港畔餐廳

Open Now

Now Closed

2月頭，期待已久嘅麗晶酒店自助餐，第一次食過千玩嘅自助晚餐，非常期待。朋友兩個多月前預定先食到，好感恩佢嘅安排。當日我哋4人，我大約7點到，佢哋就6點半就到開始享受餐食。海鮮有海膽，大大粒三文魚籽，長腳蟹，龍蝦，麵包蟹，吞拿魚等。龍蝦每次可以扲半隻，係即刻用水整熱給客人，新鮮彈牙。其他海鮮就係凍盤上。佢啲剌身都係即時切，夠新鮮。唔多人排隊拎，可能大家都被其他食物吸引多啲。熱盤當然有鮑魚，炒海鮮，墩海，牛扒等等。朋友話牛扒普通，所以我都冇拎啦。甜品區選擇豐富，切蛋糕大大件，朋友話食一件蛋糕都飽了^_^。平日食比星期五，六日平，但都要一千，真係一試就算了。

相信有留意酒店自助餐嘅觀眾，對重新營業嘅麗晶酒店港畔餐廳一啲都唔陌生。其中自助晚餐特別搶手，我需要提早3個月上官網book位。價錢一啲都唔平，不過網上評價/Youtubers拍片都話好食，再加上一年一次慶祝生日，所以就一家人去咗幫襯。港畔餐廳聽講係有拖羅、花膠、海參嘅高質自助餐，結果就中晒伏！首先講吓拖羅，第1轉攞嘅拖羅非常瘦，第2-3轉先至似樣返少少，但魚味仍然偏淡。三文魚刺身無三文魚味，惠康百佳買到嘅都好食過佢。凍海鮮種類少，三點蟹麵包蟹通通都無。鱈蟹腳好多都冇蟹味，感覺上有新鮮&唔新鮮，兩批溝埋一齊。花膠炆嘅時間唔夠耐，所以唔夠淋。鵝掌就夠淋啦，但係完全冇鵝味，你話係雞腳/鴨腳，我可能都會相信😨慢煮阿根廷西冷多筋位，而且無牛味。食物款式已經唔多，竟然仲有非常相似烹調方法嘅韓式年糕伴海參和韓式珍寶蚌？畀我嘅感覺就係，廚師無擺心機落去思考點樣去煮一道菜！😡最誇張係點餐飲時，我屋企人想點凍檸蜜，某位男職員話蜜糖攪唔溶，叫我們點熱檸水再畀蜜糖我們。不過因為天氣熱，所以我屋企人想點凍檸水，問男職員可唔可以要杯熱水攪溶蜜糖? 點知男職員話要杯熱水會計一杯餐飲！唔講仲以為去錯咗麗晶賓館🤣食物質

💜 港畔餐廳📍 尖沙咀梳士巴利道18號麗晶酒店地下------------------------------星期日晚18:00-22:00 $928/@ 1️⃣ 冷盤/沙律推薦指數：👍🏻👍🏻👍🏻有幾款涼伴菜☺️ 還有五款沙律菜供食客自行制作 十分適合健康人士🥗 四款不同口味的麪包 五款芝士 藍芝士 山羊奶芝士 康提芝士 埃文達芝士 金文畢芝士 配搭了克力架如喜歡食芝士的人 可以試一試😍2️⃣ 凍海鮮推薦指數：👍🏻👍🏻👍🏻👍🏻凍海鮮類新鮮 有海蝦 麵包蟹 翡翠螺 長腳蟹 青口🤩 海鮮有淡淡的海水味 可以食到食材的鮮甜 口感不錯 爽口彈牙☺️還搭配了不同的醬汁 供客人選擇3️⃣ 刺身推薦指數：👍🏻👍🏻👍🏻👍🏻當晚有拖羅 三文魚 帶子 甜蝦 油甘魚 吞拿魚 三文魚魚籽😍各款刺身新鮮 美味 十分推薦帶子 鮮甜🥳 惟拖羅 不夠肥美 沒有太多油脂4️⃣ 壽司推薦指數：👍🏻👍🏻👍🏻有多款壽司 腐皮壽司 北寄貝壽司 魷魚壽司 火炙三文魚壽司 海膽壽司 雜錦壽司卷🤩欣賞酒店將壽司做成一口份量 精緻可愛 讓客人可以食多些不同的食物 壽司味道普通😆5️⃣ 熱葷推薦指數：👍🏻👍🏻👍🏻👍🏻👍🏻熱葷種類繁多 各國的菜色 味道出色🤩即煮

24/6啱啱試左！因為都係睇左某YouTuber，唸住就算貴D都試下，點知真係超級失望！凍海鮮唔合格！魚生帶子甜蝦冇味！吞拿有根！熱葷唔吸引！夠膽死竟然有豬腳薑！中湯竟然係青红蘿蔔湯！暈甜品沒有驚喜！反而係驚嚇！我平時最中意嘅蛋白杏仁茶，佢竟然係開粉果隻！蛋白唔係蛋花，而係烚蛋剝出嚟嘅蛋白切碎！天呀～一間咁高級嘅麗晶酒店！竟然如此質素！請問對得住上千元嘅價錢嗎？失望到我連相都唔想影仲要預早2個月book位！真係期望越大，失望越大

一如以往總結放最頭：如果你係好鍾意食自助餐嘅，真係值得一試嘅，但因為價錢偏貴暫時未吸引到我去第二次 我係同朋友平日去食晚餐自助餐，所以得一輪，可以食到夜晚十點 , 我哋七點前開始食，一路食一路傾，真係食到最尾差唔多十點，如果係假期前或者星期六日分兩輪，每輪得兩個半鐘都係收$1000，就真係攞苦嚟辛，自行決定🫣整體上食物都對得住個價錢，最多人熱門推介嘅拖羅，真係睇運氣，我嗰晚攞咗幾轉，大部份都係有根，唔算十分靚嘅，但有其中兩轉，真係入口即溶，一啲根都feel唔到，自助餐任食拖羅算係咁架啦！ 反而我自己會推介中式食物，大部份都好高質👍🏽有海參、蒸蛋白鮑魚、花雕鵝肝 、蝦球等等😋甜品就推介雪糕，另外佢啲蛋糕太大件如果一開三會好啲，始終自助餐想試多幾種味道服務都算唔錯，收碟都快，唯一就係啲枱同通道太窄，好彩我哋唔係坐起攞嘢食側邊嗰幾張枱，如果唔係就不停有人喺身邊經過

預訂了2個月的自助餐，滿滿的期待美食，果然沒有失望，龍蝦很鮮嫩，燒牛肉很有牛味，刺身新鮮，還有花膠鮑魚任食，片皮鴨有鴨香，甜品也很多選擇，還有無敵維港景，真是我食過最好食的自助餐，樣樣食物也高質，期待下次再來。

Habourside 餐廳位於香港麗晶酒店地下，是一家頂級的餐廳。從預約的時間就能看出其受歡迎程度，且無論是環境、食物還是服務質素都屬於頂級水平。餐廳的熱燻菜式非常出色，鮑魚、花膠等豐富的海鮮選擇令人垂涎欲滴。此外，冷盤方面也有長腳蟹等精緻菜式可供選擇。吞拿魚刺身和燒牛柳都是必食之選，味道非常美味。在甜品方面，餐廳提供了非常多的選擇，讓人難以抉擇。特別推薦的是自家製開心果雪糕，味道非常香濃，開心果的含量極高，絕對是甜品愛好者不能錯過的選擇。此外，餐廳的周打蜆湯也是一道非常容易被忽視的菜式，但其料足味美，值得一試。總的來說，Habourside 餐廳是一家非常優秀的餐廳，無論是環境、食物還是服務質素都屬於頂級水平。它的受歡迎程度也可以從預約的時間看出來。如果你想要享受頂級的美食體驗，Habourside 餐廳絕對是一個值得考慮的選擇，不過要注意需要提前預約，因為現在可能需要排到三個月才能用餐。文字表達唔好太多啦，睇相啦😂

今日小弟生日兼慶祝父親節,我,太太,外父和外母相約往尖沙咀麗晶酒店港畔餐廳食自助晚餐,謝謝太太早三個月前訂位,自助餐食品豐富,這裡有冷盤,凍海鮮,刺身,熱食和甜品,入座朋友冷盤有火腿,巴馬火腿和沙樂美腸,食落咸度剛剛好 ,凍海鮮有蝦和青口,食落味道新鮮鮮甜,刺身有蝦,拖羅,帶子,油甘魚三文魚和吞拿魚,蝦,帶子和三文魚食落新鮮,吞拿魚,拖羅和油甘魚肉質鮮甜味美,熱食有花雕南瓜燴鵝肝,蒸龍蝦,片皮鴨,花膠冬菇鵝掌,金不換蝦仁和炆鮑魚作主打,花雕南瓜燴鵝肝食落有花雕酒香,鵝肝入口即熔,南瓜香滑,蒸龍蝦肉質鮮甜新鮮,配上荷蘭醬口感一流,片皮鴨食落有油花,花膠冬菇鵝掌花膠爽口,冬菇和鵝掌食落軟腍,金不換蝦仁彈牙惹味,炆鮑魚食落彈牙,烤肉肉味香濃,西湯有洋蔥湯,飲落有白蘭地酒香,口感清新,甜品咖啡焦糖布丁口感香滑,鴨肝雞肉卷口感味美 ,另外酒店有肉眼和粉面檔,肉眼肉味香濃,甜品款式多有芝士餅,咖啡焦糖燉蛋,面包布甸,朱古力蛋糕和自家製雪糕,芝士餅味道香滑,咖啡焦糖燉蛋甜度適中,面包布甸口感順滑,朱古力蛋糕味道香濃,雪糕我選了雲呢拿,奶茶,綠茶和冷萃咖啡,冷萃咖啡和奶茶雪糕味道香濃,食落口感滿足,酒

期待已久的麗晶重開，跟朋友預早一個月訂位食生日飯，真的千萬個期待，因為之前睇了－些YouTuber的介紹，覺得非常之吸引，食物應該好高質，就算價錢比較貴都值得。但總括來講係大為失望。一行三人在六點多就已抵達酒店，酒店安排窗口位置非常貼心，已經見到很多客人開始進食，首先講下海鮮bar (只有四款：凍蝦、加菲蟹、海螺、長腳蟹），加菲蟹一啲蟹膏都沒有，超失望……， 而其他海鮮一般般。全場最推介係魚生， 首選帶子、拖羅、魚子， 幾樣都很鮮甜好味，真的是比一般buffet高質，超讚👍🏻、 酒浸鴨肝係特別鍾意，好味、 蒸籠蝦都正常。最令我失望嘅有： 紅酒牛肉（超鞋）、片皮鴨係兩件全鴨肉（不是片皮鴨）一啲油香味都冇、pizza唔脆身（放左好耐）、甜品全部件裝又大又厚既蛋糕（很難切開半件）令客人要取－件full cake 食係好飽的😂、中湯吾夠味（可以學習另一間有名的自助餐做燉湯）真心係想去全城最好的地方品嚐美食， 坦白講真的頗失望， 全晚可以讚賞的位不多，有AE card discount 左要$850 / 位， 值唔值得就見仁見智，不過真心想餐廳好，真的要改善食物質數才可吸引客人再次光顧，加油！

第四間就應該近期最hit既自助餐重新開業由州際改名變成麗晶酒店既港畔餐廳呢間餐廳本來就係上年年尾開業不過短短幾日經過唔同youtuber介紹就已經爆到book唔到之後就要每朝九點搶兩個月後既日子所以我係一月五號就已經要book到三月五號先食得而家睇番原來開放到未來三個月夜晚好似仲係幾難book麗晶酒店其實仲未正式開業上面仲未住得人只係開放番下面幾間餐廳所以連入酒店門口果下都受到熱烈歡迎經過旋轉樓梯就落到去地下層右面係兩星米芝蓮由欣桃軒改名變成而家既麗晶軒有星星既酒店中菜廳好似只係淨番呢間未食到左手面就係自助餐港畔餐廳今次終於可以由六點食到十點足四個鐘咁我地就安排左係旋轉樓梯後面既二人檯唔算大張不過有落地玻璃星光大道景又唔洗同其他檯痴得咁埋都算係咁不過後面檯班人拎野食經過成日都會眼望望港畔餐廳既自助區就係正門既右手邊左手邊就已經係座位座位同自助區既距離都好近係真係會有騷擾開放式廚房一字長型走到尾可能真係晚晚都爆所以成日都會排晒隊打晒交近門口係ham同沙律再過就已經係芝士同凍海鮮頭盤全部擺得密密麻麻一開始拎野食基本就一定要排隊較剪無擺係檯面不過就可以係出面自助區拎所以唔明argo搞乜青口就

服務與食品部份可以，部份與期待有落差。 服務方面服務員有禮貌，在收碟方面亦做得唔錯很快手👍，但加水就要看緣份，我就未有幸加到，主動叫就可能有吧🤔。如果有唔滿意服務地方除左加水外，就是背包無位放，亦無物品攬提供，好似我唔好彩分正無多餘位及無得掛野的椅子，背包只能放地上🤡，佢唔覺醜怪我都覺醜怪，但只能這樣放著。 餐具方面有失望，只提供一叉一刀一匙羹，換言之食甜品同熱食凍食都係果隻叉，喝湯食飯同一隻匙羹都唔緊要，叉…個人覺得在五星級酒店這樣是不能夠接受的。 食品方面種類多，普遍質素中上，當日無生蠔無磯煮鮑魚提供。每位客人有灌湯餃及一杯餐茶提供，餐茶冰粒只係普通冰粒，唔似上手經營咁餐茶冰粒。 灌湯餃：有粒鮑魚、有粒菌類、有隻餃😂，餃無驚喜唔好食，入面材料無特別驚喜，唔似有魚翅碎或瑤柱碎晌入面。湯可以餃唔掂。 刺身區：拖羅、元貝、甜蝦、油金魚、三文魚、吞拿魚、三文魚籽。拖羅表現中上，拎左三次，一次有渣。元貝算大粒同甜。甜蝦較細隻。 凍海鮮區：蟹種類唔似平時果款，肉質有少少甜無咩蟹膏，殼算脆，晌酒店無特自助餐 別提供剝殼鉗都可以咬碎，蟹味唔重。蝦反而好出眾有蝦膏

之前睇過幾個youtuber介紹呢間餐廳自助餐，睇到我心郁郁😆上訂位官網睇左幾次都full booking，最後喺上個月1號10.餐廳開放新booking嘅時候好似搶演唱會門票咁搶book位，終於book到🥹如果大家想黎試下個buffet，就要碰下運氣睇下訂唔訂到位啦～第二樣要碰運氣嘅就係食buffet嘅嗰日係咪海鮮時令季😖(第三樣要碰運氣嘅就係天氣！嗰日坐窗邊位，可惜落雨睇唔到出面嘅海景😭)港畔提供嘅食物款式比其他酒店自助餐廳少；擺位由近門口嘅冷盤區一字型延伸到熱葷區，到最入嘅甜品區。-冷盤區- 🌕🌕🌕🌕🌑刺身好鮮甜，而且油分好足，其中帶子特別鮮甜😋最有驚喜嘅係其中一款炙燒握壽司，入口油脂佈滿口腔，十分甘香，好推介。但嗰日嘅蟹🦀️質素真係唔太好，好鹹而且鮮味唔重，可能嗰日啲蟹唔太新鮮😣-熱葷區- 🌕🌕🌕🌕🌑南瓜湯味道好濃郁，口感都好順滑👍🏼👍🏼波士頓龍蝦🦞大大舊肉擺肉口真係好正😆肉質爽口彈牙😍西冷牛扒就好睇係咪新鮮出爐，第一round拎嘅時候撞正佢新鮮出爐，口感嫩滑，味道一流。可惜第二round拎嘅牛好似擺左喺度一段時間，口感爭好多😢西式熱食入面最深刻嘅係個水果他他鵝肝，醬汁嘅鮮同鵝

等了又等，終於等到重開，要3個月前booking先有位。有一日上網站見有位即刻訂位，滿心期待～呢間本來係我最喜愛既自助餐。沙律、魚生、海鮮還可以……熱食同甜品好一般，仲有下價的點心……Table setting有d逼……唯一可取，服務態度唔錯。整體質數都下降，不值一試。

多謝朋友提早成個月book位同我慶生，傳說中好難book嘅一間酒店buffet，終於有機會試吓。大約6:30入座，先試冷盤，有常見cold cut，沙律，日式食物有刺身（三文魚，吞拿魚，油甘魚，甜蝦等），有4-5款壽司。熱葷主要有中式，西式，和印度，比較特別有北京填鴨，花膠，海參，鮑魚。甜品方面，基本雪糕，蛋糕有幾款，水果，另外有原隻熱情果。冷盤幾好，日式魚生夠新鮮；另外有長腳蟹，龍蝦仔，麵包蟹等等。熱葷方面，中式比較特別，但全部都偏鹹。甜品，基本貨色，冇乜特別。另外，可能座位問題，好大風，加上冷氣好勁，食物好快就吹凍曬，所以坐得唔太舒服。

1）訂座體驗 🍽網上預定：想去Harbourside食buffet，一定要提早訂！ 假若想特定日子去食嘅話，就更加要較定鬧鐘🕑，好似買演唱會飛咁。點解咁講呢？話說，為左5月31日晚同好朋友慶生, 我當時係3月1日早上10時正個網上訂位一開始就即刻訂嘅！🎊🎊Walk-in又得唔得呢？🤔🤔根據我地當晚嘅目測喺有咁嘅可能！不過建議喺8點30分後試試。因為平日嘅晚餐自助餐由6點開始，有好多客人食到8點30分左右就已經結脹離座，所以佢地都會安排左啲walk in客入嚟。2）食品款式同質素🥘🍲🥞冷同熱盤嘅款式尚可😊，但甜品就一般般喇🥲！刺身好新鮮，特別係帶子好鮮甜。麵包蟹多膏，好食！凍蝦蟹腳都有供應，但就無特別驚喜。熱盤必食當然係回本菜鮑魚，海參同花膠啦，不過個汁好咸，如果有得配白飯中和番就更好。另外，片皮鴨比較皮小肉多，所以食左一件後感覺都飽左😛甜品係有啲失望嘅，款式唔多，只有幾款蛋糕，crepe同窩夫。雪糕🍨就比較多款，有8款口味任君選擇。3）服務🤵‍♂️🤵‍♀️話晒都係六星級酒店內嘅餐廳，服務算唔錯。基本服務係做齊，例如收碟速度好快。另外，朋友生日，服務員都有主動過來幫我地影相😊 但整體黎講只可