遙 (Moved) New Location

平時很少到佐敦搵食, 經朋友介紹後來了這間日本料理試試, 那晚是約了舊公司同究兼好兄弟一齊試菜的...入坐尚算容易, 不用久等, 坐位也挺寬敞, 燈光柔和, 略嫌播放的音樂或日本歌不能與裝修及氣氛融合...可以改改..本身舊同事尤愛杯中物, 點了酒精濃度15度的日本清酒..350 毫升 $380, 有清酒當然不少得佐酒良伴 ~ 串燒啦..點了煙肉蠔卷, 牛舌, 牛舌好有厚身, 燒出牛味, 不會有牛腥的味道, 很爽口, 煙肉蠔卷, 略嫌時間燒得過了點火, 少少乾了, 但蠔本身也有汁及肥美..以上兩者皆是佐酒最佳配搭..而清酒的酒精度剛好, 入口不搶口, 沒有火燒喉嚨的感覺, 飲萵挺舒服的..好像叫甚麼....茂, 主菜叩了一個二人套餐, 有蕃茄沙津, 很爽脆, 沙津汁很開胃, 配搭得很好, 廣島蠔及野菜天婦羅, 脆漿很脆, 蠔吃得出有汁, 炸得沒有過火, 仍然可以保留蠔應有的鮮味, 燒三文魚腩及牛油凡立貝, 三文魚腩燒得外香, 內仍帶點粉紅色的..火路控制很很好, 廚師是用心去看時間去煮這一道菜, 而不至於把整塊三文魚腩弄熟而失去鮮味及口感, 牛油凡立貝亦煎的很香很惹味, 略嫌稍為細了點

兩年前,初到佐敦工作,第一次到這小店,印象好好,但當時對佐敦食店很陌生,所以週圍試,忘記左這小店直至上星期,朋友約我食飯,問我試過<<遙>>未,我才記起它!!一行四人,約晚上七時半到達,裝修無變,但見到明顯多了很多清酒款式。坐落好快就落好柯打(朋友對該店之食物很熟悉,明顯係該店之常客)刺身拼盤、芝士年糕、塩燒三文魚頭、釀蟹蓋、串燒.....(朋友唔飲酒,所以無點清酒飲,但下次一定試)刺身好新鮮、釀蟹蓋係我見牆上黑板推介而點,果然無令我失望、其他都好美味。係三文魚頭略嫌淡少少,好彩點三文魚頭之酸汁好好味,令食落都OK!!樓面招乎都,OK!!總括來講,這兩年內我試過該區眾多食店中,該店之食物質素算是很高的一間,我唔會再忘記它了

路過佐敦恆豐酒店附近, 見到有間日本野, 細細間, 走入去試一試, 又幾好食 bor, 叫左個 set, 有:三文魚他他燒沙律, 超豐富刺身 (個帶子超大隻!)大蝦天付羅 (隻蝦超大, 一隻夠兩個人食)鵝肝拼帶子牛扒 (鵝肝 yummy~~~~)牛油焗烏冬 (已經開始飽..)甜品可以一試!

位於佐敦的德興街可算是一個旺中帶靜的地方 ---- 外頭是人及車潮熙來攘往的彌敦道。從恆豐酒店旁的小街走進去，赫然發現這裡是如此的寧靜。與出面車來車往、人頭湧湧的情況比較，正是有雲泥之別....對這條街一點也不陌生，因經常光顧身處於街尾的順德菜館"樂壽"。就在"樂壽"前面的幾個舖位，開着這一間名為"遙"的日本菜小館。看樣子好像頗對路的，翻看食友們的評語，得知大多都很正面。由此就加強了一試的信心...選了一個平日兩口子前來，差不多有大部份時候是包了整個場的。這也是當初已預料得到了....侍者隨即端來餐牌，留意到有數款東西有特價優惠，其中更有我倆的心頭好海膽刺身及串燒。那就當然不能錯過....海膽雖是從加拿大來的，但食起來也覺有少許海水味且覺鮮甜creamy。用脆脆的紫菜包裹着去吃，是一道很不錯的前吃....串燒拼盤一客六串，既有大路的燒雞翼、青瓜，亦有特別的免治雞肉棒及煙肉腸仔卷。串燒大部份用上汁燒方法處理，略嫌單調了點，不過在處理食材上，這裡還是做得可以 --- 雞翼是皮脆肉嫩的；免治雞肉棒則內藏不少軟骨，有肉味之餘更多了一份爽脆。另一難得的是伴吃醬料竟有如海鹽、蜜糖芥茉及甜酸醬可供選

次次番學放學都經過呢間鋪頭,好好奇入邊d野好唔好食,終於的起心肝同個FD入左去食!!!!!↑賣相好吸引,滿足哂我3個願望..想食的野食到哂↑粉漿唔會太厚..唔錯↑哈哈~午市黎食+$10有小食..本身咁平都冇咩大期望, 點知一黎到,件三文魚又厚又肥美,忍唔住手叫左2碟,正!↑嘿嘿,碟鵝肝多士一上枱,兩塊鵝肝仲有嗞嗞聲嫁,應該 係岩岩煎好~一咬落去,鵝肝的油滲入左d多士到,真係 好香,好好食,絕對推介!!!!!!!!!!　↑鹹左少少,但都值得一試牛舌:心急得制唔記得影相就食左落肚,哈哈xD 呢餐飯食到我地好滿足>3<見到佢個餐牌出左D定食搵日再去試下=]

星期六去睇戲之前，親愛的話帶我食日本嘢，之前都好想嚟試下，不過太忙冇時間，今次終於可以試下~~軟殼蟹沙律 超多菜，同埋軟殼蟹好香口 雞軟骨餃子 呢個唔錯芝士年糕 親愛的極力推薦，果然冇介紹錯，好香芝士味，年糕好煙韌大蝦野菜天婦羅 唔，冇乜特別鵝肝多士 親愛的知我鍾意食鵝肝，特意點呢個~~ 勁香口，好多油，啲油仲滲入去多士度甜品 唔記得呢個甜品係咩布甸，不過都幾好食 仲有兩個菜冇映相三文魚刺身 鮮甜，好耐都冇食過咁正嘅三文魚牛肉拉麵 好足料，同埋牛肉好肥美~~親愛的冇介紹錯，希望遲啲再嚟食~~

座位唔多,大約得20+位左右去到時有2枱人食緊,走左之後得我地一枱七味炸薯角,最好味,一定一定要試有三隻醬,第一隻辣辣地,超好味第二隻沙律醬,第三隻芥末醬就係為左佢而幫襯好好味,不過唔夠芝士味喜愛食魚的朋友差唔多一個人食晒~kekee仲有一碟豬頸肉$485個人叫左13碟,飽到唔郁得埋單$924

由於今次係同家人來食..所以就遇先訂定左位..小店最近推出左龍蝦餐和鮑魚餐..老板極力推介.話龍蝦鮑魚都保證有一斤重.都只係78百文..聽落又真係幾抵..於是就訂左兩隻鮑魚..一隻做刺身.一隻做熟食 去到之後就叫左d散野食...有軟蟹沙律..芝士年糕..鵝肝多士..火焰牛柳串..毛蟹..燒花魚..燒羊扒..炒飯.. 軟蟹沙律-軟蟹仲有少少熱.配拉花既辣沙律醬..味道幾特別..不過本人不太喜歡辣.. 芝士年糕-好香芝士味..咬落仲有芝士流出來..正 鵝肝多士-鵝肝煎得岩岩好..外有少少濃.入邊全是油..多士亦好脆口..鵝肝油滲入多士度.好香..而且仲做緊特價.必食推介 火焰牛柳串-出場好有氣勢..好有牛味..但嫌調味太重和有d辣.. 毛蟹-普通size..不過2百幾文算平..聽老板講仲可以做煲.貴少少..不過我都係中意凍食 花魚燒得有少少濃..不過肉質唔錯..都幾香..配搭柚子醬汁.能提高魚鮮..唔錯唔錯.. 燒羊扒-燒得比較熟..我都係中意食生生地...但調味調得好好.而且冇so味.. 主菜-鮑魚刺身拼盤..大大盤.超靚.鮑魚好新鮮.好有鮮味.

放工用朋友去了這間日本小店食lunch, 點了兩客lunch set, 有面豉湯, 牛肉鳥冬, 天婦羅面豉湯好味, 不太salty, 鳥冬雖然不是稻庭鳥冬, 但也不錯(轉稻庭好似要加$30)下次晚市要試下刺身及串燒 =)

上星期放工後和同事來左呢間小店食野..係同事食過話好正所以帶我來... 一進店子.感覺好舒適.柔和燈光配上柔和既音樂..店子雖小..但好四正..包場搞聚會開party一流 由於天氣凍..我地選左個海鮮火鍋配豆漿湯..一個關東煮..一個咖哩牛脷煲和一些刺身同海膽 海膽一個令我眼突既數字--只售$58..就叫左板睇你咩貨.竟然係日本馬糞膽.仲有紫菜同青瓜..制作一d都差..海膽仲很新鮮.. 叫左一客三文魚刺身..可以我同事係熟客..來既竟然係三文魚腩.正正... 咖哩牛脷煲..厚厚既牛脷咬落好淋..一d都唔硬..咖哩亦好香.. 關東煮...湯底好特別.亦好鮮甜..同平時食開既雞湯湯底感覺完全唔同...但材料大致相同..材料都有十多種...呢個關東煮都算成意之作 火鍋配豆漿湯感覺好新鮮..香嘖嘖既淡豆漿配著蔬菜底..海鮮方面有三文魚..魷魚..鯛魚..帶子..蟹柳等等.有7.8種 整體來講係一間會一去再去既店子.老板為人親切友善..招呼又勤快...上食物時間雖慢..但正岩我慢慢嘆既飲食之道..價錢好公道.一d都唔覺得貴

本來想到三妹嘜食泰菜, 但無位, 想起了這間日本菜未嚐過, 就按著Openrice的地址從德興街尾走到到街頭, 都找不著, 以為眼花。又再走回街尾, 都搵唔到。打電話給此店問路, 店主說其實是德成街。"樂壽對面嗎?""對"找到了, 店舖很小, 但很舒適, 店主很客氣, 人不多, 連同我和女友, 只有三枱人。喝著清茶, 坐在藍色的卡位上, 望上菜牌發現選擇不多, 也沒有壽司類。女友不餓, 所以不能多點, 兩個人只點了如下的菜式。海膽一板是特價的菜($68): 是合格的, 但不是很鮮, 有紫菜和青瓜絲給你同吃, 紫菜的質素一般的很, 不脆是其敗筆, 但以此價來說, 總合是可以過關的。焗雜菌錫紙上用刀打了個十字, 用筷子細細撕開, 即聞到牛油和蒜香。菇類有: 雞肶菇, 冬菇和金菇, 吸收了汁底而帶出了甜味, 爽口而彈牙, 是一道做得相當不錯的菜式, 只是那個炸蒜蓉有點硬和黏牙, 所以扣了點點分。煙肉蝦米炒飯名字奇怪, 本來不抱厚望, 那知卻是最精彩的一碟炒飯。上枱即聞到很香的炒飯味道, 未吃先吸引。煙肉不肥, 都被去了肥的部份, 只留下瘦肉, 再炒過, 所以很香口。蝦米是日本1cm長的小蝦,

朋友我知道我經常試食新食店，拿著宣傳單張來介紹我中午試試這間店舖細細的日本餐廳，於是就中午來試試，感覺不錯，可以再來試其他定食價錢屬中檔叉燒烏冬叉燒四塊嫌少了些，勝在味道不錯，肥瘦肉平均致肉質不粗硬所以若價錢恰當而份量少但質素合格以上，絶對是消費者得益烏冬軟腍適中，湯底清之餘又有日式湯風味 香草三文魚扒飯香草味清新，令三文魚不致有魚腥味，灑上微芥辣味的白芝麻，感覺特別，白飯軟熟，不知不覺下把這碟飯吃得一乾二淨，我覺得食得不要浪費食物曾過見到一位女士把一碟飯食剩4分3碟，心想著如何建議她下次食飯不如只要只4分1碟飯，以免浪費食物 小食: 野菜沙律配柚子汁野菜新鮮脆綠，沙律清怡 小食: (超肥)三文魚刺身 (3片)忘記了另加多少錢要一份小食，三文魚超肥，啖啖肥油從牙縫間滲出來，溶在口腔內久未散麵豉湯，味鮮而豆味濃，有日式昆布(海帶)豆腐粒粒奶茶一舨，反而檸檬茶較濃茶味地方細細的餐廳不常坐滿，卡位坐四個人十分擠迫

朋友係外國返黎 就黎呢度同佢食餐lunch之前有朋友話呢度lunch抵食終於有得試下三文魚沙律拉麵 賣相好靚d麵都好夠凍呀 哈哈三文魚面頭熟入面生食落去好似出面硬硬地 入面就腍腍咁樣魚生沙律配雜菜烏冬放落黎我以為係我另外點果個沙律咁大兜 但係上面又無軟殼蟹問下侍應先知係餐既沙律好好味 魚生都好多 !!雜菜烏冬一碗咁 無影到main menu內的軟殼蟹沙律朋友之前話呢個好好味又抵食 叫我一定要試搞到今日好似點左好多沙律咁真係好好味呀同埋軟殼蟹入面有膏既 (?!)好香 同埋應該係岩岩炸起 好熱 哈哈+10蚊小食 八爪魚丸都ok啦 無咩特別驚喜

尋日再來食呢間日本野(之前食過)..依然係甘正.仲推出左好多新野..連2人餐都轉埋..仲加多左兩個套餐....本來好想叫個sake餐試下..因為真係好抵..不過朋友唔飲酒.冇辦法.. 佢有2人餐同4人餐..我地3個人就散叫左d野食..有芥辣八爪魚..鴨胸沙律...刺身拼盤..吞拿鱼他他燒...燒三文魚頭..大蝦野菜天婦羅..牛油帶子皇..海膽炒飯. 鴨胸沙律個醬汁係拉出來既.好靚.個汁少少辣幾特別.. 刺身有三文魚.牡丹蝦.赤貝等等.好新鮮.好美味. 吞拿魚放得好靚.表面燒過再放上羅白蓉同個醬汁食.好鮮甜..仲好食過toro牙(我覺得) 三文魚頭燒得好香..不過略淡左少少.. 天婦羅個將好薄..炸得好翠..個汁淡淡地好好味.不過油左d. 帶子皇爽口彈牙..好鮮甜好香牛油味.正.. 海膽炒飯炒到一粒粒.又唔油..好香海膽味.正.不過因為太飽食唔晒

見到評語唔錯所以同左男朋友去試。卡位無晒，侍應安排左我地坐六人台，好闊落軟殼蟹沙律－Ｄ菜好爽好好食，個汁都好味道有少少ＳＰＩＣＹ咁三文魚腩刺身－好肥美喔！炸芝士年糕－入面芝士好熱，勁好食！仲將成舊係咁ＹＵＭ個汁炒雞腎－個名係蒜片炒雞腎，以為一齊炒，原來唔係。但係蒜片好香。男朋友食剩左Ｄ蒜片加埋檸檬汁食，哈哈！牛肉烏冬－個湯甜甜地，烏冬真係好彈牙一人百零蚊左右，坐得幾舒服，地點唔算難搵，但係係彌敦道行入黎唔係好顯眼。成晚ＫＥＥＰ住有人入咁樣，又唔係話好多人。下次成班ＦＲＩＥＮＤ黎多Ｄ野先。