海港潮州酒樓 (Closed)

我們6個大人，揀左呢間酒樓食晚飯，由於有家人生日，一早準備左個生日蛋糕，上到去，叫經理幫我雪住(連蠟燭，切餅刀）。到我們食完所有餸菜後，叫侍應準備上蛋糕，侍應拎到出黎，竟然無曬我原本的蠟燭同切餅刀！明明膠袋入面有齊所有野，個侍應仲聲大大話本身係得個蛋糕，連蠟燭同刀都偷，有無搞錯!!!!!雖然環境清靜（因為得一枱客）...餸菜的味道亦不錯，但侍應的服務態度非常差！以後都唔會再去，不知所謂！！

4月7日系老公生日，所以約咗佢去食潮州菜，原先要食嗰個套餐係每位$368元，後經服務員介紹，每人加$100元，就可將原盅雞燉翅，改為紅燒潮州翅，經我哋同意就改咗喇。此套餐每人都可選擇一欵小菜，我哋要咗鹵水掌翼、豉汁蒸鱔。 一嚟就來咗碟鹵水掌翼，因係佢至愛，食咗幾件先記得未影相(所以碟掌翼影出嚟唔原整)！其餘每個菜一到，就先影好相才可以食！哈哈..................。依餐需然貴咗啲，但物有所值，除咗個蒸鱔食唔哂，其它都食清哂。味道好好，有機會會再黎。

2008年12月27日同朋友兩人LUNCH, 平平地, 味道就普通啦! 無咩點心特別好食, 我覺得佢下面間二宜樓好食D

中秋當日我地一家連同兄姐幾家人一起食晚飯, 懶得想就叫左個套餐食啦...味道真係唔錯個個都讚呀..特別個海參鴨掌炆得好入味好淋, 仲有一個唔知咩竹笙什菜既菜式都好正好好味, 炸子雞皮脆好有雞味, 反而我覺得個翅好一般啦好似唔係煮得好夠味, 其他菜式都好好...讚呀!!!

隔星期四嚟一劑嘅 早上例會後, 响公司隔離嘅 海港潮州係我地常去嘅 午膳飯堂. Generally, 呢度嘅 點心實在色香味俱全, 很有水準. 舉例加以說明之:蝦餃& 菜餃---> 皮薄, 唔油膩, 厚薄適中, 有彈性. 餡靚, 料新鮮, 少肥豬肉. Encore!鮮蝦腸粉---> 腸粉爽滑, 蝦仁大大隻, 新鮮彈牙, 正! 奶皇包---> 薄薄嘅 外皮上有可愛嘅 朱古力螺旋紋, 奶皇餡很滑, 唔太甜, 唔太實, 唔食唔得!蘆薈茅根糕---> 多蘆薈粒粒, 勁香茅根味, 清清甜甜, Good!海蜇青瓜絲---> 海蜇爽口彈牙, 唔太salty. 加上鮮脆青瓜絲, a real nice appetiter. 美食gossip 一小時, 輕鬆愉快回公司.(老闆找數, 唔知道每人平均消費)

這裡的點心水準高, 2:30p.m. 後點心還有半價優惠. 又平又好食, 大力推介!!腸粉, 菜肉生煎包, 帶子韮菜餃, 小籠包, 奶皇包, 蝦餃, 牛栢葉, 叉燒酥都是我每次必叫的點心款式, 每次都質素高而且穩定.七個人吃得飽飽的, 埋單都只是$268. 物超所值!

有朋友請飲,第一次來這裡,我這十年來大大話話去飲無八十都七十次,這裡的菜式值得一讚,第一料靚:包括乳豬件起皮又脆又薄，帶子,海參,大海班等都比其他酒樓好味和大件,尤其D翅,多到好似食麵咁，每味菜都被我們全圍人讚賞，一直讚到最後的飲麵，糕點，紅棗蓮子元肉湯圓糖水，和大大個的靚橙，我個人覺得只有鴻星酒樓可比，但鴻星的菜式以特別為主，這裡就靚料為主。不過人多圍多,好迫.

v.traditional chiu chou hot pot. satay soup base is fantastic. try the ho fan at the end, allow it to absorb the sauces, fan has texture too~ value for money as the pot is a set dinner which include 18 beef balls and beef, veg and ho fan. service is good, but abit over served. their ku fung tea is a must try too. overall is spacious and clean.

我家老闆決定來此店食晚飯, 菜式一早由部長幫忙老闆最後決定. 一來上了四式拚盤(炸蝦丸/炸魚餅/海"折"/(唔記得)最欣賞係炸物配既醬汁, 問過係咩名老人家答我潮州話最後都係唔知咩來, 算吧反正好味就得啦. 記憶中此醬汁在小朋友時代食過一二次後就無咩潮州菜館有啦.跟住d菜都係魚, 菜等..不過我最喜歡係潮州翅同埋龍蝦啦...yummy yummy呀. 甜品係用糖醬煮成既白果芋頭蕃薯, 我就覺得有水晶包會正d. 最後仲有糖醋面都幾香口, 不過縑煎得濃左少少....整晚d食物都好有水準, 大家食到飽到唔想行.(特別係我啦...因為我飽到第二日早餐都食不下.)正!

有特別event，o黎左灣仔食飯~ 一大圍人，食o既係類似banquent o既宴會菜，包括有：　鹵水拼盤-第一個菜味道淡，麻麻，令我對依餐期望都大降~酥炸雙拼-其實係炸薯餅同炸魚餅，兩隻都唔好食，咬左一啖就唔食lu~瑤柱三絲羹-仍然都係麻麻，有少少想走人出去食tim...^^"蒜香焗海蝦-突然又來驚喜：全場最好味o既菜式!d蝦好大隻，蝦膏又多，炒得勁香!如果唔係要顧住manner，我諗我可以KO十隻以上!碧綠川椒雞-普通，大家都開始食唔哂~香煎銀鱈魚-好靚o既菜式，但鱈魚煎得太乾，唔好食..芋茸香酥餅-唔起眼o既菜式，反而幾好；唔太油，點叉燒醬滋味唔錯~瑤柱扒時菜-我因上次婚宴完後又嘔又瀉唔敢食，但聽人講味道唔錯，事實上都好快清碟~錦繡炒飯-有層黃金衣(其實係蛋絲)包起，賣相有心思，味道一般~潮州炒麵-好食!繼海蝦後第二好食菜式!潮式美點-有蓮蓉酥同奶黃馬拉糕，好食!絕對比多數主菜有吃頭~合時生果盤-幾清甜，唔錯~功夫茶-幾有心思，又可以解滯~　總評菜式水準迥異，而且食完都唔太覺有潮州特色~ 環境普通，我唔會想重來~ 不過食飯時見到何志平，真人好圓，好funny~ ^^

今日繼續生日飯局,同同事一行3人11:30黎飲早茶,呢間酒樓無早茶優惠,同午市一樣,小點$14,中$16,大$18,特$22.環境都尚算舒服,幾好坐.我地叫左7個點心:四色腸粉$22,鳳爪$12,韭菜粿$14,叉燒酥$14,奶黃千層糕$12,蘿蔔糕$12,帶子菜苗餃$16.四色腸粉$22---分別系齋腸,牛腸,蝦腸,叉腸,腸粉都算滑但吾夠薄.鳳爪$12---4隻,一般味道.韭菜粿$14---3隻,煎得幾香口,菜餡新鮮.叉燒酥$14---十分鬆化!正!奶黃千層糕$12---3件,最差呢樣!外層太過硬身,奶黃亦吾滑!蘿蔔糕$12---3件,幾得幾乾身,但無蘿蔔味,口感亦無.帶子菜苗餃$16---3隻,不俗!皮夠薄,煙韌,餡亦新鮮.但食吾到帶子.埋單$172確實貴,隔離二宜樓12:45前都有早茶優惠,而且仲好食過佢.吾怪得得小貓3,2隻!

通常都會去這間酒樓飲下午茶,有很多點心/小食半價,當然都要好食啦!!不可不提這裹的豬腳薑,非常入味.很"林"但唔爛,Ｄ膠質......總之要食過先安樂.咸水角和豆苗餃也是必應之選,即叫即炸的咸水角,外皮香脆,裹面'煙un".豆苗餃皮薄晶瑩,好味.不過令我失望的是腸粉,竟然有漂白水味!!想不通要漂甚麼??

潮州四併盤- 帶子, 海蜇, 蝦餅, 蟹病. 一般好味. 但中間有個用紅羅白雕成o既壽星公, 好有心思.海鮮蒸蛋- 以為好普同野, 但食落口先知唔係蒸蛋, 係燉奶. very tasty!!!其他野食3.5分啦!不過有個waitress(應該係新手) 1.係客面前爆粗鬧部長2.係唔問人仲要唔要就拿走人地碟送, 3. 幫人換碟唔出聲. 食得唔開心.

每隔個星期日都會在這飲茶,出品唔錯,都幾抵食.鮮蝦腸粉,蝦餃同豬腳薑,係一定要試.D腸粉又薄又滑,D蝦又大隻.因為係潮卅酒樓,有好多潮卅的食品.仔粥,咸菜豬肚,手打魚蛋米,鹵水鵝,凍蟹.每日2時後,大部份粉,麵,飯,點心會半價或者$10.(會列明價錢)值得去試!!要訂位,唔係就有排等.

二千幾蚊一圍的全包宴d野食都算ok 作為公司的annual dinner的確好化算但係我地book前講明要有karaoke去到先話全部karaoke set哂係大廳就算冇karaoke要早通知啦冇理有等我地黎到先話冇去到問我地打麻雀要大副的或細副的我地話要大副點知佢俾副旅行麻雀俾我地問佢有冇大副d 佢話係最大副唔係下再細副d點打呀個waitress 超黑面但係部長見到我地老細就笑嘻嘻今時今日咁既服務態度係唔得架如果下次有得揀一定唔會再黎呢度