哈迪斯 (Closed)

早前收到風話就快全線結業所以我響Boxing Day晚專程走過黎食炸雞、牛仔飯、脆薯圈，恐怕永遠成為絕響>_<

今日收到風話哈迪斯係香港既最後2間分店會係明天(06年12月27日)全線結業,所以同男朋友即刻去左中環店食番個TEA.哈迪斯D雞既脆皮真係好過KFC多.夠味,又夠脆,(KFC要食辣先有脆皮,唔辣既齋炸唔脆又冇咁好食...)三藩市芝堡剛剛整起,芝士半溶,加埋煙肉真係好正,跟餐既粟米永遠係同類型產品中最甜最好食...唔知遲D會唔會再番黎呢?定有綠既會係其他方再食...又,係M記呢個又標榜話自己D貨全部係美國貨既同時又可以以人民幣升值,生產價格上升而做借口想架價既同時.(到底M記比我地食既係大陸貨定美國貨?)仲有幾間炸雞漢堡店可以做得住?

今日坐巴士見到灣仔的分店已經圍了板, 相信已經執了. 之後到了中環又見到哈廸斯, 就試了三藩市芝堡餐.- 三藩市芝堡: 整體比較乾身, 加番多d醬就更好味.- 脆薯圈: 太耐冇食, 所以覺得好正!

一直都好鍾意食哈廸斯, 但真係越執就越多, 得返幾間。我依家成日都要特登去中環果間食12月11日先去食完, 叫左2件雞, 一盒飯, 煙肉堡, 薯圈, 同男友2個食。除左個飯麻麻地, 其他依然好好味!希望唔好咁快執哂啦!!

去左去買左fish burger 餐....未食過.....平時成日只係食三藩市個個包...叫左薯圈.....好好味呀

我成日都食hardees o既牛仔飯/德州意粉meal,$2x, 有個飯/意粉, 有2件雞加多杯汽水真係好抵,2隻都好好食!!! 其實我真係幾鐘意食hardees,佢d雞醃得好正, 同埋唔會好似kfc咁炸到好乾身,當然hardees o既脆薯圈更加正到唔駛講野啦,而家執到淨返咁少分店, 真係唔就腳啦...同埋呢間都幾乾淨, 我覺得hardees同mcdonalds都乾淨過kfc.......

20050818 6.30pm做gym 前先食o的o野. 最近forum 有人談及哈迪斯將會全線結業(後証實為流料一單), 都好wor, 橫掂都一段時間無食過.要了一個最近在做promo 的海鮮粒粒套餐($26), 相入面金黃飽滿大大粒好靚仔. 好吸引, 而且難得套餐不是跟薯條, 就要了一個.套餐有海鮮粒粒(12粒)一兜, 肉醬熱狗一個, 一杯Coke Light (只有檸檬味), 其實哈迪斯的熱狗一路都做得唔錯, 另一款甜狗比永樂園的還要好吃. 這個肉醬的也不俗. 唯獨是這個海鮮粒粒真係唔多掂, 雖則是即刻炸起熱到辣親我o既口腔皮, 但係味道麻麻, 海什麼鮮? 蝦丸就蝦丸啦! 而且超細粒, 同相貨不對辦.然後我又另外要了一個炸雞上脾($9). 哈迪斯的雞我一路都覺得比肯記的好, 皮脆肉嫩. 不過呢次既就麻麻地.收銀果條o靚仔十分無禮貌, un-身-un-世, 態度輕挑.另外十分不明白為何哈迪斯的燈光總是這麼暗? 慳電嗎??? 和一定有一股怪味. 如果哈迪斯不想全線摺埋真的要改善一下了.

個包仍然係keep住新鮮即整, 不過唔好食.魚肉較腥.而且今次個女仔態度都唔得, 妙咀妙舌.唔知係咪佢跟餐有雪糕送, 但我又唔食雲呢拿所以唔要,佢聽到我話唔要時有d驚訝然後黑口黑面擺番入雪櫃

4點左右人流都幾多, 估唔到野食仍然係好似即叫即整.(因為唔係我叫所以唔知)嗌左雞上脾加薯圈, 隻脾非常之熱, 一咬開爭d俾流出黎既油辣親.不過味道麻麻地, 又唔滑又冇咩味.

8點9左右黎到, 經理同職員已經好似準備收工一樣. 餐廳內亦都只係得番三四個食客.必食既磨菇芝堡冇左, 望住個MENU諗左好耐都唔知嗌咩好. 個經理好好冇吹我又冇煩住哂又冇行開靜靜咁等我開口嗌野食.最後嗌左個三藩士芝堡套餐, 以前SUMMER JOB做過MCDONALD, 夜晚廚房會做定好多包響個爐底, 買哂爐面上既就SIR出黎. 但依到好好, 冇做定響到, 我嗌左個餐之後即刻嗌廚師整, 連薯條都係即刻炸(MCDONALD都會炸定幾盤響到夜晚可以早D洗機).個女侍應好好. 等緊野食時會好有禮貌「小姐, 你個包呀, 薯條仲炸緊, 等多一陣就得架喇」同佢講唔該佢都會話唔駛客氣. 肚餓時等都等得願意D.講番D野食, 個包面同包底都好薄, 就連塊牛肉都好薄, 食完成個包都唔覺有佢既存在. 但個包好味烘到好脆. 芝士好香, 煙肉有D乾身但又唔會乾到食樹皮咁, 幾有煙肉味, 不過都係唔鍾意硬身既煙肉.值得一提既係佢果塊蕃茄, 好厚身又大塊, 個樣好靚仔紅卜卜, 唔似某D快餐店又薄個邊仲呈黑色.薯條岩岩炸好既關係熱辣辣, 始終都係粗薯好食D, 話就話細薯條, 但份量都唔少仲要咁好肉地, 四包茄汁都唔

新出既三藩市蝦堡幾好食，不過個飽食到中間有D淋!都係薯圈最好食，好過薯條好多架!!$25個餐唔多低食!

今日lunch 買左呢個set,不過好似無乜芝士咁啊~~不過依然係好味;本來我想要白汁雜菌飯架,不過無晒....我覺得佢同M記各有各好,M記既魚柳包係我既至愛,薯條就兩間我都一樣咁中意;我都唔想HARDEE'S咁快執~~~

好鍾意食佢個三藩市火腿芝堡, 雖然個包有時會煎得油左d, 但係夾埋d芝士同埋火腿,真係好惹味,正到痺! 我希望佢唔好執呀, 最好就o係彌敦道開間branch添丫! 因為對我黎講佢o既分店都幾唔就腳呀!p.s.見佢出左個三藩市炸蝦堡, 唔知好唔好食呢? 連埋薯圈,汽水先至$25, 好抵咁喎! 不過我驚佢個炸蝦餅好似o個d日式魚餅咁, 成舊麵粉糊咁! 有人食過o既話俾d comment丫!

唔係真係要執呀嘛!! 我即刻去同朋友食tea!! $15有汽水, 薯圈同雞脾!! 好味道!! 至愛哈迪斯薯圈, 牛仔飯, 德州意粉!! 薯條同雞都好味!! 唔好執呀!!!!