爽口清。飲品青檸梳打和菠蘿梳打,兩種梳打酸酸甜甜可解膩滯。

今次又去到尖沙咀附近食一間串燒店，呢間串燒店除咗啲海鮮好出色之外，食落去都新鮮同足料！今次我就揀咗蒜蓉燒，除左香濃，蒜蓉控好愛！ 海鮮叫左呢二款：燒蒜蓉蟶子皇燒蒜蓉粉絲扇貝蟶子皇大大嚿肉，再加上入晒味！而粉絲扇貝都係大大隻！再加上粉絲完全感覺到蒜蓉嘅香味滲晒入去！飲品今次因為識串燒嘅關係所以就會飲啲潤喉啲嘅嘢，冰糖雪耳雪梨水！真係好足料冰糖雪耳雪梨樣樣齊飲落去超舒服！串燒就選擇左呢幾種：燒肥腸豬大腸豬大腸原本就已經好好食再加上燒烤令到層次更加香！燒牛肩胛同燒牛舌：啱啱食得返牛既我，表示牛肩胛超高分！肉質柔嫩，再加上燒得啱啱好！燒牛舌大大塊爆肉！另外再加左啲串燒：蒜蓉牛油焗娃娃菜充滿晒蒜蓉牛油既娃娃菜！真係好滋味！燒日本一口甜薯、當甜品食係一流㗎！燒焦糖片菠蘿、加左焦糖片真係好香好食！喜膳燒尖沙咀寶勒巷10號地舖

夜晚肚餓去邊好？呢間主打港式風味串燒，由下午四點開到凌晨兩點，提供多款特色海鮮、肉類、小食、飲品等。店內環境唔大但座位之間有適當距離，推介大家同朋友仔嚟傾心事👫海鮮有馬來西亞大蜆，鮮味十足，點醬更惹味、珍寶大扇貝燒得啱啱好，無變細到，加埋蒜蓉同粉絲增添口感。海虎蝦果然好大隻，啖啖肉，好滋味，肉質爽口彈牙，仲有膏食！肉類會推雞全翼，外層金黃色，嫩滑可口、豬肉串肥瘦適中，淡淡香氣、車厘茄煙肉卷味道鹹香，番茄爆汁，十分開胃、羊肩肉細細串，羊味突出，咬落唔嚡、魚皮餃第一次見，外皮脆內餡滿。丸同小食類方面都有幾多選擇，私心推介芝士響鈴，微微焦香，又鹹又脆、鵪鶉蛋用和風調味，熱辣辣，估唔到會爆餡，記得要放涼先好食。雞肉腸同芝士腸好有BBQ feel，點埋蜜糖好滿足、燒賣同魚片頭大大粒，外脆內彈，都幾飽肚。最後以燒菠蘿同今川燒作結，酸甜滋味，建議老闆可以加埋棉花糖落Menu😜

近日秋風起, 天氣涼涼地, 食吓串燒都幾合適。這間主打港日風味嘅串燒店位於尖沙咀寶勒巷, 居酒屋裝修格調頗具風格, 三五知己傾吓飲吓嘆串燒, 感覺都幾寫意, 熱熱鬧鬧有氣氛。串燒即叫即做, 熱辣辣香噴噴, 零舍美味。豬頸肉肥美爽脆, 肉質香滑。墨魚丸肉厚有質感, 爽口彈牙。白鱔爽口肉脆, 肥美不油膩。韮菜大大把夠曬份量, 清甜美味。魚片頭和生根香脆可口, 雞皮和雞皮餃子皮脆香口, 肉汁豐富。還有茄子、蒜蕊和 秋葵, 爽脆清新。邊吃串燒, 飲吓冰凍嘅巨峰梳打, 清爽怡神解熱氣。#尖沙咀美食 #香港美食 #香港必食 #香港探店 #香港打卡 #香港旅遊 #香港必喝 #尖沙咀探店 #香港燒烤 #香港好去處 #尖沙咀推薦食品

位於尖沙咀呢間串燒舖最近做緊優惠,逢星期一到日都有唔同嘅優惠俾大家🙌🏻如果星期一或者星期日去食,仲可以享有七五折添㗎,真係好抵!!!😻佢哋仲要營業到兩點,好適合過嚟宵夜暢敘🫶蟶子皇扇貝山賊雞翼車厘茄煙肉卷牛肩胛金菇肥牛卷雞皮台式香腸茄子虎椒玉子懷舊燒魷魚餐廳串燒種類多到眼花撩亂,咩都好想食😆除咗辣度可以揀之外,有啲串燒仲有唔同嘅風味可以揀,例如BBQ、原味、麻辣、黑松露同牛油等等,認真唔錯🥰另外推介大家一定要試吓佢哋嘅海鮮,真係好新鮮,海水味十足,好正🤤另外佢哋嘅串燒師傅手勢唔錯,串燒帶有淡淡的炭香味,而且佢哋會好窩心有一塊大大嘅熱石,每次加串燒就會擺喺上面,咁樣串燒就可以一直keep住熱辣辣啦,啱晒食嘢食得慢嘅我💕

喜膳燒，一間日式居酒屋感覺的串燒店，餐廳每日有不同優惠，鍾意飲酒嘅朋友星期三就最啱你，食物方面有多款燒烤串燒，海鮮類選擇特別多。燒蟶子皇（蒜蓉燒）蟶子好新鮮大支，加入適量蒜蓉及汁料，剛好帶出蟶子鮮味，非常爽彈。燒扇貝（蒜蓉）同樣大隻新鮮，加入蔥花更加提升扇貝鮮甜。燒白鱔好厚身日式照燒，皮脆肉彈牙啖啖肉。原隻鮮魷魚原隻魷魚燒烤，簡單調味保留魷魚鮮味，點泰式辣醬另有一番風味。除海鮮外還點了雞皮餃子，燒豬頸肉，蜜糖雞中翼，墨魚丸及燒玉子，都可以選擇不同調味。喜膳燒環境唔錯，海鮮類都係好新鮮，燒烤功夫同調味恰當，好味得嚟唔會搶去食物原味道。