Happy Roller

Open Now

Now Closed

-🦄HAPPY ROLLER @happyrollerhk-抹茶Mix焙茶卷蛋 Hkd158Rating🌕🌕🌕🌕🌑-我係呢間蛋糕店剛開張嘅時候 就已經留意住佢哋一直到而家呢刻 我先至第一次落單買佢哋嘅蛋糕-@happyrollerhk 嘅蛋糕係少油糖製作 相信大家都知糖更加係用咗0卡稀少糖 大大減低卡路里又健康啲-其實 @happyrollerhk 嘅蛋糕真係款款都好吸引好多款茶味我都想試吓 有啲仲可以配搭埋麻糬而我有睇過大家嘅食評 99.9%都係有讚無彈´д`所以我真心好期待 決定新年期間一定要買返條呢條卷蛋大約重360克 一條Roll大約係950 Kcal個人覺得佢係呢個卡路里嘅情況底下 真係好抵食我有將啲忌廉分開食 亦都有將佢哋撈埋一齊食所以可以作出幾方面嘅評價同埋感想比大家參考抹茶忌廉嘅抹茶出產自日本好出名嘅丸久小山園而焙茶忌廉嘅焙茶就係出產自日本嘅靜岡縣🇯🇵-如果將兩隻茶味嘅忌廉撈埋一齊食 唔會食到分別因為佢哋嘅味道都幾相似 但係分開食就唔同講法齋食抹茶忌廉真心好爽 我絕對會比呢個忌廉90分抹茶同埋焙茶嘅最大分別在於 我食到抹茶有回甘然後焙茶係無回甘嘅 呢層我都㗳咗好耐先食到

第一次認識Happy Roller嘅時候原來係一年幾前，朋友喺我生日嘅時候買咗佢哋嘅焙茶卷蛋一齊食，嗰次食完之後真係一試難忘🤩🥰 不過嗰陣仲未開呢個社交平台，所以就無影相寫食評～ 最近呢2個月好多人生日，所以就分別訂咗3款口味嚟試喇🤤 •🥢 抹茶 x 焙茶麻糬卷蛋 $158+15 (麻糬另加$15)呢款抹茶x焙茶嘅卷蛋係可以自選蛋糕嘅口味，咁我呢款就揀咗抹茶味嘅蛋糕體，因為生日嘅朋友本身鍾意抹茶味嘅嘢，然後就私心加咗麻糬😛~ 蛋糕嘅抹茶味都幾濃，而且口感鬆軟～ 而中間嘅cream就係一半抹茶味🟢+一半焙茶味🟤，兩款嘅茶味都好香濃，但又唔會互相遮蓋，估唔到會咁夾🤩 加上個cream打得好滑，又唔會好甜，加埋兩款茶味，完全唔會覺得膩🤤4個人食嘅話應該啱啱好！值得一讚嘅係麻糬嘅口感！•🥢 黑芝麻花生麻糬卷蛋 $148呢款係一打開個盒就聞到好香濃嘅黑芝麻味🤩卷蛋係黑芝麻味，而Cream嘅口味係黑芝麻味+花生味，不過開頭睇唔到有保護色嘅黑芝麻cream🤣 cream好滑但又食到少少黑芝麻粉嘅幼細粉粒；花生cream入面有啲花生粒增加咬口，加埋濃郁嘅花生味，好似食緊粗粒花生醬咁🤣 好真材實料！配埋

事隔兩年 終於第二次訂卷蛋💛其實一路勁想食🥲只不過係太懶🥲每食一啖都係食翻當時嗰種驚喜 難得難得🤤今次係揀咗焙茶 好有水準 而且店主同店員都極nice!好有人情味嘅感覺 絕對係一間有溫度嘅小店💛-🤎焙茶卷蛋 ($128)蛋糕質感依然係鬆軟得黎 濕潤度剛剛好 內裏嘅焙茶忌廉係重點 我唔係特別鍾意食忌廉但係好喜歡佢哋嘅忌廉🤤💛焙茶味超濃郁 食茶味甜品要食超濃嘅我都覺得滿意😚而且少油少糖嘅忌廉令膩度大大減低😚整體而言 同第一次買一樣咁滿足!好期待試埋佢哋其他嘅味道🌝茶味會係我先想試晒嘅 太出色了💛

𝗕𝗲𝘀𝘁 𝗥𝗼𝗹𝗹 𝗖𝗮𝗸𝗲 𝗼𝗻 𝗜𝗻𝘀𝘁𝗮? Finally was able to try the 𝗿𝗼𝗹𝗹 𝗰𝗮𝗸𝗲𝘀 from @happyrollerhk - they’re a local bakery that’s super famous on insta for these 𝙞𝙣𝙩𝙚𝙣𝙨𝙚 𝙩𝙚𝙖-𝙞𝙣𝙛𝙪𝙨𝙚𝙙 𝙧𝙤𝙡𝙡 𝙘𝙖𝙠𝙚𝙨 that are 𝙡𝙤𝙬 𝙞𝙣 𝙨𝙪𝙜𝙖𝙧 & 𝙤𝙞𝙡 🤩 texture-wise the cake’s on the dryer side (I’m guessing cuz they use 𝘳𝘢𝘳𝘦 𝘴𝘶𝘨𝘢𝘳) but the 𝗺𝗮𝘁𝗰𝗵𝗮 𝗰𝗿𝗲𝗮𝗺 𝘄𝗮𝘀 𝗿𝗲𝗮𝗹𝗹𝘆 𝗿𝗶𝗰𝗵 🍵 You get 𝘢𝘳𝘰𝘶𝘯𝘥 4 𝘴𝘦𝘳𝘷𝘪𝘯𝘨𝘴 per roll, recommend 𝘰𝘳𝘥𝘦𝘳𝘪𝘯𝘨 𝘪𝘯 𝘢𝘥𝘷𝘢𝘯𝘤𝘦 cuz it’s near impossible to get one in-stores 𝘞𝘩𝘢𝘵 𝘐 𝘰𝘳𝘥𝘦𝘳𝘦𝘥• 𝗠𝗮𝘁𝗰𝗵𝗮 𝗿𝗼𝗹𝗹 𝗰𝗮𝗸𝗲 𝘄/ 𝗺𝗼𝗰𝗵𝗶 ($𝟭𝟯𝟴 + $𝟭𝟱) 📍Ha

老字號開心餅店副線Happy Roller喺roll cake界完全唔陌生，訂cake有拖延症的me想食咗成年(由人地一間鋪開到第二間觀塘鋪)終於等到個原因食到！🙈喺廣東道1000號自取，鋪面所見是非常傳統的麵包店外殼(見最後一張圖)，拎嘅係一條新派卷蛋，感覺都幾特別。第二代傳人的idea被第一代所接納，並能共融，新idea與舊經驗的融合確實很難得又很美麗💛焙茶麻糬卷蛋 ($143) 一開始見到份量有d細，怕唔夠5個人分，不過食落都ok，餡料好足都幾聚手🙃以chiffon cake作卷蛋部分，確實係好鬆軟和綿綿，中間焙茶餡好香!好濃!甜度適中! Mochi口感偏軟糯，唔痴牙，容易咀嚼我自己幾滿意，已經開始睇緊下一次要試咩味🥶

好耐無見嘅Happy Roller！睇住佢越做越大，連觀塘都有門市，口味都越黎越多。全靠親戚買到現貨，又可以試多隻茶味。店家採用0卡路里稀少糖，食嗰陣無咁大罪惡感。🍽鐵觀音生乳卷 ($138)
比市面嘅卷蛋大卷啲，切到五件，茶味頗濃，餘韻強烈，忌廉唔膩，不過可能落得多茶粉嘅關係，蛋糕嘅質感有啲粉粉地，之前食芋頭卷蛋時無呢種感覺。🍽抹茶生乳卷 ($138現價)附上一年多前影嘅抹茶卷，睇圖就知抹茶餡幾澎湃，顏色對版，小山園粉絲一定認得青嵐同若竹嘅味道，有齊澀、甜同回甘，抵食之選。

《IG爆紅卷蛋🍰》-最近好hit嘅卷蛋依家好多地方都有得食喇！但要數到呢樣食物嘅始祖一定非呢間莫屬！就係落單都要等成半個月先有得食嘅Happy Roller喇～-依間卷蛋嘅味道有非常多選擇👍🏻例如：原味/竹炭海鹽oreo/朱古力/黑芝麻/黑芝麻花生麻糬 而茶味方面有：抹茶/鐵觀音/焙茶/伯爵茶/柚香金萱茶x東方美人茶卷蛋 可以滿足晒一眾茶控！！價錢由$108至$148不等仲可加$15加購麻糬添～-🌟黑芝麻花生麻糬卷蛋($148)聞落去已經有好香嘅黑芝麻同花生味！食落去更加唔洗講，超濃郁嘅黑芝麻同花生味，好似同時食緊黑芝麻同花生湯圓咁～麻糬愛好者嘅我覺得佢哋嘅麻糬冇得輸，超煙韌！而卷蛋皮都做得幾出色，係好綿密嘅海綿蛋糕。總括而言係一個好足料嘅卷蛋，而且店舖亦都採用零卡稀有糖同埋少糖少油配方～食多幾舊都唔會怕好肥！-👅味道：4/5💰CP值：3/5👍🏻Overall：3.5/5

提早咗一個月訂 終於有得食 可以送上門好方便試咗玄米同奶蓋抹茶味鍾意玄米嘅人會好鍾意😂😂 因為味道夠濃郁抹茶都唔錯 不過個奶蓋呢係鹹鹹地 唔加奶蓋可能會好食啲下次一定會試埋其他味！

網上爆紅的卷蛋一條難求，每日店家都會出ig story，出售限量現貨，為左一試卷蛋，特意早左個幾月預訂，慶祝家人生日。店家指抺茶、焙茶、鐵觀、玄米茶等的茶味比較回甘，身為茶控的我選了焙茶，再加$15要了最愛的麻糬。店面不易找，不起眼的舊式餅店，不會聯想到是出售ig爆紅的卷蛋。☛焙茶麻糬卷蛋☚厚切的話可以分到四條，麻糬很有份量，會把裡面的忌廉擠出來，麻糬很煙韌柔軟，是好吃麻糬的口感。焙茶忌廉部分也不錯，很濃很滑。可惜是蛋糕體很乾，乾到有點鞋，個人認為卷蛋的蛋糕體須濕潤輕盈，但這個就像以前的瑞士卷，不太好吃。等了個幾月，有點失望。

偶然之下係ig見到依間卷蛋店，好似好好味咁，就係旺角買左三條返屋企，結果因為太心急想開黎食，唔記得幫個盒影相，淨係影左入面既包裝(；・∀・)貼紙上面有齊哂舖頭資料換個角度再影一張第一條試食既係三重朱古力卷蛋朱古力味好香濃，海綿蛋糕好濕潤好綿密，真係好好味，同埋入面d cream 好滑，好濃朱古力味之餘亦食得出奶香，正第二條試食既係丸久小山園抹茶mix靜岡培茶卷蛋兩款cream 都有好濃既茶味，啱哂抹茶控同焙茶控佢有得淨係買抹茶味或者淨係買焙茶味，但因為我貪心兩款都想試，就揀左mix既款式最後一款係Twinings伯爵茶卷蛋一咬落去，整個口腔都被伯爵茶個陣獨有既香氣充滿好好食啊～～同屋企人分享完三條卷蛋，唔止肚腹得到滿足，內心都好滿足食甜品真係好幸福最後要提一提既係，位於山東街既開心餅店，就咁睇舖面係一間舊舊地、好傳統既港式麪包店，見唔到有任何卷蛋既display，聽說平時會有個牌寫低當日有咩款（款式日日唔同），但我當日比較早去到，姨姨未寫得切，就口頭答我有咩味。建議搵唔到牌既朋友唔好怕醜，去問下店員姨姨

提早一個月預訂人氣高企的Happy Roller開心餅店人氣卷蛋，期望太高之下略為有點失望🙍🏻‍♀️不過其實佢都合格既👌🏻好食，不過唔算好驚為天人而已：抹茶X焙茶(加購麻糬) $173呢個組合完全岩哂經常性選擇困難的我，一次過試哂兩隻味道🤗欣賞佢既忌廉茶底甘甜，濃而不澀；麻糬軟糯且黏黏的，可惜味道有啲分離；低糖配方甜而不膩；海綿蛋糕軟綿，不過唔算濕潤，吃不完隔天早上再吃會明顯變乾🥲/結論：可能之前食過另一網店37.cake的卷蛋太出色，即使隔晚吃也依然很濕潤，有比較之下會覺得Happy Roller稍遜一點😣🙈雖然Happy Roller便宜一點，體積也相對細小一點👉🏻👈🏻但勝在旺角、觀塘都有分店，地理位置較方便！

@happyrollerhk 本身是傳統蛋糕店 後來推出各款高質卷蛋大受歡迎💛🔥他們採用少油少糖配方 所以多吃幾件也不怕一條卷蛋大概可以切5件左右⁡看到不少人說要一個月前預訂 或碰運氣買現貨很開心這次終於透過團購買得到！等待時間雖然較長 不過都值得試試的😊................⁡▪️黑芝麻麻糬 $𝟏𝟑𝟖 • 𝐁𝐥𝐚𝐜𝐤 𝐒𝐞𝐬𝐚𝐦𝐞 𝐌𝐨𝐜𝐡𝐢外面的蛋糕頗鬆軟 包著濃濃的芝麻忌廉🖤重點是不會太甜膩 夠輕盈麻糬份量不算多 配搭黑芝麻很美味👍就算在雪櫃擺了一晚後 麻糬仍然煙韌！⁡▪️丸久小山園抹茶 $𝟏𝟑𝟑 • 𝐌𝐚𝐭𝐜𝐡𝐚特地選一個不加麻糬的款式來比較一下💚 沒有麻糬更突顯茶香的清新以丸久小山園抹茶來製作的忌廉🍵幼滑軟綿 同樣甜度適中 但苦澀味沒我想像中的重這款適合喜歡純粹茶香的朋友 兩款相比 個人覺得黑芝麻較特別～

You can only order in whatsapp or ig, such a popular shop, you have several flavors to choose such as original, earl grey, charcoal sea salt, sesame and Hojicha, you can go and get the cake in mk shopWe chose hojicha roll, the taste of roasted green tea is so rich and strong though the roll is not tight and easily scattered, have to hold it tight otherwise it falls easily lolll, the taste isn’t bad menu:I think the taste is ok but not valuable at all, try once is enough for me loll, there are ma

老老實實 有D失望早兩個月已經要落訂 (嗌左個焙茶味) 本身落訂係話觀塘拎既  取貨日期前大約一星期左右 happyroller whatsapp 同我講觀塘店未裝修好 要去番旺角店去拎 咁都唔緊要啦 有得食就我咁我到取貨果日 特登出去旺角拎件cake去到個姨姨同我講無我張單睇哂成張pape list 都話搵唔到我個名 /我個電話number佢嘗試打比happyroller果邊 又聯絡唔到本身個姨姨叫我留低資料 等店主搵番我 之後先補番比我我表示不滿 有乜理由又要我再等過 我又一早比哂錢姨姨最終拎左其他客既焙茶味卷蛋比我先不過 不得不承認個焙茶味既cream係好濃既 一D都唔甜 係幾新鮮既口味不過個cake好濕身  感覺好似放左幾日咁所以 都係試過就算啦

ғᴏᴏᴅɪᴇ ᴛɪᴍᴇ 今次食咗Happy Roller 呢間一直都出名，終於有機會試(⁎⁍̴̛ᴗ⁍̴̛⁎)真係好jeng, 忍唔住即刻分享左先!! 焙茶x抹茶捲蛋($158) 佢既cream好滑，比例好多！好濃茶味，仲有啲回甘😍至於蛋糕都好鬆軟，茶味都好夠！濃茶控一定中意，仲好香添🥳兩隻味都好夾，唔會搶左大家既味😆性價比好高🤍平時係其他舖頭都成$40幾件，但係呢個價錢可以切到四五件，好正🥰