Happy Roller

Open Now

Now Closed

👩🏻‍🍳抹茶生乳卷蛋 ($128)太～吸～引～了～❤️ 滿瀉的抹茶內餡🥰蛋糕口感鬆軟，而且內餡超級飽滿，抹茶味道濃郁，一口咬下去以後會慢慢回甘，忍不住一口又又一口😛💓 蛋糕少糖少油，吃完也沒有很強的罪惡感😌🌿 想訂的話可以每天留意它的ig哦，它每天都會更新🌻.👱🏻‍♀️Matcha Roll Cake ($128)i guess this is a MUST for matcha lovers, toooooo attractive☺️ love the fluffy sponge cake rolled up with fresh matcha cream (see the portion🤩) strong matcha flavour which gives you sweet aftertaste😗 worth to mention that little sugar and oil is added - soooo, excuse for me to finish the whole one? stay tuned to its ig if you want to order one

透過Instagram同happyroller店主訂卷蛋；由比錢，到確認訂單，成個過程都好流暢。因為取卷蛋當日天氣比較暖，去之前問店主卷蛋放室溫最耐可以幾長時間等問題都答得好快。去到開心餅店拎卷蛋，姨姨們都好忙但個個都好有禮貌好nice💓仲主動問我要唔要冰用黎保溫。講返個卷蛋！伯爵茶麻糬卷蛋唔會好甜，有淡淡伯爵茶味，麻糬好Q好香奶味，卷蛋外層蛋糕好軟熟。如果伯爵茶味再出啲會有120分！依家100分💛

又係Happy Roller既卷蛋 長氣都講多次 卷蛋採用少油少糖配方 零卡既稀有糖 唔怕肥架當日同朋友一齊去拎 佢表示 嘩 估唔到真係咁傳統既餅店喎▪️抹茶生乳卷蛋 $128⁣/一條見到啲cream完全係滿瀉要漏既狀態 真係忍唔住再壓扁佢⁣蛋糕體就算放左係雪櫃三四日依然鬆軟濕潤 入口淡淡既抹茶香⁣忌廉入口幼滑 抹茶味濃郁帶回甘 茶味感覺比焙茶更香濃都係個句 呢個價錢黎講 性價比真係好高小插曲 當日夜晚七點幾去到 餅店仲有唔少麵包 姨姨好好人咁送左個芝麻卷比我同朋友 好有人情味 即刻唔好意思咁買多兩個

最初喺ig見到就話好想食咁啱男友返工近佢地餅舖輔個頭就訂左條返黎俾驚喜我🥰今次係第二次食，好好彩地男朋友話去到仲有貨不過因為冇提早order現貨都係得返食過嘅培茶味包裝係雲石紋嘅盒再用牛油紙包住拆開就係蛋糕啦，方便衛生蛋糕軟綿濕潤中間嘅培茶忌廉軟滑香甜蛋糕同忌廉都有一陣甘香培茶味糕體行少甜路線，加埋忌廉嘅甜度就啱啱好適合食唔到大甜嘅人，恰到好處一次過食哂都唔會漏期望下次可以食到其他口味！值得一食再食🤤

之前係旺角排人龍店排左好耐，然後我同男朋友又好肚餓喎，所以就即刻睇下附近有啲咩嘢食可以醫下肚😝happy roller嘅生乳卷好吸引，有唔同味揀😍 有oreo、抹茶、伯爵茶等等🤩 我地試咗朱古力味，個cream食落勁香濃，唔會好甜，突顯返可可味😋 而且口感香滑，配埋棉密嘅蛋糕真係好好味🤤 食一件切件已經足夠，再食多啲就開始膩，少食多餐喔，慢慢分黎食🤣 不過$98有啲貴，唔可以成日食🥺▫️朱古力生乳卷 $98

Happy Roller #旺角 #黃店呢間位於旺角嘅傳統麵包店，驟眼望平平無奇，但係其實暗藏隱世卷蛋！其實呢間店已經有好多ig foodie介紹過，仲上過好多報章雜誌添！果然名副其實。而且仲有參與罷工，冇諗過呢啲傳統老餅店都咁黃！佢哋所製造嘅卷啦仲要係使用零卡稀少糖、少油少糖配方，務求令大家可以健健康康咁享用美味嘅甜品。去到嘅時候唔會見到有卷蛋，記住我問佢哋先至有得買呀，唔好行到過去見到冇就以為冇得買呀，其實佢哋有機會係收埋咗係個雪櫃度咋！不過當然佢哋嘅現貨都非常限量，而且每一日都有唔同嘅味道，所以記住留意佢哋嘅ig，睇清楚先好去啊。難得去到，一次過買咗兩隻味。兩隻味嘅蛋糕都非常綿，氣孔非常幼細，濕潤度剛剛好。攞上手成條毛巾咁樣，大力少少都會將入面啲餡料泌出嚟(代表佢哋好足料啊）。而每一個蛋糕大約可以分到五件左右，所以除翻開都算幾抵食。竹炭海鹽Oreo $98味道比起一般嘅Oreo鹹，我朋友平時冇咁食得甜野都好鍾意呢一個。而且好欣賞佢入面仲有啲Oreo碎，食落去有少少脆口，好正。不過呢個相對上就會比起茶味膩少少，食完之後個嘴唇會有少少油，但係整體來講都係輕盈嘅忌廉。靜岡焙茶 $108

同事一早拎左番公司話要做下午茶☕️，佢話呢間係網店，一條卷蛋大約100 元一條💋一係大約可切🔪5件。抹茶生乳卷🐄用左丸久小山園同青嵐抹茶粉🍵。蛋糕部份非常綿密，有濕度且有彈性😋好喜歡加埋細滑質地既鮮奶油，不會膩！食落係濃濃既綠茶🍵味，有回甘既效果。不太食得出有甜味，因為此蛋捲採用少糖少油配方制作，食左吾會有邪惡感。🎈😂上佢地IG 📱 睇一睇，原來仲有芋泥味卷蛋🥚，培茶☕️味，全部都好想試，決定下次上網買埋，試埋其他味道😍

朋友知我鐘意食綠茶 就買左一條比我試下佢一條可以分到4到5件 3：15一流呀上到佢ig見佢e個蛋卷係用上3.6牛乳同埋丸久小山園若竹和青嵐抹茶忌廉 仲要用常稀少糖係零卡路里 真係食多件都唔怕肥 早上9：00雪到16：00先食 好驚訝佢嘅蛋糕部分竟然仲係保持濕潤而且仲有彈性 雪咗咁耐都冇乾柴 忌廉嘅部分綠茶忌廉多到滿瀉 又香又滑 仲要唔覺得好甜 完全食唔到茶嘅苦澀味 只有回甘 食完成個口腔仲有綠茶味 齒頰留香 性價比高 會回購

因為日常事務的關係，總會經常在旺角區出沒。因為交收地點的方便，「Happy Roller」成為了筆者經常光顧蛋糕的網店之一。芋泥卷是期間限定的，這次剛好對上了店主的開團時間表，於是訂購了一條。賣相跟普通卷蛋無異，淺黃的蛋糕體外層，包著夢幻粉紫色的芋泥。芋泥量也是蠻多的，一條卷蛋大約可切開4-5件。芋泥甜度剛好，入口不膩，就是天然的芋頭淡香味道。質感綿密柔順，中間夾雜著芋頭顆粒，綿密間帶點爽身口感。原味蛋糕體口感鬆軟，帶著一絲絲的清香感。蛋糕的香氣又不會蓋過芋泥的微甜，兩者配合得不錯。