八月堂 (Closed)

台灣八月堂喺東港城開分店，仲有買5送1優惠，當然約埋班同事一齊試下，lunch 時間未見有大排長龍的人潮，只有十幾個人排隊，好快輪到我地牛角包有多種口味，當中更有期間限定，一於叫足六款不同口味，買5送1嘛(上) 法式苺果、朱古力可頌、蜂巢可頌(下) 迷戀卡士撻、皇家爵士、香濃起士牛角包入口鬆脆，富有層次感，每款都各有特色，但個人覺得無餡料略為單調，所以我都係比較鐘情有餡料的款式例如朱古力可頌，內裡的朱古力漿味道濃郁，口感更豐富！其次是迷戀卡士撻，好香奶油味，口感順滑，外酥內軟！如果我自己一個人食的話，基本上食一個已經充滿飽肚感，所以如果想食多幾款味，當然一班人齊齊share就最適合

坑口美食#麵包呻左好耐 終於可以食到八月堂既牛角包啦！新開幕 有優惠 買五送一重有坑口店既限定焦糖布丁條人龍都真係好長下！1）焦糖布丁 $23外酥既包夾住會震動既布丁 真係夠新潮QQ既布丁 同個牛角包 都好夾但略嫌唔多有驚喜係排隊 見佢快賣晒 又未試過 個心係會亂一亂之外， 味還好吧！2）法式莓果 $19哩隻包 有驚喜 果醬搽麵包 本來係一件平平淡淡既事情但佢既果醬 好正 好驚喜Raspberry 再max 檸檬汁調製嘅果醬酸酸甜甜真係好有戀愛嘅感覺而且隻包非常之脆口 想搵返初戀嘅感覺就一定要試吓呢隻包啦！埋單：$42-#味道7⃣/ 🔟#賣相7⃣/ 🔟 #環境4⃣/ 🔟 （只供外賣）#總評 日式職人既堅 將八月堂 帶黎香港 總要去試下既-八月堂 （將軍澳店）地址：將軍澳坑口重華路8號東港城商場1樓162號舖

之前聽人講呢間鋪好多人排隊，難得好早經過無乜人，所以就買個嚟試吓……我買咗朱古力味，一咬之下，覺得個皮一啲都唔夠鬆及香，同simplyljfe及bake house完全無得比，牛角包內有啲朱古力醬囉……我估呢間鋪應該係特別在有好多唔同味道嘅牛角包，所以吸引到咁多人，而且當然比普通包鋪個啲好食

台灣朋友曾經係法國藍帶學過廚，知道牛角包原材料好簡單，但過程其實好複習，又知我係牛角包lover, 所以一嚟香港就帶俾我，話有人已經肯努力去做，就不如俾💲買，省時省力~將軍澳東港城鋪其實都開咗一段一日，但任何時段都有人排隊，我以為熱潮始終會散，但結果，我都係要排一陣，為嘅…就係牛角包個份酥感…即使唔理佢個"說明書"話點樣第二日食，就咁食都仲好酥車軟，真係可以買定第二日做早餐~唯一美中不足係…好似永遠唔會有齊menu 嘅牛角包…

I am not sure what the hype is but this shop wouldn't be seen open past 4pm because everything would be sold out.The hype is almost over since there are no queues now during the weekdays.The popular choices are the sweet ones but I am more interested in the savoury choices.Settled for the spring onion miso croissant which was crusted with sesame seeds on the top.It was a pretty airy croissant so it was hard all the way through.The miso was quite nice so it was an interesting pairing of Japanese

1️⃣迷戀卡士達迷戀卡士達內裏有卡士達醬，好香嘅奶油香味。初頭會覺得食晒成個包有一種膩嘅感覺，但係食落去唔膩，一食就食晒成個啦！喜愛程度：😍😍😍 ————————————————————2️⃣皇家爵士皇家爵士係有小小巧克力同杏仁嘅味道，外脆內軟，不過我就覺得呢隻味較普通啦喜愛程度：😍😍 ————————————————————3️⃣香蔥味噌香蔥味真係太誘人呀，食落去真係好開胃架！喜愛程度：😍😍😍 ————————————————————4️⃣曜黑芝麻裏面有黑芝麻餡，幾乎咬一啖就流晒D餡出嚟，呢個黑芝麻牛角包竟然係咁好食架！喜愛程度：😍😍😍😍 ————————————————————5️⃣朱古力可頌牛角包鬆脆有可口的朱古力香味，入面仲有朱克力棒，最重要係佢味道唔會太甜！ 喜愛程度：😍😍😍😍 ————————————————————6️⃣牛奶糖可頌牛奶糖可頌入面就有牛奶糖，食落就好似食緊白免糖咁，真係好香呀！🐰 喜愛程度：😍😍😍😍 ———————————————————-7️⃣香濃起司香濃起司外觀已經好吸引，係我最中意既味道，係牛角包頂部有一塊好大芝士，好香好吸引，香濃起司牛角包一定要趁熱食！喜愛程度：😍😍😍😍😍

台灣過江龍牛角包🥐👅👅 八月堂好多味道選擇 款款都好想試😋牛角包香脆可口 建議買完即刻食灸熱明太子$19 內餡香濃起司$19 表面芝士宇治金時$22 紅豆加抹茶cream一口氣買左3個，以為食得曬。女仔拳頭咁大，但食兩個以經好滯。個宇治金時放到第二日，已經唔係牛角酥口感，淋曬😣份量細 同價錢略貴，但少試無疑地址📍太古康山道1-2號康怡廣場南座Aeon Style地下G11號鋪坑口都開左分店👍🏼

莓果牛角包香濃起司牛角包終於試到八月堂既牛角包🥐今次試下一咸一甜既包！雖然由晏奏擺到夜晚先食 兩個包都淋左d 但食既時候仲食倒入面鬆軟既 比起平時食既牛角包口感多d厚d 個人鐘意cheese咸咸地既包多d 雖然得表面有芝士 但每一啖都食倒芝士咸香味 唔知熱個陣係咪流心啲好食啲呢？至於莓果就成個外皮都係 每一啖都有甜味 未至於好香 但可以一試 個人就鐘意咸包多啲價錢黎講都比較貴 但個味道variation好多 岩唔同人口味 一試無妨😇

見到坑口開左呢間牛角包店，之前開喺太古太遠一直無乜機會試，依家終於可以試下。坑口獨家既焦糖布丁可頌本來好期待有好重既焦糖味，但食落真係好似將啲統一布丁放上牛角包咁，無乜驚喜。如果牛角包係熱少少應該會好食啲，但佢啲酥皮係幾鬆脆，有加分。

本身自己都幾中意食牛角包，今次呢間由台灣開到去香港，更加要試下la布丁味（$23）佢個面係脆嫁，少少焦糖味，真係外脆內軟，入面有d cream，唔會好漏，不過布丁唔多，得一條，冇錯，係一條布丁，haha🤣🤣🤣，但加埋一齊食真係好正，佢個牛角包超鬆軟，真係好好食，呢23蚊好值!吉士味（$20）佢既外表雖然冇布丁靚，但係入面d 吉士好正，超creamy，而且唔會太甜，夾埋牛角包一齊食超級正。建議食嗰時沖埋杯紅茶一邊飲一邊慢慢嘆。

👭八月堂 (將軍澳)👭雪花檸檬 $18包既表面上佈滿檸檬糖霜，食落係好清新既檸檬味🥰勁開胃🤤糖霜又唔會過甜，反而突出到檸檬既酸。38私心推介👍🏻焦糖布甸可頌 $23呢款口味係東港城店限定。布丁好香濃雞蛋味😚好順滑，但係就食唔到有焦糖味😖炙燒明太子 $18牛角包餡係明太子醬，雖然無食到一粒粒既口感🙂但係超出38預期既好食🤩味道甜甜地之餘，明太子既鹹味都好突出。建議想食鹹味既朋友仔試呢款☝🏻迷戀卡士達 $20吉士醬口感香滑，但係整體無咩特別，建議可以試下其他口味先😏香濃起司 $19雖然呢款只係無餡牛角包加表面有一片芝士。望落比人感覺平平無奇，點知好有驚喜😍佢既芝士味好濃，加上食落有少少香草味，整體配合得好好！🤪皇家爵士 $18黑朱古力分量岩岩好，食晒一個都唔會覺得甜到漏。推薦比鍾意食朱古力既朋友😚無論食咩口味都好，最緊要都係主角「牛角包」🥳呢間店既牛角包食落層次分明，完全做到牛角包既特點：外脆內軟😋38尋日去買做緊「買五送一」，如果經過記得買黎試下呀💘推薦度：8/10🏠將軍澳坑口重華路8號東港城商場1樓162號舖🕐10:00am-10:00pm

老公好鍾意食牛角酥，之前撘地鐵見到八月堂D廣告，影到D牛角酥好似好吸引咁，已經諗住開張之後一定要買黎試下!點知開張以黎次次經過都超多人排隊，直到呢日夜晚經過竟然完全唔駛排!雖然剩番既款唔多但都決定買一個番去試下!今次揀左個朱古力可頌。SIZE唔大，咬左一啖已經冇左半個!價錢要$18，有點小貴呢!牛角酥果然係好鬆化，橫切面都睇到入面層層分明，食真D入面係有少少朱古力醬，但個牛角酥本身既朱古力味我覺得唔夠重。$18一個既話我對佢既期望係高D，而今次食過後坦白講係失望既。惟有寄望下次試其他款會扭轉我對呢間店既印象吧!

每次經過八月堂都見到有人排隊，難得今次較少人排，就試下。新店做緊5送1優惠，所以我就同朋友一齊夾份買左6個。店內有焗爐，全部不停自家焗，有啲口味未有可以等一陣，因為會不停焗出泥。。。我就揀左呢2種口味👇🏻👇🏻香港限定焦糖布丁🍮牛角包夾住一條布丁，咬落去我覺得偏甜。牛角酥都吾熱了，但都好酥脆，可以見到裡面一層層好鬆軟。明太子口味意想不到好夾！雖然吾係滿滿既明太子，但一咬去食到牛角包🥐既面都有明太子醬汁。食到好濃既明太子味！真係好好食，我覺得仲好食過香港限定味道🤣不過我就覺得牛角包吾熱係差小小，可能就甘放係度又無heat住，所以放到凍哂，個外表有小小硬。如果熱辣辣一定更加好食！

呢間八月堂全香港得兩間分店，所以坑口呢間未開張之前就已經大賣廣告，個個都好期待🤩到佢開張個日，條隊長到迫爆左tko gateway😱🙈之後既個個月既每一日，就算係平日都超！級！多人🤢所以經過都冇機會試到，今日終於滴起心肝，排隊試下佢，同朋友諗住買坑口限定既焦糖布丁🍮味，點知一張單只可以要一個🤢但又想要買五送一既優惠，結果就買左八個🤯有焦糖布丁🍮莓果🍓朱古力🍫蜂蜜🍯黑芝麻、custard味朱古力同A1 bakery個個一模一樣，但價錢double，唔抵🥺焦糖布丁冇特別莓果酸酸甜甜，最好味👍黑芝麻太甜Custard都正，creamy😋平均一件都要成廿蚊🤢唔會有下次了

有一日放假行話東港城見到好多人排隊就行過去湊下熱鬧原來係新開佐間牛角包鋪頭之後試過夜晚六點幾經過已經全部賣晒今次就11點幾經過就排隊買盒黎試下啦總共有十幾隻口味 $15-$38 一隻牛角包就唔係好大個 價錢都唔算係平因為好多人排隊所以每人就限買六隻咁我就唔執輸買佐六隻 有個盒裝住迷戀卡士達同埋黑糖果兩隻 職員話要一個鐘內食用食唔切就要放入雪櫃另外我個人覺得比較特別既係雪花檸檬有小小酸酸甜甜咁又唔會好飽 係唔錯既選擇黎架