Harvest Beachside

Open Now

Now Closed

最近天氣凍，放假專程預訂咗挪亞方舟度假酒店旗下Harvest Beachside嘅燒烤套餐，可以感受大自然嘅同時又圍著烤盤同一眾好友燒烤👍🏻一路望住青馬大橋嘅美景同餐廳精心設置嘅藤椅,田園風感覺再配合風景感覺好舒適而且呢個套餐超抵食,呢個四人套餐價錢$1,388包括有多樣抵食高質食材：蜜糖茄醬燒的原隻緬甸野生海虎蝦鮮嫩多汁，日式大葱醃的鹿兒島無激素雞肶肉味道純正，越式香茅醃的西班牙杜洛克無骨豬肉眼和美國穀飼安格斯肉眼牛扒則各自展現了肉質的鮮美和細嫩。松露醬牛油雜野菌和德國紐倫堡腸的加入，性價比極高。

之前上網見人介紹話馬灣挪亞方舟度假酒店 Harvest Beachside可以叫套餐嘆BBQ今次4個人去叫左個Chill極致海陸空活海鮮燒烤套餐，人均$500唔洗就可以食到高質BBQ要讚下個景真係不得了，坐擁180度青馬大橋及沙灘海景，不用就角度都可以打到張靚卡，冬天黎都唔會話好大風，真心推介多款尊尚美饌大滿足! 一坐底就食左個手造迷你澳洲和牛漢堡，和牛多汁又juicy! 之後仲有越式香茅醃澳洲保濕豬鞍、有機露絲瑪莉醃紐西蘭羊扒、日式大葱醃鹿兒島無激素雞肶肉、美國穀飼安格斯肉眼牛扒等等，肉靚就唔洗講，調味好正好入味，質素好高海鮮推介香料蕉葉烤紐西蘭海鱸魚柳同蜜糖茄醬燒原隻緬甸野生海虎蝦，魚柳厚肉嫩滑，虎蝦大大隻好彈牙，唔夠仲可以額外自費添選燒烤美食及飲品，下次會再來

最近天氣凍凍地最岩約埋班FD BBQ，今次就去左位於馬灣既挪亞方舟度假酒店 Harvest Beachside燒烤，個環境好大好靚，無遮擋青馬大橋同沙灘海景真係不得了，打卡一流野食方面，今次我地叫左個4人份既Chill極致海陸空活海鮮燒烤套餐，$1888 4個人都唔算好貴! Package有好多好野食，越式香茅醃澳洲保濕豬鞍大大塊厚身好juicy，有機露絲瑪莉醃紐西蘭羊扒冇羊羶味，肉味濃口感不錯經典款有日式大葱醃鹿兒島無激素雞肶肉、美國穀飼安格斯肉眼牛扒，雞肶肉好滑，肉眼牛扒大理石紋豐富有彈性另外仲有好多高質海鮮，包括魚柳、野生海虎蝦，全部都好新鮮，推介!

冬天最適合就係BBQ，上網睇發現挪亞方舟度假酒店搞左「Chill饗海景燒烤盛薈」 🎉可以一邊望海景一邊燒嘢食，環境仲幾啱打卡，一家大細或者朋友聚會都幾啱👨‍👩‍👧‍👦套餐有兩款，貴啲個款有成十幾款美食，主要多咗以下食物，如越式香茅醃澳洲保濕豬鞍、有機露絲瑪莉醃紐西蘭羊扒、手造迷你澳洲和牛漢堡🍔香料蕉葉烤紐西蘭海鱸魚柳，價錢相差只係$500，難得黎到就食好少少🤑羊扒油花分布均勻，沒有一般羊隻的腥羶味， 肉質軟嫩不會乾柴💯肉汁都好多，幾欣賞餐廳提供韓式梨蓉醬，風味獨特，可以解一解油膩感，另外豬鞍帶有油脂，所以煎耐左都唔會好乾，配越式香茅調味都幾惹味，成個套餐好豐富，大家都食到好飽😋

一到冬天寒風陣陣，就會好想圍爐取暖，同一班親朋戚友一齊BBQ吹吓水睇吓星星喇。挪亞方舟度假酒店露天餐廳 Harvest Beachside，見佢再推出「Chill饗海景燒烤盛薈」就吸引我地去book位嚐鮮！最中意係大家可以一邊享受青馬大橋嘅美景，一邊享受即燒即食嘅樂趣。今次這個4人套餐，包含多款高質食物同海鮮，如日式大葱醃鹿兒島無激素雞肶肉、香料蕉葉烤紐西蘭海鱸魚柳、有機露絲瑪莉醃紐西蘭羊扒、蜜糖茄醬燒原隻緬甸野生海虎蝦、手造迷你澳洲和牛漢堡、越式香茅醃西班牙杜洛克無骨豬肉眼等，味道豐富、賣相吸引。每份都以唔同醃料調製，食物燒烤過後，非常惹味。再加埋青馬大橋壯麗嘅日落美景，坐喺餐廳嘅籐椅同梳化度，真係令人好放鬆。

最浪漫既冬日又到了，之前和朋友去挪亞方舟Harvest Beachside食「Chill饗海景燒烤盛薈」享受上乘海陸美饌BBQ，瞭望著青馬大橋既海景😍，環境開揚，清幽優美。岩晒成班朋友同家人去燒烤，對住火爐感受到暖笠笠既感覺，當中有很多款不同種類的美饌，例如有機露絲瑪莉醃紐西蘭羊扒（好香羊味，唔膻）手造迷你澳洲和牛漢堡、越式香茅醃西班牙杜洛克無骨豬肉、香料蕉葉烤紐西蘭海鱸魚柳（啖啖魚肉）日式大葱醃鹿兒島無激素雞肶肉（香口嫩滑）、蜜糖茄醬燒原隻緬甸野生海虎蝦（口感彈牙）等…全部食物都好美味😋坐在青馬大橋賞夜景，聽著海浪🌊聲，感覺好浪漫又放鬆，so chill 😎👍🏻

趁着聖誕假期，住喺馬灣嘅朋友約我哋一齊入去行吓，仲book呢間BBQ天氣咁凍圍住個火爐就最舒服最暖🥰我哋就揀咗個四人燒烤套餐”Chill極致海陸空活海鮮燒烤套餐”優惠價HK$1,888包括以下既美食：越式香茅醃澳洲保濕豬鞍有機露絲瑪莉醃紐西蘭羊扒手造迷你澳洲和牛漢堡香料蕉葉烤紐西蘭海鱸魚柳蜜糖茄醬燒原隻緬甸野生海虎蝦日式大葱醃鹿兒島無激素雞肶肉美國穀飼安格斯肉眼牛扒全部都係上乘嘅材料醃料味道都啱啱好特別推介野生海虎蝦超級大隻，厚肉爽甜彈牙！😍仲有越式香茅醃澳洲保濕豬鞍用咗香茅醃製，燒完好香好惹味重點係唔會乾身，保持到肉汁另外雞髀肉都好正日式大葱好甜，同嫩滑既雞髀肉一齊食無得輸海鱸魚柳都好正，好滑keep到肉汁又鮮甜除左以上特色肉類都仲有其他例如蝦丸、迷你和牛漢堡都ok架大愛牛油大啡菇，好juicy！！🤩🤤另外套餐仲有汽水8罐醬料、燒烤叉、手套及木炭都有埋包3個鐘烤爐＆開爐係方便之選🙌🏻🙌🏻加上呢個環境可以望住青馬大橋，加晒分👍🏻😝下次都要叫埋其他朋友試下

新一年新開始，要對自己好啲🥳最近搵到間環境好正嘅BBQ，可以望到青馬大橋全景，餐廳屬於酒店旗下餐廳，一個價錢全包，帶個人去就得，唔洗麻煩自己準備。叫左個最近做緊promotion嘅Chill極致海陸空活海鮮燒烤套餐，酒店餐廳黎講好抵食，一路燒一路望住出面一望無際靚景，配搭埋風藤椅，感覺似去左度假，好適合打卡✨食物方面，全部嘢食都係貴價食物，啲扒好大件，醃到好入味，肉質鮮嫩多汁，野生海虎蝦新鮮甜美，真係一分錢一分貨。雖然呢個係4人套餐，但因為好多肉，4個人都食唔曬。套餐包括越式香茅醃澳洲保濕豬鞍、有機露絲瑪莉醃紐西蘭羊扒、手造迷你澳洲和牛漢堡、香料蕉葉烤紐西蘭海鱸魚柳、蜜糖茄醬燒原隻緬甸野生海虎蝦、日式大葱醃鹿兒島無激素雞肶肉、美國穀飼安格斯肉眼牛扒，仲有啲蔬菜、麵包同飲品

之前去咗Harvest Beachside食BBQ，唔止有美食，仲可以配合壯麗青馬大橋美景，真係好正好靚啊！加上海浪聲同涼風吹送，真係食得開心又放鬆！佢哋有個Chill極致海陸空活海鮮燒烤套餐，其中包括有機露絲瑪莉醃紐西蘭羊扒，肉質嫩滑多汁，每一口都好入味！以及蜜糖茄醬燒原隻緬甸野生海虎蝦更加鮮甜美味，一啖落去就係咀嚼間嘅幸福感！仲有手造迷你澳洲和牛漢堡，肉質極嫩，加上鬆軟漢堡包，絕對係漢堡迷嘅最愛！！有成十幾款美食，食物唔單止好食，環境更加令人心曠神怡。餐廳位於海邊，你可以一邊品嚐美食，一邊欣賞青馬大橋嘅景色。海浪聲伴隨住享受美食，與朋友或家人一同暢聚，真係一種舒心嘅享受！

朋友最近試過挪亞方舟酒店入面原來有間BBQ餐廳，好高質又有靚景💕係放假之前就卜定紅日去，識揀梗係揀黃昏時間啦！可以順便睇埋日落😍好浪漫！馬灣本身都已經好有渡假feel，入到去個露天餐廳，即刻要打卡！好有外國feel!好舒服呀😻😻仲要對住條青馬橋同汀九橋好有特色!!!套餐有2個嘅一個係「Chill滋味燒烤美饌套餐」另外一個係「Chill極致海陸空活海鮮燒烤套餐」！對比過後揀左後者，因為大家本身都鐘意食海鮮🦞有個燒烤網放係上面燒，勁方便，聽到啲噝噝聲，聽到流哂口水！肉眼扒、豬鞍、和牛漢堡都好高質，虎蝦新鮮又彈牙，魚柳夠嫩口，邊食邊滿足！呢個套餐最正係2手fing fing 去咩都唔洗預備就有，包哂所有野，仲要每人兩罐汽水！🥰記得要3日前預訂㗎！上網就有，都好方便！

又係bbq 的季節，唔想自已準備bbq的用具同食物，燒烤場係不二之選。燒烤場來來去去都係嗰幾個，今次終於去新地方la, 係對住青馬大橋同無敵大海景的珀麗灣挪亞方舟酒店。bbq在酒店，環境同食物都比一般燒烤場好得多，價錢也相差不大。燒烤套餐（Chill極致海陸空活海鮮燒烤套HK$1,888 ）有齊不同肉類同海鮮，照顧到唔同人的喜好，如有香茅醃澳洲保濕豬鞍、有機露絲瑪莉醃紐西蘭羊扒、手造迷你澳洲和牛漢堡、香料蕉葉烤紐西蘭海鱸魚柳、蜜糖茄醬燒原隻緬甸野生海虎蝦、日式大葱醃鹿兒島無激素雞肶肉、美國穀飼安格斯肉眼牛扒等，食材全是高質，仲有腌料調味適中，帶出食材的鮮味，加上bbq的燒烤味，正。而分量都唔少，我地4個人食完都捧住個大肚腩走，大滿足。

咁凍又適逢公眾假期就同一班朋友諗住去BBQ 👍🏼見到網上有推薦原來挪亞方舟酒店入面有得BBQ，就預先book咗下午時段！勁靚呀！！好似去咗外國一樣，有啲籐椅同梳化，好舒服好似渡緊假咁，好chill!啱哂一班人一齊去😋我哋今日一家4口齊哂人，就揀咗Chill極致海陸空活海鮮燒烤套餐😆好豐富!!!4個人每人$500都唔洗，性價比高喎！入面啲野食，一上嘅時候我地都哇!!手機食先😍好澎湃!!好多野食！而且賣相一流，絕對啱哂打卡！有香茅醃澳洲保濕豬鞍，勁大塊😻又有機露絲瑪莉醃紐西蘭羊扒同手造迷你澳洲和牛漢堡，好正😋香料蕉葉烤紐西蘭海鱸魚柳、蜜糖茄醬燒原隻緬甸野生海虎蝦，超新鮮彈牙🤤日式大葱醃鹿兒島雞肶肉、美國穀飼安格斯肉眼牛扒，同埋好多腸仔😋一定夠哂食！！我哋慢慢食，再飲下汽水咁就嘆咗個假期啦！！套餐入面仲包咗8罐汽水，各式醬料同埋所有燒烤工具，所以好輕鬆就搞得店！！正呀🤤

小朋友生日，揀左去挪亞方舟度假酒店STAYCATION🏨至於晚餐方面就BOOK左Harvest Beachside食BBQ🍖岩哂呢排咁凍既天氣！.我地揀左時段二去食，時間由晚上6點至9點，我哋叫咗 Chill極致海陸空活海鮮燒烤套餐$1,888個SET來食~🤣呢到環境都幾靚，可以見到青馬大橋同埋沙灘海景，好CHILL🥂食物方面，套餐供4位享用，如果唔夠食先再加，但最後我地都食唔哂，因為份量真係幾多🙈好在冇額外再ORDER~呢個餐有蜜糖茄醬燒原隻緬甸野生海虎蝦🍤肉質富彈性口感，撒點海鹽就超好食😋仲有德國紐倫堡腸，大人細路都好鍾意食❤仲有手造和牛漢堡、紐西蘭海鱸魚柳及美國安格斯肉眼牛扒等十幾款美食，大滿足！

聖誕想同班朋友BBQ，但又冇場地，有朋友搵到呢到💯就係馬灣Harvest Beachside，一個價錢包哂地方同食物，食完仲唔洗清潔，岩哂我地呢班懶人🤣套餐包括越唔同調味既豬鞍、羊扒、雞肶肉等等，仲有手造和牛漢堡、紐西蘭海鱸魚柳、原隻野生海虎蝦、美國穀飼安格斯肉眼牛扒。另外仲有8罐汽水、各式醬料及燒烤工具，3小時燒烤爐使用及開爐、燒烤叉、手套及木炭🔥原本想約晚上時間，但可能假日太搶手，所以得返下午時間13:00 – 16:00，一去到酒店已經聞到炭香四溢既BBQ味🤩急不及待快D開始，店員帶我地到食餐區，悉心配置左悠閒風籐椅及餐桌等，洋溢度假氛圍，都幾有FEEL~🎉提供既扒類都幾好食🥩我自己最推介就係美國穀飼安格斯肉眼牛扒，燒既時候油份滴哂出黎，口感軟腍，牛味道濃厚🤤

朋友介紹我嚟嘅Harvest Beachside，的確無介紹錯，交通方便之餘，而且環境、設備及食物都好正👍首先講下環境，個view真係一流，遠景有青馬大橋及海景，不論日夜都好靚，近景就有好多翠綠嘅樹林景，好似去咗渡假咁，而且自成一角，好優靜舒服🥰設備方面，當然有酒店級嘅服務啦，燒烤要用嘅設備齊全，由開爐、燒烤叉、手套、炭、醬料等等都齊晒，照顧得好周全👏食物方面，叫左Chill極致海陸空活海鮮燒烤套餐，套餐食物好豐富，有豬鞍、肉眼扒、羊扒、魚柳、虎蝦、和牛漢堡同雞肶肉，份量十足，又好新鮮，而且食物醃好晒，唔太鹹，我最怕醃得好耐好鹹，佢哋又處理得唔錯，好啱我口味😋推介佢哋嘅大大隻嘅虎蝦🦐，蝦膏好鮮，蝦肉好爽好彈牙，肉眼扒鮮嫩多汁，必食推介！